恭喜tracy及聯, 愛情幻像!?

我帶左個電話, 本來同tracy約好大家係IVE見面, 但個電話又唔爭氣, 偏係呢個時候冇電....好在我係最後一個sms同tracy約好集合地點, 希望最後可以見面啦....我等左成二十五分鐘都仲未見到佢哋, 心內開始焦急起黎, 開始擔心佢哋會唔會唔係搭地鐵黎呢, 自己越來越緊張. 突然有個男仔走到我身旁, 比左張紙及卡片我, 話有意搵我星期一去試鏡之類, 話要影全身及半身相之類啦, 其實我當時帶住耳筒聽歌, 其他事項唔係聽得太清楚, 接過佢卡片之後我仲驚, 求下你哋快d到啦~

其實我驚個什麼呢? 我係二年前都成日比呢d所謂既[星探]話影相啦, 多數係旺角, 甚至係中環都有, 又咩硬照, 甚至係飲食男女都有. 我都收左十幾張卡片, 一個星期試過有三次到, 我係度驚個什麼?

佢哋終於到左, 見到有蕃薯, tracy, 阿聯, 波特, 阿光, galan及壞人~我慌張地叫佢哋快d入閘, 蕃薯及tracy都好緊張問我咩事, 我把張紙及卡片比佢哋睇, 蕃薯話多數呃人既. 我都知啦, 可能係咁先至驚吧!? 成大班人去到旺角, 竟然見到tracy同阿聯拖手....!?!??我當時嚇到呆左, 原來佢哋兩個拍拖啊!? 當然我係開心到呆左果隻, 呢刻真係黎唔切反應......恭喜哂佢哋^^

之後蕃薯介紹左一間叫韓食家既韓國餐館, 有個好好食既豆腐窩呢~個窩可以打邊爐又得, 煮熟黎食又得~我當然選擇左打邊爐啦~

我同蕃薯同樣都叫呢個豆腐煲, 但我果個快滾好多, 佢果個煲好耐都冇反應. 最後我有我滾黎食, 佢要叫人再整返熟先食得~

食完野之後, 蕃薯見到阿聯同tracy咁恩愛(!?), 不停叫聯及tracy做親密動作, 佢竟然講左句係咪我做佢又跟住做, 之後竟然係佢哋三個人面前錫左我一啖!!!!???阿聯及tracy以為只係玩笑, 點知波特都見到佢真係錫左落去@@佢未試過係同學仔面前咁做, 點知係真既....我塊面當時紅左起黎, 估唔到佢真係會咁做, 佢見阿聯及tracy都冇做, 佢仲錫左我幾次, 果陣真係無奈囉, 唔知講咩好, 佢話我哋以前又唔係未做過...呀....我哋以前拍拖既野比人知道哂啦....呢次真係完全犧牲(又或者係好開心至岩, 好耐冇試過^^). 最後都換黎tracy及聯既合照~

睇下佢哋兩個幾咁sweet, 羨慕死我呢><

之後我哋五人一齊搭地鐵去上環睇蕃薯個朋友開既影展, 沿途見住tracy及阿聯拖住大家既手唔放, 自己不知幾羨慕, 於是我又望下蕃薯, 佢只係傻傻更更話佢今日發姣, 周圍去店人, 我叫佢同波特一對, 波特話佢只會對女仔有興趣呢, 哈哈~於是眼定定望返tracy及聯, 露出一副羨慕又落莫既樣子...那時蕃薯回頭望一望我, 及突然激我, 又話我遲鈍走得慢, 整到我係地鐵站追住佢黎打. 突然諗返起佢起初追我時, 係搭校車附近我追住佢黎打既場面, 點解今日又再重視呢d場面呢?

去到上環, 我哋幾個唔識路, 係上環街道兜左好耐, 好笑既係竟然問個阿差, 個阿差不但識路, 而且d中文講得好好, 勁呀~~幾經辛苦終於黎到蕃薯朋友影展, 起初去到只見到係間賣衫, 原來地牢先係影展, 好得意啊~見到只係七張相, 但毎一張相都好靚, 我見到有張相特別靚, 我偷偷地影左一張~

個女仔頭髮好飄逸, 好靚呢~

睇完影展後, 波特頭先冇食野, 一定好餓呢~不如大家先再去食野吧~五人係黑夜街道一齊行, 感覺好得意呢~

tracy及聯仍然恩愛地行路呢~蕃薯同波特隔咁遠架!!?

去到一間食魚蛋麵既店舖休息下, 可憐既波特以為有得食好野, 但點知竟然賣哂!? 只好叫左個雲吞麵, 但叫左之後先知自己唔食得蝦; 而tracy及聯叫左雞翼一齊食; 蕃薯叫左一碟油菜, 而我當然減肥至上, 咩都冇叫到. 點知蕃薯食完都未夠飽, 竟然捉住我隻右手黎咬!? 走果陣仲捉埋我隻左手黎咬, 我兩隻手都比佢咬哂啦@@

終於各自返屋企~tracy及聯一齊搭地鐵去拍拖啦~只有蕃薯, 波特及我. 我哋兩個早已經搵到巴士返屋企, 只剩下波特, 都好彩波特可搵到香港站既地鐵站搭返屋企, 咪即係只剩下我同蕃薯!!!??其實佢返tm話咁易, 除左我同佢有同一班巴士外, 佢仲有兩個號碼既巴士可以返屋企. 我叫佢先上車返屋企. 第一架只有佢號碼既車黎到, 佢話而家早仲可以等多陣唔坐; 第二架車黎左, 又話太多人唔坐=.="叫佢坐地鐵, 佢又唔制. 其實佢係想同我一架車呢, 自己正蠢材!!

終於上到車, 佢突然問我介唔介意佢kiss我, 我都唔介意既, 我挨住佢博頭時, 佢話我哋唔係情侶, 但又做d情侶既行為, 係咪唔係咁好? 於是我即刻彈開, 保持距離話唔敢店佢. 於是佢突然攬住我, 仲攬得我緊緊的, 起初我都唔知點做好, 但最後都攬左佢, 而且仲kiss@@及攬到實實一齊訓教, 一直都冇放過手, 反而仲攬得對方實一實外, 佢仲問我個pose累唔累呢, 我覺得好開心, 好sweet及舒服, 原來情侶係咁樣嗎? 即使我哋係真正既情侶, 但同真正既情侶冇分別. 我終於落車, 我好唔捨得, 想永遠都係咁. 究竟係真正既愛情, 定係錯覺呢? 當日我哋拍拖既毎一幕於今日一一重視, 而且感覺不但冇變, 應該話我比對佢既感情好似比以前更濃烈呢.....明明唔係真正拍拖, 自己應該清醒下, 唔好再走入呢個愛情幻像內啦!

多謝文迪, berry及阿光賞面^^

今日又走左去ive見同學仔, 上既係好似係咩computer animation. 講既內容唔關我事, 但見到好多得意既動畫, 有泥膠公仔, puppet, 剪影等等既動畫, 全部都好得意, 我都係做睇動畫果個算吧. 叫我做個動畫出黎就....都係交比各位同學仔好了^^

蕃薯終於返到黎, 佢即刻比左個電話我睇. 個電話真係幾細部幾得意既, 個mon既色都靚, 但問題係佢冇手寫版!? 對於唔識打中文既我簡直係大件事, 我就話[雖然個電話好得意(因我鍾意所有細細件既物品, 尤其係電器), 但因冇手寫版我未必會買]. 雖然係咁講, 但又拿左佢部電話亂按, 佢怕左我都收埋個電話囉=.="

終於放左學, 我已經餓到胃痛, 我都冇理到蕃薯佢哋, 先同文迪及berry搭小巴去葵芳食野. 後來係排隊時撞到阿光及阿駿, 加埋阿光去食飯, 四人終於成團去食飯呢~後來我send sms問蕃薯, 問佢哋係邊, , 佢只話唔見我及搵我唔到, 哈哈~都唔知佢係咪真係搵過我啦...

再次多謝文迪, berry及阿光, 你哋三個同我去食飯, 文迪仲問我食咩, 最後都決定左食米線~我自己抵死叫左個中小spicy既. 但已經好spicy啦><

影到blur左添!? 係我哋食米線既地方....

中小spicy既米線!? 本來唔叫飲品既我即刻叫左杯飲品><

食完飯之後俟各自回家, 我係上車途中先發覺....我唔記得左同佢哋三個影合照, 認真蝕啦@@

和同事食飯

今晚我屋企人冇煮晚飯, 爸爸send左短訊叫我哋自己食飯, 我本來決定買個炒麵食就算, 點知新同事kiki話想食香荢批, 於是我就同佢一齊去公司附近間麥當勞食飯~

可惜既係香荢批已經賣哂, 最後kiki都冇得食, 我用左mooji比我既贈券叫左個魚柳包餐食, 用左張券換三件免費麥樂雞. 好耐冇食過魚柳包, 覺得特別好味呢~冇理由叫個同事只係望住我食, 於是請佢食左暑條及一件麥樂雞. 哈哈~佢真係諗得過, 痴我少少食物, 其實同佢都唔係朋友, 因我覺得公司唔可以稱毎個人係朋友, 始終都有利益衝突, 同埋人言可畏, 佢哋毎個都係好人, 只係八掛及多口, 加上我同佢哋唔熟, 我唔會講太多自己野比佢哋知.

果然不出我所料, 始終女人都係愛講人是非, 佢話唔like阿珍咩都唔識做, 係公司唔知做咩; 唔like candy佢要人撞板, 應該係話佢知道公司曾經發生咩事, 但唔會話比新入職既同事知, 要佢哋慢慢領略. 其實我就唔會理呢d事, 因我對毎個人都唔係太好好感, 但始終都一齊工作, 多個朋友都好過多個敵人, 對自己都有利d. 之後佢竟然問我阿珍有幾多錢人工, 哇~咁深入既問題我點可以答你, 就算我知都唔講啦, 我只好話唔知就算....

果然係公司d人信唔過. 想係我身邊問公司資料, 我一定唔會講. 我相信佢人生經驗比我更豐富, 絕對係醒目果隻, 一定會搵冇咩經驗既女仔笨啦, 我先冇咁蠢呢. 總之佢哋任何一個人講既話, 真係要即刻過濾過, 用腦諗過先好講呢

只求開心, 平淡就可以

我而家努力做好公司野, 唔會再諗起蕃薯, 我只想過平淡及開心既生活, 有同事係我有錯時提點我及鍚我已經足夠, 佢哋對我以前既錯多多包容外, 也一直教我, 令我做事細心及慎重好多, 連我自己也開始變得成熟呢><

本來我已經好開心, 我也冇去再搵你傾計及sms, 點知你突然比左個sms我, 話個電話好好用及好like個電話!? 我睇左個sms之後都一頭霧水呢.....佢鍾意個電話又關我咩事!? 我以為佢講完個電話就算, 點解又要同我掀提及個電話呢? 都唔係好明...

好在今日都冇咩特別事發生, 都係快d返屋企玩fb吧~見到d人近排好興玩一樣野, 就係有一張畫, 可以把唔同角色tag到張畫內~

呢張係菜菜比我架, 佢話我係沉迷電腦者, 因我like玩fb, 果然係呢~仲有tracy又比呢張我, 話我係為食果個, 我認架~我都用左呢張tag比其他人呢~但太多朋友, 唔可以擺哂落去, sor啊><

呢個係我fb 朋友Jenny Wong tag比我架~佢話我係中間果行最右手邊短髮個女仔~都幾襯我, 好得意~我用左呢張tag左其他fd呢~

本來我係Guru Guru既魔女歌利, 但後來tag左其他人啦~我都delete左呢張相...

先多謝我既fb朋友Yumi比呢張相我^^呢張仲好笑呢~我竟然有兩個角色, 一個係小丸子, 一個係小丸子後面果位女仔><

說我買電話!?

今日蕃薯突然同我講, 話佢最近買左個電話, 係Nokia 既5230, [聽講功能都ok勁架, 以更佳的音樂功能組合及互聯網遊戲體驗,滿足您對玩‧樂的渴求], 我見到人哋係咁介紹, 佢也似乎好鍾意呢部電話呢..又會真係咁岩!? 我唔見左個電話, 佢又話部電話成日hang唔好用買過部, 佢部電話買左唔係好耐就換? 講到好吸引, 自己都想買過部, 就算同唔同顏色都好, 咁豈不是同佢一款嗎? 我先唔想同佢係情侶機呢, 加上我交完學費之後又冇錢, 都係唔好買啦><



佢果部係藍色既, 不過只係睇相, 果樣係咪ok都係睇下實物先...

我直接同佢講, 佢唔介意我同佢用同一部電話嗎? 而且我話我買紅色既話咪情侶機. 佢冇答我. 但我自己就唔想, 我唔想再

發佈文章

同佢有任何關係. 而家我只希望既係可以快d開學, 可以用返學比心機讀書去忘記佢...

偶然識到Miyako!?

平時我一放工既活動就係fb及msn,一開fb見到inbox有個mail, 竟然係miyako比我既!? 佢問我係咪係香港住? 吓!? 其實我都唔明, 點解咁多人問我係咪hk? 有d人會誤會係我中日混血兒, 又或者係日本人. 我都真係唔知點解囉=.="

同佢講明我係香港人, 估唔到佢會即日覆返我, 佢問我有咩興趣, 其實我都幾多興趣既, 睇時裝雜誌, 聽歌, 打機.....不過之後唔知會唔會加埋化妝及攝影呢? 見到佢之後po左條link比我, 入面有好多相簿, 設計草圖. 見到佢果然多材多藝呢, 又識時裝設計, 化妝, 攝影, 跳舞及鋼琴, 真係如蕃薯所講好叻呢~唔怪之得見到蕃薯同佢合作影咁多相....突然覺得自己好渺小, 自己只係玩既野叻外, 都一無是處....唔怪之得蕃薯都欣賞佢><"

但我唔想再呃蕃薯, 於是我同佢講識miyako, 佢好唔高興咁叫我delete佢, 以後唔好再接觸佢, 而且佢其他朋友都唔好接觸, 唔係關係會亂...我同佢只係普通朋友, 點解會覺得亂呢? 我只係想認識多個朋友, 尤其係教我化妝, 點解會唔比我認識, 佢冇講點解, 只係話佢唔鍾意, 或許佢有d不可話我知既秘密吧? 我冇同佢吵架, 只係依照佢意思黎做, 希望佢唔好嬲及唔開心....

同時我也受夠啦, 求你比我離開蕃薯, 我同佢呢個不明不白既關係好痛苦....我寧願冇男友也唔要再同佢有關係!! 佢從來有理過我感受及鍾意我嗎? 我整晚在哭, 好想放棄, 只要可忘記及離開佢, 要我做咩都願意!!

終於見到文迪及菜菜~

其實文迪及菜菜最近都見過, 不過就係冇咩時間傾計, 傾左唔係太耐, 有見及此, 菜菜已經約好大家係沙田食飯, 我都以為好遠, 點知都唔係好遠. 我同菜菜先係沙田中心集合, 至於文迪呢, 聽菜菜講要五點幾先黎到, 於是我哋係沙田公園邊行邊傾計~

好似搞緊d咩function, 都有幾多人睇架~

見到婚姻註冊處門外影結婚相, 好靚呢~我唔知會唔會有呢日呢? 真令人羨慕啊><但可憐既我連男友都冇, 仲講結婚, 哈哈~

公園內既花呢~真係好靚啊>< 我同菜菜行得累了, 我又餓又口渴, 到左城門河附近既小食店買左d野食. 望住城門河附近既景色, 加上天氣又唔係太熱, 係度傾計真係舒服呢^^第時讀左會計之後, 係度溫書都唔錯呢~

環境好清靜, 除左讀書之外, 拍拖都唔錯呢~應該話之後拍拖應該會黎吧!?

用吉砌既[沙田公園]字樣~好cute呢^^

係公園坐左一陣的確有點悶呢, 於是我哋去左商場行陣, citysuper好多正野食, 可惜好貴呢~只好望下算了. 估唔到係呢度都可以見到[蕃薯]既影子=.="

好多種類既蕃薯呢~果個紅色皮既未見過啊@@

大約五點幾去返火車站等文迪, 但佢似乎未到, 於是再sms比佢, 點知佢話要七點幾先到!? 本來想去公園坐陣時, 見到菜菜以前個舊同事小生, 可能我怕太過熱情既人吧, 佢伸手同我握手, 冇理由唔握吧? 之後再去公園坐陣, 但我哋太餓, 先去和民搵位, 放假果然係勁多人的, 等左好耐好耐位, 文迪終於黎到呢>< 我哋係等位時先諗定食咩, 入到餐廳即係叫食物~叫左好多豐富既食物^^

和風pizza(叉燒, 照燒雞)~個批好簿, 而且d料又好好味><

蒜香海鮮炒飯~味道好濃好香~

最大果兩個送係上面果兩件~最遠果個係最最最好味既豚平燒, 好想叫多一客><"

海鮮炒烏冬~可能之前食果三款味道太濃, 所以覺得呢個味道較淡, 麻麻地好食啦=.="

鮭魚石狩窩~d三文魚仲可以生食, d汁都幾濃幾好味^^

基本上所有野食都好好味, 惟獨係份量太少, 真係好想再食多d呢~搵日再去食過, 同邊個都好啦><

同表姐聚舊 + 突然打邊爐

大表姐係英國黎症香港住左都成年幾, 早幾日已經係fb度留言話今日會同我哋一家一齊飲茶呢~我妹因工作唔黎得, 只有爸爸, 媽媽, 姪仔及我一齊去飲茶~可能係太耐冇飲過茶, 真係特別開心呢~可以食返一大餐^^

食完飯之後大家去我公司坐下. 大家應該未見過我公司呢, 我公司出面部分係工作, 入面係個休息室黎, 大家一做到累就會入內休息下~我都隔左成大半年冇去過自己公司, 自己都覺得有點兒陌生呢...全程都係影我姪仔及我表姐細女tiffany為主, 佢哋兩個真係好得意呢^^

姪仔及tiffany係lift內玩bb車呢~

我和姪仔, tiffany及大表姐大女翠兒既大合照~

呢個係大表姐啦~仲有都係姪仔, tiffany及翠兒~

tiffany真係好可愛呢~成日跳黎跳去, 好活潑呢^^佢好鍾意周圍走, 真係停一停都唔得. 而且佢都幾靚女及可愛, 對我姪仔好熱情, 成日走去攪住我姪仔, 翠兒係佢家姐, 佢叫tiffany黎個'[big hug], 翠兒就即刻攬住姪仔~全個過程都好得意, 我拿住個相機捕捉呢個畫面都用好多時間呢>< 我姪仔唔知係咪比較拍醜呢? 一攬住佢想走開, 都係要大表姐捉住姪仔先得=.="

黎個正面hug hug先~

佢哋兩個再加埋翠兒似乎好玩得埋呢~睇佢哋三個玩得咁開心就知. 在旁既我也睇得好開心, 一於黎個邊睇邊影相^^

tiffany坐BB車!? 似乎佢比我個姪仔更鍾意呢架車, 坐都坐左幾次呢~

仲坐係bb床!? 哈哈~玩住床邊個玩具...xd

好利害既一字馬~~~

睇下佢哋兩個玩得幾開心~可能係差唔多年紀, 特別易玩得埋>< 我個人好like呢張, 因tiffany好得意麻~美中不足既係姪仔隻手郁得太快=.="

表姐終於走了, 表姐同兩個女女, 同埋我四個人走囉~我原本想返屋企休息一下, 點知蕃薯突然打電話比我, 話佢剛同teddy影完相, 而家去tm打邊爐, 問我去唔去. 講到打邊爐我當然去啦, 點可以少我果份~於是我又開始另一個新旅程 : 去tm打邊爐~!!!先同蕃薯及teddy係美孚西鐵站會合, 之後一齊坐西鐵, 我都係第二次搭西鐵, 第一次就只有我同蕃薯二人, 呢次就多左波特! 我就似個大鄉里一樣周圍影下相先^^

好耐都冇坐過西鐵, 我驚之後都冇機會坐, 所以影下相先~全個車站我好鍾意, 因佢係紫色^^

車箱內既車站~有好多個站呢, 要坐到去尾站, 好累呢@@

原途蕃薯有時叫我龍龍, 又叫我唔好碌黎碌去, 真係激死人囉~叫到人哋咁親密做咩!!? 佢哋都係傾影相既問題, 我自己一直睇住沿途風景, 到左尾二個站有位坐, 波特比左個位我同蕃薯坐, 而佢哋仲講緊相機, 我夾住係中間做咩喎!? 快d到啦, 唔該!!

終於到左蕃薯屋企, 蕃薯叫波特打電話比edwin及tracy, 結果佢哋兩人遲d先到呢=.="我哋三人先係佢屋企等. 後來tracy好快就黎到. 途中蕃薯叫佢媽媽打電話預約打邊爐坐位, 佢媽媽又唔願打電話, 竟然叫我打電話!!? 我當時都呆左, 點解會叫我打呢? 那時因已經開始左打邊爐時間, 預約先要係開始打邊爐前=.="

蕃薯只係打電話約我打邊爐, 又唔打埋比其他人.就連外賣都唔願打電話. 我真係覺得[榮幸]囉..xd

最後edwin都黎埋, 終於可以打邊爐呢~好在我唔係太餓, 加上蕃薯媽比左少少野我食(只係比我一個喔~啊!? 點解要強調=.=)終於可以去食野啦~雖然去唔到處$49打邊爐果間, 但去另一間都唔錯, 兩間都咁好味~

蕃薯, 蕃薯媽及tracy, 都係第一次影蕃薯媽(笑)

edwin及teddy~teddy在睇電視嗎?

食完飯之後,edwin見到我有個新電話, 我也和佢講d同事以為我個男友送比我, 佢竟然講左句[蕃薯唔會送比我]!? 吓!? 邊個話蕃薯係我男友架!? 但我自己又怕羞走上前, 忘記睇蕃薯既表情, 我覺得佢應該唔鍾意人哋話佢係我女友吧, 佢一直冇出聲, 即係唔係啦!!再去蕃薯屋企坐一陣就離開囉~我返到深井時, 蕃薯一個sms問我上左車未, 我已經返到去深井, 你話呢? 不過多謝你關心我, 好似係我哋之前拍拖先咁問過我, 好耐都冇聽過或見過呢番說話><

單鏡反光機

最近我都唔知點解蕃薯搵多左我傾計, 樣樣都有講d啦, 但唔係傾得太耐, 因我要早d訓, 費時理佢咁多(講笑)~今日佢介紹左部相機比我, 我竟然覺得好靚, 而且自己仲有d心郁郁想買!? 但我唔係討厭影相架咩? 但我一見到竟然想買都係第一次=.="

限量版既白色單鏡反光相機呢~令唔鍾意相機既我也開始留意~

佢比左個網址我睇, 見到佢好細部, 好得意~而且佢個名仲要叫k-m, 即係kumi我自己!? 哈哈~仲有既係佢特別既白色機身, 真係好靚. 但價錢就.....連埋兩支扁鏡, 竟然要成六千四百幾!? 咁貴真係可以讀多一科, 又或者去個泰國旅行都得呢~加上我影相既知識係等如零, 要由頭學起, 我之後要返學邊有咁多時間去學及玩呢? 雖然明知係咁, 但自己好想要, 都係冷靜一下先, 我仲有個手提仲未買返啊=.="

其實呢部機仲有本身既黑色, 而且價錢平成二千幾, 不過黑色實在太常見啦, 所以都唔會考慮啊=.="

黑白兩部相機呢~我都係鍾意白色多d><不過都係得個講字, 夠錢買先算啦=.-"

感覺好奇怪=.="

唔知點解琴日見完蕃薯之後, 自己突然覺得好奇怪. 自己成日好想見到佢, 拿佢張相出黎睇時, 見到佢時個心會隱隱作痛, 可能係諗起佢同個ex開開心心, 但自己又唔係所以咁掛. 而且仲覺得好苦悶, 但當見到佢時, 自己突然變得好寧靜, 同佢唔知講咩好. 我自己係咪真係病左呢? 一直都冇呢種感覺, 係近排先有, 唔係, 應該係自從唔讀IVE就開始有. 我唔係要忘記佢嗎? 點解我不但冇忘記, 而且仲反而更掛住及想見佢呢? 係咪人總係要失去左, 真係先至識珍惜呢?

聽日要去報名讀curtin, 而且仲要交錢, 成千二元澳幣一科, 一共要交兩科既錢, 真係好肉痛.....儲左幾個月既錢一陣就冇哂, 同時也好佩服自己可以係四個月儲到萬幾元交學費, 呢次因好平買左澳幣, 所以比較平少少, 但都要成萬一元, 哇~~~><"真係唔知開唔開心好, 雖然話for 自己未來, 半工讀一定辛苦啦, 而且仲要讀難頂既account, 真係貼錢買難受@@所以覺得矛盾....

近排做咩咁多麻煩事架~~~!? 惟有快d開學, 等我讀下書, 工作又多d野做, 令我唔好諗咁多啦~話事話, 聽日係交學費既deadline, 而且聽講會係三月九日果個星期開學, 究竟幾時先知自己讀咩班及去邊度上堂, 自己實在太緊張啦~放鬆d啦><

同percy, 菜食飯 + 突見ive同學

都係忘記d唔開心既野先~今日約左兩位好友percy及菜菜一齊去食飯呢^^放左工之後和新同事kiki一齊坐地鐵, 不過佢去將軍澳, 我就去旺角地鐵站搵佢哋兩個~

先去地鐵站搵左percy先, 見到佢著得好成熟, 好有女強人既感覺呢~因菜菜有bb, 所以約佢晏d, 佢行過竟然見唔到我哋兩個既? 我哋兩個走係佢後面佢先知道~我哋三人會合之後終於去食野!! 好在percy夠細心, 預先卜好左枱, 我哋不用等就可以入去一間叫潮樓既地方食飯, 食既係上海菜^^

好靚既茶壺及茶杯呢~可惜既係茶杯太細, 成日都要斟茶>< 上海炒烏冬~呢個真係幾好食, 又唔太油, 又多菜^^

小龍包~但我覺得d豬肉比較實呢>< 砂窩雲吞雞~係我至愛食既上海食物之一, 食盡佢!!

火腿津白之類啦~同砂窩雲吞雞都幾似, 覺得好似叫左兩咁...xd

我哋邊食野邊傾計, 講起percy既感情生活啦, 菜菜既新婚生活, 仲有我既讀書之路等等....大家太耐冇見, 真係好多話題傾呢^^加上豐富既美食, 真係好好味~當然唔少得影相啦~先同就黎做媽媽既菜菜影返張相先~

冇見佢好耐~個肚大左好多呢, 個肚實實地好似好得意><" 兩位靚女既合照~^^

三人再黎張大合照~我冇化妝好鬼核突=.="

菜菜大肚要多d休息, 而我同percy第二日又要返工, 都係早d返屋企休息一下~下次再約過啦! 同埋仲有多謝percy呢一餐^^

之後自己見到時間尚早, 竟然無端端想見同學仔及蕃薯, 其實都唔係咩無端端見既, 因蕃薯突然send左個sms比我, 話唔知英文講咩, 我都唔明佢唔識英文, 做咩我會咁緊張及擔心佢, 於是我都就決定去睇下佢同埋各位....去到學校見到阿銘話我鬼祟去比驚喜佢地; 波特即刻同我講呢堂英文既內容, 因我要幫佢地做project=.="再之後見到tracy, 大家傾左一陣後便坐的士回家. 點知架的士行錯左路, 好在個司機只收去到葵芳地鐵站既費用, 見佢連油錢都蝕埋同生意難做, 都唔怪得佢啦~

蕃薯竟然驚我冇車搭, 呵呵~多謝你呢! 估唔到你都對我幾好既~不過最弊既係之後佢同阿聯夾份話我呢. 雖然係咁, 同大家一齊好開心呢^^

愛情認知

其實自己已經發覺, 可能係自己對愛情冇咩經驗, 自己好想去了解一下, 今日網上搵到一篇文章, 自己覺得好有意思, 於是po左上黎. 要先同原作者講句sorry先, 我擅自拿左黎擺係度, 唔好意思. 我希望可以幫助自己了解下點樣為之愛情及二人相處之道, 睇落去又似乎真係幾難呢><

甲：「聽說你主張愛情要以認知而非感覺做基礎，以正義而非諾言來維繫，可以解釋一下嗎？」

乙：「我所觀察到的就是，一般人的愛情是以感覺做基礎，要有所謂"feel"，往往只要有感覺就能發生愛情，我認為這樣的愛情非常危險。首先，我們要了解到，這類"愛情感覺"本身是一種迷信， 這種信念背後並沒有理性支持，許多時只是一些情緒性結果，既沒有理性根據，也沒有反省，因此這類"愛情感覺"出錯的機會很高。何謂出錯呢？最明顯就是許多 憑感覺去愛的人，常常會"以為"對方甚至自己是怎樣怎樣的人、"以為"這段關係是怎樣怎樣的浪漫迷人，可是最後卻發現不是那麼一回事而悲劇收場，這樣的例 子舉目皆是。我想講一個概念，就是我們決定做一件事之前，要假定成立才去做，例如我們吃飯就是假定吃飯對我們有益才會吃，"吃飯對我們有益"就是假定，只有它成立我們才會吃飯。試想，憑感覺去愛，這種愛情的假定就是"愛情感覺"，但問題是若果假定本身就是錯誤的呢？由迷信產生的"愛情感覺"出錯的機會可謂相當高，憑一個錯誤的假定做事，結局為鬧劇悲劇自然難以避免，那句老掉牙的"因了解而分開"之所以會老掉牙，原因就在於此。當然，有人可能一見鐘情卻白頭到老，但那只是極少數的幸運，絕大部份的"一見鐘情"都沒有好結局，嗯，或者，根本沒有結局。」

甲：「嗯，說得也是，但你有沒有想過，許多時當我們有"愛情感覺"的時候，往往就已經不知所措不能自拔，最後就可能會陷下去而發生愛情，那似乎難以太過理智吧。」

乙：「這一點我明白。我想強調一點，我不反對感覺，我同意感覺是發生愛情的一個誘因，但我認為真正的愛情不能只憑感覺就去做，而必須要將感覺提升至認知層次，我們要明白真正的愛情必須建基於認知上而不是感覺上。 我想只要了解到單憑感覺的危險，以及了解到充份的認知對於追求真正的、成功的愛情的重要性，要做到"理性擇偶"不會太難。我講一個親身經歷，在咸豐年間 (哈哈饒了我吧)我曾經對一位女性朋友產生過所謂"感覺"，我被她的某些特質吸引，如果換了是別的男人可能直接就展開追求了，但我知道不可以只憑感覺就去 做，於是我嘗試將感覺提升至認知層，我分析過之後發現她並非我真正要找的另一半，而很快那些感覺就煙消雲散。許多人動輒對別人"有feel"，之後就立即"暗戀"、"追"人，愈陷愈深，這就是迷信、迷戀。我認為，在確認自己對對方有意之前就應該要先達到初步的認知層，這樣才比較穩當。」

甲：「那麼怎樣才是所謂的認知層呢？」

乙：「其實所謂的認知層，簡單來說就是真正的互相了解，而且在真正、深入了解之後仍然喜愛對方，那麼這就不是"迷信"，而是"知道"對方是自己所愛的人。當然，人與人之間難以絕對的真正徹底了解，但至少不可以只停留於感覺。兩個人的感情要達到認知層，首先必須要有一定程度的友誼基礎，若兩個人只是點頭之交、泛泛之交、"普通朋友"，那又如何可以做到有深度的思想交流呢？我認為兩個人決定建立愛情關係之前，必須先達到以下幾個條件：

一、 互相信任、互敬互愛、互為知已。
二、 對對方的生活、背景有充份的了解。
三、 清楚知道對方性情、為人、處事，有親身經歷體認，不能道聽途說。
四、 清楚了解對方的價值取向，包括處世取向、道德取向、政治取向，當然，也必須先清楚性取向。這不是鬧著玩，我見過有人被同性戀者追求，原來對方一直以為他是"同志"。
五、 清楚了解對方的品味、喜好，包括藝術取向、對美醜的判別。
六、 了解對方的理想、夢想、人生目標。
七、 欣賞對方的優點，接受對方的缺點。是接受，不是包容，包容含有容忍，很可能有一天會忍無可忍，但接受就是完完整整的接受。

以上的只是一些粗略的條件，但要真正達到也不容易。不少人只交往了幾星期甚至幾日就"拍拖"，其實這樣短的時間是絕對無法真正互相了解，即使日夕相對也不能，因為人不是機器，人有情緒有起伏，這樣短的時間絕對無法看清一個人的每一面。如果兩個人經過一段時間的真正有深度的交往，而能做到以上幾點，又互相欣賞愛慕，那麼就算是達到初步的認知層，可以放心的開始去"愛"。」

甲：「進一步的認知層又是如何？」

乙：「在兩人已經成為情人之後，就要嘗試達到更深一步的認知層，這其中有兩方面。第一，成為情人之後關係更密切，交流更多，可更清楚了解對方，加深認知基礎。第二，籍由徹底的交流和了解，確立雙方的相輔相承、相依為命關係。」

甲：「關於第二點可再說明嗎？」

乙：「我認為真正的愛情，就是要找尋自己缺乏的另一半。我們都知道世上沒有完美的人，我認為理想的愛情就是兩個不完美的人結合，成為一個完美的"合體"。理想愛情裏面的兩個人要互相扶持，要在對方身上找到自己欠缺的特質，自己的缺點由對方的優點來填補，互相欣賞、互相學習、相輔相承、相依為命。這聽起來好像簡單，但真正做起來卻不簡單，兩個人必須要有相當深厚的感情基礎才有可能做到。一旦做到，那麼就不單止"知道"對方是自己所愛的人，而且更"知道"對方是自己要付托終生的另一半。兩個人的感情基礎若如此深厚、如此澄明，那就自然水乳交融，再不可能被動搖。」

甲：「怎樣才能做到相輔相承、相依為命呢？可以說說嗎？」

乙：「不能再說了，這絕不是三言兩語所能盡道。兩個人的交流若是達到這個層次，那已經是"不為外人道"，也沒有甚麼公式或理論方法可以概括，在我和她身上適合不代表在你跟她身上也適合。兩個人要能相輔相承、相依為命，乃至於二人一心，不可分割，除了靠兩個人共同努力、共同領悟、經過歷練而成外，再沒有甚麼不二法門。我想真正明白愛情的人都會同意。」

甲：「嗯，關於認知主張還有其他補充嗎？」

乙：「大概是這樣了，來總結一下吧。以認知而非感覺做愛情基礎，即是要"知道"對方是適合自己的人而不是"迷信"，清楚"知道"之後才開始去愛，這樣就可大大減低失敗的可能，才可進一步追求真正的愛情。若果靠感覺去愛，那不但容易失敗，而且即使未必分手收場，感情也只是流於表面，不是真愛。」

甲：「講講你的另一個主張吧，以正義而非諾言來維繫愛情，是甚麼意思？」

乙：「許多人都喜歡許下"愛情諾言"，「答應我跟我長相廝守吧」、「我願意」、「我發誓」、「我發毒誓」，有人認為此類諾言有助愛情的長久維繫，但我認為此類諾言其實只是自我催眠。如果愛情本身就永恆，那根本不需要諾言；如果愛情出問題，憑諾言來維繫的愛情也不是真正成功的愛情。」

甲：「可是若果沒有諾言，那如何確保感情專一呢？不怕會見異思遷麼？畢竟世上有億萬人，總有人比你的另一半更好。」

乙：「所以我說要以正義來維繫愛情。首先指出，我所指的正義，是"正確的道德、道義"的意思。道德，就是根據前人經驗所構成的為人處世值價觀、準則，它不是用來規範人，而是幫我們分辨好壞對錯，正確的道德可以讓世界變得美好，可以讓人生更幸福。情人要感情專一恆久，就要建立一套正確的道德價值觀，只要大家都真正了解忠於伴侶、對伴侶不離不棄的意義和好處，明白到這樣做對追求真愛的必要性，感情就自然從一而終，白頭到老。」

甲：「那麼我要問，既然沒有諾言，為何不可以"騎牛搵馬"？若自己遇見一個更好的，大家都去找一個更好的，不是更好嗎？」

乙：「首先我反對用"騎牛搵馬"來形容人與人之間的某種關係。你騎一隻牛去找一隻馬，找到馬就騎馬不騎牛，這樣做對牛沒有害處，可能牛沒人騎反而覺得自在。但是一對情人，若其中一人見異思遷，貪新厭舊，那就往往會對另一人做成極大傷害，這從道德上絕對說不過去。可能你會說，若果對方不介意或大家都有異心呢？我知道現在有些人喜歡"拍散拖"，合則來不合則去，我可以告訴你這種人永遠無法擁有真正的愛情，永遠無法體會愛情的真正樂趣。如果一個人對伴侶不忠心，心裏有意無意間期望有更好條件的對象出現，或是在熱情轉淡激情不再時就萌生去念，這樣就絕對無法找到真愛。因為如之前所說，真愛必須要經過努力、經過歷練、在深厚的基礎上才能開花結果。如果輕易求去、動輒言棄，那又如何能有牢固感情基礎？坐這山望那山，那麼這將會是無止境的追逐，因為世上總有人比自己的伴侶有更好的條件。我們要找"真命天子"，可是要知道世上可以成為你的"真命天子"的人有很多，你遇上那一位就要看命運看機緣。在找到之後，確認之後，就應該心無旁騖，一心一意去經營自己的愛情，不要管其他"潛在天子"，只專心去愛、去注視自己的另一半，這樣就可以找到真愛，找到愛情的樂趣。所以，只要真正了解忠於伴侶、從一而終的好處，愛情就自然永恆。」

甲：「可是若果大家都發現真的不適合再一起呢？還要堅持一起嗎？」

乙：「所以我就說，在"暗戀"、追求、認定一段感情之前，要先達到初步的認知層，而不能只憑感覺去做。建基在認知上的愛情，"搭錯船"的機會微乎其微。搭錯車還可以下車，搭錯船出了海可不是隨隨便便可以下船的，所以上船前先冷靜，了解清楚，要"知道"船要往那去而不是"感覺"船要往那去，這樣就很安全。」

甲：「嗯，以認知做基礎，以正義來維繫，這跟現在流行的愛情觀很不同呢。」

乙：「現在的"流行愛情"有幾多是成功、幸福的？只要看看離婚數字，或者聽聽現在的流行曲，十首中八首都是"空虛"、"寂寞"、"誰人愛我"、"單戀"、"苦戀"、"失戀"，甚至連要做甚麼"腳下泥"也有，就知道現在的所謂流行愛情觀多麼錯謬失敗！」

甲：「照這樣說你的愛情很成功了囉？」

乙：「呵呵，或許是吧，不敢不敢，哈哈哈！」

想去旅行....

呢幾日的確唔係太開心呢, 好想去一次旅行, 目的地暫時定左去泰國. 但好似真係冇咩時間去呢....好在我姑姐同我講話curtin會係七月有個暑假, 雖然暑假團費會比較貴, 但如果可以儲到錢既話一定會去旅行^^

可能係諗蕃薯d野, 同佢既關係而開始覺得累吧; 又或者自己工作上麻麻地開心, 又或者自己係屋企都唔係太開心, 連我自己都唔知, 總之就係好想離開香港一下, 到周圍行下都好....如果我有錢既話, 話唔定一早已經去左旅行呢! 希望我第時再返黎香港時, 因經歷而令到自己獨立及成熟, 忘記所有唔開心既事, 一切都重頭黎過. 可惜既係唔可以去旅行, 但我相信都會唔記得所有唔開心既事, 不過究竟要幾時先可以忘記呢? 尤其係蕃薯, 我真係好想忘記佢呢, 都係唔好諗太多, 都係疊埋心水仲好, 最後都係決定讀書.

講開讀書, 我已經決定左第一個sem要讀科目呢, 分別係星期一既account及星期三既law. 姑姐已經一早比左佢d筆記我溫書, 但我似乎都係仲想玩, 未願意拿起本書黎讀呢. 真係睇我第時讀書時點死=.="一心只係掛住去旅行, 真係死得!!

P.S. 今日收到蕃薯個sms, 竟然話佢自己真係乖咁早返學. 我當時係街度見到差d笑左出黎, 近排成日搵人架!! 點樣忘記佢啊?

放棄, 但不能放棄!?

見佢琴日冇見我, 應該話寧願影相都唔去見我, 只係夜晚半夜話佢返屋企後, 我之後冇再同佢聯絡, 一句野都冇再同佢講. 自己已經知道答案吧, 原來佢真係冇當我係gf, 咁樣我一直既付出到底係為咩? 覺得呢年間佢會回頭和我重新開始, 原來只係自己一直發夢, 都係時候要清醒吧!

[其實我都好羨慕佢前女友, 成日同佢周圍影相, 而且可以毎天都見面...我呢年到底係咩呢?]連我自己都佩服自己真係咁係sms同佢講呢返說話, 佢只話而家唔會再諗呢d野, 而我也打算以後唔理佢. 自己唔放開都唔得, 對住佢我好痛苦, 如果可以既話, 我可以拖住一個比佢更加好既男友係佢面前, 話以後都唔再對佢好就好了.....

點知佢突然一個sms, 話佢而家要返工, 好慘. 我都冇回答佢任何一句說話. 你返工慘, 咁我呢年咪仲慘? 對住一個只有我愛佢, 佢唔愛我既人, 係一場冇結果的戀愛. 本來唔同佢傾咪好, 但自己又要多手走去覆佢, 我話有d野同佢係msn度講, 佢話自己有排忙未必會開msn, 如果係咁就好, 可以唔使見大家.....佢終於返到屋企, 我一直用offline mode同人傾計, 但因有人send野比我一定要開msn, 佢一見到我on就即刻hi我, 好無奈, 同佢傾計都唔知傾咩, 惟有早d訓教, 或者當咩事都冇發生過就好....

好想做返以前冇憂冇慮, 單純既自己....一直想像住係呢個世界既另一方會有個心愛自己既男人, 只係而家我哋未有機會見面, 到底幾時先可以見到你呢?

有點失落既情人節

上年的確係美好既, 有佢同我一齊過情人節, 雖然唔係去高級酒店食觸光晚餐, 唔係收到紅玟瑰, 但只要同自己鍾意既人一齊過已經好開心呢....只係個簡單既願望, 點解今年唔可以再延續呢?

今早同你msn, 因我唔見左個電話, 佢特登問我有佢既電話號碼, 同埋講話之後會同我sms, 佢比左號碼我之後就出左去影相. 我本來滿心歡喜, 以為你今晚又會約我, 我真係好期待, 成日望住個電話, 希望收到佢既sms~

下午去左hku space 既金鐘海富中心拿了讀curtin的入學信, 同埋學費單, 毎科都要成一千二百元澳幣, 真係天文數字呢@@回程時見到兩個滿瞼暗倉印既[靚女], 隻腳都幾粗下, 仲要穿住短牛仔裙, 狂攬住自己男友. 心想覺得點解比我醜既人都有男友, 自己仍然都係自己一個? 望住電話, 仲未收到你的sms, 那時已經係四點, 開始有d失落.....

之後搵姑姐行街, 途中媽媽打電話黎, 叫我先去西九龍中心既pizza hut, 婆婆生日食pizza, 但我不是太開心, 我一直在意佢既電話, 在意佢既sms....去到pizza hut, 大家都叫左鍾意既食物, 雖然好多野食, 平時鍾意食野既我竟然不太有興趣. 原來佢係我心目中的位置係咁重要...

第一次見到pizza hut既咖哩牛腩飯!? 因分量太少我冇食到, 同埋係pizza hut食呢d好似好奇怪=.="

呢個pizza好似係唔知咩雞肉pizza, 我都冇食到...

仲有其他食物, 如超級至尊芝心pizza, 意式肉丸, 雞翼....全部都係我至愛的食物, 但我呢刻竟然覺得麻麻地好味, 只係食左就算, 仲有d騎呢天使麵, 有個係黑松露, 真係超難食, 天使麵竟然可以咁硬...好在姪仔在場, 見住佢得意既樣都開心既^^仲同佢影左幾張相~

佢食緊野時岩岩令個頭過黎, 一於影返張相先~

終於食左spicy food~其實我爸見姪仔咁為食, 得登比件spicy既比佢食, 食到即係拿埋塊面><

呢位就係我婆婆啦~好耐都冇見佢, 我比左五百元比佢做生日禮物啦^^

返到屋企, 終於見到你msn上網, 我竟然向佢發脾氣, 話佢講過sms比我, 但最後都冇. 後來我知道自己唔岩, 於是同佢say sorry, 原來佢整日都係朋友影樓度影相, 成一點到先返到屋企, 頭先係因為係朋友影樓和客人傾計先會上網, 同埋真係唔得閒先冇搵我...

究竟果個佢係邊個黎呢? 大家估下啦^^