蕃薯終於要去醫院做手術, 去切除佢生係身體上的一個良性種癗, 呢個癗係佢身體都好耐. 今日我仍然要返工, 但心內總係擔心佢, 因佢好少sms比我, 可能佢都覺得緊張吧! 自己難以集中精神工作, 但又唔可以做錯野, 只好一直地忍住自己緊張的心情...
直到五點幾, 佢用sms話我知已經做完手術, 我當時個心都比較定d, 不過傷口依然好痛. 鬼咩! 個傷口成兩吋幾深! 所以我仍然唔放心, 好想去探佢. 不過之前應承過佢, 今日要返學校問miss關於report的事, 要好好做份report, 令佢可以盡量拿高分, 呢個世上真係好多身不由己的事, 唔到自己話事. 後來得知, 原來個醫生開病假紙時, 只係開得一日比佢. 天啊! 做完手術點可以只開一日架? 傷風感冒咩? 政府醫院果然離譜!
好多謝佢做完手術竟比個sms我, 可能佢想我安心d掛^^仲有我會努力, 好好做好份report, 唔會令你失望!
返到學校, 波特佢都好擔心蕃薯, 問我關於佢去醫院做手術的事, 仲打電話問候佢. 仲有其他同學都問我蕃薯係邊.....睇黎佢入院件事真係唔係太多人知, 一如佢以往性格, 佢好少講自己野比其他人知, 可能佢覺得我比較熟吧!我也冇詳細講係咩事比其他同學知, 因唔知蕃薯鍾唔鍾意, 只係話佢呢日唔會返學. 就咁樣, 一日已經過去, 見唔到蕃薯有點失望, 於是波特比左一個好好的建議, 就係星期六我同佢做功課之餘, 可以去探下佢, 好野! 期待呢日^^
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
一個幸福家庭, 相信大多數人都可能擁有. 但擁有左, 又會識得珍惜嗎? 父母成日不斷提點我地, 又厭佢地麻煩, 一係就打機, 帶住耳筒聽歌, 甚至離開屋企, 總之唔好聽到佢地煩到自己. 不過好在, 我都冇咁做....只係嗯嗯應左佢地就算. 又或者父母毎日為自己煮的一餐飯, 我已經覺得好開心, 因最近成日都要返學及返工, 冇咩理到佢地, 自己真係有點罪惡感
點解突然有感而發? 因為我聽到一個同事佢自己的故事, 令我開始反省起黎...佢的媽媽係個極度自私的女人, 完全冇盡過作為個媽媽的責任, 成日只顧打麻雀, 好少照顧仔女, 我個同事細個時仲成日比佢勞役. 一有事只係打仔女, 本身仔女有錯而打佢地已經唔係太好, 仲要係冇咩事都會打佢地之餘, 仲要係全體一齊打, 所以我同事和幾兄弟姐妹, 一見到支[雞毛掃], 就即刻扔到街上. 成日都要過住驚恐的生活, 已經覺得難受, 但呢個惡夢仲未完...
我同事十幾歲時, 去左新加坡度採親人, 返到香港時已經冇左間房子, 連去收拾自己東西的機會都冇, 只係知道一個消息, 媽媽跟其他男人走左, 剩下的仔女已經送到唔同的地方居住, 惟獨我同事, 佢連居住的地方都冇, 加上當時正值冬天, 帶住到新加坡的夏天衫同一個手提箱, 自己係尖沙咀的椅子上訓覺...難過, 傷心等等千萬種負面情緒擁上心頭, 曾想過自殺, 但又覺得自殺又唔值. 於是佢選擇左個積極的方法過生活, 就係拿住個行李箱, 自己到尖沙咀碼頭附近搵工, 一直靠自己及朋友幫助生存落去, 我聽到呢度好敬佩佢, 起碼我自己一定唔可以好似佢咁堅強, 比我一定會選擇自殺, 係呢位同事, 令我有面對困難的勇氣, 唔去避開, 而係積極面對.....仲記得佢講過有次同朋友去完夜街返屋企, 見到兩個所謂的[老泥妹]搶劫, 而且仲打我個同事, 最令我震驚的係二個女仔扯我同事頭髮, 我同事除左用鞋打佢地個頭外, 仲除左佢地條連身裙....!!?? 可能真係叫做人在江湖, 身不由己吧!? 唔咁做跟本保護唔到自己....
仲有好多故事想聽, 可惜lunch已經完左, 大家都係返位工作吧!
呢堂係database,今日終於派上次測驗果份試卷及知道分數,我就冇咩感覺,因我估計自己唔會氧太高分數,只求合格就得.特別緊張的只有波特,佢係之前都已經成日問miss,佢有幾多分,可能佢同蕃薯一樣,都想拿credit吧=_="
終於派左卷,份野滿分係60分,我竟然....對於電腦白痴的我,實在太難以置信...我竟然差少少就50分!?我睇完又睇,睇左份野幾次,甚至自己仲計埋分,真係呢個分數.我都嚇到傻左,我呢次真係冇蕃薯教我,自己又冇睇咩書學,咩都冇準備就去測,都可以拿呢個分數,真係覺得好意外,而且仲有另一個意思,就係我即使唔使靠蕃薯,只係靠自己,都可以得到呢個成績,我突然有種自我認同的感覺,覺得自己電腦真係唔係太弱,可能之前係怕左電腦,唔願意去學習,原來自己只要花心機落去,都可做得到...
我開始明白之前蕃薯講過句話[我寫程式真係進步好多,由以前咩都唔識,到而家開始寫一半或以上的程式].其實我都係因為你,我先有勇氣去克服呢科,但你知道嗎? 而且仲可以感受我對你...但似乎都冇用,你跟本唔知,也唔知為一個自己釷鍾意我人努力,去克服自己的難處,有呢個推動力都唔錯!雖然佢未必支持你,但係呢種感覺可維持幾耐呢?自己始終都想有個男人係身邊支持自己..
放學後同蕃薯msn, 佢整左linux係佢部電腦度,d畫面都幾得意~
咩話!?可以把畫面放大!?放大黎做咩牙?
linux版的msn!?真係多麼的[漂亮]啊!
模仿mac機?我覺得個msn真係好核突囉=_="
其實我都好想屋企果部裝linux,但係自己又唔識, 都係等八月五之後先算吧!
今日放學如常msn,竟然比我見到eva又係網上,真係好耐冇見啦!對上一次係幾時見呢?真係唔記得左囉,我真係冇良心呢,對唔住啊><"
同你傾落計,先知道你係et走左之後到一間新公司做,但做得唔開心,所以又去左第二間度做. 點知第二間公司好多野做同埋好嚴,唔比人玩msn.唉~簡直同我間公司一樣啦,咩自由都冇,想休息一下, 難囉!我公司連午飯都要開工.其實咁先係正常既,邊個老闆願意請個人返黎唔係做野,而係玩msn?也因為辦公室文化,而且又冇人玩,都唔好意思玩,加上本身個職位又多野做,又要毎件事都要盡善盡美,咪令到毎人都有壓力.其實我成日都有個念頭,中六合彩唔使做, 係人都想,但我更想自己開間小型時裝店,可以賣衫,可以同人傾計及自己著返d衫外,最重要係唔使係辦公室內返工,我真係好怕呢種生活..
明明講eva麻,做咩又拉到咁遠!?之後同佢講開自己工作都好唔開心,公司d同事好壞一半啦, 好的係佢地願意教我, 唔好的係成日話我,雖然佢地一心想我好,但點講呢,我唔太like佢地的語氣,而且我一件衰野,佢地永遠都記得,仲要成日提住,整到我越來越唔想同佢地傾計,費時自己講多錯多; 而且公司太多野做,要求又嚴, 真係做得好辛苦,成日埋怨點解上手會計做錯野,又唔會話,但我連格式錯少少都唔得...我明白佢地係想我學好做野,但我受唔住呢種方式.咁耐冇見,要你聽埋呢d野,真係唔好意思,而且仲忘記左約下次見面時間=_="
仲左唔係好耐, 有點唔開心,因我換左新電腦的關係,我要問你拿多次blog個網址,又再唔好意思!佢都同我講好耐冇update過,果然真係...可能你最近真係好忙,又或者都放左工,唔想對住部電腦吧!期待你之後會update返佢,想知道你近況麻~
呢日又要做功課, 仲要我我最弱的java, 我足足做左成日, 仲要係未做完果隻, 做到我幾乎發顛. 我都有問蕃薯點做, 佢似乎忙緊, 但都教左我少少, 我又費時麻煩佢, 所以都係自己做返, 做左好耐都係唔識... 正當我煩惱時(其實只係有一題的code明明正確, 但行唔到)蕃薯問我識唔識, 而且仲不停叫我send program個code比佢睇, 佢幫我睇下有咩錯, 甚至仲send佢自己份功課我睇, 但都係搵唔到錯處, 於是佢叫我熄左機再開, 點知....個code終於行到啦!
我份功課都已經完成, 真係好開心^^全靠你幫我做好同細心教我, 所以我話送返個kiss比佢, 佢竟然好開心. 我地係對傻瓜嗎?
呢份功課我知道自己根本完全唔明, 也唔想再成日麻煩人, 於是我用琴日係蕃薯屋企度, 用我自己部相機影左阿駿本java書d野黎溫, 真係幾有用啊, 可能係部相機清, 加上又可以放大, 全部字都睇得好清楚啊! 唔信大家睇下:
千萬唔好學我! 咁好似係犯法的....因我最近真係窮到書都冇錢買, 所以先咁樣. 其實係我自己唔捨得買, 好心自己買少幾件衫買呢本書吧=_="
希望呢次溫完書之後, 真係可以完全明白, 準備好星期三個test!!
今朝先同屋企人飲茶先, 又可以同姑姐一齊飲, 真開心! 不過呢次的主角都係一樣, 又係浩鏗, 即係阿b, 我終於記得佢個名囉~我呢個姑媽真係...=_="
浩鏗個沉思樣, 好老織呀~噢!
隔離枱仲有另一個bb, 同浩鏗差唔多大, 好少見到兩個bb一齊的情景, 而且都好難影相, 因為人地唔會就佢個bb比你影麻, 好辛苦先影到呢兩張相....
全家都好like玩自己同埋...人地個阿b!!??
人地個阿b哭啦, 浩鏗一於少理, 只係[木]埋個咀=_="
飲完茶之後, 先係交完學費及在屋企hea一陣...終於去蕃薯屋企做功課, 同行的有波特, 阿駿及阿聯. 後果兩個耐d先黎, 我同波特先去佢屋企. 呢次做的係我最唔擅長的java, 所以份功課我都冇份做, 等佢地做完, 自己真係冇用呢!我又再hea過, 周圍影下相:
又離奇多左兩條裙!? 唉~一定係同女仔影相啦, 又冇我份! 嗚嗚...
惟有自己對住塊鏡影相啦....佢地忙緊份功課, 冇理由叫佢地幫我影麻...
唔知點解佢屋企塊鏡照得人特別靚, 即使我唔靚, 照佢塊鏡都靚好多, 我玩左自拍都幾耐下囉...
阿駿新買部mac book, 真係好靚牙, 佢有個透明殼, 好似部大版的nds^^
做完功課之後去食飯, 途中蕃薯成日話我暴龍, 阿聯又有份話我, 唔制牙!! 激到我死左, 可能因為見我咁大反應先鍾意激我吧! 食飯仲要坐係佢隔離, 呢次真係冇運行...由出門口至到食飯都不停話我, 不...應該係食完飯都話我, 剛好食飯夾錢, 我又冇散銀, 佢就比哂d散銀我...
返到佢屋企, 同佢媽媽傾整野食, 傾得好開心, 蕃薯佢地成班男仔就傾電腦, 可能呢d叫做男女有別啦! 開心的時間終於過去, 蕃薯送我去坐車, 途中佢同我講見到我同佢媽媽傾得好開心?吓!?你唔係傾電腦架咩? 你又知? 仲叫我去佢屋企整野食!?
除左呢個驚喜外, 估唔到佢仲記得個camp, 而且仲落實左星期日入營, 星期一請假?吓!? 咁快plan定啦? 雖然都好想同你去(呀!? 我係度諗咩!?), 而且仲問我住豪華房定普通房, 仲要傾埋價錢? 睇黎呢次去camp的機會都幾大...由你話事啦! 我多數都會應承....最後臨走時, 佢話如果坐唔到車去佢屋企訓, 不過唔知點說服佢媽媽; 又叫我隔住佢件衫摸下佢下星期四做手術要割的瘤...整到我突然心跳得咁快, 嚇死我囉, 都係快d返屋企休息下吧!?
先祝我其中一位好友生日先, 蔡蔡, 生日快樂!!
同埋知你近日病左, 你要快d好返, 最近冇同你傾, 唔知你好返未呢? 得閒sms或者msn吧!仲有同kevin點牙? 係咪sweet呢? 都祝你白頭到老, 永遠都咁sweet及開心^^
過去呢年發生左好多事, 我地竟然吵架起黎, 起初以為連朋友都冇得做, 好在最後都雨過天青, 好似咩事都冇發生過咁, 大家仍然都係好朋友, 睇黎我地呢六年感情唔係假的!! 真係友誼永固啊! 可惜的係我地工作上各有各忙, 唔可以成日同對方傾計, 而且圠我又冇時間睇你個blog, 唔知你最近發生緊咩事, 直至你上星期六同我msn, 先略知一二. 而你又有睇我個blog, 有時仲留埋言, 我真係好開心^^應承你, 我八月得閒時, 我一定會睇返同留言, 唔好厭我太遲就好~
知你工作上唔太開心, 因工作壓力而令自己唔開心, 千萬唔好放棄, 要好好加油! 有咩唔開心就用offline msg同我傾下, 唔好自己收收埋埋, 第時有機會一定要搵地方傾下, 仲要預埋文迪, 佢都有問我你最近點樣, 你坐底都有你屋企人, kevin, 文同我關心你, 起碼有個依靠~雖然我都知道自己唔可扉呢=_="
你得閒就搵我地一齊出黎食下飯, 傾下計啦, 我隨時都ready好~仲有送呢個比你, 係fb度搵, 我見佢 幾得意就save左係自己部腦度~
祝永遠開心快樂!! 你要好似隻公仔一樣咁佻皮! 應該話你原本已經係, 只係工作上令你唔開心吧!?
終於冇見佢四日, 心內突然諗起佢, 見唔到佢時好想見到佢, 但見到佢我又突然靜起黎, 冇咩同佢講, 只係一尾望住佢, 究竟我係咪鍾意佢呢? 我同自己講過, 佢已經傷害過自己一次, 拍左三個月拖就分手, 就傷足一個月, 唔可以再比佢傷多自己一次, 但自己而家都仲鍾意佢做咩牙? 再同佢一齊驚自己再受傷害, 我驚佢再同我講多次傷我心的說話, 我一定再受唔住......
近呢幾日佢多左主動係msn及sms hi我, 我一見到佢hi我, 同我傾計, 我就覺得好開心, 應該話傾完之後成個人都好有心機及開心, 為平時工作之中惟一令我開心的地方, 我覺得即使佢唔鍾意我, 自己有個內心支柱也唔壞.....但另一方面擔心的係, 佢係我心目中的地位越來越重, 第時想離開佢, 一定係傷心欲絕, 叫自己唔好太投入總係唔得, 即使有其他男仔同我傾計, 甚至話鍾意我, 我都冇咩感覺, 惟一希望的只係蕃薯佢鐘意我...
下午六點幾, 果陣我行緊街,蕃薯突然sms同我講話佢唔知點解佢肚痛, 令到我好擔心佢, 本來想打埋電話比佢, 但佢仲返緊工, 驚阻住佢, 所以最後只係立即回覆佢. 到左八點幾, 佢應該都放左工, 於是我再問佢有冇事, 佢都一直冇覆我, 而且果晚也冇係msn度online, 令我更擔心. 直接五點幾, 我見到佢都冇覆我, 我再send一次sms比佢....我開始覺得唔開心, 點解我咁緊張佢, 佢都完全唔理我, 我於是開始嬲起黎, 甚至話唔理佢, 連我都唔知點解會咁嬲?直至第二日, 佢都冇同我傾, 我總係放心唔落, 再一次sms比佢, 但我發覺自己冇開電話, 可能係琴晚太嬲熄左機吧!? 佢話朝早已經send左兩個短訊比我, 話佢琴晚幫公司買野買到成十二點幾, 返到屋企開msn, 發覺我已經off左!? 吓!? 原來佢有留意到我嗎?我真係唔知牙.....而且話自己做到散哂咁...如果我一早知你咁辛苦, 我一定唔會嬲你, 精神上仲會支持佢, 好彩的係冇向你發脾氣或話你, 你都係多點休息吧, 仲有....對唔住呢...
最近又要忙住功課, 一份份功課隔冇幾耐又要交一份, 整到成個人都要為功課而奔波. 工作上, 老闆娘過分的要求令我喘不過氣, 點解之前果d員工做野都好胡亂啦, 又唔見佢捉得佢地咁緊, 而我只係錯好少, 如全部文字的字形及大小唔係相同, 佢都已經話我. 不過唔緊要, 我知佢都係想訓練我, 想我跟好d野, 佢好有心機睇我做的所有野, 仲用黃色hi light我錯我地方, 成日都要麻煩佢, 我自己到底可唔可以幫到佢? 就算可以幫, 要幾時先可以幫呢?人生總係多考驗, 或者呢d就係人生其中可愛的地方呢!
至於朋友, 真係好耐都冇見, 連傾計都冇咩, blog又冇睇, 都唔知朋友發生咩事? 係時候要關心一下朋友啦(講到自己好似唔關心=_=")唔係啦, 只係我自己可能近排太累, 又或者只係訓得五個鐘, 所以一返到屋企成日訓, 有時甚至連係車上都訓得著....我只知道少少朋友的近況, 自己係時候update一下:
文迪: 今日先睇你個blog, 都隔左好耐冇睇到....最近你好似成日都因為佢而唔開心, 唔好成日胡思亂想啦, 你身邊有berry, darren, 阿光....好多人關心你, 咁都唔錯啦! 仲有我地的生日就黎到, 到時候一定要一齊慶祝下先得囉~
蔡蔡: 好耐冇同你傾, 對上一次已經係上星期六吧! 最近你做左份工, 只係做左一個月又轉份人工叔高的工, 希望你前程似錦! 惟一覺得唔開心的係, 唔可以同你慶祝到生日及送禮物比你. 唔知你會唔會去liz佢地個月會呢?
berry: 都係今日先睇你個blog, 冇update到, 唔係好知你近況. 不過唔緊要啦, 之後八月都可以傾返, 但係又少左見面
仲有好多fd包括liz, 酸梅, 竇妮, 嘉華, eva, veron, 蕉.....好多好多, 希望可以係八月可以見到佢地, 仲有唔知係咪大家都忙呢? 即使msn都少左見到大家, 如果見到同大家唔忙的話, 可以一齊傾下計, 起碼知道下近況, 我仲要問返你地拿返個blog, 我呢部新電腦咩都冇哂, 又或者你地可以係message度留或, 隨你地喜歡~
仲有今日幫同事阿珍買呢對鞋, 佢話我毎次買鞋都好靚, 而佢同老闆娘真係好勁架, 可以穿成三以上.... 所以要我幫佢買. 可惜佢like個款冇佢個size, 唔敢幫佢買其他款, 我又冇佢電話, 惟有聽日再問佢要咩...
犧牲下我隻醜樣的腳先~今次我又作死, 琴日見對涼鞋爛左, 買左呢對高跟鬆糕涼鞋, 成兩吋高, 今日返工都忍唔住換返對拖鞋, 拖鞋係公司提供....但個look真係好靚~
對鞋原本個look~我的影相技術太差吧!? 本來都幾靚, 係啡色鞋黎~
如果大家真係要買呢對鞋, 建議穿返公司的話真係要有多對拖鞋先得, 如果要行太多路的話千萬唔好穿, 唔係隻腳, 尤其係腳趾會痛到死! 但穿起上黎真係好靚, 而且日本都興, 至於香港就....可能唔係太多人可以穿得咁高, 所以冇咩人穿吧!如果穿的話, 我有個建議, 我覺得咁樣都幾好, 我成日都係咁樣返工: 先穿本年度興的深藍, 桃紅或黃色衫(只係衫好啦, 唔係會太花), 一條短牛仔褲或短裙, 加個藤藍, 穿埋呢對鞋就perfect啦! 又簡單而襯, 而且好似把所有興的野擺係身上, 即使唔係興, 個人都會顯得靚d^^大家不妨可以試下~
而家大熱天時, 相信好多女仔都有好多短褲同短裙, 又係佢地出動的時候~特別係我呢個怕熱同穿長褲的人, 呢個係必需. 但今日有同事竟然同我講[你大脾幾幾粗下], 雖然我知佢率直, 但也傷害到我牙! 比佢講完之後, 我到toliet照下鏡, 望下自己, 發覺自己隻手臂, 大脾全部都好粗. 梗係啦, 老闆娘佢地比幾多野我食, 成日食剩果d送比哂我食, 而且之前果排晚晚返學, 成日都好夜先食飯, 唔肥都唔得啦! 整到我而家係辦公室唔敢食得多, 又想周圍行下, 可惜我係公司太多野做, 根本冇時間去行下.....惟有係食物方面入手....
放左工之後, 自己一個走去行下減下壓, 冇打算要買d咩, 只係周圍行下, 睇下靚衫就得! 途中見到有間店舖, 條牛仔褲都幾靚下, 問下有冇我size, 我都要穿中碼低腰, 褲頭成28吋!? 唔係掛! 簡直係打擊! 低腰褲比自己條腰只係少兩吋先講....
個褲腳可以伸長縮短, 而且仲係格仔黎~
返到屋企, 我試下條褲, 條褲真係好細, 鬼叫冇哂8號碼(褲頭), 得條7號咩! 我雖然都可穿到, 但竟然差點....不能拉拉錬=_="好在試的時候都只係食完飯之後, 唔係一定傷心死....之後我都可以勉強拉到, 算係不幸中之大幸! 自己果然肥左, 睇黎keep fit計畫要聽日開始!
今日又要去蕃薯屋企多一次, 之唔係要埋份功課的後半部分, 應該話經過我琴日努力完成之後, 只係剩下三分之一未做完, 於是想盡量係今日之內完成, 希望可以啦.....
我去蕃薯屋企之前, 我係屋企食左晚飯, 可以慳錢麻!! 之後趕去坐巴士, 見到有對情侶, 本來係冇咩, 周街都大吧啦! 但我真係唔想見到囉, 始終係人有我冇, 會妒忌及唔開心麻, 於是我一上車, 走去d冇情侶的地方, 見到果對情侶的女仔坐係我後面, 我見前面有位就即刻走過去, 以為可以避開佢, 點知我去到邊, 佢跟到去邊, 真係好鬼麻煩! 有幾耐又整多對情侶係我前面!? 天啊! 你玩我咩! 我要避開, 你偏偏又整咁多比我見到, 豈有此理! (天啊, 係咪我比較小家左d呢=_=")直至去到三聖村, 我終於都可以甩難, 先恭喜自己^^
終於去到蕃薯屋企, 點知蕃薯未返, 只見波特努力打份功課, 我就...同蕃薯媽傾計吧! 冇耐蕃薯就返到屋企, 原來我地只係差好少時間就可見到大家, 真係可惜! 大家努力埋assignment最後兩部分. 中途發生左少少意外, 蕃薯屋企個server連唔到個網頁, 整左好耐先可以整返....惟一好彩的係個功課終於可以完成, 果陣已經係十二點幾, 我媽媽仲打電話叫我快d返屋企. 我真係同蕃薯講, 點解你唔係女仔黎架? 唔係就可以借宿一宵啦! 佢話唔介意我係佢屋企訓(大家唔好心邪牙~),但驚我第二朝早會嘈醒佢!? 唉~真係先算啦!
最後成點幾先坐車返屋企, 蕃薯送我去坐車. 途中我問佢一個好愚蠢的問題[我可以去你屋企度睇西片嗎?]其實因佢屋企dl左大吧, 我又廢事哂時間去搵, 同埋咪好想見佢, 所以先會有呢個要求, 佢當時答應左ok, 而且仲問我幾時去長州, 同埋我幾時生日? 我答左佢生日日期之後, 佢話咁快就到. 喂! 你想係我生日果日做咩牙? 佢又講笑話帶碟去睇, 我問佢咩碟, 佢竟然話帶四仔, 如果有來機會可以我地兩個拍就好!???!!結果咪比我狂打佢, 亂講野!之後又話我生日又老一年!! 呀!!真係嬲都極點, 當然係假嬲果隻, 最後佢因為唔得閒而送到半路就走左, 叫我上到車就同佢sms, 都唔知開唔開心囉?
佢會唔會係同我慶祝生日呢? 如果只係我同佢去渡假屋和慶祝的話, 呢d野好似係情侶先至會做, 唔係掛!? 我邊想邊心跳中...
唉~我呢份功課仲未完結的話, 毎日都係惡夢. 由於功課的關係, 我又唔可以同朋友出去玩, 全日就係完成功課. 先講下做呢份功課的方法同感想...
今次要畫的圖表有好多, 而且又數之不盡, 好在蕃薯幫我搵左個繪圖軟件, 我先可以努力完成, 個軟件名叫做meesoft, 自己覺得唔係太難用, 而且都算易上手, 冇幾耐我就開始認識用~呢個軟件繪圖真方便呢! 但係毎幅圖都哂左我唔少時間, 畫到連fb都冇得玩, 真係冇陰公!!
單係一個呢d圖真係受不了!!只係預位畫哂d野落去真係好麻煩, 本來仲有少少資料要加落去個表度, 但後來都冇加到.....呢個係網頁之間的關係圖, 三幅之中其中一幅...
全個網頁的結構圖, 畫到我想死....原本呢張係波特整, 但佢今日又要返工, 佢唔得閒我就幫佢整埋!
其實做完四個表, 我唔敢話自己勁, 只係覺得好神奇, 自己竟然可以做到呢d野出黎, 也唔會希望自己組可以拿高分, 但願唔好錯太多吧!係琴日自己未畫這些表時, 自己睇左筆記, 睇左好多好多次都唔知點做, 真係好想放棄, 但見到蕃薯努力做好個網頁, 波特努力入資料時, 我也下定決心, 自己唔可以放棄!! 於是我就一直堅持, 終於可以完成! 但完成時已經成六點幾, 已經整左成日嗎? 於是黎個二小時的午睡(應該係夜晚吧!?), 原來途中文迪有同我傾, 但我冇同你傾就off左, sorry=_="原來berry去左你屋企做功課, 加油牙~~
p.s. 琴日早上見到candy上網, 同佢傾左一陣, 我想同佢慶祝返生日, 但佢近排返新工果度忙, 而且好快又轉另一份工, 唔可以見到我哋, 而且又叫我地唔好送生日禮物比佢, 點得架? 最多都係補返慶祝, 唔可以唔慶祝架><
功課多數同蕃薯及波特一組多, 呢次都唔例外, 做的係一份database的功課, 即係要自己整個網頁, 同埋用資料庫儲存資料. 首先我地要係下星期三內用上網的形式, 交網頁結構及內容比miss. 由於呢次過程複雜, 所以有另一組的同學 -阿ling, susuki及雲妮都會黎到, 真係好熱鬧呢!
我拿住[fairy tale]去到佢地屋企, 仲帶住副太陽眼鏡, 好似去完渡假返香港=_="當我知道波特又睇呢套漫畫時, 真係勁開心, 終於有知音人啦^^
我地打算做功課的同時, 阿ling, susuki及雲妮分別都黎到, 要麻煩波特要來回二次去接佢地黎. 我地終於可能開始我地各組的功課, 蕃薯, 波特同我已經整半個網頁(其實係蕃薯佢pt job整比人個網頁, 要左黎做埋功課, 所以先可以咁快), 波特負責入資料去database, 我就負責assignment部分, 蕃薯就負責網頁程式啦!
我哋個網頁封面~係一間寵物用品公司, 專賣貓狗用品^^
好在波得願意比我影, 睇黎佢好努力入緊資料~
我要做的其中一項工作, 就係要寫個網頁結構. 呢個係手稿, 之後要用電腦整, 好頭痛.....
用word打的功課一部分, 係講網頁介紹及目的....
我地辛苦左幾個鐘, 好在有波特及雲妮買的香芋糯米滋食下, 我仲一口氣食左成四粒, 其實係蕃薯媽見我太鍾意食, 同埋同學仔又叫我食, 我只好食埋吧! 而且途中蕃薯成日笑我, 我都仲餵佢食波特買的百力滋, 簡直係益左佢!!
終於到左食飯時間, 我地本來想試下一間唔太出名的pizza店食野, 可惜果間野太多人, 只好去間荼餐廳食炒小菜, 當中我叫左我至愛的土尤蒸肉餅, 當曲蕃薯知我鍾意食時, 佢竟然夾送比我!? 本來我都覺得唔出奇, 但我之前見到佢只係夾比佢媽媽之外, 已經冇夾比其他人, 連波特都話可以想像到以後呢個情況, 佢地係度講咩牙? 點解我完全唔明白....而且仲有一件事, 在途中波特講開話第時自己會唔會請舊同學去飲自己的喜酒, 之後蕃薯講自己會低掉d, 唔會擺太多圍, 佢有想過結婚嗎? 唔通佢只係講下, 定係有真正鍾意的人??? 之後我講左句我從未考慮過呢樣野, 佢突然轉口風話佢自己都唔結婚, 好似佢地兩人都知道一d事, 但只有我唔知道, 到底係咩呢?
最後送左佢地全部人返哂去, 只有我同蕃薯, 佢平時都好怕熱, 在路上一直都話熱, 我叫佢先返屋企, 但佢一直都堅持要送我到車站坐車, 好多謝你呢^^
今日終於唔使返學, 本來應該開心先係, 可以輕輕鬆鬆返屋企, 點知天不從人願. 係我放工坐地鐵去到美孚時,架車竟然停左係呢個站好耐, 我當時站在近玻璃窗處閉目養神, 一於少理, 有個好心的男仔叫我落車, 我張開對眼一睇, 見到車上竟然一個人都冇, 於是我都落左車.
後來地鐵車箱廣播, 知道有人[誤入]路軌, 一聽都知咩事啦!一個人點會無端端走去路軌牙! 起初職員只係報告話只需等15分鐘, 第二架列車黎到, 我咪照入車內, 但等左好耐都仲未開車, 之後又有廣播話要各車客人落車!? 吓!? 唔係掛!又落車, 我見到好多人都即刻離開車站, 利用其他交通返屋企, 而我只好同佢地一樣, 準備返回月台坐巴士返屋企, 因我記得曾經坐巴士去蕃薯屋企, 係有一架巴士經深井. 冇辦法啦, 要哂多d錢返屋企....
月台途中有間漫畫店, 出左我平時睇開的[fairy tale], 整定我同呢本漫畫係有緣的!?
出到地鐵站, 我努力搵巴士站返屋企, 果陣又熱又悶, 唔知點解, 見到人地急忙返屋企, 不停的打電話及sms, 但我都唔著急, 我仲輕鬆地睇漫畫同sms比文迪及蕃薯, 最後只有文迪覆我, 而且仲立即打電話比我, 原來佢都係荃灣剛放工, 見到咁多人都唔知發生咩事, 後來我sms比佢, 佢先知道. 但我地已經冇緣了, 佢果陣係長沙灣地鐵站, 我已經係美孚, 冇得見面, 唔係我地可以一齊出街食飯及傾計啦!
等左好耐終於有巴士, 途中我邊睇住漫畫, 回味漫畫之內容. 終於返到屋企, 我爸大約係六點半到, 係出事的葵芳地鐵站返黎, 佢話見到地下成大攤血. 好在我唔係果個站上落, 唔係我見到呢d野真係比佢嚇死. 冇錯, 我其實都幾怕血下, 所以我一直都唔敢捐血....後來上網睇新聞先知, 原來有個七十幾歲的老婆婆因厭世而自殺. 本來我仲埋怨邊個死得唔合時, 仲不停話佢令我哂錢返屋企....呢一刻, 我突然沉默, 可能我對老婆婆及細佬會比較同情佢地, 我只好低頭唔出聲約五分鐘....希望呢日快點過去吧!
近排真係得閒死, 唔得閒病, 首先係工作上真係忙到嘔. 老闆娘唔知做咩事, 可能公司得閒吧? 我要做公司之前會計從未做過的step: 如計算毎單交易的profit, 毎項支出的拆數, 毎條數都要好仔細咁睇, 真係成個老闆一樣, 毎條數都要清楚, 唔可以漏. 甚至係幫公司出埋公司信, 話比保險公司知更改內容, 整到我要上網搵格式睇.....而且老闆娘係毎個step之中都有同我商量, 成日比佢捉左去開會, 而且仲傾成個鐘=_="
雖然我覺得忙, 但我覺得好開心, 可能係我自己生活比以前更充實, 我自己覺得老闆娘比我大重任, 同我商量, 係信任我的實力. 因佢之前話有機會炒我, 而家竟然同之前相反, 如果我真係可以幫到老闆娘就好, 佢一直都好用心教我, 甚至睇埋我返工所寫的筆記^^佢仲話我如果有時間的話, 可以學埋跟單d野, 不過當然要先做好會計先~哇!! 睇黎我之後真係有排忙, 冇眼睇><
至於返學方面, 連日黎毎日返學令到我非常累, 即使係車上都會訓左...但我個學習進度呢, 都算ok吧!?可能有蕃薯教我掛. 今日放學, 由於我份堂課遲交的關係, 只有我同佢一齊放學, 佢突然同我講, 佢話我之前我寫program時, 要逐隻字打, 而家有點進步啦, 可以寫到一半以上的program, 不過就慢左少少. 估唔到佢會咁注意我, 我學左幾多都知!? 因我覺得佢一直只係希望自己可以拿高分, 佢好似冇咩點理我, 所以我聽到之後都好驚訝, 估唔到佢會有留意我. 但我都唔可以同佢講話都係因為鍾意你, 我先會比心機, so 我最後只答佢, 如果我學唔好的話, 我根本唔可以係度讀.....自己講埋呢d話, 真係唔可愛!! 算啦, 我不嬲都唔係可愛!
同佢去到車站時, 見到波特, 阿ling, 雲妮同susuki!? 原來佢地講緊database個網頁份功課, 佢地三個女仔一組, 但冇從入手, 於是蕃薯叫佢地去佢屋企一齊做功課. 我同波特當然冇所謂, 我地三人一組, 如果阿ling佢地黎埋仲好, 可以熱鬧一點. 但雲妮及susuki都住港島區, 就真係難左d. so 佢地都係要考慮一下啦~
在車上, 本來講開份database及programming份功課, 點知蕃薯突然講佢想去渡假屋, 仲話不如我地去啦, 最多我教你呢兩份功課點做. 同埋話房錢係我出(大拿拿要三百幾, 仲要平日去!?), 最多佢請食飯同其他使費, 有冇咁so牙? 佢sure發夢啦, 二個人做功課做咩要去咁遠, 佢梗係想.....唉! 唔通我同呢個人真係冇法分開? 只要一日要學電腦, 都要依靠佢....不過講真, 我都幾想同佢試下兩個人周圍去玩.....都係等大家得閒先算!
聽波特先生講, 今晚12點可以去webct度睇返上個sem的成績. 我當然期待, 因為我自己心內有個目標, 就係如果visual art可以拿credit的話, 我就唔再讀呢個course. 但唔好彩地, 我部電腦一直都上唔到睇成績個網, 我叫同學幫手, 佢地話呢d係個人私隱, 叫我自己睇返好d, 如果我睇到就唔使叫你地幫我睇囉....
之後波特突然hi我, 多謝我令到佢英文得到55分, 其實都係大家努力, 雖然由定問卷, 做report及preent都係差唔多由我一手包辦, 但想到之後寫program時, 咪又係要佢地幫我手, 都係互相幫忙, 支持大家一齊讀上去. 而我真係好鍾意呢種感覺, 大家互相幫助, 雖然自己未必可以毎樣野都學識, 不過盡量啦, 毎人的能力有限, 冇可能毎樣都識, 唔識咪一直努力, 慢慢學習囉.
最後我得到網上個bf, 蕃薯得到波特的幫助, 終於睇到自己的成績. 可能個天係唔想我走, 我的visual art竟然冇credit, 只係有兩科有credit, 自己唔係太開心, 得唔到自己滿意的成績, 尤其係art, 本來我對自己好有信心, 點知都係唔太好.....可能如蕃薯所講, 我可能係個出色的插畫及漫畫家, 但係一些簡單的圖案設計, 我就比較弱, 所以我的致命點係最後果幾份電腦繪圖吧....
但係蕃薯佢比我仲唔滿意自己成績, 首先係英文, 佢因冇注意問題要求答錯左, 而令到佢自己即使合格, 但都好低分...令佢最覺得唔開心的, 係佢個網頁設計果份功課只有74分, 佢就一直都唔開心, 因佢覺得自己應該拿80分. 於是佢就話自己唔服, 自己唔想讀. 仲話miss冇料, 除非佢做個網頁可以靚過佢, 蕃薯話佢冇可能囉. 我叫佢先冷靜一下, 唔好胡亂做錯決定. 佢真係好嬲好嬲, 講左唔係好耐, 佢就off左, 最後只係叫我留意電話, 因佢毎次唔開心, 都會搵去我傾電話啦. 佢最後都打左比我, 我聽到佢語氣唔知係咪哭過黎, 我溫柔的安慰佢, 同佢講道理, 其實佢都係講個講道理的人, 只係佢呢次真係唔金心自己網頁成績先會咁. 本來都傾得好地地, 點知我個電話作壞, 差唔到電之餘, 電話又冇電, 我同佢傾左唔係太耐就收左線, 但果陣已經成兩點半, 都係早點訓吧!
我留左個sms比佢, 話佢如果真係走, 我應該多大數會走, 因我而家發覺自己的目標已經變左, 都係以做遊戲設計做夢想職業, 但更想同蕃薯一齊讀及畢業, 係佢比我克服電腦呢個弱點的勇氣. 第二日佢比我的答案係.....佢最後都會一直讀落去, 真係開心! 佢電話上話同tracy一齊讀ou時, 我竟然真係唔想佢地一齊讀, 極力想法子阻止佢!? 而佢都話講下, 因ou學費好貴, 我自己竟然變得好愛妒忌及易呷操, 點解呢?
近排要儲定錢交學費, 加上又成日買衫, 都冇錢出街囉...都係自己抵死啦, 成日都要買衫, 仲要學人買埋d桃紅, 深藍色衫之類, 買到自己窮哂, 惟有係屋企自己玩下fb好了....
我突然見到一個function, 叫做[photobook], 係一個好易就整到一本靚相簿我軟件, 我突然有個鬼主意, 就係用我, 蕃薯及各同學仔幫我地影的合照整一本相簿~
一個專係睇相的網站, 除左自己果本相簿外, 仲可以睇到其他人及自己好友的相簿^^
本人整左呢個封面比我睇, 我問佢可唔可以比我po上fb, 因我記得佢係我地拍拖時, 佢同我講過話就算係鍾意都唔好係人地面前show出黎, 何況係呢個fb, 但佢居然話冇所謂!? 吓!? 我冇聽錯吧!? 佢竟然答應, 佢係咪食錯左藥呀? 比佢d朋友問起我係佢邊個呢, 睇佢點答!!
本相簿的封面, 搵左勁多相先整到~自己好鍾意好多相重疊的感覺, 好似好多回憶...
相簿首頁~內容大致寫話我同佢的sweet回憶, 雖然我地認識唔阿一年...因我地係11月到先認識. 但係sweet個字係咪用錯左呢? 我已經send左相簿比佢睇, 佢冇話就算>w<
我第一次, 也係最後一次係studio影相, 感覺好新鮮而且難忘, 如果之後都可以影下靚相就好...其實蕃薯成日影佢果兩個靚女朋友cici及grace, 我好妒忌架!!
我平常的生活照, 有去城門水塘, 六月份同學仔生日, 同埋自己整蛋糕的相, 有好多好多呢~
蕃薯平時的生活照~我至like佢影相果張! 仲有張大頭相係佢試我部新相機時, 學靚妹仔高角度影相, 認真囉命!
呢d合照真係好多人幫我地影, 分別係文迪, 阿駿, 阿聯, 仲有係曲蕃薯部notebook的web cam同埋佢自己本人影~我都算大面啦, 以前佢個ex都係叫左佢好耐, 好似半年到先影一張貼紙相咁大吧, 估唔到佢自願都同我影好多張, 而且仲係佢親自影, 呵呵~(喂!! 自己唔好太得意忘形!!)
最後一頁啦~呢張係佢親自影, 睇佢部相機已經知=_="仲有的係多謝我的[lovely classmate], 佢地幫我同佢影左好多相, 我同佢都有keep住...
本來想整埋同學仔果本, 但整完之後已經成兩點幾, 下次一定會整返!! 咁多位同學sorry啊, 下次一定整好比你地睇, 我而家努力搵緊d相^^
大家唔知有冇睇開劇集, 見到d兩男追一女的情況出現呢? 各人睇劇集, 當然覺得好睇啦, 但現實之中就真係唔好, 而且仲會令自己好麻煩....
琴日同左個男網友做個名義上的情侶, 大家以男女朋友稱呼, 本來應該開心先係, 有一個男仔對自己好, 重視自己. 但唔知點解我完全冇開心的感覺, 而且毎次望到蕃薯時, 有種內究的感覺, 尤其佢唔知點解放學時, 佢成日摸tracy個頭, 又好似對佢好好, 心內有種刺痛的感覺, 甚至有少少怒. 直至佢係巴士上, 叫我做恐龍過黎坐, 我先至唔太嬲, 但都有點唔開心.....雖然名義上同個andy(網上男仔)一齊, 但我始終愛的係蕃薯...
去到深水步, 佢地班男仔同tracy去睇電腦; 文迪, berry同我就去搵位食回轉壽司, 等左好耐, 因有成十個人去, 冇計啦, 都係要等! 途中andy一直同我sms, 因佢知道我唔鍾意用電話傾計, 所以用sms黎就我, 佢問我放左學未同埋係邊, 而且仲想約我去同佢朋友去銅鑼灣d酒吧飲酒, 唔係掛!? 我唔去酒吧的, 況且我冇車返屋企, 所以我拒絕左佢. 但佢一直都有同我傾計, 佢知我一直冇食野, 仲驚我胃痛, 佢又驚我悶, 好想見到我...我都唔知答佢咩好, 惟有希望我地第時可以見, 但最後應該唔會見面吧!? 呢d留返之後發展....
終於見到佢地睇完電腦返黎, 首先我見到蕃薯[一支箭]咁走到我身邊, 而且仲企在我隔離, 我見到佢都好開心, 默默企係佢隔離. 我哋做咩牙? 冇見一個鍾都冇, 就唔捨得大家嗎?(笑)途中andy都一直同我sms, 我偷偷...唔係, 係唔覺意望到蕃薯, 佢好似留意左我一直sms好耐, 佢突然對住及望住我唱起[頭條新聞], 今日成日冇聽佢唱歌, 做咩無啦啦唱起歌黎架!? 睇黎佢開始察覺到我有唔妥, 於是我都唔夠膽sms, 只有間中望下佢, 我做咩突然又有罪惡感架!?
其後唔知係咪天意安排, 由於我地太多人, 要拆開三台食飯, 分別係四人台, 有berry, tracy, 阿駿, 雲妮先入去; 之後黎個三人台及二人台, 只剩下文迪, 波特, 阿聯, 蕃薯同我,本其實我從來冇想過會同蕃薯一齊食, 原本我以為佢會同阿聯一齊食, 點知佢竟然叫我坐係佢隔離!? 可以同佢一齊食飯!? 實在太開心啦, 但另一方面, 唔知係咪自己多心, 佢係咪要睇下我有冇同個男仔sms....我哋極之肚餓, 一口氣先叫左六碟三文魚壽司, 同埋毎人都先係回轉帶拿三碟壽司食住先, 睇黎我地真係餓壞左. 我地先知對方原來都勁鍾意食三文魚壽司, 而且仲不停地叫, 毎人起碼食左六至七碟, 仲有其他款如曼魚, 包魚片等等壽司, 我估個侍應都比我地嚇呆左....兩個好似餓鬼投胎咁狂食, 有時仲二人食一碟, 剛好我又冇鼓油, 我係佢隻碟上點, 真係食得好開心呢~
之後我突然有個鬼主意, 就係回轉壽司上的鏡子上影相, 估唔到佢竟然答應, 仲自己拿住相機影相~
我又唔知望左去邊啦, 唔緊要. 下次再去影過!! 張相好得意牙, 好似擺係相框內^^係我今晚收到的一份好禮物~
食完飯之後, 我地各自己返屋企, 原本以為佢會同我一齊坐52x返屋企, 不過唔緊要啦~途中andy又同我sms, 佢問我返到屋企未, 仲叫我聽日打電話比佢, 迎仲話同朋友飲酒, 忽然掛住我, 我都叫佢要返工, 唔好太夜返屋企, 之後傾傾下我太累, 係車上訓左
返到屋企, 我返頭先影相合照比蕃薯, 後來我地傾傾下計, 講開我地有好多合照, 而且見到毎張合照, 一定會有開心的回憶, 我先知佢一直有keep起我地的合照, 佢一直都冇洗過, 我覺得好開心呀, 我地一直keep住大家合照就好. 此時, 我發覺佢個名附近的[心情極差!!]的字句消失左, 唔會係因為我吧? 我都係叫自己唔好太多心...
睇黎而家似乎係暴風雨前夕, 開始大家有所舉動, 而且又係我人生覺得最麻煩的一刻. 雖然同時有兩個男人對自己好, 覺得好開心, 但覺得自己好衰, 拖住兩個男人. 有一個一定會傷心, 我唔想見到任何人傷心, 我到底點做好? 我的壞習慣又黎, 一多野諗就會訓著=_="
星期二咪講開同開個男網友, 即係縱女友果個人傾計, 我地講開都為自己的舊情人而唔開心, 於是我講笑同佢講, 不如我地試下拍拖, 估唔到佢真係應承我, 而我也答應左佢, 我真係多左個網上男友, 同佢有傾有笑, 同佢同我講左件旅行的趣事, 話佢自己以前係長髮同係酒吧度做, 有個鬼佬飲醉左, 竟然問佢可唔可以做佢女友(佢係男仔的說), 佢都唔知比咩反應佢, 第二日個鬼佬黎搵佢, 先知道佢係個男仔. 我聽到呢度都忍唔笑, 仲想問佢比張相黎睇下, 點知佢話要搵返先有.....我真係好想睇, 佢話見我係佢女友先至比我睇, 但我最後都係冇得睇, 果然網上認識的人都係得個講字=_="
本來同佢傾計都好開心, 同佢分享左自己悲與喜的事, 傾到累差唔多想訓時, 蕃薯突然同我講話佢要去醫院!? 我當時真係嚇親, 但我又已經同左個男仔講再見, so 用offline mode 同佢傾, 點知佢以為我off左, 所以佢都off埋, 後來我真係好擔心佢, 用sms同佢講話只係假offline, 佢問我點解, 我只係答佢一句無可奉告, 之後我哋一直傾, 原來佢要去醫院做個小手術, 係割除一個良性種留, 呢個留我係見過的.....呢件事只有佢媽媽, 我及波特先生知, 佢話醫生講可能要留院, 令我更加擔心佢, 甚至自己仲想請幾個鐘假去夠佢. 仲想佢係做完手術之後即刻去搵佢, 睇下佢手術如何....
我自己發咩神經呀? 竟然擔心到佢呢個程度? 為左佢真係不惜一切...你都算有個網上男友, 點解仲去緊張第二個男仔? 睇黎無論有幾多男仔同我講佢鍾意我, 我都只係鍾意蕃薯, 以為自己可以忘記, 點知一直都唔可以忘記. 不過我冇後悔過一直鍾意蕃薯, 而且冇意外的話應該會鍾意佢, 忘記唔到同佢一齊開心及傷心的日子, 佢對我的好.... 睇黎我而家應該係想方法拒絕同網上個男仔, 我哋未見過面, 而且我又唔知佢個樣, 只係傾左一次電話, 應該唔怕掛!?
同場加插, 我個姪仔學行路~我見佢好得意, 於是忌唔住又影左落黎, 可惜的係我屋企好亂=_="
成日係屋企食晚飯, 自己都麻麻想食, 加上覺得等到星期六先去食飯, 又好似耐左少少, 於是走左去和同學仔食飯. 大家都拿不出主意食咩, 而且又唔知點解間間餐廳都多人, 有同學提議食潮州打冷, 本來我聽到個名, 都有點唔想食, 但我見到好多同學都想食, 而我都有點想食毫仔煎餅, 所以最後都有去食到飯~等左唔太耐就有位, 大家開始叫食物, 好肚餓呢~
先黎個腸仔拚豬大腸等等, 呢個都幾好食架~尤其我至愛的豬大腸~
呢個係老水鵝啦, d鵝好軟滑, 好好味囉!
[狗]菜豬紅(個字唔識打添=_="), 以前細細個好鍾意食, 而家就麻麻地, 不過都係好食^^
我至愛的蠔餅終於黎左啦, 好多蠔仔, 勁正!其實仲叫左個蠔仔粥, 但冇影到相...
淑炎九肚魚~d魚好滑好好味啊!
本來我唔太想食蠔仔粥, 想叫其他粥食, 因都係好平一碗, 比出面平好多~但係其他粥要朝早先有, 真係可惜呢. 個伙計見我唔要, 咪比得果六隻碗, 冇比我果份, 本來我地都唔知, 點知後來倒蠔仔粥時, 我都係想試一碗, 先知道呢件事, 結果咪臨急臨忙叫伙計比一隻我地. 你都係唔好太三心兩意啦!
原來潮州食物都可以好正, 而且仲好好味, 可惜份量太少, 老實講我仲未飽啊! 我果刻突然想起, 如果蕃薯都係我身邊食就好啦! 點解會突然咁諗架!? 後來我媽媽講, 原來潮州野要連飯同粥送先得, 加上我地又冇成八個人食, 同埋叫左好少菜, 所以唔夠吧! 不過唔緊要啦, 我都要減肥, 食少d都冇所謂, 最緊要全班同學開開心心食返餐飯就好, 下次如果齊人就更加好啦!
文迪知我係八月想讀art的短期課程, 但我又唔得閒拿章程睇, 所以佢就幫我拿左. 所以係個blog度首先係多謝文迪~其中有一本的章程好正, 比大家睇睇先~
呢本就係商業設計的章程, 成本食譜咁, 真係好鍾意. 其實佢用左一個即食麵的設計, 佢係個標題下面有個英文寫的[設計口味]字樣, 而且仲用[cooking time 2-3 yrs]黎表示個course時間~
呢個係背面~
呢個好似攝紙巾的物體, 入面果份係報名表格~
佢個表的確好正, 但仔細睇下內容, 發覺入面的作品, 自己覺得唔係太靚, 呢點係令我意外的. 大多數作品覺得水準麻麻, 而且仲係全職學生做, 我就覺得真係唔好讀呢科住. 不過除左呢個原因外, 仲有係我自己根本冇時間讀, 份工一定要返, 走都走唔甩; 而且而家呢個course我都想讀落去, 只係自己唔想寫program同電腦繪圖先至唔想讀, 就算我自己唔太想接觸電腦, 第二科都未必走得甩; 我真係好想做一些同人手畫畫的工作, 但又難搵, 同埋唔可以維持生計, 加上我又唔捨得離開同學及蕃薯, 究竟我應該點做呢? 應該選擇自己的興趣, 努力成為自己終身事業? 定係努力完成呢個course, 搵返相關的工作, 還是讀返會計, 再搵高d人工? 一連串問題我都唔知點做好, 自己也太累, 想想下就訓左覺囉=_="
可能蕃薯比較忙住佢份pt job, 好少同我傾計, 而我最近在msn上同個男仔傾計, 睇黎我同佢因為個ex而令自己唔開心, 所以成日都彼此分擔自己同個ex的不同經歷. 佢仲好愛自己個舊女友, 佢舊女友的現任男友成日問佢拿錢, 網上個男仔忍唔住幫個女仔手, 但個舊女友反而唔太理佢, 仲怪責個網上男, 令佢係酒吧內飲悶酒. 呢晚落大雨, 佢同我係msn上講自己的唔開心, 又話自己太過縱容自自己個舊女友, 令佢而家咁野蠻. 多次都照顧自己個舊女友, 即使分手仲對佢好好, 如果我一早認識佢, 我會比而家鍾意蕃薯仲開心嗎?
而我, 因為蕃薯對我的泠淡, 厭倦左呢種唔清唔楚的關係, 雖然當中都有sweet, 但一想到唔可以以後咁樣, 心內難免有些落莫, 呢d幸福只係短暫嗎? 加上我今日又同佢講我會可能會讀art, 佢於是突然嬲起黎, 話佢至討厭成日搖擺不定的人, 既然係咁的話, 就唔好讀呢個course!當時我真係哭了出黎, 邊哭邊打左msg比佢, 同佢講左我只係試下有冇機會讀, 同埋佢係我重要的人, 我先至會話佢知, 你唔鍾意我都唔緊要, 我只想把心內的說話講你知.....於是蕃薯先同我講[其實....我想同你好想一齊係呢度畢業], 聽到呢句話之後, 我心內突然有種好sweet及開心的感覺. 我開心黎做咩牙? 或者佢對其他同學都咁講呢, 唔好開心得太早住...都係平常心吧! 不過講真, 我都好想同你畢業, 仲有其他同學都係, 大家一齊穿起畢業衫, 一齊互相影相及重溫開心的片段, 以及同大家一齊去畢業旅行....想法都已經好開心呢! 不過我希望上天可以比多個願望我, 就係....我想永遠同蕃薯一齊, 唔知呢個願望係咪太奢侈呢?
其實到而家, 我都唔知點解毎次同蕃薯傾開我唔讀呢個course, 佢一定會發脾氣, 你話我成日同佢講, 特登想引佢注意, 緊張自己, 就話我唔對, 但我只係向佢提及過兩次, 而且我的目的只係決定我人生之路, 佢就已經發晦氣叫我唔好讀, 如果佢唔鍾意我, 就唔好留我係度, 比我發展自己的夢想算了. 但係我毎次一想到要離開佢, 我就成日哭起黎, 睇黎比起夢想, 我比較鍾意...唔係, 應該用愛上黎形容, 為左佢, 為左要完成想做插畫師, 又或者game designer的夢想, 我唔會再講放棄呢類說話, 我會加油, 克服怕寫program呢個困難^^
放學之後, 自己冇意去上網, 見到有一個地方好靚, 好想去, 佢就係馬來西亞的沙巴, 係一個陽光與海攤的地方, 位於婆羅洲東北部的沙巴，而波羅洲是一個多山及擁有無數茂盛熱帶雨林的地方，原始荒蕪，而沙巴則是前往洲內名勝 的中心樞紐。沙巴有著綿延不斷的海岸線，因而有許多潔白沙灘。在這裏，還可以欣賞到與別不同的珊瑚礁和海洋生物、世界上最大的花〈萊芙西亞花〉、舍比洛人 猿保護區、波令溫泉、冬岩洞等等。 如果喜愛大自然的你，必定會被當地的植物、鳥獸、森林、土著……吸引住；沙巴對任何人而言，都是一個度假天堂。
我第一眼見到呢個地方, 已經被佢吸引住.....果然係度假天堂~
我一直都好鍾意水上有條橋的地方, 估唔到現實真係有呢~
沙巴的其中一間酒店, 由於多數都係有海景, 同埋豪華的房間, 都要成幾千元一晚, 好貴呀>_<
酒店內的設施~即使唔識游水都冇問題吧!?
全個島的全貌~
真係好想休息牙~對我黎講, 或者係個冇咩可能實現的事, 工作方面又唔可以偷懶, 返去只有不停工作, 即使連食飯也要工作, 成日驚住比人炒.
返到學校, 又要忙住做lab, 希望可以即堂交到比先生, 尤其係programming個阿sir, 成日咩都唔教唔講, 就比張堂課紙人地做, 真係唔知點做, 好在一直都有蕃薯教我及幫我做, 我先至可以拿得高分點, 真係好驚呢科會唔合格. 好在另一科個database比較好少少, 起碼我知佢做咩, 仲可以自己寫到program出黎, 不過有時都係會錯, 要和同學對下, 先知道自己錯咩, 但對我黎講起碼係一大進步, 起碼唔會太驚寫program, 可能係因為佢掛!?以前我一見到program就會暈, 想都唔想下就會叫蕃薯或文迪幫我手, 總之避開就好, 也係令我想唔讀呢科, 想讀art的原因. 但我而家唔會避. 不過除左唔想對住program外, 也唔想對住呢段冇結果的戀情...... 其實我心內好想同佢一齊畢業, 所以我先努力.
除左返工返學之外, 我又接左份part time 工做, 咪又係做返老本行, 幫人地入數, 但薪金唔係太高, 都唔及蕃薯一份幫人整網頁的薪金高, 做咩我做pt, 你又有架!? 好激氣呀!! 仲要係同時間七月尾交, 世上唔會有太多呢d巧合!? 我地惟有一齊努力吧啦. 大家都係呢日做pt, 間中傾下計, 呢種感覺都唔錯~~當我唔做野時, 休息一下打機時, 我媽媽都話我做咩唔做野同努力搵錢, 比我休息下都得吧? 我都想放下個長假, 去邊度都得, 最緊要唔使做野, 如果可以同埋好友或情人去就好, 但我邊有咁好命, 都係做野吧啦=_="
教programming的個阿sir講書真係好悶及唔得, 總係教唔到我哋學懂, 一味只係叫我哋打好個程式, 連教都冇咩點教我哋做, 就要我哋交功課....真係當我哋咩都識咩!? 波特一早已經唔滿意個阿sir, 所以決定走堂去葵芳睇戲.本來我都想去, 之前蕃薯可能佢唔忍心見我唔識java, 話係堂上教我, 而且佢今日去私人pub, 慶祝個朋友生日, 要等到成十點半, 我唔忍心丟下佢一個人唔理, 所以我唔可以同你地去睇戲, 對唔住啊, 但我會同返你地食晚飯啊^^
教緊java時, 佢突然同我講話同我去街睇化妝品. 吓!? 其實我之前一早同佢講過, 估唔到佢仲記得!? 仲有咁咪即係......約會嗎? 唔係, 佢有時都同女仔行街啦, 唔係只有我一個, 雖然我知佢平時都係搵model朋友影相, 男仔研究電腦及忙住一份設計網頁的pt job.咩都好啦, 但佢主動約我, 都有點開心. 呢件事只話比文迪知, 其他同學都唔知架~
(我哋決定七點半走堂, 期間從阿駿口中得知tracy讀埋呢個月就唔讀, 去公開大學讀書, 你要加油牙!!如果得閒的話就同我哋全班同學食飯~, 講真而家真係好少同你食飯, 你返份工真係辛苦, 冇辦法囉>_<")
我同蕃薯決定行旺角, 因佢心心不忿自己今朝買的mouse壞左, 想去旺角買返, 可惜佢都買唔到, 都係拿返去換啦(汗), 我同佢雖然沿途冇拖手, 冇咩點傾計, 但享受二人一齊果種感覺~我哋之後去睇化妝品, 又係自己大出血的時候>_<"
有粉底液, 粉餅, 遮夏膏及眉筆, 除左眉筆外, 全部都係cyber colors, 因其他牌子貴啦, 都係買d中價我物品先~
好在姑姐送左支base比我, 我可以買少支, 多謝你^^
之後蕃薯差唔多去朋友party, 佢要去食飯先, 佢因見我和同學仔食飯, 所以佢打電話搵人同佢食飯, 對不起呢>_<"不過我要和同學毎個星期六都要偃飯麻, 唔可以重色輕友架, 最後只剩下我自己一個去花園街行下, 佢已經叫我和同學仔會合先, 但我都係想行街呢~ 其實自己去花園街想睇下衫, 因我姑姐話出左好多日本款, 於是我想去睇下~的確係幾多下, 但我又唔見有其他人穿, 如只有我穿又好怪, 所以到最後我都係買得一個袋...
只係剩下呢一個啦, 都只係平左十元, 真係唔抵!! 但呢個可以比我平時返工用下~
文迪佢地終於睇完戲, 經過佢地討厭過後, 都係係深水步食. 蕃薯驚我自己一個悶, 途中為只剩下我一個人行街而道歉, 而且我地互相話比大家知行蹤, 都係麻煩啊, 呵呵..終於搵到文迪佢地, 呢次係食日本野, 好野!! 而且又好抵, 只係三十五元~
估唔到只係三十五元呢, 有一杯飲品, 一個麵/烏冬, 一個鍋, 同三件剌身仔, 不過比我食左....
我哋又食又傾, 真係好開心呢~傾傾下已經成十一點幾, 大家先捨得離去各自回家. 回到家中上網, 竟然見到文迪msn內句msg, 佢似乎好唔開心呢.....聽日果篇待續...
琴日睇完時裝網頁, 今日唔使返學, 唔使放左學返屋企夜晚先睇網頁. 雖然我已經駁左髮, 但我都唔太滿意, 仲想整靚d個髮型. 於是我又上網搵下髮型, 呢次唔使搵中長度及短髮, 可以玩下長髮啦~
好似公主一樣的捲髮, 也係我一直想捲....不過平時用大捲會好怪, 都係影相時先用! 但我有機會影相嗎?
如果係返工的話, 呢個髮型已經ok. 用我係中捲, 而且呢年也金興呢類自然捲的髮型~如果大家留埋[音]就好, 睇落去比較有日本少女味道~
而家興類似呢隻捲髮, 因佢睇落去比較自然, 而且唔太難打理, 尤其係返工, 只要幾個字就完成, 之後可以靚靚返工囉~
我個人最似呢隻, 比上面果隻仲易打理, 不過冇咁靚囉...最衰都係自己懶