終於有新電腦枱~

本來我應承左父母同姑姐一早八點幾起身, 去我姑姐公司拿電腦及mon, 因我姑姐公司樓下只可係朝早九點前落貨, 所以要咁早起身. 我因唔習慣12點幾訓, 5點幾醒左, 到接近七點先訓返, 所以可以括免左呢次唔去, 好野!! 而且返黎仲有一張屬於我的電腦枱!

爸一返到屋企即刻幫我磡張電腦枱, 最後終於整好啦~

全張枱的全貌~係我至愛的木色^^

而且size仲岩岩好, 度門可以開到~真係張枱再wide多點都擺唔落^^

但個箱太大個, 唔可以完全擺入電腦枱內, 整到好似好核突=.="

準備d咩去裝飾你好呢? 仲有我全間房都係, 因我好想整到好日本女仔feel, 配在考慮中. 但電腦枱位置已經決定好, 上面狹窄的位置擺相機, psp及nds; 最上面擺printer啦^^

family day~

哈哈~講真都好似好耐冇試過啦, 因大家都各有各忙, 唔係忙工作, 就係學業, 好少大家聚埋一齊. 以前的我唔太重視家庭日, 有少少覺得係例行公事吧, 但自從同蕃薯分手, 以及倚安離開之後, 令我明白到人生無常, 應該珍惜身邊所有的人, 所以今日大家可以一齊坐底飲下午茶, 真係好開心^^

由於我要打扮,錯過左一班村巴, 下班村巴又相隔數十分鐘, 所以遲左成半個鐘去酒樓, 真係對唔住呢! 到左酒樓, 搵姑姐提及的313號枱, 我搵左好耐先至搵到呢...原來係間房度, 佢地又冇提我...不過唔緊要啦, 姑姐, 爸媽及姪仔已經到左, 而我妹就要加班, 唔知黎唔黎到, 所以我哋先叫食物. 我好耐都冇飲過茶, 加上下午茶大中小點都係特價十五元, 我哋叫哂所有大點, 蝦餃, 燒賣, 溫室豆苗餃, 蝦腸....好多好野食, 真係食極都唔完, 睇黎我體重又增多點點吧....食到真係唔停得口><

之後我妹打電話比爸, 話佢終於加班完, 正在坐地鐵搵我哋, 我哋幫佢叫左點心, 知佢一定肚餓, 佢一黎到就可以食, 最後佢一個人可以食哂四樣點心, 利害! 途中講左好多工作上的事, 如妹係工作上有個人成日留佢係公司度, 但又冇野比佢做, 令佢遲放工; 姑姐果邊個同事出job時, 做野又一塌糊塗, 連個邊我之前同佢合作開的同事也投訴個新同事....哈哈~工作果然係辛苦呢, 可能的心態已經改變左, 我工作過程之中搵到少少興趣, 又得到老闆娘信任, 和同事工作又開心, 原來我果然係幸福, 只係我以前冇用心去感受, 我一定會好好珍惜份工及同事^^

食完下午茶後, 姑姐, 我姑及我到附近商場行行, 我姑姐買野比我哋兩個, 我只係要一件三十元的tee, 我妹收獲最多啦, 鞋及衫都好, 鼓勵佢比心機做野~我哋都行得開心, 之後連同係公司做完野的父母一齊坐地鐵返屋企~~我買的tee, 真係好底, 但入面要穿背心, 唔係會見到個胸><

原來同屋企人一齊渡過係咁開心架~之後一定會有多D呢類的家庭日, 開心^^

開心及精彩的一日

(1) 倚安farewell

今日發生左好多事, 不過全部都係開心及充實, 總共有兩件開心事及一件特別的事^^先講開心的事~

本來倚安今日要走, 大家都係唔開心, 但又唔想哭哭啼啼咁送別, 所以我地決定開心d比佢返台灣. 一早老闆娘叫我入房, 原來問我一陣倚安果餐送行飯去邊度食, 我都覺得好奇怪, 點解會問我呢? 之後我話都係由倚安自己決定吧! 最後老闆娘叫我用佢個名卜枱, 最後決定去飲茶~

一去到酒樓, 實在太多人食飯啦, 好不容易先有個位坐下, 老闆娘叫我地隨意叫點心食, 睇黎我哋真係好肚餓呢, 叫到成枱都係, 結果當然食唔哂, 阿珍及mooji都要猜玫決定邊個食邊件...

最初叫的燒乳豬~而且經部長介紹, 佢話肉要有少肥膏, 皮簿及脆先叫好味^^

全枱都係點心, 好飽啊~

食完飯之後, 老闆娘要去睇中醫, 我哋先返公司. 後來有同事主張夾錢食頭先果餐, 盛惠一百三十元, 貴就貴d, 不過唔緊要啦, 最緊要大家開心. 返到公司後, 我哋作哂反, 係公司影團體照, 當係留下一個開心回憶吧!

比較正經的團體照, 先介紹下d同事, 由下面左數起: mooji, 另一個黑衫短紅髮就係倚安~上面左數起, candy, 阿珍及我^^

大家都好開心, 笑得好燦爛^^

係我個位隔離塊[金玉滿堂]牌度影相~

我哋公司個名底下影返張相先~

之後我地開始影埋d古靈精怪相, 大家睇完之後都笑左出黎, 尤其係平時冇咩點笑的我, 我都忍唔住大笑起黎, 好耐都冇見過自己笑到四萬咁既口~行匯(我地公司)靈異照~本來阿珍認真影相, 突然後面出現女鬼mooji!?

扮可愛的mooji, 其實又真係幾可愛既~整兩條邊幾可愛^^我就唔夠膽咁整啦, 費時嚇親人=_="

強烈對比~我的怕熱穿短袖, 阿珍怕凍穿羽擁, 成為強烈對比

全場高潮所在啦~我哋全體人穿公司內衣!!! 我覺得自己果個bra幾靚架! 只有阿珍穿內褲...

正當我地影得好開心時, 老闆娘突然返到公司, 我哋拿住內衣呆左望住老闆娘, 之後有個同事話幫公司宣傳麻, 老闆娘話係都出面唔穿衫去試套bra啦, 之後同事講笑叫我試!? 咪玩啦, 我的身材有[幾好], 你地都知道啦! 我哋今日開開心心傾計, 玩左成日, 最後倚安推住個細唸離開

再見啦~倚安, 一路順風啦~~

(2) 剪頭髮

大家有睇開我個blog, 都知我呢個星期二先電左髮, 但電得唔好睇之餘, 也把頭髮電到傷哂, 老闆娘見到我個頭咁傷, 佢提議我剪個短髮, 如果唔剪髮就唔會生返d新的頭髮. 最後只好迫於無奈去髮型屋剪髮吧!

去到髮型屋, 本來想剪one length加bob, 點知我的頭髮太散, 唔可以整bob, 個髮型師又唔想我太失望(自己覺得), 只好盡量幫我剪個類似bob頭, one length都剪到, 好好彩~但剪完出黎, 可能係我唔可以接受自己短髮, 所以覺得好核突, 都係唔影相比大家睇住, 再遲少少先影返比你地睇

大家唔知有冇聽講過, 剪髮, 尤其係剪短髮, 係失戀的象徵, 代表斷絕對一個人的思念, 有重新開始的意思....而我終於明白呢個道理, 我都有種輕鬆的感覺, 我以為一切完結, 點知上天總喜歡戲弄我....

(3)再見蕃薯

正當我剪完頭髮想返屋企時, 竟然冇左其中一班村巴, 我惟有到商場附近行下, 點知突然收到蕃薯個sms, 佢話自己同阿媽去旺角食飯, 仲問我黎唔黎!!? 吓!? 個天係咪特登玩我架??我要重頭黎過,即係打機之中的[new game], 點知無端端要我[continue]!? 我見咁耐冇見, 起初我都驚佢地等, 叫佢地自己去食, 但蕃薯又冇答我, 之後我應承佢, 佢即刻覆我, 即係要我去嗎? 最後我都出左去搵佢地食飯..途中蕃薯問我係邊, 又叫我到左打比佢, 佢做咩催住哂架, 真係....

去到旺角, 我同蕃薯及蕃薯媽三人一齊去睇相機, 因蕃薯又想買相機, 其實佢知我唔認識相機, 加上 佢同佢媽去食飯, 其實真係同我無關, 點解會叫埋我去呢? 我哋行左差唔多一個鐘先有得食野牙...最後去左沙爹王食飯, 本來我叫上次果個芝士茄汁焗餃子咪好, 做咩無端端叫個沙爹牛肉粉絲呢? 蕃薯媽又叫左個同我一樣, 點知我唔記得左唔可以一個人食哂碗野, 最後佢媽媽話好味, 但係漏, 比左蕃薯食, 對唔住牙, 兩位~下次我會小心毎樣送菜=.=" (不過仲有下次嗎?)

食完人完飯後, 本來蕃薯驚我悶, 及佢自己買左一部相機同一大堆野, 所以想同我一齊坐小巴, 但佢媽媽唔知係咪覺得車費太貴, 叫蕃薯同佢坐巴士, 我於是叫蕃薯同佢媽媽, 不用陪我啦, 佢叫我小心d, 仲互相說再見時觸到我隻手, 嚇死我啦...個心都有點緊張, 緊張個咩鬼牙?

返到屋企, 媽媽及姪仔係我間房度等我返屋企及姪仔要食奶, 姪仔食完奶, 同我玩左一陣後, 我地各自訓覺囉~

吓!? 倚安要走嗎?

今日係公司無端端聽到老闆娘問我地, 今晚去唔去食buffet?做咩無端端食得咁正呢? 原來我地個台灣女同事倚安做咩聽日就要走, 真係好突然呀, 我哋公司少左把笑聲啦, 鳴鳴...

佢地講笑話會去disco, 仲會有e仔, k仔....任我選擇, 我講笑話咁多謝, 點知mooji叫我自己出返錢啦! 哼!唔係你幫我出埋錢咩? 真係牙!!唔知點解, 最後改左聽日食lunch, 好好彩, 因我今日冇帶到相機, 因我一定會影埋d無聊野, 如野食, 餐廳, 又或者係毎個人的騎呢動作....因我冇相機用的話, 要用公司果部影, 第時就咩都比人見到哂啦=_="呢d野唔好亂比其他人知麻, 朋友及屋企人就冇所謂, 但外人見到唔知點諗, 費時又比人亂估....

倚安返埋聽日就要走, 雖然平時我好少同佢傾計, 知佢好鍾意引人笑, 而且又好好人, 成日外出工作會買埋野比我地食, 起初佢話冇所謂, 冇問我地拿返錢, 而且仲不斷地請, 我哋覺得唔好意思, 先至比返錢佢, 佢先至收下來. 係我心目中, 佢係一個好陽光, 外表似男仔的女仔, 而且佢好好人, 好開朗及樂觀, 即使佢工作上成日做錯野比老闆娘鬧, 佢總係笑哈哈~我好羨慕佢咁開朗樂觀, 總係令人開心, 係毎個人的開心果, 如果換轉係我比人鬧, 我一定會駁咀, 真唔要得!

仲有佢唔咸唔淡的廣東話好好笑, 第一句識講的係[麻鬼煩], 因為個日本客成日改訂單, 要佢做好多野. 之後都講得幾多下, 因d架佬真係好煩, 成日改野!

我先影左佢張枱先~聽日果篇blog就可以見到佢真人^^

學懂放棄, 才是開心

我要恭喜自己先!! 我終於可以丟下呢八個月黎對蕃薯的愛, 原來要忘記一個人係咁困難, 雖然而家都仲有點唔捨得, 但也冇辦法, 人哋都唔鍾意你, 又有咩辦法? 唔通迫人鍾意自己咩! 原來自己放開左佢, 自己覺得開心及成個人輕鬆左, 好似擺底左一舊背負左好耐的包伏咁輕鬆. 係公司度同人講笑, 咩煩惱都冇^^不過我同佢都有開心的回憶, 即使我下年離開, 我也唔會忘記~

而家睇返之前, 其實都覺得自己幾蠢下, 我為左佢克服最困難的電腦, 冇條件關心佢, 佢唔開心時我一直安慰及陪伴佢, 仲為佢第一次整蛋糕, 但換黎的係同五個月前的答案一樣, 都係[唔係唔鍾意, 而係而家好多野都未夾住, 同埋而家未想有女友住], 咁我到底係咩? 我一直以黎做咁多野, 一直等, 都係等呢個答案嗎? 唔係, 我想做佢女友, 希望有一日會感動到佢, 但原來只係自己一箱情願....而家我唔會再等佢, 而係等過第二樣, 就係下年離開IVE, 去讀埋hull果個account的學位

雖然咁耐的付出, 到最後結果都係咩都冇, 但我冇後悔, 因佢係第一個比我戀愛感覺的人, 令我明白到戀愛之中的開心幸福, 掛住一個人的感覺, 緊張及關心一個人, 甚至比自己更緊要; 同時也令我知道失戀, 分手, 鍾意佢但又唔可以一齊的果種悲哀的感覺. 無論係好還是差, 都係自己回憶的一部分, 而且也係成長之中的學習. 而家呢講, 剛失戀一定係傷心, 但可能放開左佢, 之後或者會有個更好的男仔愛自己及對自己好, 又或者同個自己或同朋友環遊世界....一切的事冇可能預料, 但珍惜身邊對你好的朋友及親人就可以做到, 好慶幸一直以黎有佢地的支持^^

但唔知點解, 我一想到會同蕃薯分開, 眼淚會不其然留出黎?

比人呃左錢><"

今日無所事事, 加上我的駁髮也甩得七七八八, 只剩下一把長直髮, 可能我比日本文化荼毒勁深, 冇辦法接受長直髮, 覺得咁樣唔靚, 而且仲好娘, 見到街上毎個女仔都係長黑直髮, 我真係接受唔到自己同佢地一樣, 惟一唔同的係我染橙色. 不過呢個只係我自己的睇法, 希望大家靚女唔好嬲~

仲有一個原因我唔鍾意長直髮, 就係因為蕃薯個ex, 雖然我已經放底左蕃薯, 但我始終唔like佢個ex, 可能係妒忌蕃薯以前同佢成日影相, 蕃薯本相簿最多的係佢我相!! 仲有佢可以同蕃薯雖然成日吵架, 但都可以女友的身份一齊左一年, 點解我同佢冇咩吵架, 只係三個月就散, 而且佢結婚又令蕃薯心痛, 係fb上show佢以前比蕃薯影我相, 即係示威嗎? 我係佢fb上拿左佢一張相, 原來佢都係靠化妝之麻, 真人真係好豬排!!!!!!! 哇~我唔敢相信自己對眼, 佢邊日一忽靚牙? 平時都只係靠化妝!!成個阿姑咁=_="見到佢把長直髮, 而且我d髮色又同佢差唔多, 好似佢咁核突就死!

我因想即刻做決定, 我做左個決定, 就係放左工之後即刻去電捲, 由於我又心急想換新髮型, 而且又比較近屋企, 所以我去左是但一間度捲髮. 男仔果然係信唔過, 起初講到自己可以幫人捲到幾捲都得, 但捲完之後, d頭髮根本唔捲既!!? 同未捲之前冇分別, 只係頭殼附近的頭髮比較捲外, 髮尾全部唔捲!!! 佢電完先同我講電過負里子及陶辭而落藥水捲髮時, 頭髮係冇咁直!!!??吓!?我未捲之前已經同你講左做過呢兩樣野, 而家你先同我講冇用? 你擺明呃我錢!! 之前講到自己幾勁幾勁, 電完出黎之後馬後炮!!! 整到我冇左500元之餘, 而且仲要我之後再一次整返靚我個頭!!仲比卡片我叫我下次幫襯佢!!佢真係唔使旨意! 我出左門口冇幾遠就丟左佢張卡片!

雖然如此, 但我竟然唔係太嬲, 也唔係太唔開心! 有咩事比失戀更加慘, 咪當比錢買個教訓, 叫自己千萬唔好衝動行事~

開心可以好簡單^^

雖然呢幾日都因為愛情而唔開心, 但只要自己願意放學, 把目光放遠d, 都可以好開心. 感覺開始做返以前的自己, 毎日都咁開心, 冇煩惱, 從唔會考慮愛情的事, 自己鍾意做咩就做咩^^至於係咩原因, 自己都唔知道, 不過算吧, 最緊要係開心吧!?

和同事一齊傾計好開心, 佢地好好人, 常常都會互相幫忙, 而且仲好鍾意講笑. 台灣人的依安黎左香港工作幾個月, 學埋我哋講[麻鬼煩]...唔咸唔淡的廣東話好得意, 而且佢又好陽光氣息, 金短髮, 佢衣著打扮又似男仔, 如果佢真係男仔黎就幾好呢, 係我喜歡的陽光男孩^^

另外mooji及candy, 感覺似我家姐, 成日提點我的錯處, 而且知我鍾意食野, 一定會比我食, 係佢地身上, 除左學識工作知識外, 仲學到好多做人道理, 感受到人間有情吧! 如果人地唔係真心對自己好, 都唔會提點及話我啦. 雖然candy比較直及serious, 我仲駁左佢幾次咀, 但佢都仲有好多心機教我, 多謝你~

仲有mooji, 佢成日都會講笑話, 我同佢一齊鬥講, 就今日之麻, 講開個同事claim車錢, 佢講笑問我由香港去日本有冇車, 傻既咩? 有本事你坐比我睇, 比埋張單我claim車錢囉~

仲有仲有, 阿珍佢好細食, 成日食唔哂d野就會就會望住我, 之後叫[kumi], 佢會用自己手上的餐具夾比我食, 我就好自然地拿個飯盒比佢, 我自己真係好厚面皮><

最後要講的係羅小姐, 佢明知我懶, 比左好多野我做, 改善我呢個缺點, 最後我都算改到. 而且佢都和其他同事一樣對我好好, 成日會準備食物比我, 又教我野工作及做人道理外, 也教左我扮靚, 保養身體, 呢d野平時我屋企人好少教我, 當佢問我一句[你係屋企長女, 應該唔係咁多人教你呢d(身體保養及扮靚?], 佢好似係補我的不足^^

屋企又有一直支持我的父母, 姑姐, 妹妹, 一個完整及好的屋企; 出外又有文迪, 蔡蔡, liz...一班知心的好友, 可以互相大家傾心事, 分享開心及悲哀, 已經覺得好足夠, 開心及幸福. 只係欠缺愛情, 從未遇過一段開心幸福的愛情, 但都唔緊要, 上天比我的已經好多, 如果自己再去要求的話, 自己豈不是成了一個貪得無厭的人? 世上的事, 有得必有失, 當你獲得一樣東西時, 另一樣東西可能會失去, 點解仲要諗太多, 只要把握自己現有的幸福, 珍惜身邊愛自己的人, 見到佢地也開心快樂, 就已經足夠~

為左獎勵係痛苦的愛情之中走返出黎, 獎包糖比自己食先~係自己鍾意食的奶樽及磨姑糖, 咁都開心一餐!?

希望我之後都可以開開心心, 無憂無慮生活落去^^只要唔比我遇到愛情的話...

大家的真心說話

琴日咪同佢講左好多野, 其實我都估到佢唔係忙啦, 唔係點會同人唱k唱通宵, 我真係好嬲佢, 唔想再同佢講野, 佢今日突然同我講佢自己一向都唔鍾意同人交待, 以下係我同佢的一番對話 :

幻想P 說:

其實..我一向都好唔鐘意筒人

幻想P 說:

交代..

艾爾莎kumi 說:

唔緊要啦, 既然你係咁, 只要做返自己就得, 冇必要因為人改變

幻想P 說:

呀...

幻想P 說:

其實...

艾爾莎kumi 說:

其實你都已經有交代啦, 起碼食飯有比個sms我

幻想P 說:

無打算改變..xddddddd

艾爾莎kumi 說:

知你啦, 死性不改

幻想P 說:

我鐘意忙個時唔好有人問長問短..ahahaha

艾爾莎kumi 說:

睇你第時點識gf

幻想P 說:

我唔覺得咁有咩問題..唔該唔好可死死聲

艾爾莎kumi 說:

明白, 咁我明白啦, 我之後唔會煩你

幻想P 說:

我無話你煩..

艾爾莎kumi 說:

sorry, 我都講得唔岩

幻想P 說:

只係好多時...問一句就關心...再問就唔知點答你..你明嗎

幻想P 說:

關心係有必要的...如果對方唔想多講...你小心了...haha

幻想P 說:

我無怪你咩..唔好誤會..

幻想P 說:

你而家唔知呀ma....唔係你錯

幻想P 說:

哈哈..

艾爾莎kumi 說:

嗯, 我完全明白啦, 多謝你同我講真心話

幻想P 說:

唉呀....不過你咪唔開心住...

艾爾莎kumi 說:

真係唔覺得我煩嗎

幻想P 說:

我講清楚一點...我唔係話你咩..

幻想P 說:

唔覺呀...

幻想P 說:

唉呀

艾爾莎kumi 說:

我冇唔開心, 以前我一定會, 但e+ 成熟左

幻想P 說:

覺我仲得鬼閒理你咩xd

幻想P 說:

我呢o的咁既人...如果人地煩我...我會唔理人的..xd

艾爾莎kumi 說:

我覺得你同我講真正說話, 我仲開心

先生, 我第一日認識你咩! 一開始同你拍拖時都知你係咁既人, 成日唔交帶, 令到人地擔心佢, 知唔知人地好辛苦架! 不過我也從佢身上睇返以前的自己, 我以前都係唔鍾意同人交待, 原來係令人咁痛苦, 所以我而家開始改變, 總之我唔可以即刻返屋企都會交待一聲, 而且也會同朋友交待, 起碼令佢地得個安心.

唔知係咪我話見到佢同我講真說話, 我覺得好開心, 因起初認識佢, 佢咩都收收埋埋, 唔願意講比人聽, 佢一開始已經同我講佢身邊冇個關心佢的朋友. 點知自己的關心又惹埋不必要的誤會....

幻想P 說:

講樣老實野你知..

幻想P 說:

其實..我唔係唔鐘意你..

幻想P 說:

不過..

幻想P 說:

發覺現時為止..好多野都唔係完全配合住..@@

艾爾莎kumi 說:

唔緊要啦, 或者呢個係你的真性格. 如果個女仔唔明白你, 會誤會你忽略佢地. 但我同你傾完之後, 知道你唔係特登, 而係你的性格係咁, so 我會體諒你, 性格真係好難改變

艾爾莎kumi 說:

e+ 我咪開始明白, 你唔理我即係忙緊, 我就唔會再煩你

艾爾莎kumi 說:

鍾意!? 朋友果隻? 好多人咁同我講

艾爾莎kumi 說:

發覺現時為止..好多野都唔係完全配合住.???

艾爾莎kumi 說:

其實我對感情好遲鈍.....

幻想P 說:

講真...可能我而家真係未必需要一個gf住..

艾爾莎kumi 說:

哈哈~知啦, 我都要搵第二個bf啦

唉~佢又同五個月之前講既說話一樣, 都係話好多野未配合住. ...你唔使同我講, 我已經心淡啦, 也冇希望過, 係都搵個真正對我好及愛我, 唔會拖我的好男仔做我bf啦, 你唔使旨意啦!最後果句我搵第二個bf係真的!

幻想P 說:

昨晚做完野...同阿媽食完飯...

十點幾出去mk同一大堆fd去cafe...

幻想P 說:

跟住接住去唱k...唱通頂

艾爾莎kumi 說:

ic, 完全明白, 但你唔係唔like向人交待咩

艾爾莎kumi 說:

我驚你會唔開心

艾爾莎kumi 說:

多謝你同我講真話

艾爾莎kumi 說:

唔怪之得la, 累死你

佢咪話唔鍾意同人交待, 佢突然講比我知佢琴晚發生的事, 我當時都呆左...而且仲突然同我講...

幻想P 說:

跟住有個女仔不停同我講野...

幻想P 說:

之後最好笑係..

幻想P 說:

佢無情情話...得閒找我去跑步...我呆左..@@

幻想P 說:

正怪人..@@

艾爾莎kumi 說:

sorry, 掛住同人研究心理學, 唔記得左覆你

艾爾莎kumi 說:

short ga 咩!? 跑步....

艾爾莎kumi 說:

比我死左佢算數, 又累, 跑到隻大比又粗

幻想P 說:

我話..我唔興呢o的架bor

艾爾莎kumi 說:

哈哈~係男定女黎ga

艾爾莎kumi 說:

我都好開心, 終於搵到個可以同我研究心理學的男仔啦^^

幻想P 說:

女仔

艾爾莎kumi 說:

唉牙~個女仔或者暗戀你, 想見你多d

艾爾莎kumi 說:

講笑

幻想P 說:

跟住尾後佢話叫我用電話按佢no.打比佢....咁我無理由話唔好架ma..

咁按完佢電話之後...咁 岩有人叫我...我都唔記得打比佢..xd

幻想P 說:

笑死..

艾爾莎kumi 說:

唉牙, 佢擺明想識你啦

幻想P 說:

但佢好攪笑lo

艾爾莎kumi 說:

佢識唔到你好失望牙, 你錯過左段良緣啦

幻想P 說:

跑步...

幻想P 說:

我唔覺係錯過左咩lo..xdddddddd

艾爾莎kumi 說:

唉牙~你咁咪唔得囉, 你應該認識下佢, 話唔定有機會發展, 我第時就可以離開你

幻想P 說:

無打算拍拖住..ahah而且我仲有個咁好既kumi係度...幾時論到佢..xd

艾爾莎kumi 說:

不過用跑步呢個方式識人呢, 又真係[special]的方式

艾爾莎kumi 說:

你唔係亂講野

幻想P 說:

睇我個樣都唔似運動人lo

幻想P 說:

我無亂講..xd

幻想P 說:

我講真的..哈哈..

幻想P 說:

講真...無咩話錯唔錯過...我次次去一大堆人既活動都一定識到新女仔fd...所以機會到就自然會到...我從來都唔太期望呢o的

哇~~你呢d說話....唔係亂講野啊, 先生!! 我先唔做你後備女友, 死左條心吧啦! 根據我同仲少的分析, 可能呢個故事係佢作出黎, 因有太多地方唔合理啦, 聰明的大家或許會發覺到吧! 但佢又冇理由用呢d野黎激我架!! 冇用架啦, 我要的始終係真正愛我的人, 你當我係咩? 如真係覺得我好就一早同左我一齊啦, 你唔識欣賞我唔緊要, 我相信世上總有人欣賞我!

雖然我而家口硬, 但我一聽到佢都仲未同我發展, 我都好傷心, 可能係始終都愛過佢麻. 無論我做左幾多野都冇用, 佢一點也唔會感動, 只係覺得有個人對佢好先想拖住我, 我有一天終會離開佢, 冇一個女仔咁岸居, 即使冇名份都等佢吧? 我回頭一睇, 原來我電腦唔太認識, 講真果句, 冇左蕃薯, 我唔會及格, 其實呢個course內, 我學習的東西唔太多, 令我開始覺得自己係唔會係呢方面發展; 同時, 我幫我姑姐做law的功課及工作上需要用到會計, 我先知道我的才能係會計方面, 我之前咪冇興趣讀, 而家竟然相反, 世事往往難料......仲有一個原因係蕃薯, 天真的我原來以為我可以感動到佢, 點知到最後都係咩都冇改變過, 佢仍然冇鍾意我, 愛情唔係你付出幾多, 就可得到幾多....

我終於有個決定, 就係報hku space 及 英國大學university of hull所舉辦的兩年制degree, 而且仲要係Hons, 其實我一直都冇個degree, 想讀呢個野好耐, 因自己唔夠學分而放棄, 但我都決定去試下及問下入學方法, 無論如何我都要讀到呢個degree, 我一定會更加努力! 但似乎要等下年, 因唔知佢係咪一年先開班一次, 我唔想等到下年啊>< code="1978&page_code=" seq="18&no_of_course=" start="0&parent_seq=" col="&sort=" keyword="" equiv="Content-Type" content="text/html; charset=utf-8">

自我保護反撃戰, 但係....

今日都係好悶, 仍然冇街去....如果我有錢的話一定會同朋友去街, 唔使留係屋企咁悶..

有好多人同我一樣都係屋企, 早上見到蔡蔡, 同佢傾左一陣我已經放開蕃薯及愛情的睇法, 我比以前已經積極左少少, 而且佢也同我講左好多鼓勵的說話, 佢指出最大問題佢唔係真係鍾意你, 佢想拖住你, 你要做的事是狠心d, 慢慢改變, 仲有一點好重要的是: 唔好再比佢佔你便宜, 你要知道佢又唔係你邊個, 你唔好咁自然比佢摸你錫你, 你要反抗, 仲有, 你要有心理準備你反抗時佢會嬲, 你唔好驚激嬲佢, 你嬲佢先識得尊重你, 因為如果你任佢摸, 即係你連你自己都唔尊重, 都唔錫自己的表現...原來以前的我係幾咁愚笨, 成日錫佢及就佢, 但最後換黎我結果係咩? 我都覺得自己好作賤, 不過而家清醒, 唔好再重覆犯錯就可以^^

仲有蔡蔡同我講[如果你唔比佢摸or唔讀呢個course就會激嬲佢的話, 代表佢唔理解你囉, 一開始淨係識得嬲, 了解你的人會先向你問下你點解會有呢個決定呀等等, 呢d先係真正關心你的人], 冇錯, 佢一直都冇關心過我, 唔好話我的性格及想法, 就連我的喜好也唔清楚...

仲有我有次咪和同學食飯, 我叫白湯, 個侍應送左紅湯比我, 但佢不但冇叫個waiter同我換, 而且仲話咩人地就黎收舖, 冇理由仲叫人換比你, 仲叫我飲哂佢, 我根本都唔飲, 點飲牙. 佢唔同我換都唔緊要, 蔡蔡比左個答案我, 換唔換湯呢件事證明佢唔了解你囉, 你自己最清楚ga la! 如果我o係我我會同你飲左佢o既, 我又唔係真係咁抗拒紅湯, 好多時一個人細唔細心就係o係呢d小事上面睇到喇! 證明佢對你一d都唔細心, 比著我bf一定會同我飲左佢... f真係... [人間極品], 我祝f搵到個好女仔, 令佢唔使煩住你. 加上我係fb上的男仔都話一定會幫我換湯, 令我對佢更加失望, 點解我會鍾意呢個咁的男仔? 我先覺得自己的失敗. 唔好講話佢認識個新女友唔理我, 況且有幾好的女仔, 佢咁自私及唔細心, 咪又係趕走個女仔, 令到其他人受傷. 不如話我搵到個對我好及愛我的男人仲好~

蕃薯不嬲知我like日文歌, 特登比左隻日文歌我聽, 不過佢比我首歌又幾好聽, 係genki rockets的 heavenly star, 係一首輕鬆的日文快歌. 雖然佢同媽媽食飯也得登sms我, 但佢又成六點幾先返屋企, 有咩理由牙?一定有野瞞住我, 我問佢咩事, 佢又唔答. 我本來想忘記佢, 佢做咩要扮好心及再煩我, 但又隱瞞住我, 你唔鍾意我, 我請求你放過我, 令我係呢個星期內真正忘記你及對你的愛, 唔好加重我的負擔, 好嗎? 其實比你一直拖住我, 我好辛苦呀! 如果你仲掛住你個ex, 為佢結婚的事而心痛, 你就去心痛到夠, 我無權阻止你, 但唔好再拖我!!(我終於講左出黎, 好開心, 如果我可以對住佢真係咁狠心就好^^我充分感受到對人地仁慈, 係對自己殘忍, 呢句說話係非常正確) 我幾時先可狠心對佢!不過我今日已經做得好好, 我話比佢知我唔開心, 佢問我點解, 我一句duck落去同佢講, 話佢之前提及過唔開心都冇同我講, 等佢同我講我先至講, 佢話唔得閒, 之後先講咁要遲o的喎.ahah, 好唔得閒, 以佢的性格, 話遲d先就一定唔會講, 睇黎我成功左^^仲話朋友應該把唔開心的事互相傾訴, 況且我同佢講[哈哈~你上次話同我去camp時都話遲d啦, 呢次又係, 不過唔緊要啦, 你忙完先], 佢就用好累去覆我. 我見在大家都係朋友份上, 我都會問佢做咩事累, 係自己工作定其他原因, 咁又唔會太絕, 但又可保持返一點溫柔. 今日我對呢件事改左個名, 叫做[自我保護反撃戰], 好型呢~

不過我自己有樣野衰, 衰心軟, 我唔想佢有咩唔開心, 咩都唔同人講, 所以我先用同我去camp呢件事同佢講野. 以下係我同佢的對話:

艾爾莎kumi 說:
咁好!? 我都仲未沖

艾爾莎kumi 說:
你唔同我講你咩唔開心都唔緊要, 但唔好擺係個心度, 你講我一定會聽
艾爾莎kumi 說:
我頭先語氣重左, 同你say sorry. 我希望我即使like一個人, 都唔可以好似以前咁完全迷失自我

幻想P 說:
呀...其實...我無介意過你講咩喎..@@
艾爾莎kumi 說:
真的嗎? 但我都覺得自己語氣不太好, 尤其係[哈哈~你上次話同我去camp時都話遲d啦, 呢次又係, 不過唔緊要啦, 你忙完先la]

艾爾莎kumi 說:
我都明白你真係很忙, 所以唔可以同我去. 其實我咁講係驚你話遲d先講(唔開心的事), 後來又唔講.
艾爾莎kumi 說:
你唔同我去camp都冇所謂, 但唔開心的事唔可以擺係心內, 唔係自己一定會生活得好辛苦及唔開心
艾爾莎kumi 說:
又或者你唔同我講, 同其他人講都得, 總之唔好擺在心內

九號風球「鸚鵡」黎囉~

呢年最勁的颱風終於黎到香港, 佢叫「鸚鵡」,佢係正面吹襲香港, 帶來狂風及暴雨, 也因為如此我哋又多一日假期, 不過係個好悶的假期, 又唔可以周圍去, 而且又要做埋我姑姐比我盤part time數, 真係悶到左...自己惟有走去睇下網上新聞啦...

第一篇係:

九號風球 鸚鵡集結屯門

(明報)8月22日 星期五 20:10

九號烈風或暴風增強信號，現正生效。強烈熱帶風暴 鸚鵡目前正集結在屯門 附近，正趨向珠江口。

在下午8時，強烈熱帶風暴鸚鵡集結在香港天文台 之西北偏西約20公里，即屯門附近，約在北緯22.4度，東經114.0度附近，預料向西北移動，時速約14公里，趨向珠江口。

按照鸚鵡目前移動途徑，本地稍後轉吹偏南風，風勢將明顯增強，達烈風或暴風程度，市民必須提高警惕。

在過去一小時，長洲 錄得的最高持續風速為每小時59公里。

吓!? 原來個風眼就係我屋企附近冇幾遠, 唔怪之得我屋企聽到風聲, 而且仲勁大雨啦><

電腦節因颱風延期一天

(星島)8月22日 星期五 21:42

一連四天「香港電腦通訊節二○○八」，因宣稱八號風球風雨不改照常開幕，但九號風球掛起，主辦當局以安全為由一度暫停展銷，結果觸發逾二百名遲來市 民場外鼓噪，經協商後又重開。原本展期至周一因今日九號風球，將延至周二，下周一及周二兩天對公眾開放時間會改為下午一時至六時，持卡片業內時段則為上午 十時到下午一時。

哇~好彩我唔去電腦節, 對我黎講問題應該唔大, 不過個風真係利害, 可以令到個展覽可以延遲, 個風果然你唔惹少!!

一直強調「風雨不改」 免費招待入場 電腦節突拉閘500人鼓譟

(明報)8月23日 星期六 05:10

【明報專訊】一直強調「風雨不改」、在8號風球下更安排市民免費入場的香港電腦通訊節2008，公眾開放時段由昨午1時開始，但40分鐘後天文台 突 改掛9號風球，主辦單位突然「轉軚」，宣布基於安全理由，決定在下午3時半提早關門。逾500名未能入場的市民一度在門外聚集鼓譟，投訴大會安排失當，有 人更指事前曾致電大會熱線，獲告知「10號風球都照開」，最終卻吃「閉門羹」。事件擾攘近4小時後，群眾獲派免費入場券安撫後才散去。

下午2時許，有無法進入會展的市民開始聚集，在9號風球下，高峰期有逾500人在會展舊翼港灣道入口等候，其間不斷高呼「開門！開門！」有人大力拍打玻璃門，更有人試圖突圍衝入會展，數十名警員及保安員在場維持秩序。有市民怒斥今次事件「令香港好醜，簡直是香港之恥」。

有人拍打玻璃門

提供場地的會展副董事總經理梅李玉霞承認在安排上有不妥善的地方，會檢討，並向在場苦等數小時的市民致歉。她表示，有安排穿梭巴士接送市民往返會展 新舊翼，但由於會展正進行擴建，下午風勢逐漸加強，會議道需要封閉，而聯絡港鐵公司後得悉鐵路有機會隨時停駛，評估當時人流、環境、天氣及交通安排等因素 後，認為最重要是公眾人士的安全，「我們的出發點是公眾安全，（閉館）決定是正確的」。

雖然天文台昨晨已公布下午有機會改發9號風球，但李否認大會於2時決定閉館是反應慢，「這並非倉卒決定，我們由7時開始已留意風暴變化」。她又指，以往8號風球下會展都如常舉辦活動，如本月初的解放軍 大型軍事展覽亦未有受颱風影響，9號或以上則會評估風險再作決定。

派千張免費票 展期延長1天

主辦展覽的香港電腦商會主席梁定球表示，本來的確打算10號風球都會開放電腦節，但由於會展擴建令來往新舊翼天橋封閉，會展外的地盤在風暴下對路經 的市民構成危險。他又稱，已安排補救措施，商會計劃補貼50萬元，將展期延長1天至下周二，補償參展商及公眾人士。另外，商會又已派發逾千張免費入場券， 讓一班在風暴中無法入場的市民於往後日子經特別通道進場，並提供額外購物優惠。

香港電腦通訊節昨日開幕，上午10時至下午1時只供業內人士進場參觀，但由於在8號風球下免費入場，不少公眾亦一早到場，希望購得「心頭好」，昨日全日共錄得2.1萬人次入場，但有四成商戶因天氣關係而未有營業。

我覺得個主辦單位好明顯唔對, 明知有八號風球, 應該延期, 唔好再要市民去排隊, 直到九號風球黎左, 對事件又冇作出安排, 要市民係出面等, 更加唔正確, 點解連一些基本的事都唔識得處理?

之前我聽我媽及蕃薯話都有打過九號風球, 點解我一d印象都冇? 我今日先開始知道原來香港真係有九號風球, so 我今日特登整呢篇文章出黎記底, 有點無聊呢....

愛情覺醒

究竟咩叫做對普通朋友的好及只對女友的好呢? 係我網上的所謂男友仲少令我明白呢兩者的分別.

今晚做下姑姐比我的part time, 打下機及同人msn. 到了晚上我終於見到仲少上網, 佢話晚上會整意大利菜比佢爸爸食, 後來係對話中得知原來佢學左兩年, 佢爸爸成日叫佢煮比佢食, 仲話有機會煮比我食就好, 而且要我整蛋糕比佢食, 米即係等價交換嗎? 仲話會營造個浪漫的環境食我個蛋糕, 一定唔會浪費的的心血. 雖然未必真係有呢個機會, 但聽到已經好開心, 不過都唔好寄予厚望, 蕃薯話去渡假屋果次已經係啦, 結果....哈哈~聽左都係得啖笑好啦, 唔好認真. 我同唔少男仔傾計, 佢地都係得個講字多, 係咪真係會咁做, 就係另一回事. 但我比較感動的係一句說話, 就係佢話女仔有權去享受幸福及開心. 我比佢呢句話提醒左我, 令我開始反思, 究竟我之前對蕃薯的好及鍾意佢, 係咪只係我一箱情願, 只有我鍾意佢及為佢付出呢? 佢有真正對的如女朋友的好嗎? 我真係唔覺得, 佢對我的好, 極其量只係朋友的好.

即使我離開佢, 唔再對佢好, 我也覺得冇錯, 也冇咩背叛佢的感覺. 首先我哋根本唔係情侶, 而且中間也冇咩承諾, 我一直對佢的好只係我鍾意佢, 但也令我迷失自己, 只顧佢的感受而忽略自己, 咁就唔係真正的愛.

我之前好鍾意睇一個叫做素黑的心靈治療師的專欄, 佢成日會係報紙上察專欄, 有些可能會比較抽象, 如愛自己, 把呢份心情推廣到大自然....當中也有講愛情, 而我比較鍾意睇佢寫愛情果部分, 尤其係呢篇文章, 令我有更深的體會 :

http://www.blacksoblack.com/big5/?mod=articles&task=show_item&cat_id=0123&item_id=00000278

佢網內有好多篇文章及好多部分, 如果真係要睇哂都要花好多時間, 所以我選取左幾篇我覺得比較好的比大家, 大家有興趣就去睇睇~

男人的虛榮: http://www.blacksoblack.com/big5/?mod=articles&task=show_item&cat_id=0123&item_id=00000277

女人的虛榮: http://www.blacksoblack.com/big5/?mod=articles&task=show_item&cat_id=0123&item_id=00000276

不忠為何那麼討厭? :http://www.blacksoblack.com/big5/?mod=articles&task=show_item&cat_id=0125&item_id=00000296

愛, 到底為什麼? : http://www.blacksoblack.com/big5/?mod=articles&task=show_item&cat_id=0026&item_id=00000073

不一定的結果

原本以為我最終會同蕃薯一齊, 同埋冇其他男仔煩我, 應該好開心, 事實唔係咁樣. 蕃薯究竟係咪鍾意我已經唔太重要, 佢實在太難觸摸, 也唔會再花心思估佢的心意, 同佢順其自然, 咁樣比較開心. 我只係又比fb的男仔煩我, 難道我都仲係咁討厭自己咩? 自己仍然迷失, 可能係仲未找到自己真命天子吧?

今日有個男仔係msn度hi我, 佢都ok靚仔架, 只不過係年齡細左d, 因佢話自己讀毅進的...

哈哈~可能d相都係呃人架, 真人都唔知係咪咁型!?

同佢傾落都ok好傾的, 只知佢都係半工讀及係大圍住, 不過唔係傾得太多, 因我掛住睇奧運及溏心2啊!!總之我都係呢句警惕自己, 網上果d都係唔好交心, 做普通朋友可以, 但唔可以再有進一步的關係. 我已經唔用認識男友的心態, 只用普通的心態去認識男仔, 都唔知點解, 除左佢之外, 隔幾日fb度就有唔同國家的男仔會用inbox, wall度同我傾計, 多數傾左幾日之後就冇再傾, 令我覺得討厭, 呢d生活仲要幾時先完呢? 可能係真係認識到個男友, 係fb的關係欄上寫[in a relationship]先可以, 其實我都試過換張普通相落去, 但情況都差唔多, 真係萬分之無奈.....

到底我情歸何處? 又或者會唔會開花結果呢? 真係只有個天知, 自己也中順應自然吧!

顏色治療法!? 結果...

今日返工時, 我媽媽剛沖奶比我姪仔, 佢找提我記得帶飯盒, 睇下我有冇帶漏野返工, 佢極少會係返工之前理我, 多數佢都要照顧姪仔, 又或者我以前同佢關係唔好, 佢都冇咩點理我, 今日佢對我好好, 真係好開心呢, 希望之後都係咁. 其實應該講話佢近呢幾年都對我好左好多, 可能係自己的心一直封閉, 唔願去感受佢對我的情. 估唔到支淋浴露真係咁靈!? 因佢強調的係同媽媽之間的關係.

本來我都只係覺得, 只係果少少東西, 又咩靈唔靈呀!? 但跟住呢件事, 令我越來越相信. 治療師講到, 如果同媽媽的關係好左, 會令自己更容易認識到男仔之類, 今日一件事令到蕃薯對我的態度完全唔同....係fb個[fd for sale]之中, 因有個男仔成日買蕃薯, 而我又等緊果度d錢及我唔夠爭蕃薯個男仔咁多錢, 於是我打左個 [not for sale], 但個男仔照買, 於是我只好用個至老土及至有用的方法, 就係聲稱蕃薯係我男朋友!? 唉~盡可能我都唔想用呢招, 一來驚佢介意, 二來我哋又唔係, 但為左對付個男仔冇辦法, 最後個男仔終於冇買蕃薯. 而我也驚蕃薯會介意, 所以我用sms把原本件事同佢講, 同埋講對唔住. 佢竟然同我講[XD...是但]!? 吓!係咪牙? 佢都知同學仔一定會玩, 甚至佢D朋友都會玩, 點解佢咩都好似冇所謂, 因之前同佢相處過, 佢好介意做到咁出面架? 可能只係我同佢好熟, 已經冇朋友及女友的界限嗎? 佢仲返屋企玩fb添, 好驚牙~因佢平時理都唔會理下....

雖然我放左工去櫃員機度拿錢, 先至發覺自己冇錢, 唔可以同你去買電話, 同時又唔可以見到你, 但我哋毎日可以msn及sms已經好好啦~我都希望大家有時間, 可以一齊去散下心, 同埋佢比左一隻game我, 可能係我太低b吧, 玩黎玩去都玩唔到><

http://blog53.fc2.com/k/king75/file/owata.html

我差少少先至過到版, 而蕃薯已經過左, 仲print screen埋比我睇=_="其實隻game都幾得意, 大家都可以玩下, 只係我太忙碌冇時間玩, 玩左冇耐就放棄...

本來想點幾到訓, 我同蕃薯講話會早d訓, 佢仲讚我乖, 我講笑問佢有咩獎勵, 佢竟然話比一個kiss我!? 什麼!? 係kiss啊!!!我問佢係咪錫額頭, 佢話[錫咀的...xd], 我問佢係good nite kiss嗎? 佢都話咩kiss都好, 都係錫咀的...試問呢d對話點會係朋友講架? 弊啦! 我又誤會就唔好><

除此之外, 我今日見到我所謂的網上bf仲少, 佢平時上唔上msn都好, 佢都會hi我, 但佢今日竟然冇; 隨之而黎的係蕃薯好似對我好左及熱情左, 難道呢個才係我戀愛的真正結果嗎? 還是...

電話壞左!?

今日放工一定要返屋企, 因我個電話已經冇電, 對於成日用電話sms的我, 冇左個電話用簡直係世界末日!? 於是返屋企差電, 點知.....個差電器有電, 但個差電器完全冇著燈!?我試左幾次都係咁, 而且因冇電連機都開唔到, 唔通真係壞左? 果陣我好失望架!!因我唔想咁快買過部, 其實呢部電話用左成四年, 只係我唔捨得買過另一部, 但又寧願買衫及駁髮, 真係離奇!

同左阿爸講, 聽日等我哋兩個放工之後去睇, 因佢話有部只係九百幾元, 只係比個價錢吸引住, 都要知道下咩功能, 部野點既樣先得架! 我都覺得自己真係有d寒酸=_="

之後同蕃薯講左, 佢提議我買阿聯果部, 因佢果部都係一千元, 而且又有中文手寫版, 影相又快又靚, 個mon又幾靚, 哇~睇起黎又真係幾正, 真係好想即刻去買, 問題係我唔知部機係咩牌子及咩形號, 都唔知點買, 後來都係我問佢願唔願意同我去先至買, 好彩佢都答應左我, 仲話都係佢工作地方樓下, 就咁成交! 同埋我唔知之後會唔會見到佢, 加上我有兩次去探佢都只得兩梳蕉, 咩都冇送比佢, 而且去佢屋企度都冇咩買過野上去, 本來我話係東海堂度買藍莓芝士蛋糕比佢, 但佢話我要買電話, 唔好再用錢, 整到我都有d唔好意思, 好似我好唔客氣去佢屋企度, 家陣我同佢及屋企人好熟咩? 又係呢句, 都係唔好想太多, 訓覺吧!

同學生日會~

文迪屋企實在太好訓啦, 自蔡蔡係九點幾到叫醒我, 同我講再見及研究一下文迪間屋度門點開之後, 我又再次訓過, 仲要訓成十一點幾....我仲要好貪靚咁梳洗及吹頭, 仲要文迪為自己同幫我化埋妝, 整到好耐先至出門口, 遲哂大到啦><"由於壞人唔識路, 文迪約左佢等, 之後我哋一齊去買蛋糕~

行去唱k途中見到susuki, 我哋四人一齊到達目的地!! 當我哋去到時, 已經見到好多人都到齊. 果陣蕃薯故意插曲, 先唱紅地毯, 本來我都不以為以, 同文迪先去counter登記, 因有人生日可免人頭, 哈哈~當我返到房間時, 蕃薯突然同我講, 做咩唔聽佢唱紅地毯, 我覺得好奇, 點解佢特別要我聽呢首歌呢? 我都好奇搵左d歌詞出黎, 因我想八下~

Stuck on you　最喜愛閒人　談論我　同座的　名什麼
妒忌也可　有品味如我　如為相貌評分　你獲最多
在自拍照撫摸　再親親一個　隨地貼　隨地擺　求什麼
沙灘中　吸引七八十個　你的手臂紋身　也未夠多
全人類望到我　我拖著你似將鑽石圍繞我
沉迷著你麼　我不需要原因　只需結果
Stuck on you　我天天廣播　還在笑　還在講　贏什麼
名模半祼　套房內行過　全部美夢成真　卻沒猛火
毫無興趣清楚　你感受如何　眉目裏　皮肉底　藏什麼
傾通宵　交了一份行課　是否只愛站於　你右與左
全人類望到我　我拖著你似將鑽石圍繞我
沉迷著你麼　若果感覺幸福　誰又會　像這麼
為何沒想過　有天定會看得厭倦瞞不過
在拍拖　要討好到大家　才自覺　愉快麼
Crazy for you　Crazy for you　觀眾在埸　鼓掌慶賀
Crazy for you　Crazy for you　愛你靠耳朵

Stuck on you　眼睛最在乎　藍熱褲　黃泳衣　嫌什麼
談情當作表演　會不斷做錯　要討好到大家　才自覺　愉快麼
Stuck on you　既不是嘍囉　無道理　沉沒於　紅地氈
搞清楚　一切選擇由我　搏影相有用麼　顧慮太多
我痴戀你什麼　明白了　別發火

弊啦....首歌咁似情歌, 至於係咩樣的情歌, 都係等大家估下, 自己唔好想太多! 先食左碗芝心丸烏冬先, 真係好太好味, 可惜的係冇同碗野影相. 食飽飽之後先影底同學百態先~

大家好投入去唱k啊^^


阿聯你點牙? 人影你又影!? 我知我個鏡頭唔及你果個大啦=_="

蕃薯一於話之我地玩, 佢自己一個睇電腦雜誌~

唉呀~連我都入埋鏡添!? 死啦=_="

玩wii, 勁正~!!同阿銘玩隻game係控制隻馬仔食野取分, 比阿銘田win左我, 激氣! 整到蕃薯都好奇睇下我玩咩game, 我一打機就會瘋狂, 咩都唔會理. 我哋會係中途換房, 我都仲玩緊wii, 蕃薯都拿住我之前拿的psp, 叫我唔好再玩, 阿光又叫我記得拿果二個手制....我又打機打上腦, sorry>< 去到另一間房, 已經冇得玩wii, 真係失望. 不過唔緊要啦, 仲有個生日派對, 有兩個大蛋糕啦, 香濱啦, 仲有各同學送的生日禮物.

大房變細房, 間房其中一部分~

其中一個cheese cake~簡單得黎又幾靚, 味道ok^^

我同文迪, 壞人買的蛋糕啊~哈哈~個cake真係好靚啊!

香濱黎到~呢支野真係幾好飲架~

點少得我哋全體的合照牙~不過neway果位哥哥又真係影得差d....仲有我點解好似挨左落蕃薯度架, 蒙上污點啦><

唱完k之後, 大家似乎意猶未盡, 想食埋個晚飯先, 不過大家又唔太肚餓, 由佐敦行到去旺角, 佢哋當然冇問題啦, 但我穿住對三吋高跟鞋就有問題, 真係撞鬼!! 直至睇完相機之後, 大家先決定好去沙爹王食飯, 文迪, berry及我分左三樣野黎食~我哋都食到好飽, 好好味^^

berry叫的冇骨鳳爪~食完仲想食多d, 一流!

葡汁焗四蔬, 尤其係西爛花, 一流~

文迪叫的咖哩牛肉粉絲~好香咖哩味^^

我叫的芝士蕃茄焗餃子, 但佢地都冇食到, 我一個人食哂, 好好味~

食完飯之後, 我地各自回家, 應該咁講, 本來係我自己返屋企, 蕃薯去左toliet, 但我都係唔捨得佢, 於是sms問佢係邊, 希望我哋一齊坐小巴回家. 最後我哋都會合左, 一齊坐小巴. 我好奇拆左文迪份禮物, 佢送比我的禮物好靚, 但有個[戀愛成就]的字樣, 當蕃薯問我份禮物係咩黎時, 我即刻把佢放係盒內, 之後又慢慢拿返比佢睇....我做咩咁驚青o者!? 比佢睇咪比佢睇囉, 真係生人唔生膽!! 之後佢仲大膽啊, 佢突然捱係我博頭上, 同埋攬住我, 又[meet]我肚子, 啊~!! 佢做咩牙, 而且仲扮哂野, 架車轉彎仲kiss我!!!!???唔係掛!? 琴晚用左支淋浴露, 又話會令段關係清清楚楚既? 點解仲係瞹眛關係架!? 可能冇咁快見效呢, 都係再睇耐d先算啦...

我全日的生日禮物終於登場~左起: 奧運福娃(雲妮送), 生日卡(全班同學仔), 粉紅戀愛成就(文迪), puzzle(winnie), 及大腳板匙扣(阿聯), 多謝咁多位的禮物, 要好好keep住先^^

好友聚會, 心靈治療及文迪屋企過夜^^

今日好開心可以見到文迪及蔡蔡, 尤其係蔡蔡真係好耐有見~真係好期待呢!!

文迪有點事要做, 遲d先黎會合我地, 我同佢一見面好多野傾, 本來想行去食下lunch, 都唔知行左去邊度, 最後去左維園附近商場的味千食飯, 果度格居都唔錯架!

全部都係玻璃窗隔住, 睇落去好光猛~

我想食我至愛的咖哩豬排拉麵, 因我的皮膚唔係咁好, 所以蔡蔡叫我食d比較清淡的食物, 而我總係最唔聽話, 點選擇都選唔到清淡的食物, 叫左個咖哩牛肉拉麵, 而蔡蔡最後都同我一樣, 哈哈^^

牛肉咖哩拉麵架到~真係好好食牙!

當我地食緊拉麵時, 文迪終於打電話黎, 問我地係邊度, 我地都唔知點答佢, 只係講左大約位置比佢知, 好在佢都可以黎到, 真聰明!! 我地傾左冇幾耐, 文迪已經預約的心靈治療已經遲到, 我地連忙搵預約的地方, 我哋周圍去都搵唔到, 行左一陣, 終於搵到啦, 快d入去先~去到果度我唔敢影相啊, 惟有係其他網站度拿d相黎用先, sorry喔>< 由底下影上間店舖上, 都已經見到店舖的名啦!

店舖內的wall呀~五顏六色, 見到真係好開心喔^^

店舖外的樓閣, 也係我係全間店舖最鍾意的部分, 可惜的係冇真正出去睇過~

各種的顏色治療的油, 茶係身上架~

死啦, 掛住周圍睇, 我唔記得左今日的目的添! 個心靈治療師為文迪治療啦! 原來文迪本身都唔知問咩, 於是治療師先用呢個顏色治療幫文迪, 咪即係叫人買野, 個治療師話最平及有效的係用淋浴露, 有不同顏色, 應該用邊隻好呢? 原來毎個人身上有個氣牆, 係有儀器測量的, 而人因為不同方面之事物而情緒不穩, 最終會影響氣牆, 而自己的氣牆差的話, 會影響身邊的所有人....最後治療師為文迪選擇左專旺各方面的白色及事業的綠色淋浴露.

後來個治療師講開毎種顏色的意思, 文迪當然問藍色吧, 原來藍色代表不安, 於是文迪代我問埋個占卜師purple.代表咩, 原來係代表唔愛自己及成日唔開心, 而且仲睇得出我成日唔開心. 其實係架, 雖然的擁有家人, 朋友及公司的好老闆及同事, 但總係成日覺得唔開心, 除左因愛情失意外, 最重要的係唔愛自己, 如明知同蕃薯已經分左手, 佢又冇心比女友個名義我, 但又同我瞹眛, 令我真係好辛苦, 如果聽文迪, 蔡蔡佢地講, 死心的話, 跟本唔會咁. 個治療師聽完我的故事後, 都叫我放棄呢段所謂的情. 我真係賤格, 唔聽文迪及蔡蔡講, 係要第三者同我講先聽, 激死左你哋兩個, 對唔住喔~最後我都買左一支紅色的淋浴露比自己, 除左可以快d解決我同蕃薯多個月的感情外, 也可以有助我同家人, 朋友的感情好d, 尤其係我媽媽

紅色淋浴露的真面目, 味道都ok既....

睇完心靈治療後, 我哋三人去左飲杯野, 而且仲講返起頭先講過的事, 文迪同蔡蔡教我唔好把愛情睇得咁重, 而且一開始認識男仔時, 唔好只掛住同佢地做朋友, 先做朋友先做情人等等呢d道理, 那時我覺得全個人突然覺得輕鬆左好多, 而且開始想通, 唔會再為愛情而煩~

我差d唔記得影~係我飲的椰汁珍珠, 個角度影到變左粉紅色!?

飲完野之後, 我地三人去海旁傾計, 附近有奧運的投射, 重影毎個運動員的精彩片段~加埋各遊客的歡呼聲, 真係好嘈雜呢!!!!

其實個影光幕好鬼細, 我見人地影得咁開心, 自己又走去影下~

好少可以見到個大月光架, 加埋附近的海景, 真係好迷人~

係我地傾計途中, 有個婆婆拿左一藍花黎賣, 我見佢好可憐, 而且只係5元支, 於是幫襯下佢, 可以送比我好友文迪及蔡蔡^^

傾傾下都已經十一點幾, 我本來想返屋企, 突然佢地有個提議, 就係文迪屋企過夜!? 我從未試過係人地屋企過夜, 唔係, 其實係試過去以前係工廠度做野的auntie屋企, 不過已經好耐冇試過, 我即刻打電話比我媽媽, 好在我媽媽都好好, 加上佢地兩個係電話邊叫auntie你好, 佢話見係女仔先至比, 好野! 好開心呀~我地三人一齊行去佢屋企, 打擾哂啦!!去到佢屋企, 佢為我地準備好被子及衣服...麻煩哂你, 我地傾多一陣; 用埋支淋浴露沖個靚涼; 又同蕃薯及網上bf傾計完後就訓左...

期待聽日的生日會, 呵呵~