姑姐生日快樂 ．各位哈囉喂快樂^^

踏入十二點,終於到左哈囉喂,我係月頭買左頂魔女帽可以出動啦. 加埋我完全冇化妝, 保證大家一定會比我呢張相嚇個半死.大家仔細留意下啦,哈囉喂快樂^^

係度扮魔女~我估化左妝會好睇d掛!?

其實自己比較like呢張相個型態, 可惜見到我張床好鬼亂=.="

好想同人出去玩下, 可惜冇朋友去玩, 惟有自己一個玩自拍...真係無隱. 除左係哈囉喂外, 也係我姑姐生日, 一早已經約好左係屋企度打邊爐就算, 琴日已經買定哂d材料, 所以都唔係問題. 約好左放工之後同姑姐去百佳買刺身食, 買左好多刺身及手捲, 有排食啦~
全部都係三文魚, 勁正~但我哋打完邊爐之後仲可以再食嗎?

買完野食之準備坐村巴返屋企, 見到阿爸阿媽抱住姪仔上緊車, 之後見到我個妹及佢朋友, 我排係我個妹後面, 望住佢地兩個傾計, 唔知佢地係咪拍拖呢? 唉, 一男一女就係拍拖咩, 自己正一係蠢材! 姑姐仲未黎到, 我一直等佢黎, 直至見到佢, 我叫佢排係我隔離, 但後面又勁多人排隊, 佢唔好意思打尖吧? 太多人搭村巴啦, 佢差d上唔到車, 如佢真係上唔到車我會落返車陪佢. 好在最後佢都上到車, 但比我哋呢家人, 阻住架車行, 唔好意思....

返到屋企等多一陣就可以打邊爐, 係今年第一次打邊爐, 可能我掛住食及太開心, 竟然唔記得左影相. 好多我哋鍾意食既食品, 已經食左好多, 唔可以再食啦. 食完之後個傻佬anson又打電話比我, 同佢傾左冇耐又有另一個麻煩男仔係msn度add左我, 點解我成日都遇到d麻煩男仔架!! 同佢地傾左冇耐, 自己太累訓左, 再起身時已經見到姑姐差唔多訓, 自己點可以咁架!? 都叫自己唔好太夜訓啦!!

唔可以去菜之婚禮, 離異....

首先要恭喜我一位中學既好友菜菜結婚,都係祝福佢同佢老公kevin白頭到老都咁sweet,永結同心, 同埋生返個肥肥白白既細佬仔,但唔好叫我飲薑操,我好怕飲,連老闆娘叫我飲都唔飲><好想睇到你地結婚既相,同埋講句sorry,唔可以出席你個婚禮><

本來真係好想去,但我哋公司發生左一件唔係好開心既事,就係我哋其中一名職員,佢星期一因發燒請病假,本來係冇事,點知佢星期二及三都請病假,星期二都有個sms比老闆娘,老闆娘已經開始覺得唔開心,已經鬧左佢,話佢無尊重過呢個老闆,於是第三日個同事冇打電話黎比老闆娘,老闆娘已經勁嬲,加上個同事老公黎到公司同佢理論,話老闆娘唔信個同事真係因發燒而請假,結果兩人係老闆房內吵起上黎,個同事打電話比老闆娘,老闆娘都嬲到話你唔想返工就唔好返啦,之後好大力收左線.本來我想同老闆娘話請半日假去菜菜之婚禮,睇黎也冇咩可能...同事個老公走左之後,佢也冇出聲,所以我琴日冇話到請假...

今日個同事終於返工,老闆娘捉佢入房,問佢有關大陸廠支出之事,兩人又吵起上黎,最後老闆娘和個同事講其實係為左佢好.佢知道大陸工作毎個人都係懶散,佢唔想連個同事都係懶散,加上佢又係佢弟婦,於是叫佢黎香港工作,個同事起初工作方面都好好,後來個同事因夜晚追劇,所以精神差左,做野全部差哂,老闆娘話知道公司冇咩錢earn,都比花紅佢叫佢努力工作.個同事聽聽下都哭起黎.如果我仲話去婚禮,係咪唔太好呢?

不過好在最後佢地兩個都冇咩事,同事又再努力工作.琴日計算糧金時,知道另一位同事又再加人工,加到同我一樣,本來佢少我三千元,我覺得自己好失敗,點解毎人都可以獲得咁多收入,自己反而冇呢?加上自己做野又唔太開心,呢一刻真係好想走,於是我開始努力起黎,希望可以盡快學哂所有野離開,去搵過另一份更高人工的工,睇黎我有10k以上都唔係太知足,其實出黎打工真係為份糧,自己的待遇唔太好咪想走. 於是我努力做野,唔知係咪老闆娘睇穿我有d想走呢,佢教左我一樣幾複雜既野,就係睇出L/C的銀行條件,解釋各項既銀行收費,同埋拿O/D額,也係申請融資既方法及注意事項,原來真係咁煩,我都要時間消化一下先,果然真係好難呢><

第一次配音, 好得意~

今日都係返學, 學既係audio, 即係做音效部分, 今次玩既係配音, 係配金雞內吳君如及吳震宇既角色, 內容係講吳震宇同曾志偉佢地去夜總會, 比吳君如佢地知道, 於是帶住姐妹去搵佢地果段. 起初d同學都叫我去配吳君如, 因頭果段有類似恐龍腳步聲, 笑左我好耐, 我當然唔應承啦! 後來蕃薯覺得好似好好玩, 於是佢自動請纓配吳震宇. 至於ryan就配曾志偉, 阿銘及花倫就配另外兩名一齊去夜總會既朋友. 男既所有配音員已經安排哂.

唔知係咪女仔特別怕羞d呢? 當然包括我啦, 我把聲咁核突, 成把男仔聲咁, 無謂獻醜啦><所以我先唔想配, 都唔係因為佢地笑我, 我先冇咁小氣! 有男仔話佢地反串扮女仔聲, 但都比波特拒絕, 我四周望望所有女仔都冇個願意配音, 於是我只好應承佢地配音啦! 但吳君如身邊仲有其他姐妹, 都冇個人願意配音, 好在雲妮最後都應承, 但都仲欠人聲, susuki及阿ling一直唔願意, 文迪佢唔鍾意聽到自己把聲, 所以我都唔好意思叫佢配, 即使其他同學叫文迪幫我手時, 我都冇迫佢, 不過好在最後都應承左我, 多謝你地兩位^^

開始配音時, 各位人員要先試音, 睇黎我都好似幾大聲, 我要企係後面先可以講野. 全個錄音房都好寧靜, 聽唔到出面同學的說話, 只有帶耳筒既蕃薯先至聽到佢地講咩. 真係好緊張呢, 從來未配過音, 即使有字幕, 我都好驚下, 驚自己把聲核突, 同埋自己反應慢講唔切.

第一次錄音時, 可能大家都比較緊張吧, 綠得唔太理想, 周不時會聽到人笑聲, 蕃薯講到好似讀書咁, 我又接唔切字幕....於是我地錄多兩次音, 最後終於成功左, 結果幾令人滿意, 話ryan真係似曾志偉, 話我竟然似吳君如!? 而且仲話吳君如病左可搵我配音, 哈哈~原來錄音真係咁好玩既, 不過之後執返段聲就難囉, 而且仲要搵埋背景音樂, 都唔知好唔好玩, anyway, 配音都係開心及好玩既^^

開始學拍片, 好好玩~

終於返學啦, 今日又係video堂~而且也係我交我哋角色設定及故事大鋼呢份功課既時候, 好在琴晚冇同個傻佬anson去睇戲, 唔係一定交唔到呢份功課呢~

個角色返定係一個男及一個女, 部分係以地獄少女為藍本去作. 故事講述一個內向, 缺乏人關心既女主角成日比同學欺負, 比人搶去自己暗戀的人, 甚至冇左推薦入大學既機會, 受左好多委屈也冇人傾訴, 佢好憎恨所有既人, 加上自己又係單親, 媽媽係成功商人, 只會擔心自己名聲, 大家好少見面. 女主角偶然遇上車禍, 但佢竟然冇死, 原來係一個穿著和服的地獄少女help左佢, 自此佢擁有特別力量去進行報復, 但代價係佢的生命力一直會流失....後來遇上一個陽光男孩, 雖然同是單親家庭長大, 但卻一直開心堅強生活落去, 惟一遺憾既係佢想做個足球員, 但一直冇機會. 個男主角既好友雖比女主角殺死, 但佢仍然主動關心女主角, 究竟女主角會唔會比佢真誠打動唔再報復到呢? 定一直損害生命, 直至死亡?我特登唔講個ending出黎架, 哈哈~因之後好似阿sir話要寫埋個故事發展, 果陣咪知個結局囉^^ 我好似好衰咁, 其實我覺得結局係重要, 但故事發展也係重要, 如個故事好既話, 就會吸引人一直睇到尾, 一早估到及知道個結局有咩意思. 可能仲有其他故事發生呢, 就係咁先至好睇!

上堂教用部攝錄機, 真係好多制要識, 原理同相機差唔多, 不過多左好多功能, 睇黎要比心機學下先得. 而且要用佢黎拍攝多份功課. 首先要拍攝三十秒既七彩螢幕先, 即係明珠台冇電視節目時出現果個畫面, 之後再拍十秒黑畫面, 之後就可以開始拍啦. 我哋呢次要拍既係各組員既自我介紹, 波特及阿聯都介紹得好鬼馬, 我呢咪講自己係恐龍, 想食哂話我d人囉, 哈哈~

其中有部分係一個叫場記既人記底第幾個shot, take幾多次, good定ng, 拍攝時間, 內容, 人物, 用咩攝影方法, 如近鏡, 中身....呢個部分呢, 哈哈, 波特話我有秘書格, 佢地已經比左我做, 又真係幾好玩呢, 自己都樂在其中~佢地都話我寫得幾好時, 我都幾開心, 我會努力做好呢個場記! (吓!? 咁冇大志既?)

最後放學時, 蕃薯話我個假髮得意!? 竟然有人讚個假髮? 佢都係第一個讚我, 都唔知係咪開心, 佢叫我整散d個髮, 又或者買多一束會好睇d. 嗯, 我得閒先會買返啦^^

玩下駁髮

其實琴日我係旺角買左一樣野, 係可以實現下我既夢想, 就係...幾執又長又捲既假髮. 自從剪左頭髮後, 我一直好想留返長, 但呢個月黎只係長得果少少, 幾時先可以留到以前咁長? 本來又想駁髮, 但我又驚損害而家既髮質. 本來以為自己冇希望再長髮, 但琴日竟然比我見到可以夾既長髮, 於是我今日試下夾住返工啦~

可能係自己夾得太落, 加上自己d髮質咁差, 真係好覺係假髮呢~

後面更加覺係假髮呢~

雖然係好假, 但我都帶住佢返公司, 因我真係好like佢既捲髮. candy一見到就話我都係短髮好睇d, 同埋我個捲髮真係好假. 睇黎我都要焗多d油, 打理一下頭髮先至得!!

菜婚前聚會again

琴晚我哋幾個女仔傾得好開心,尤其係可以見到菜菜及知佢結婚特別開心.今日同佢仲有多一次聚會,不過係同第二班朋友,包括veron,eva及蕉.佢地仲耐冇見,今日終於可以見到佢地啦!

由於我同屋企人食早餐既關係,我本來約左佢地兩點食飯都要改三點,sor呢...好在最後毎人都早左到cafe搵位,而菜菜都好準時,我哋有多d時間傾下計及玩下囉^^雖然我食左個早餐, 不過自己真係太肚餓啦, 都係食左野先~

我叫既忌廉煙三文魚天使麵. 又係三文魚? 又係天使麵? 冇計啦, 果間餐廳冇咩食...

我哋中途食飯都有傾下菜菜個婚禮d事多, 見到佢比我哋睇試婚紗及晚裝d相好靚牙~果然毎個女仔結婚時都係最靚, 好羨慕!! 唔知我有冇呢個機會囉...應該話我竟然迷失, 自己唔係一直好like蕃薯咩, 但點解又會諗返個衰人anthory架!?

大家都係覺得悶悶地, 就玩下遊戲先~有好多騎呢遊戲玩, 好鬼好玩^^

呢顆樹好得意, 首先我地要插d樹葉入顆樹度, 再擺d蜜蜂入樹內, 之後再拔走樹葉, 如果拿得越多蜜蜂就輸. 我呢隻果然係神手, 郁得都幾快下=.="

呢個係攏d圓片落個樽度, 我哋最後成功左, 所有買片都冇fall到, 真係勁牙!!

呢個遊戲我覺得比較悶d, 就係有粒骰子, 骰子上會有顏色, 要憑自己記憶去搵返和骰子相同顏色的公仔, 好怕玩d考記性既野>< 玩完之後, 我見到eva影完相, 部相機擺左係枱面, 我見到佢果部相機又係黑色既, 同我果部一樣? 原來只係果樣似, 但有d唔同既, 我哋開心到玩起互影黎~

哈哈~eva呢張影到佢幾開心^^

兩人部相機差唔多, 可惜背左光睇唔清楚, 不過唔緊要啦~好似人地賣相機廣告=.="

當然唔少得大家合照啦, 咁耐冇影, 一定要影返!!

大家玩完食完之後, 都已經成六點幾, 但似乎大家仲意猶未盡呢, 於是我哋行左陣旺角, 不過大家都好似冇咩心水野買. 最後各自返屋企. 我屋企仲有件蛋糕等埋我~

我既choco lover牙~全部都係choco, 入面仲係軟心choco, 出面果支係白choco, 超正~

冰釋前炎 + 菜婚前及寶妮畢業聚會

今日蕃薯黎我屋企整notebook上網及set電腦. 佢出奇地早起身, 我叫佢食左早餐先, 因我屋企真係冇野食, 只係我唔好彩食食下碗麵都可以整瀉, 整到我只係食左三分二個麵....早知落去食個早餐吧!

大約十二點半, 蕃薯終於黎到我屋企, set左電腦冇耐佢就手痕痕店我=.=而且仲講起我地吵架果件事既真相, 原來佢果陣太嬲先至講d過分既說話, 佢對呢件事完全唔介意及原諒我, 我哋傾下計, 佢又從後攬住我, 好似我哋感覺比以前更熟及親密. 呢個時候我也好後悔咁做, 我唔會再單獨同男仔去街及食飯, 除左你之外啦~佢表面唔介意, 係咪真架? 佢叫我之後陪佢溫英文, 你唔好亂黎及多手, 我就殺左你!!所謂既二人世界話咁快就過, 我哋玩到差d唔捨得返學, 到最後都係返學吧, 但已經係三點幾, 計埋搭車時間, 果堂都冇左成三分之二, 本來都唔想返, 但最後都係返學吧!

結果只係返左學一個鐘都冇就放學, 究竟我哋返學做咩? 之後就去搵liz 佢地食飯囉~今日呢餐係菜菜婚前聚會外, 更係同寶妮影畢業相既日子, 可惜我要返學(!?), 唔係可以去同佢地影相. 本來約左係尖沙咀等, 佢哋叫我先到意大利餐廳先, 果度可以係金馬倫道出去, 但個出口因電梯維修而封左, 最後都係等佢地黎先一齊去餐廳~

間餐廳係嘉華個前同事開, 佢介紹左好多佢店舖既招牌菜比我哋, 經過我哋幾個女仔既仔細商量(!?)之後, 叫左幾個唔同既送菜^^

個炸雞娶~我哋食只係覺得好脆, 但人地食時覺得佢好鬼香, 都幾好食既^^

忌廉汁煙三文魚, 尤其係三文魚, 簡直係my 飛佛^^

墨汁焗海鮮飯~d飯好香好好味, 不過就食到成隻碟黑色=.="

我唔記得左呢個叫咩菜, 只記得嘉華個同事介紹既食品, 話d麵條係自己搓, 毎日只售一百碟咁巴閉!?

菜菜叫既蕃茄天使麵, 鍾意食蕃茄既我一定覺得好正~

食完晚飯後大家坐底傾下計, 睇返頭先寶妮影既畢業相, 睇黎佢地都好似好開心呢. 酸梅及我係後來先到, 所以寶妮再次穿畢業袍, 比我同埋佢補返影外, 大家都黎個大合照先~
我冇化妝果然係勁核突><我鍾意酸梅側側地坐既pose~

我同菜菜又係穿格仔衫, 真不愧係twins^^

寶妮個畢業look及佢d畢業公仔~大家黎個大合照先^^

等我都襯下熱鬧拿個畢業公仔同寶妮影下相先~

正當我地影相之後, 可能係侍應見我哋又冇叫過野食, 加上出面又有人排緊隊等位, 於是佢問我地係咪埋單, 邊個話我地唔叫野食架!! 最後只好叫多三個dessert坐耐d及大家share吧!

我叫既焗麵包布甸, 本來個野係好好味, 但加左個ice cream之後就麻麻, 因佢融左會整到個麵包布甸唔脆架!!

寶妮叫既new york 芝士蛋糕, 都ok好味既~

酸梅叫呢個芒果拿破倫就真係正啦~我見隔離枱都用呢款cake做生日蛋糕, 超好味~

值得開心~

果隻anthory再冇電話搵我, 呢件友唔好再煩我就好, 我好討厭佢少爺仔性格, 大男人及隨便, 以後唔好再同佢有關係及見面就好好~佢唔再煩我係第二件開心事~

以為個死人anthory走左之後會唔使煩, 點知又有另一個鍾意打電話黎引人笑既anson突然係msn度講話佢單身, 我也講事實自己又係單身, 於是anson話我哋不如拍拖. 吓!? 我呢d都聽得多, 成日都只係講下已經覺得好悶, 唔好再有人咁講好嗎? 之後佢提議下星期一去睇戲, 我竟然岸居居又應承佢, 自己究竟做咩? 幾時變得咁隨便? 唔通冇男友就可以咁做嗎? 自己以前都唔係咁, 點解會變成咁...只係填補自己心靈上的空虛, 定係自己想搵個男友. 網上及現實大多數男仔都係賤格既多, 成日都係騙色, 自己又唔係唔知. 雖然佢約既時間地點都係就我, 我話去旺角, 佢答應我由大埔放工即刻黎到食飯, 但只係扮好人吧? 自己唔好再上當....

蕃薯無端端問我聽日屋企有冇人, 話黎我屋企度整notebook上網既事, 以及係我部desktop度set野. 你當我傻咩, 整電腦使唔使要冇人牙, 你唔係又想....睇下你聽日知唔知醒, 可以一早黎我度啦, 都係咩唔好諗, 早d訓仲好啦~

又再見到佢!?

係公司無所事事, 成日返工都係玩fb, 甚至訓覺, 其他朋友又返左工冇得傾計, 如果可以msn就好, 可惜都係冇啦, 等放工既日子真係辛苦. 個男仔anthory (終於叫左佢個名啦!?) 突然打電話比我, 話佢唔見左本銀行簿仔, 佢冇取消個戶口, 博下冇人盜用, 自己又去申請本新既簿仔, 因佢多數會用呢個戶口做轉賬, 以及覺得手續費太貴而唔轉戶或取消號碼!? 吓!? 咁都得, 我覺得都係安全d好, 寧願轉戶口, 唔使日夜提心吊膽; 又話佢boss問佢借唔借錢, 借成五十萬咁多? 我就叫佢唔好借會好d, 不過佢咁大男人, 應該唔會聽我講吧? 同我傾完呢d事之後, 只不過係五分鐘就收左線, 都唔知佢打黎同我講佢呢d私人野做咩? 而且佢又冇約我食飯, 應該冇問題吧?

直至五點幾, 佢又打電話黎, 問我放左工之後得唔得閒, 想約我去食飯, 六點半係葵芳neway等. 但佢公司多野做, 佢叫我行陣街先, 結果要成七點幾先見人, 真係離譜!! 要個女仔等佢咁耐!

anthory又楂架車黎接我, 最後決定係深井度食飯, 就大家屋企地點, 我講得衰, 應該係各自返屋企既地點. 佢唔想哂錢泊車, 竟係路邊泊車, 但又驚抄牌, 於是佢搵附近一間茶餐廳食野, 方便睇住架車~本來我想睇下食咩, 點知佢竟然叫我唔使選擇, 由佢幫我決定哂, 竟然唔比女仔選擇架, 真係牙!! 好在呢餐飯唔使我出錢, 哈哈~

以男仔黎講, 佢都食得幾清啖下~銀色果煲仲有鮑片, 毎人一個飯, 真係好好味~

其實佢都對我幾好既, 同佢傾計之中, 佢得知我食物方面根本唔夠健康, 話我成日食埋d肥膩野, 於是佢叫我食雞時, 食d冇咁肥又滑既部分, 佢自己食d肥既部分, 睇黎佢都算唔錯. 之後佢話我咩都貪, 惟獨係唔貪靚, so 佢叫我先打理好自己皮膚先至學化妝, 我都努力緊,; 同埋話我大食, 當然冇人要啦. 點解個個男仔都咁話我? 睇黎我真係好唔店=.="

食完飯之後, 我地再去附近食糖水. 之後佢車我返屋企, 但返屋企之前, 佢話去銀行拿錢, 佢又同人傾電話, 其實我頭先食飯時我都有見佢成日講電話, 我見佢架車入面都幾靚, 自己又悶, 於是又手痕痕走左去影相...

佢個司機位~ 我就坐係佢隔離

佢架車後面位置~果個位好迫, 根本坐唔到人, 可能係佢特登要人坐前面呢!?

食拿完錢, 傾完電話之後, 佢即刻上車車我返屋企樓下, 自己佢就返屋企, 係車上佢話自己一個人住, 平時冇咩湯水飲及生果食, 叫我得閒比佢食下, 都係睇表現先啦, 我唔係對毎個男仔都咁好既, 哈哈~

惡夢的含意

今日放左學冇同文迪佢地食飯, 又開始冇咩錢用, 自己返屋企睇各朋友既blog, 大多數朋友可能係太忙呢, 冇時間update 個blog, 只見candy毎日都update左佢個blog, 見到佢同佢個男友毎天都過住開心生活, 值得慶賀既. 但也見到佢就黎結婚, 心情好緊張, 成日都發惡夢, 可能係佢自己都唔想, 但又唔知點解又會發夢見到d咁既野. 唔好太緊張, 放鬆d迎接呢個一世難忘既開心日子吧~!

講起夢, 我都曾經發夢見過蕃薯突然係隻遊輪上跳海, 應該話唔止佢一個人跳, 仲有其他人都跳海, 我見到有潛水人員把屍體撈返上地面, 但都係唔見蕃薯(我咒佢死左!?), 我個心越來越緊張, 不停去搵人help佢, 但都冇人幫我手, 我真係好驚, 脆左係地上哭住, 我發覺自己唔可以冇左佢. 至於之後結局係點? 我真係唔知, 因我已經醒左. 其實個夢真係同現實冇咩關係, 我也唔會估呢個夢既意思, 但卻帶比我一個重要既信息, 就係自己覺得蕃薯原來係我心目中的位置係咁重要, 甚至害怕會失去佢, 都唔知係咪值得開心, 雖然搵到個自己真心愛既人, 但又驚佢第時唔會同自己一齊會唔開心. 但無論之後會點都好, 自己鍾意佢既心應該唔會變掛? 自己正在找尋自己幸福既道路中~

高興與失落之間

同埋因和同事討論自然死及病死既問題, 由此我既無知, 毫無理據同mooji吵起上黎, 我同佢吵得唔開心, 我已經同佢道歉左兩次, 佢都仲嬲緊我, 一直冇再同我傾計, 呢日我要出job, 想搵佢至鍾意食既臭豆腐比佢, 可惜都係搵唔到, 要去到深水步先有得買, 我公司係荔枝角, 又點可以去買呢? 冇得同佢道歉, 即使我另一位好同事candy勸導, 個同事仍然唔彩我, 睇黎佢真係好嬲呢....mooji, 對唔住, 我唔應該用咁惡既語氣話你, 你一直好心教我, 教左我好多野, 我自己實在唔岩, 只求你原諒我一次...

可能係和同事突然吵架, 總係唔開心, 但也有令我開心既事, 首先係今日果個男仔終於冇打電話搵我, 的確係件好事, 唔想再同佢有任何來往, 但自己真係咁諗嗎? 明知佢係衰人, 佢唔黎煩我咪仲好...第二係放學後, 佢琴日和同學講開水電用黎第時拍video功課時用, 佢一直都督我個肚, 話我係水電, 其後話我係大肚腩, 計我話你先係大肚腩, 於是我督返佢個肚腩; 仲有各同學已經走哂, 波特等阿ling同佢一齊放學, 只剩下我同蕃薯, 佢突然叫我走近佢身邊, 之後鍚左我一啖, 我當時個腦一片空白, 咩都諗唔到, 其後終於回神, 我追住佢黎打, 我哋一直走, 直至我打到佢為止, 呢段畫面似曾相識, 就係係佢一開始好似追我時所發生既情景, 我哋兩個好耐都未試過笑得咁開心, 估唔到我哋之間發生左咁多事, 我哋仲可以咁開心, 但呢個情況到底可以維持幾耐呢? 好享受呢刻開心既時間, 但願可一直停留係呢段時間就好了^^

第三件開心既事係今日又可以和文迪, 雲妮及berry去食飯, 我哋都仲苦惱緊食咩好, 最後都係決定左食泡飯, 雖然都知係冇咩益, 但試下又無妨呢~

我叫既沙爹牛肉及酸菜泡飯, 都幾好味既~

大家談論緊佢店舖內其中一個裝飾, 就係掛在天花板上既玻璃杯, 即係酒吧度d玻璃杯倒吊住果d, 從雲妮口中得知原來酒吧d人成日抺杯係有原因, 就係令到d杯乾淨d, 睇落去會比較ling身, 但果度d杯既裝飾, 果d杯不但唔ling身, 而且仲好似有塵係上面, 講完之後真係有d唔係好想食, 但見d食物ok就算, 而且又平, 都係唔好太高要求吧!

惡夢第一日....

今日收到蕃薯個sms, 佢同我講佢琴晚的確好嬲, 但佢已經原諒我, 同埋話以後有咩事都同佢講, 但我已經冇覆佢, 同時也冇再同佢sms, 應該話自己已經唔想吧?

果個男仔係放學之後都有打電話比我, 問我今日去唔去食飯, 我又用星期一至三都要返學黎推左佢, 希望佢自此之後都唔好再打電話比我黎煩我! 雖然講係咁講, 但我唔知點解都係想見佢, 自己有d心掛掛, 如果可以用佢黎忘記蕃薯都不知幾好呢, 但知道只係治標唔冶本, 差唔多毎日返學都見到佢, 點忘牙? 雖然都知個男仔動機係唔好, 但自己做咩鐘個頭埋去, 你係咪恨拍拖恨到發燒, 成個迷糊, 兩個男人比你既唔係真正既愛, 而係佢地都係自私, 同埋兩個都係幾大男人既人, 自己一定受不了...好想擺脫佢地

呢堂英文已經冇同佢坐, 只係幫佢霸左個位, 同埋把上堂既note擺係佢枱上, 最後佢返到黎只係同女仔msn, 及係fb度傾計, 完全哂我既心機, 可能對自己黎講係幫佢, 但係佢角度係害佢掛!?

呢兩位仁兄帶比我既惡夢, 究竟幾時會完結? 惡夢的第一日....

但也唔係全部惡夢既, 最開心日既係放學之後同文迪, 雲妮及berry去食晚飯, 都係上成日食開間上海菜館, 而且仲大家share食物黎食~

我哋食既年榚及餃子~仲有小龍包及煎餅冇影到=.="

矛盾!?

話說今日全班男仔去城門水塘影相, 當然唔會搵埋我啦, 佢地又同埋佢地個model朋友去. 好在琴日同文迪講好左今日去唱k, 先懶得你地!!

由於我冇開手提, 文迪一早已經約定我唱k既時間及地點, 係一點前係佐敦等, 但我差唔多一點先開機, 結果遲左成個鐘先至去. 好在之後都可以搵到地方唱k~間k房好細間,好的式, 我哋立即去點歌, 而且我仲即時叫左下午荼, 係雞翼薯條, 雞翼味道都ok既, 但d薯條凍哂, 而且又冇味, 完全難食, 我覺得間neway唔係收我份下午茶錢15元, 而係要比返我多d囉=.="

唱完k之後, 我同文迪去左以鮮奶最出名既澳洲牛奶公司, 果度d快餐出名快及好食, 佢最出名係炒到好滑既蛋外, 仲有佢既牛肉通粉, 但呢個通粉係餐度係冇寫, 點解我會知可以叫牛肉通粉呢? 因有次我同姑姐讀緊會計時, 毎次放學都會走去食, 本來照住佢餐牌黎叫, 點知餐牌果樣已經賣哂, 於是個侍應就叫我哋叫牛肉通粉, 食過之後又覺得幾好味, 於是我哋毎次就叫呢個餐食. 食完之後, 同文迪再行陣街, 直到十點到先離開....途中果個男仔又再打電話比我,已經冇見佢二日, 或者咁先係好

返到屋企msn, 見到蕃薯online, 都係唔同佢傾好, 我哋不但因之前件事吵架, 而且仲因佢一張model相及我見之前話個video欠兩個男主角, so 我想叫果個男仔黎, 佢立即問我果個男仔係邊個, 做咩一定要叫佢黎, 因此我哋又再吵架, 話佢[之前一早都同你講過我最討厭人有野扮無野架啦], [我發覺我同你真係溝通唔到], [無論大事小事..我發覺我講咩你都會錯意]. 我已經受夠啦! 點解我毎次都係比你話我, 我就唯唯諾諾, 我覺得成日屈就自己好痛苦, 我哋既距離越來越遠...

搖擺的心!?

之前同蕃薯及自己近來發生左d事, 呢日唔係咁開心, 成日都冇笑過, 只有呆呆地坐及企著, 蕃薯見到我好似唔係咁開心, 於是特登講野黎引我笑, 但自己根本都笑唔出, 可能係今次呢件事太對佢唔住吧!? 佢雖然似乎冇嬲到, 但係佢同我減少左身體接觸, 佢以前都會拍住同我坐, 而家好明顯有d距離, 咁又難怪佢既....

到了葵芳地鐵站, 本來想同文迪二人去食飯及傾心事, 點知蕃薯突然話想打波, 於是對住文迪問佢去唔去, 文迪望一望我, 蕃薯見我猶豫不決, 佢都望住我叫我去, 最後我哋兩個女仔一齊跟埋佢地, 目的地係阿聯屋企及附近球場, 阿聯屋企就係蕃薯佢地成班攝影發燒友研究下攝影野掛, 至於球場咪係比蕃薯打波囉~原來阿聯屋企係石峽尾, 係我以前返學既地方, 係果度有好多回憶, 本來失落既心情突然開心起黎, 覺得全個人都好輕鬆, 原來返去以前既地方係幾咁開心~跟佢地黎果然冇錯!

可惜既係球場已經滿哂人, 蕃薯連打波既機會都冇, 只好去阿聯屋企, 本來我哋想全班同學都殺上去, 但覺得太多人去佢度又唔好意思, 最後只有蕃薯及波特, 佢地三人上去. 剩下我, 文迪, 雲尼, 阿光及阿駿五人係佢屋企樓下等.

等左幾個字到, 終於可以去食飯, 好野~可惜阿駿及雲尼都係走左, 我哋六人步行到深水步食日本野, 就係有一次去過果間日本料理度食, 宵夜都係35元, 有一個烏冬, 一個窩及二件壽司, 真係好抵~途中果個男仔又再打電話黎問我係邊, 剛好蕃薯對住我, 我只好行開一陣講電話. 點解我會咁做架? 好似有種悔疚既感覺, 但另一方面, 知佢打電話比我又覺得好開心, 同埋自己竟然有d想見佢, 但我唔係鍾意蕃薯咩? 唔通係呢件事改變左全個故事?

南軻一夢!?

個男仔終於約左我今日同佢食晚飯, 而且仲話自己特登楂埋車黎接我放工, 唔係掛!? 原來佢有車架? 仲要接埋我放工, 都係第一次, 起初一聽到佢話有車, 我都有d驚, 但最後竟然答應佢, 六點四十五分係我返工既長沙灣廣場後街等, 我放工後都立即打扮下先去見佢....

期間姑姐已經叫我唔好去, 但我總係唔聽話要去, 仲叫文迪同我夾定口供, 希望可以同個男仔去食飯, 我幾時變得咁唔聽話? 係我做左乖乖女咁耐以黎第一次唔聽我姑姐話. 文迪都支持我呢段感情, 係個新既開始, 叫我小心d, 千萬唔好上佢屋企..

終於見到佢, 佢真係楂架車黎接我, 全架車都充滿哈囉喂裝飾, 全部都係阿jack公仔, 真係好靚, 而且佢仲話自己特登用成萬元裝飾, 有好多古古怪怪既公仔.

佢架車本身出面係藍色, 入面佈置黑白色, 營造哈囉喂氣氛~

係車上佢突然同我講, 話星期三見面果次佢已經鍾意我, 只係驚講左出黎會嚇親我, 所以佢果陣冇講到. 之後捉住我隻手及想錫我, 輕聲問我係咪去黃金海岸食飯, 我哋最後決定係果度. 係車上講左佢好多經歷我知, 原來佢做過好多種職業, 包括抄股....炫耀自己身家豐厚, 佢自己只係二十九歲, 就可以一次過付款比哂佢自己住緊既浪翠園買樓費, 而且佢屋企本身住簿扶林(唔係木屋, 真係萬幾元尺的住宅), 話佢自己唔靠屋企而自己搵錢, 買左佢而家呢架十五萬既車, 而且以前仲係楂寶馬, 同埋之前抄股, 而家蝕左六十幾萬....見到佢一直靠近我楂車, 自己比佢既外表及身家吸引, 原來自己只係個普通女仔...

終於到左黃金海岸, 本來想去酒店食buffet, 竟然要成三百幾元, 實在太貴呢!!於是去左附近餐廳食飯, 最後去左一間露天餐廳食飯, 原來佢本身都好鍾意好多外國人既地方, 可能佢本身都係外國留學返香港吧? 但估唔到佢叫中式食品呢...

佢竟然叫左肉餅飯!? 有d驚奇添? 竟然掛住影佢個飯唔記得左影自己果個飯添=.="

我哋食飯既露天餐廳~

餐廳外既風景~

我哋邊食飯邊傾計, 途中見到風景咁靚, 於是我同佢影張合照, 總之叫人幫我地影啦! 佢影得咁鬼核突=.-"我做咩鬼咁近佢牙? 影到我塊面肥到死>< 死啦, 做咩張張都影得我咁核突架!? 定自己本身核突?

食完飯之後, 佢先去附近油站入油, 途中佢教我點樣去睇名車, 唔好比d舊款名牌車呃到, 原來果d車只係值幾萬元; 我自己身邊都冇d咁有錢既朋友, 點識呢d野? 佢係車上叫我可以隨時去佢屋企住, 仲叫我同屋企人講話去男友屋企附近住下. 吓!? 點可以咁架? 最後我都去左佢屋企坐左一陣就走. 佢屋企雖然細細地, 但設備都幾齊全, 只係個廚房唔知要黎做咩? 只係擺鞋....仲有設備都冇咩點清潔, 果然係咩都唔識做既二世祖=.=??

我發覺同佢的價值觀跟本唔同, 而且性格, 身家都差一大載, 睇黎我都冇咩機會可以同佢一齊, 唔好話一齊, 甚至連見面都未必會見啦. 你估佢真係當自己係佢女友咩? 自己當發一場夢算吧!

唔上英文堂先係醒!?

佢今朝同我講, 話佢頭暈唔想返學. 係啊! 今日係英文堂, 又係一個悶科, 佢就醒啦, 唔使返呢堂悶野. 我本來都唔想返, 因琴日果個男仔約我食糖水, 我因為要返學而冇得去, 改左去聽日. 而且仲要我幫你拿notes, 真係激氣! 佢叫阿聯都得啦, 做咩會叫我架!!?

返到學校本來以為自己悶既話可以玩下fb, 正當我想去個fb網頁時, 突然轉左做word既? 原來miss控制哂所有電腦, 要我哋睇住個mon抄notes. 唔係掛!? 咁悶, 呢次真係死啦. 加上仲要聽到11月13要測英文, 更加冇心情=.="點解要好似以前咁既悶版方法上堂? 我同文迪就係因為唔鍾意咁樣先唔讀工商管理或會計, 估唔到而家又再重覆以前道路....

於是我哋兩個無聊起黎sms, 大家用sms傾計, 甚至仲約埋一齊去toliet及去傾計. 我哋終於呼到啖新鮮空氣啦~文迪仲講開星期六阿銘會係球場附近打波, 問我去唔去. 睇人打波成三個鐘咁悶, 不如去睇行下街, 傾下計, 涼下冷氣仲好啦~都係等星期六先算啦, hehe!!

蕃薯就好啦, 唔使返學, 除左佢之外, 仲有八個同學都冇返學, 包括波特及阿銘, 仲有d我同佢唔太熟既同學, 總之你地都好, 唔使返學聽悶書, 好羨慕><

突然的遇遇!?

今日如常坐小巴返學, 身邊突然有個日本打扮既男仔坐係我隔離, 起初我都冇咩留意佢, 只係望左佢兩眼, 見佢有時都會望下過黎, 但我都不以為意, 自己落車後返學校....

正當我返學校時, 個男仔突然走黎, 問我係咪係新都會廣場工作, 我話唔係, 點會有d白撞既人架? 真係厚面皮!! 本來想走開唔理佢走, 點知佢一直同我傾計, 問我係邊度讀書及住邊, 以及講埋自己既生活背景我聽, 原來佢之前係香港讀過poly u 兩年, 之後去左英國留學, 而家返黎香港工作, 佢全部親人都係英國住, 而家住係深井浪翠園....佢一五一十同我講起佢既事, 呢次黎ive係, 因為佢英文好, 幫同學做功課. 到左課室門口, 我咪入去囉, 點知佢仲捉住我同佢傾計, 佢其實真係幾型, 於是吸引左d同學黎睇, tracy見到我同個男仔傾計時都走左過黎睇我地講咩.

最後傾完返到課室, 果然同學全部見到哂=.="即刻問我果個係邊個黎, 我話我其實都唔識, 只係係車上遇見, 佢話好似見過我先同我傾計, 令同學諗返起琴日上video睇過有段日本男性追求女性的短片, 其中有一部分話男想追個女時, 會偷偷跟蹤佢, 見個女仔drop野時會幫佢執返, d同學咪用呢段黎笑我呢段奇遇. 文迪見到我同個男仔好好傾, 話佢咁主動, 而且外型都幾襯, 真的嗎!? 令我真係好開心呢. 可惜既係我呢日竟然唔記得左帶電話, 冇得拿佢個電話號碼, 但我比左自己個號碼佢, 希望佢會搵我啦! 其實我都係第一次比人搭訕, 而且仲係個型仔, 係讀時裝設計, 佢識打扮之餘, 又好似好有錢咁? 難道我真係行運嗎? 都係睇定d先啦~

返到屋企終於可以拿返個手提, 見到佢有個sms問我食唔食糖水? 唔係我既桃花終於黎嗎?

休息一天

呢日冇咩事發生, 個blog冇咩打=.=" 之後精彩故事(!?)陸續有黎....

竟然仲有人記得佢?

我係fb度搵左兩個club, 都係人地為我至愛既遊戲角色整左d fans club, 自己始終都係忍唔住手join左, 好開心牙~果隻game已經出左起碼五年, 仲有人記得個角色, 真係好開心呢~

呢個係叫 albel nox is amazing. 唔係太多佢既畫及相, so 都係好少人join個會, 只有18個人=.="但有張畫都幾靚既~

就係呢張啦, 好襯佢個style~

另一個會係albel's army, 即係個遊戲角色內屬於佢既軍隊, 可能我哋對於佢對軍隊形象太深刻啦, 所以都幾多會員. 如我真係佢軍隊其中一份子, 咪可以成日見到佢啦, 甚至做埋佢gf就更好啦, 都係夜晚留比我發夢見到佢就算=.="

也係因為呢d fans vlub, 令我諗返起好多玩呢隻game時既片段, 果陣真係痴線到放工又玩, 甚至星期六日全日都玩哂~

起初佢出場時的畫面, 佢係壞人黎, 見到男主角佢地打自己下屬也唔會去理會

其後佢打輸左比男主角佢地, 好心痛牙~同佢打架時, 佢要追住我用既角色去打, 都唔知開唔開心好?

最後都係同左男主角(藍髮係後面果個)一隊. 有得用佢我當然狂用佢啦~

最後我都係升到佢最高level, 可惜都未改最強weapon比佢, 因佢係全隊人之中都係麻麻地勁><

婚禮party聯絡人

文迪終於出院返到屋企, 唔使再留係醫院內, 都係一件值得恭喜既事黎~也因為咁樣, 蔡蔡就叫我幫文迪手, 做個婚禮party聯絡人, 我都唔知自己可唔可以做得黎, 希望可以幫到你手啦! 蔡蔡有意思想係佢結婚之前同大家聚下舊, 慶祝一下. 共分開veron及liz佢地兩批人食飯.

除左liz佢地果班之外, 其餘果d朋友好耐都冇見過, 首先要聯絡哂返佢地先. 要逐班朋友約返的確唔係件易事. 於是我係smn度打左句msg話去唔去蔡蔡個婚前party都請聯絡我, 估唔到引起好大回響. percy突然hi我, 佢問我婚前party幾時開始, 預計會同埋ada及tiff, 但我只係問左tiff, 仲未問ada, 以為tiff會一直有同ada聯絡, 因佢地係中學時好似好熟咁, 又或者我記錯吧!? 最後都仲未決定好時間及地點, 因仲未知道其他人的gathering係幾時, 只係暫定呢個月既星期六或日.

之後同liz佢地約, 本來我哋都仲未知道日期及時間, 仲一直苦惱緊幾時好, 點知寶妮一個sms已經決定一切, 佢係10月25日影畢業相, 問我哋呢班朋友去唔去. 我同liz突然靈機一觸, 利用呢日同寶妮影畢業相之餘, 也可以同埋蔡蔡慶祝埋佢結婚, 咁就唔使出去幾次. 我留左offline msg比蔡蔡, 兩位主角都同意既話, 我哋更加冇問題啦~

後來留埋offline msg比其他人, 包括veron, eva, 蕉, 酸梅....等佢地覆我啦. 後來見到eva上網, 於是同佢傾左幾句及約定gathering日期及時間, 可惜都未決定, 只係話佢知個nds差電器唔見左, 要去再買返, 我一定會買返同你地nds大戰既! 後來veron終於都覆左我, 佢係星期六日都冇問題, 只係10月19日果個星期日只可食夜晚, 會少左時間見面, 於是便決定好10月26, 其實係冇得選擇呢, 因佢想係蔡蔡結婚前見佢, 而且時間又太迫, 只好呢日啦^^

另外佢仲有一個中學朋友叫許秀連突然hi我, 佢都係fb度見到蔡蔡話自己即將結婚, 問我知唔知咩事, 應該話佢知我同蔡蔡好熟, 所以走黎問我佢幾時去飲, 點解突然結婚...其實我都唔知道太多, 只知佢結婚呢個開心既事實已經足夠^^惟有去祝福佢啦~

驚喜定驚嚇!?

今日如常上堂, 見唔到文迪返學, 我問berry咩事, 先知道文迪入左院, 究竟係咩事呢? berry冇講其他, 只話文迪星期二一定會返學, 係唔知咩情況下擔心左成堂....一聽到個消息有d驚嚇...

本來蕃薯今晚約左朋友係bar度開生日party, 係放學之後本來想返屋企休息下, 唔知係咪我同佢講話冇得見到佢而唔開心, 同我講話放學之後可以去同我地同學仔食飯, 都係唔好諗佢點解突然咁樣, 對我黎講的確係驚喜, 最緊要可見多佢一陣已經唔錯呢^^我哋一行人先去深水步睇電腦用品, 我發覺自己有好多野想買: maya書, printer, scanner, nds差電器及電腦繪圖版.我已經冇錢買哂, 惟有一直努力儲錢買....之後佢地去鴨尞街睇相機用品, 自己不感興趣, 同時又擔心文迪, 於是同佢sms起黎, 得知佢病情唔係太serious, 只係舊病發作, 個病唔係太差都已算不錯吧!? 佢係醫院一定好悶呢, 所以我沿途一直同佢sms, 保持聯絡!

佢地睇攝影用品途中, 我已經覺得好肚餓, 都係自己衰, 成日都冇食野, 於是餓到暈暈地, 手腳軟軟的, 我見到佢地睇得咁開心, 唔好意思講話我肚餓, 我成日見到蕃薯望一望我, 我哋有時互望, 有時我就避開佢視線, 我係度做咩啊? 好在佢提議我哋去旺角左食飯先再睇攝影用品, 唔係真係餓死我啦, 多謝你幫我一大個忙^^

去食飯途中見到街頭有個男仔, 拿住個牌寫住[誠徵女朋友], 我好奇想拿部相機出黎影相, 但波特竟然講笑叫我影相之餘試下去應徵. 吓!? 唔好啦掛, 整到我都好似好cheap咁, 不過如果佢真係靚仔都可以試下既, 呵呵~之後蕃薯竟然話我應該唔係應徵做女友, 而係會當個人係恐龍食物咁食左佢落肚!? 點會咁講架, 再講我食左你先囉~自己心思思又想, 係咪佢唔捨得呢? 都係唔好再胡思亂想呢,.

又係去沙爹王食飯, 貪果度環境夠好, 又唔使排隊等, 係旺角黎講的確係一個好地方. 我同佢終於有得一齊坐啦~佢突然指住我枱上張紙同我講想食沙爹牛肉粉絲, 話一個人食會好漏, 我起初都冇理佢, 自己照睇野食, 點知佢應該係同我講多次好想食, 我望望周圍, 見到佢冇理由同阿聯及波特share食架, 兩個男人一齊食都幾核突下, 唔以為係gay就出奇啦, 於是我問佢, 不如我同你share食啦, 佢竟然話好!? 吓!? 唔係掛! 佢竟然答應左, 仲問我哋叫多樣咩食, 我提議佢叫多個飯啦, 最後都係由佢話事, 叫左白咖哩雞排飯~ 白咖哩仲係我哋兩個都鍾意食?好啦, 一於成交!!

我當時真係嚇呆左, 因我從未試過同佢share食. 對上一次係同佢及佢媽媽食飯時, 見到佢地兩個share食. 估唔到佢呢次竟然同我一齊食個飯!? 照常理黎講, 一個男及女冇理由一齊食個飯吧, 仲要係冇用公快, 一齊夾野黎食果隻?起碼都要比較親密先會啦, 唔通係情侶!? 不過冇可能既, 都係食左飯先算...未食飯之前大家都各自做自己野~

波特努力溫書. 佢聽日有個測驗, 好在只係選擇題目~

阿聯係度玩相機, 影唔到佢個樣添=.="

大家一齊玩相機~波特佢send埋個sms之後, 同埋佢地一齊玩相機~

我係度做咩!? 咪發呆囉~我個人幾鍾意相內既我, 好cool, 蕃薯佢唔知係咪講緊野, 個樣好似傻傻地..

後來見佢地拿部相機出黎影得咁過隱, 自己又影下相先~

食物終於黎啦~呢碗係蕃薯想食既沙爹牛肉粉絲, 也係呢碗野我先可以同佢share食^^

我同蕃薯一齊食既晚飯~白咖哩雞排飯 + 沙爹牛肉粉絲, 之後再叫多個飯~估唔到我地都幾大食!

好鬼肚餓呀~一見到野食就好開心, 仲漏哂口水=.="

蕃薯之後讚阿聯攝影技術好, 係因為....可以捉到我個為食神水, 弊啦, 醜態盡現><"

其實我冇錢食飯, 都係自己十月一日果日衰左, 要今日去拿返張人工票, 要星期一先可以入落我個戶口內, 起碼要星期二或三先可以拿到錢啦. 期間要問蕃薯借住錢先, 佢地講笑話過左一日要比double, 要下星期二先見面, 咪即係罰左幾日錢, 我講笑話聽日親自送到佢屋企, 叫佢媽媽比返佢, 罰少d錢, 佢話聽日或星期一都唔辦公, 唔會理我的, 下次都係唔好借佢錢好d(笑)

食完飯後, 佢地又再行街, 途中見到個人獻唱叫人捐錢, 其實佢都唱得幾好既, 但係蕃薯佢話悶, 睇睇下就走左...

波特想買部相機, 周圍去夾價, 但可惜太貴最後都冇買到, 其實之前波特幫我改左個名, 叫我係神雕合侶果個龍姑娘, 唔係因為我靚, 而係恐龍姑娘咁解, 係臨走時, 蕃薯突然幫我改左個名, 叫做[龍]耳陳, 佢話自己係盲, 我係龍(聾), 都不知幾match, 不如就叫'偒殘ｉ瘋合唱團'吓!? 唔係掛? 鬼同佢match牙, 我要做返kumi shing!!