和bf齊齊倒數

終於到左2009年既最後一天, 我同joejoe放工之後先去買打邊爐既食物呢~因為聽日我會同佢去渡假屋, 先去紅磡附近既街市買菜及去買凍肉, 感覺好似夫妻呢...XD

第一次放工去街市, 見到好多菜都開始爛啦...只有一間既生菜及塘O比較新鮮, 兩斤菜都只係14元, 勁抵!! 突然覺得自己好師奶=3="

之後去凍肉店舖買其他打邊爐野, 包括必有既肥牛, 芝心丸, 少少貢丸, 牛丸及墨魚丸, 同埋一包腸, 一些紙碗及木快子...買左好多野, 有d重呢~~不過覺得好開心, 尤其係大家一齊去選擇食物果刻, 而且仲知道對方既口味....XD

買完食物之後就去食晚飯, 見到有間酒樓既任食打邊爐都幾抵, 只係88元位, 不過要等到九點之後先係呢個價錢, 距離仲有一個鐘, 於是去到附近既漁人碼頭及威尼斯廣場休息下先, 我地去左威尼斯廣場覺得真係太凍啦, 但廣場既燈飾真係幾靚既~


毎個牆上有唔同既燈飾~~呢個係好可愛既小海豚呢^^


仲有個唔知可唔可愛既聖誕老人=.="


雖然已經過左xmas....不過今年既聖誕真係最開心既一年^^


呢個也係我比所有睇過我呢個blog既人心聲, 祝大家新年快樂^^


全個威尼斯廣場夜景, 全部都係唔同既燈飾~真係靚到暈@@


終於夠鐘邊爐啦, 我哋兩個都好肚餓, 但仲要等多一陣先食~


終於有得食啦~開餐!! 呢間酒樓好多野食, 而且仲有菇打邊爐, 我同joejoe可以食多d素^^

打完邊爐之後我哋仲有節目, 就係偷偷地去舊機場倒數迎接2010年, 比較特別呢!! 果度唔係太吵雜, 冇一般人既歡呼聲, 冇煙花, 周圍也冇人, 只有我哋默默見證住2010年既黎臨, 覺得好special及sweet^^

kumi的熊仔世界

星期日果日同joejoe雖然有唔開心既經歷, 但原來仲有一段小插曲, 就係我拍戲期間, joejoe去左德福, 可能係散心吧!? 佢記得我幾鍾意d熊仔, 於是影左相比我, 多謝你啊, joejoe>3<~~~~影得比我更加靚呢...算啦, 我註定都係個影相白痴...


印尼的熊仔呢~完全唔覺係隔住玻璃黎影, 呢d咪高手囉...xd


瑞典既熊仔吧!? 我都唔記得啦><


係咩國家既熊仔呢?? 又唔記得? 算啦, 我都係睇佢地件衫多=.="


日本既熊仔呢~套和服好靚啊!! 我成日都想真正著住佢黎影相^^


韓國既熊仔呢~都幾cute既, 我like男仔個頭飾多d囉...xd


來自中國既熊仔呢, 果然夠哂金光閃閃><


熊仔係度跳舞啊~就好似我同joejoe....XD


熊仔既靚靚舞台~真係有間咁靚既屋就好啦><


轉呀轉, 我地既幸福摩天輪, 唔係, 係熊仔既先岩><


犘天輪下既熊仔, 坐住架車車...xd


熊仔演奏廳~好多熊仔啊><


車長熊仔啊!! 個樣好英明神武呢><

你送比我太多相啦, 多到呢度post唔哂, 就post住呢幾張先啦~全部都好靚啊!! 你唔開心都仲掛住我, 其實我拍戲果陣都掛住你, 仲想即刻走黎搵你, 我哋又心靈相通嗎??

不過唔知我係咪特別快既選擇性失憶呢?? 竟然唔太記得raysand令我我哋差d分手件事, 不過都會哂取教訓, 只係記得平安夜及xmas一齊去玩既片段, 可能係開心先會記得吧!? 點都好啦, 希望我哋之後永遠都可係一齊^^

同屋企人睇燈飾? 定係熄燈??

今日放工, 媽突然打電話比我, 話好夜先會買飯比我及妹食, 我問佢地去邊, 原來爸架車岩岩去完維修, 想駕下架車, 因架車好耐都冇郁過就去下唔同地方, 呢次係同姪仔一齊去尖沙咀睇下燈飾~

估唔到我一早去到尖沙咀, 佢地仲搵緊位拍車, 我只好去附近行下, 又去返1881呢~上次有部分係封左既, 我終於去返果度影相啦....XD


就係呢座塔啦~勁靚的說!!

最後父母終於黎到, 去左海港城集合!! 又係去好多小天使既地方啦, 不過呢次已經冇之前咁靚啦, 可能係過左聖誕掛!? 呢次唔係睇燈飾, 而係熄燈啦=.="


呢次我唔要比人影, 而係要去影人, 可惜姪仔叫極都唔望鏡頭, 有d激氣!!


呢張算ok吧!? 太多人太難影, 總之一定要影到父母及姪仔, 但都要拎天花板既背景既~


haha~影埋花及阿爸, 仲有姪仔, 唔知係咪懂畫畫, 構圖會比較好d呢?? 因我份攝影功課唔係技巧取勝, 而係idea及構圖~


呢張我係有開閃光燈, 點知佢冇著燈, 呢次仲唔係熄燈!?

影相途中姪仔又唔願意行, 而且又冇咩燈飾睇, 我哋最後只係行下海旁及星光大道就算, 本來姪仔唔願意行, 點知佢見到星光大道地上既彩色燈, 佢係要踏住D燈, 佢先願意行!! 而且仲跑得好快!! 行行下大家累了, 於是就從新世界中心返回海港城, 因爸架車拍左係附近. 燈飾已經睇及影得多, 想影另類既, 點知竟然比我發現到新世界中心附近有個煤氣既展覽!?


起初我就係見到呢隻雞我先過去~做得都幾真架!!


連沖涼都有!? 其實呢個展覽其中一個目的係叫人慳煤氣!!花灑仔D水做得好得意


仲有電腦仔及mouse, 不過冇之前果兩個咁cute~


上面既蔬菜好得意啊!! 不過都係肥雞正d...xd


再行過d原來有一個用CD做既xmas tree~又幾靚喎, bling bling xmas!!


仲有一個用腳踏車整光後面xmas tree既小遊戲, 我有d後悔, 點解我唔去玩下呢???


你睇佢地玩得幾開心, 越來越後悔冇玩><

終於離開啦, 最後爸駕車去尖東一帶睇燈飾, 最開心既應該係姪仔啦, 係佢第一年既xmas睇燈飾, 如果佢願意行, 唔好要人抱及識望住鏡頭擺pose就好啦, 等佢大個d先啦~

終於收到相板

12月20日, 係淺水灣影既相板終於出黎啦~其實相板係model用黎見工搵job時用既相, 當然d相一定有執過, 總之整得靚靚咁比人睇啦

點解我要整相辦? 係因為之後有兩份晚裝既job要接, 果兩件晚裝都有少少sexy, 而另一位影師覺得我既相未算係最sexy, 所以係20日呢日補返. 本來係想比joejoe影, 但時間太趕, 而且又約左呢位影師, 所以拜託佢幫我影~今日終於收到哂相板啦!!


好like呢張街道上既我, 覺得自己好突出呢^^


背後既黃色波令醜樣既我更突出=.="


個影師話我比較襯斯文既pose, 唔知大家覺得呢??


其實最初果d相係比我練習表情, 而家開始影相啦~首先係豹紋外套, 入面有著衫既, 只係遮住左o者!


之後係sexy少少, 只有背心加短裙, 仲要係19度著, 凍死我啦!!


好鬼sexy啊!! 呢次真係最大犧牲, 希望joejoe唔好唔開心啦>< 呢張相本來睇落去似冇咩問題, 但細心d睇原來我走光><....joejoe見到好嬲及唔開心, 於是我即刻叫影師幫我cut左下半部分><


呢個動作其實係影師教我, 佢話會令人覺得cute d, 我都唔知係唔係啦.....


懶可愛既整起一隻手指, 希望唔好令大家反胃啦=.="


我都覺得幾可愛既pose, 但似乎唔太岩我....

我即刻把呢輯相post上去fotop及fb, 點知有位叫kinson既影師搵我影相, 我起初講話唔可以著得咁sexy, 同埋佢album有d sexy相, 我話唔想太sexy, 於是佢發顛咁話我咁多要求, 要我自己決定影相既衫, 地點, 時間及日期, 我都盡量幫佢安排, 我話去數碼港影, 點知佢又話自己唔係咩龍友阿伯, 唔會叫d model行行企企影相, 佢想搵個白色背景既地方影相, 我都費時估, 一於唔再理佢=.="

後來我問左其中一位影師朋友叫nokiaa, 又係個好叻既影師黎, 呢個係佢相簿: http://www.fotop.net/nokiaa/nokiaa01, 以下就係nokiaa對kinson既comment:
因為佢覺得妳靚女囉！同埋見妳相簿有性感相嘛！對依d咸蟲影師是相當吸引的！就好似妳吸引到raysand 同simonwhc一樣！(raysand, 係之前搵我影相, 但離間我同joejoe果位, 另一位叫我影sexy相, 估唔到遇哂兩個賤影師!!)

吓!? 咩我係靚女咩!? 呢個就不得而知啦, 總之都係小心d, 唔好胡亂posr sexy相去fotop, 如nokiaa話d相留返比我同joejoe兩個人睇好了^^

終於病左.....

今日只有十至十三度, 係屋內都聽到風吹得呼呼聲, 加上我琴晚病倒, 食左樂信感冒訓左係張床度, 原定去嶺南之風影旗袍, 及同菜菜佢地既約會都要取消, 只可係屋企休養一下

唔去影相既原因呢, 第一當然係戶外, 加上只係著一件單薄既背心旗袍, 試問我又點頂得順呢?? 條裙比琴日厚少少都可以凍病, 何況只係呢條裙....所以我真係好對唔住pcyu, 之前就改期, 後來又唔黎得, 真係好對唔住, 雖然你都唔介意, 仲問我邊日補影, 我都唔知做咩及講咩好, 只可以講sorry吧!?

至於食飯呢, 我就因為病左, 驚病上加病外, 如果請病假又冇得請, 因為個同事放連續兩日假, 公司只有我一名員工, 我一定唔可以請假...況且今日大家仲要打邊爐, 我病左就更易傳染, 費時惹埋比其他人啦....都係下次再約吧!!

係屋企全日都好悶, 唔係訓就上網, 都唔岩我既style, 但又唔可以出街, 於是睇返最近自己拍戲既劇照:


其中一幕係講男主角第一次送女主角回家~


男女主角係沙灘上遊玩既過程~不過呢段片因為撞衫所以冇用, 真係白跑啦...


男主角第二次送女主角回家啦~而且仲係最後既吻別戲! 不過只係鍚額頭o者><


加場拍既男女主角拍拖戲份, 我仲記得我哋唔係情侶, 但要拍情侶戲, 後來有對真正既情侶行過之後, 我地見到可以參考就照辦煮碗做返出黎, 點知一take ok!!

其實最好當然係同joejoe拍啦, 不過佢又唔識拍冇辦法啦.....導演話段片阿sir都覺得唔錯, 有可能呢段片會作真正播出, 大約會有二百人到黎睇, 可以搵定朋友去睇, 其實我已經決定好啦, bf既joejoe當然會邀請啦, 仲有菜菜及文迪, 三個人岩岩好^^

講返屋企先, 終於見返姪仔同姑姐~見到姑姐買左架thomas火車比姪仔做聖誕禮物, 都幾得意架~


全份套裝有一架四卡既火車, 路軌, 加油站及等車站, 而且仲有三個人仔, 都幾多野架喎~


好cute既加油站, 諗起以前我細佬都玩過呢d玩具~


話明係thomas, 點可以冇佢個logo!? 雖然我覺得呢隻野好核突=.="

雖然係病左, 但可以同最好既朋友傾計:

文迪: 太耐冇見啦, 見到你有份文職既工, 不過仲未過probation, 加油啊!! 等你冇咁忙時, 我地再同菜菜一齊去食飯及傾計^^....仲有你想做心理治療師, 好利害既夢想, 你平時都可以安慰及比意見傷心既朋友, 呢個職業好襯你啊!! 努力^^

菜菜: sorry, 因為病左唔可以見你, 不過見到你地開心就好, 嘉華都有打電話比我, 我先同佢講話唔黎, 下次要早d通知你地先得><~~但我想知有咩奇蹟, 係咪寶妮瘦左好多???

joejoe: 今日本來約左朋友, 但後來又cancel左, 咁遲先同你講都有....不過因為咁我地可以傾足全日呢~~

仲有其他影師既, 其中有個影師竟然話做左人第三者, 希望佢開心d, 同埋知道自己既方向及可以放手啦....

諒解及拍戲@boxing day + 誤會(下)

今早收到joejoe既sms, 佢話自己由始至終只有我一個, 如果佢有第二個就不得好死, 而且佢對全件事都不明不白, 那時我開始後悔, 覺得自己怪錯左人.....

今日拍攝地點係梅窩, 一去到已經好凍, 仲要係街邊化妝, 真係好唔方便, 雖然係有點凍, 但仍然都可以支撐住既~



終於到左, 見到好多唔太高既建築物, 好似返左大陸一樣...



河上既小船!? 真係可以撐既嗎?? if 係同joejoe一齊黎就好^^


真係可以修在船上嗎? 可惜身邊既人唔係你....


拍戲既第一個地點~係講述男女主角係度拍拖, 其實呢度風景幾靚及浪漫架!!

拍攝幾場後再收到你既sms, 話我不問情由話佢一腳踏兩船, 難道我們一d信任都冇嗎?? 佢話自己非失望及只可哭泣, 果刻我知道傷害得你好深, 而且你仲同我講出真相, 我好想哭, 哭既唔係因為我自己, 而係深深傷害左你, 一個真正愛我既男朋友, 我真係好想大哭, 但工作人員係門外幫我把守, 而且仲有好多場戲未拍, 我唔可以哭, 會整花個妝及嚇親佢地, 於是只好強忍淚水, 去到第二個地點拍攝....


第二個地點係公園附近, 見到你個sms, 我請求導演快d比我拍完, 希望可以見到你!!


第三個地點: 銀礦灣, 呢個係銀礦灣酒店, 也係我開始病到既地方....


銀礦灣沙灘~都係一個算清潔既沙灘, 一個主要既拍攝場地, 係男女主角相遇, 拍拖既地方, 係全個故事既發展部分~

係換另一套戲服時, 又再睇你既sms, 話你好唔開心, 你搵左我好友菜菜傾訴, 我相約你見面時你拒絕左, 而且仲話你有哭, 那時我開始想哭, 但又唔可以, 果陣我更加失落, 好想即刻到你身邊解釋清楚及安慰你, 但又唔可以走, 唔開心又唔可以同出面班工作人員講, 自己覺得好辛苦. 加上果陣返風, 風打在自己身上就更加凍, 那時開始流nose水, 同埋開始咳...工作人員見我開始病, 都比左好多衫我著><


已經包住哂全個人, 都仍然覺得凍, 究竟係身定心凍呢??


係拍攝期間好多人照顧我, 突然覺得自己好似一姐!!?? 開拍時要兩個人幫我除出面既衫~

最後終於支持唔住病左, 要去附近既士多休息, 同埋飲杯熱柚子茶先至覺得舒服D, 但仍然要拍戲, 只係拍埋兩場就走

發覺我同joejoe越來越掛住對方, 即使幾凍及病都好, 我想出黎見你, 好想安慰你, 好在最後你都答應, 於是係拍完片之後即刻到紅磡火車站搵你~

終於見面了, 我見你對我仍然冷淡, 真係激到你好嬲呢....甚至你仲未食野, 於是去左美心度食飯, 只要睇住你食就好, 我冇叫任何食物, 你都比左支果汁我飲>3<

多謝你特登拎比我飲, 係有氣既red grape juice, 好好飲><

果陣我地都冇咩講, 直至你攬住我, 我終於哭左出黎, 係因為我令你咁傷心, 你都仲對我咁好, 原來傷害你比傷害自己更傷心, 你一直溫柔咁安慰我, 講出大家既感受及講哂全件事既來龍去麥之後, 開始好似以前咁好^^

之後我地行左一個商場, 及坐係長椅子度傾計及互相攬住, 原來大家係對方既心目中係幾重要^^


又係聖誕樹啦.....都幾靚既, 隔雜既係高達展覽館, 不過我對高達冇咩興趣, 所以冇影到相=.="


商場門上既裝飾~都幾靚架, 不過我始終都係手震=3="


森林家族既成員及聖誕擺設~都有好多人影相><


好多動物既做型公仔~可cute啊><

坐左一陣傾計後去返我地成日既地方嘉維村, 因為我返工地點係附近, 佢又係附近住, 我地成日約埋一齊見面~開始搵食啦, 我哋兩個都冇咩點食野, 好肚餓啊!! 最後都係去左一間餐廳食飯~

而且見到你著咁少衫, 驚你凍親啊, 於是我送左頸上既全黑色頸巾比佢, 希望佢唔會厭條頸巾舊左d....希望之後可以學識親自織比你, 而家你粗粗地用住先啦><


你叫既乾炒牛河及我既沙爹牛肉炒烏冬~


我既肥牛烏冬 + 熱choco!! 又係食肥牛啦~


你叫既干炒牛河 + 熱柯力~大家都係叫牛肉, 可以交換黎食~

食完飯後要各自答車走啦, 真係好唔捨得, 要等到一月一日先可以見面, 本來係約定影相, 但後來轉變左個plan, 比去影相仲好玩既....xd