極有意義的一天:第一日見工

其實呢日本身好有意思, 除左係因為二月有二十九呢日外, 也係我第一次見工的日子, 所以呢日對我黎講, 有雙重意義!!

我本身在呢間公司返工, 首先要講下歷史先, 希望大家唔會悶! 仲記得當年係沙士, 我又剛剛考完a-level, 本來成績足令我可以入大學, 但因我選擇左比較難入的會計科, 所以到最後都入唔到. 期間試過派傳單及做左一個星期sales賣書包, 搵得果少少錢用住先, 於是我姑姐向佢老闆介紹我, 比我黎呢間公司工作, 因我姑姐及老闆係多年好朋友, 我可以在呢間公司工作, 即使面試表現如何, 都一定會請我, 但我人工只有五千元, 期間我仲半工讀; 期間冇任何朋友, 也有聯絡返咩舊朋友; 親人離世等等, 係我人生之中最苦難的時刻.....經過四年黎的努力, 我的人工終於多左幾千元, 而且又完成港大校外課程呢個會計高級文憑

點解我會無端端講史呢? 因之前所有路都由我姑姐安排, 由讀及做會計呢行開始, 而且老闆仲好我姑姐講好睇好我, 希望我可以做個執業會計師, 在佢公司掛牌! 可惜我對會計呢行興趣唔大, 冇再讀上去及考取牌照, 令到佢哋二人失望. 本來一直想在呢間公司工作落去, 但我見到報章, 上網都有好多會計工, 而且人工比我現在呢份高好多, 加上我又極度討厭個扮後生同事及唔想同姑姐因工作上磨擦而令大家關係差落去, 所以我自己決定在上星期日send resume, 估唔到今日已經有公司見我, 真係好開心呢^^

好少有地穿得好斯文, 後面就係我而家工作緊間公司...

我十一點幾請左假去見工, 我早上其實已經好心急, 不停地check有冇帶漏野, 而且仲要一早返黎公司影印成績表, 而且我又貪靚, 返到公司先換衫, 結果比個同事見到我今日執好野去見工, 就算比佢知及估到又點樣, 我都未同你講, 你都未sure啦, 而且今日見到你又扮後生, 穿牛仔裙加七分褲, 真係勁難頂!!!不過話之你, 之後有人真係請我, 唔使再對住你呢件[阿嬋], 其實佢個名真係有個嬋字, 仲叫美嬋, 好一個[好靚的阿嬋]!!

我姑姐勁好地幫我打電話問去見工果度的巴士路線, 我跟住姑姐問之結果, 再在尖沙咀再問路, 最後終於去到, 而且仲早到左十分鐘, 去到那間公司之後, 接待處個職員叫我寫resume, 我仲緊張到漏左寫一頁資料! 呢樣不特止, 當面試職員叫我比身份證佢睇時, 我竟然冇帶.....果然我一貫大頭蝦的作風....

面試職員帶我去一間房度面試, 我在房內等左一陣後, 終於開始面試, 佢一開始就針對我工作表現問我職責, 我向佢講出自己負責公司整盤賬目, 造資產負債表, 損益表, 及幫核數師整整各項worksheet等等, 佢對我工作表現似乎幾滿意, 後來我在姑姐口中先知好多公司好鐘意係會計師樓出身的人, 可能係因佢哋在入賬方面比較有經驗, 而且又唔係好使教, 係咪我都係這樣, 大家就自己估下啦^^

之後那職員同我講, 我在呢度工作職責同我以往唔同, 及向我講解我在佢公司的職責, 佢公司會計部一共有四人, 一個會計師, 一個會計師助手, 及二個文員, 而我就係其中一個文員, 負責公司的付款入賬, 當中包括採購及應付款(accounts payable), 要同另一名應收賬(accounts receivable)同事及各門市部夾數. 此外, 我定期要到呢間公司及四個門市部點存貨, 佢所有貨都係手錶, 應該唔太難點吧!? 最後一樣最致命, 就係毎日做個sales report比老闆睇!!??哈哈~~睇黎我做唔完都冇得返學及屋企....

佢問我工作上有冇咩問題, 其實佢都講得好詳細, 我都冇咩好問, 於是我轉問員工福利及返工時間, 呢間公司都係返九放五, 在四月一日開始, 星期六要返長短周, 吓!? 星期六要返工!? 其實之前仲未有考慮過......仲有以下terms, 我先發覺原來出面工作都幾苛刻, 如頭二年只有七日假期, 第三年只有九日, 最多有十一日假; 冇醫療allowance. 同埋有d唔知係好定唔好的terms, 如食飯時間由12:45 - 2:00到, 但會計部要輪住食; 及probation視乎員工表現, 由一個月至三個月不等, 如果表現唔好會廷長

經歷左半個鐘到的面試, 職員問我二至三次係咪真係要在四月一日先可以返工, 而且又問我對呢份工作有冇興趣, 其實我對呢份工真係好少少興趣, 但我唔太喜歡佢的terms, 都係慢慢考慮下先, 呢次只在乎拿見工經驗. 最後個職員叫我等second in, 仲叫我記得帶身份證=_="我會的啦, 這樣又代表我有機會嗎?

後來同我姑姐, 朋友講起, 發覺有d野我冇問到, 最重要的人工竟然冇問??放假係勞工定公眾假??以及如廷長個probation, 自己唔想做, 要幾時通知先唔使扣糧......不過算啦, 成日安慰自己, 只係第一次面試, 就算差都係理所當然吧!

黑仔 vs 幸運的一天

今朝蕃薯突然在msn度講[大件事]!? 我以為佢真係有事, 原來佢只係唔記得左屋企冇水沖涼!!??因佢毎天朝早及晚上會沖一次涼!佢唔知點做好, 於是我只好叫佢用開水刷住牙先, 至於沖涼呢, 我就幫唔到佢啦, 即使一早儲定水, 但現在天氣那麼凍, 咪又容易凍親, 故佢講只有臭臭的出去....

聽到電台話屯門公路近深井交匯處在九點幾有一單八車連環相撞的交通意外, 蕃薯剛好在差唔多時間出門口, 點知佢就塞車啦, 好在佢都有位坐, 期間我哋兩個一直用sms傾計, 大約都係環墝住呢件事傾, 原來係因一個貨車司機為左閃避狗隻突然減速，導致尾隨多部重型車輛及小巴收掣不及互撼, 造成三十一人受傷....我哋兩個都被呢件事嚇親, 估唔到只係因一件小事而發生呢宗通意外. 最後即使清理左現場, 蕃薯都仲塞緊車, 最後我哋竟然用sms傾左一個鐘頭計!? 本來想同佢用電話傾, 但我又要返工, 呢次用sms我成日都要去廁所啦, 費時比人見到!

蕃薯返到公司後, 公司個server竟然壞左!? 佢足足花左整個工作天去修理個server, 但也未能整好 於是我在sms度話買點食物比佢, 可能佢太忙冇應我, 而且仲同我講今晚冇十點都整唔好, 又話整到頭暈!?真係這樣大件事嗎?我一直好擔心, 但我連日黎又返工返學, 真係太累了, 所以一早訓左. 直至二點幾, 我又半夜起身, 見到蕃薯差唔多時間的sms話佢而家先走!? 唔係掛!!佢在公司整到成兩點幾! 真係可憐....點知原來佢返屋企仲要整, 直至四點幾先至整完, 五點到先訓教, 佢都好有心, 呢二個時間佢都特登send個sms比我, 可能佢知我一直擔心佢, 又或者我在sms中不停鼓勵佢吧!? 咩都好啦, 最重要佢可整返個server就得^^

至於我呢, 我就同佢相反, 好好彩地今日收到個電話, 叫我聽日十二點去見工, 地點係尖沙咀東. 收到消息後, 我一早話左比我msn好友及用sms話比佢知, 我朋友都戥我高興, 至於蕃薯呢, 我明白佢今日特別辛苦, 所以佢連一句說話都冇講, 不過我反而擔心你多點. 所以我破天荒, 在十一點半就訓左..

悲喜交集的一日!? 和同學仔食飯^^

我之前一直怪蕃薯, 話佢唔體諒及緊張我, 只係掛住影相及幫朋友影相, 毎次都只係影佢女model朋友, 又唔見佢影下我. 佢琴晚放學之後又比佢model相比同學睇, 連花輪同學都話做咩唔影我, 佢就話上堂咪影左囉!? 吓!? 起初我覺得自己雖然算唔上美女, 但你都冇理由這樣講野, 於是我有d嬲左佢, 在sms度講左句[我肥唔肥都唔係美女啦, 肥都冇咩所謂],好想訓教....但我又訓唔到, 於是send左sms同佢講晚安, 佢又冇理, 於是又訓左..

今朝msn, 佢竟然冇主動hi我, 我以為佢嬲我, 於是我在msn度主動問佢係咪嬲我, 話我驚你以為我只因為想比你影相先至同你一齊, 其實唔係! 之後佢答我, 都係原本記底佢呢句野好d, 佢話[我無咁諗bor..其實個人只係想自自然然咁生活, 就係咁簡單...所以..咪諗太多]!???哈哈~呢刻先發覺原來自己真係想多左, 自尋煩惱, 其實講左自己內心說話的感覺好好, 知道佢原來價值觀同我一樣, 簡單生活便可.

今日得知我六叔個女友家姐同老公移民左美國居住, 原本以為好好, 點知因夫妻吵架而比老公殺害, 仲登左在報紙上. 我負責幫姑姐譯左篇報紙, 後來我姑姐先話比我知呢件事....算啦, 又係身邊有人過身, 自己都見唔少, 已經麻木哂....除左起飛有點唔開心之外, 都冇咩感覺...

又係上web tech, 但呢次係lecture, 又要聽書, 想起都真係悶=_="當中miss比我哋睇呢年同學整的網頁, 教點樣為之個好及差的網頁設計, 同學作品大多數都幾[好], 除左個背景公仔可以郁之外, 仲有一連串的閃字, 網內d link亂哂.....總之真係好多[正]野, 真係一見難忘....

之後miss就講final project之內容, 係整一個網頁出黎, 蕃薯佢話會整佢d相的網頁出黎, 佢就好啦, 可以唔使煩! 但我就慘啦, 都唔知整咩, 於是蕃薯就叫我同佢一組咪得! 佢話佢負責寫program, 我負責中譯英, 因佢要寫英文網頁....吓!?其實我原本想整個類似網上遊戲的網頁, 遊戲角色全部由我設計, 但既然佢自己主動叫我同佢一組, 我寫program又係最弱, 冇所謂啦, 又可以見佢多d啦^^同埋原來你一直都關心我, 對我不離不棄, 係我自己唔知足, 成日埋怨你, 又再慚愧....

其實今日返學之前, 我媽媽sms比我(我到而家先知佢識用!?), 叫我今晚餐飯自己出去食, 我同左六位同學去食飯, 壞人原本帶我地去一間叫韓食家的韓國餐廳度食石頭飯, 點知間野要關門, 最後去左一間叫做[潮]的潮州食品度食野, 七個人共叫左六樣食品, 我手痕痕又影底左 :

未食野之前影下個碗, 杯等等先(真係無聊). 個碗痴左d飯, 洗唔乾淨, 好在文迪幫我洗, 麻煩哂你^^

春菜排骨~~自己未食過春菜, 食過之後都覺得幾好食

鼓油拚盤~d鼓油太淡啦, 同好多人爭食豆腐....

唔記得左呢個係咩粥, 都幾好味, 但潮州粥係好稀嗎?

潮州炒飯~極度唔好味!!!

各位~大家久等啦, 係包魚[姑]介菜~我都想食包魚...

哈哈~我至愛: 潮州毫餅~d毫好新鮮^^

短暫的二人時刻

又係web tech!?都係我至討厭的堂之一, 總之逢係電腦我都話討厭, 因我係電腦白痴(汗!?). 所以同埋蕃薯, 在返學之前去葵涌廣場度買d小食食下. 估唔到蕃薯都幾乖, 佢同我講會唔會過份左少少, 我同佢講我哋返去上堂吧, 但佢最後都同我一齊去食野!?

我哋去到葵涌廣場三樓買野食, 最後佢買左燒賣, 我等左好耐先買到盒小丸子, 同埋毎人一杯三元的珍珠西瓜汁. 由於我太肚餓的關係, 我在排隊等車時已經食哂全盒小丸子, 上車蕃薯先食野, 唔知係咪蕃薯真係好細食, 佢買左成十幾元燒賣, 佢話比我食, 我都驚佢肚餓而拒絕, 但佢話買埋比我食, 我就食佢二粒燒賣啦! 我哋二個食完之後, 得出個結論, 就係竟然二杯西瓜汁係最好飲^^

之後返到學校, 又要上堂啦! 雖然我哋二個單獨相處的時間唔太耐, 但已經好開心呢~

唔真實的自己

話說佢琴日本來話返屋企, 點知佢去左幫朋友影相, 主題係關於公仔及公仔持有者. 我覺得個女仔唔太靚, 只係d公仔吸我, 比大家睇下先~好靚呀~sorry, 我唔係講個人, 係講d公仔, 尤其係粉紅色果隻puppet!

公仔全家大集合呀, 好得意, 好想拿哂佢哋返屋企!同個人一樣大的公仔!? 總之個公仔真係勁得意, 不過自己屋企有隻這樣大都幾係野....我實比媽媽鬧死我, 話我仲低b咩...

之後蕃薯話佢今日又影女仔!?真係激氣呀!!!佢唔影我, 講真, 自己真係好唔開心, 係咪我自己太過醜樣, 唔見得人呢? 我影左相, 佢又唔放在相簿度. 但我知道蕃薯佢好想做攝影師, 所以我咪想佢影女仔只係練習下影相, 令自己好過點.....以下呢張係佢今日影我相 :

呢個大家認得出嗎? 其實呢個女仔係幸福傷風素廣告果個女仔, 即係同好多個男仔, 話某個男仔同佢至夾, 食藥至緊要夾果個女仔黎架! 估唔到佢影相都幾靚....聽講地上的藍色rose係個女仔情人節收到的花, 佢自己唔要, 咪拿去影相囉!

睇完呢張相, 我都開始了解佢點解唔擺自己d相落去, 咪就係因我唔似人哋這樣靚囉!邊個話攝影師個女友成日比佢影架??? 計我話呢~男仔話咩女仔外表唔重要, 至重要睇內涵, 我就真係唔信啦!佢哋只係睇女仔個樣及身材!總之呢, 靚女相就keep, 醜樣的相好似我果d, 可能拿左去人道毀滅!

唔知點解, 我越睇越心痛, 我已經唔想再睇....於是我問佢有冇d型仔相比我睇下, 佢又話冇, 我真係好失望囉, 點解佢睇得靚女, 我又唔可以睇靚仔呢? 照計我唔靚女, 應該冇人鍾意我, 也唔會有人搶走我, 我只係想認識多d型仔. 當然我唔會直接同佢講我想認識靚仔呢番話啦....

不過又講真, 我真係唔想佢接觸太多女仔, 尤其係有好多靚女在佢身邊, 我又對自己冇信心, 真係驚佢比人搶走架!!但我又要支持佢夢想, 同唔想令佢唔開心, 所以成日都要扮好人, 問佢有冇相睇, 叫佢影多d女仔model朋友我說話, 其實我係唔想講架!毎次我都要講違背良心的說話, 自已覺得好辛苦, 而且仲好討厭唔真實的自己......結果果晚, 我在房內靜靜細聲哭, 唔可以比屋企人知我傷心, 哭累了, 自己便訓左覺....唔知呢種生活仲要過幾耐呢?

素描師父及彭太!?

終於要交素描功課(又係功課!?無奈....), 其實係上星期六阿sir吩咐要在今日交, 但連續返學, 又做英文mind map, 又寫program, 邊有時間做素描啊! 於是我在早上開始做份功課, 差唔多大功告成, 這樣, 呢份作品終於完成了 :
為免整皺呢份功課, 以及今晚同我婆婆慶祝生日而出街出飯, 我特登問我妹妹借左個畫袋, 之後又約蕃薯一齊返學.

返到學校, 阿sir講解素描理論之後, 大家開始起筆畫另一份素描, 呢次份素描以幾何物件為主, 簡單黎講即係畫水樽, 紙盒飲品及罐裝飲品, 應該比上次更易畫. 加上蕃薯坐在我隔離畫, 唔知點解覺得好安心.....加上要交埋份功課比阿sir比分, 我都話之份野, 一於畫左今日呢份先.

呢個係我素描堂所畫的對象~個壓扁左的鋁罐點畫呢?

在畫畫途中, 阿sir已經改好上一份功課, 話有d同學做得比較好, 見我哋全班同學出黎睇下. 我見到枱面有六幅畫, 其中有一幅係我的, 阿光話我畫個火龍果似花瓣, 又話佢畫得好圓, 總之就係話我, 跟住佢仲叫我師父, 而且仲話有個同學係我徙弟, 我徙弟畫得比我更靚!? 我點解比人叫做師父!?我何來有徙弟!!!???真係激死我, 但最令我激氣的連蕃薯都話我, 叫我做[成詠詩父], 好衰架你!!佢哋成日話我, 我一於少理, 邊聽歌邊畫.....

之後波特先生拿個psp黎聽歌, 係一些鋼琴彈奏之樂曲, 其實都幾悠閒, 跟住我就講話去巴黎就好, 同學話去維也納仲好, 而且仲要我穿件婚紗? 都知你哋話我同蕃薯去之麻! 跟住阿聯及其他同學叫大家唔好再話我哋, 又講話彭太唔鐘意, 蕃薯話彭太在屋企, 總之一定唔係話我, 雖然我都幾想做彭太(真係唔知羞>_<"), 但我同佢未結婚都係事實, 所以佢唔承認也理所當然, 而且佢未必鍾意呢~計我話最衰都係同學成日話我同佢又咩結婚, 兩公婆, 整到我又成日胡思亂想, 但只要同學開心就得, 其實我都幾like比你哋這樣話我^^ 放學之前, 文迪送左個銀包比我, 係我至愛的pruple銀包, 因我之前話鍾意, 佢又換左個藍色新銀包, 所以送左比我. 但我見到銀包個盒好貴, 唔好意思收, 於是我好娘講左句[無功不受綠], 話比返錢我, 但文迪話唔使, 這樣我多謝佢先, 好開心呀^^比大家睇下先 :

個purple真係好靚呀, 我會好好使用~

放學之後即刻去西九龍中心間pizza hut去食阿婆餐生日飯, 食物及人一早已經到哂, 我哋大家食完野之後, 全家一齊坐巴士回家, 又係坐返我同蕃薯在情人節果日去黃金海岸之巴士, 不過都唔出奇, 我哋居住地方這樣近, 黃金海岸又係我哋居住地方中間, 實坐呢架車啦!

返到屋企時, 我妹比左個好笑的卡通部分比我睇, 係講二個人打架, 有個爆炸頭的男人阻止二人的好笑場面, 比大家睇下先~

其實係出自一套叫[破天荒遊戲]的卡通的畫面, 見完之後我大笑起黎, 我屋企人仲睇下我笑咩.....

我在食飯時sms比蕃薯, 以為佢返左屋企, 見佢一直冇覆我咪冇理佢, 點知十一點幾先話自己影完相,究竟佢做咩架? 原來佢係同朋友去影相, 至於佢影成點呢? 希望見到佢的作品!

又係電腦繪圖, 有d驚驚!!

估唔到自己除左唔認識寫program之外, 電腦繪圖也考起我....今日教用flash去勾線, 其實係在電腦度用點同線去勾出一個公仔出黎, 但已經令我頭痕! 起初我真係咩都唔認識, 對住個電腦發呆, 甚至連把公仔拉去flash度都唔認識, 要蕃薯及身邊同學教我. 而蕃薯佢又冇幫我, 掛住和其他同學傾相機, 只有我自己一個去畫, 我畫左好耐, 甚至連break都一直畫.

蕃薯呢陣先留意到我, 教我點樣勾線, 最後我終於叫做學識左, 太好了! 同時也覺得好神奇, 點解蕃薯一教我就識, 其他人教我時, 我都好似仲遊緊魂, 唔知做咩, 難度呢d係愛情的力量嗎? 講笑, 哈哈~

返去又要做一張鹿仔勾線畫, 仲要上埋色, 蕃薯一早做哂, 仲問人隻鹿仔油咩色顏色眼影, 得戚得佢呀, 我都一定要做好自己作品, 之後post上黎個blog比大家睇!!

p.s. 今日原定放左學之後食飯傾project, 蕃薯本來話唔去, 我最後都叫左佢去, 佢都有去呀! 好開心. 而且中途仲講開去大陸影婚紗相比台灣仲靚, 在台灣影好娘, 而且又講咩男家女家結婚d野, 又唔係真係結婚, 講黎做咩牙? 不過我都希望可以同佢結婚.......唉呀, 自己在度講咩呀!? 又痴線啦!

到了穩定期嗎?

今日本來約左蕃薯在六點二十分在葵芳地鐵站等大家, 然後一齊返學, 但我等左幾分鐘都仲未見到佢, 於是我sms比佢, 點知佢先話我知仲未放工, 我只好無奈地上車返學. 其實佢已經在sms度同我講對唔住, 也知佢公司好多野做, 我不應該嬲佢, 但佢又唔一早通知我, 令我有點唔開心....隔左一陣之後, 佢即刻打電話比我, 問我在邊度, 可能我哋冇緣啦, 所以最後都係返學見....

一返到學校, 除左幫蕃薯留位及拿notes之外, 波特話已經比左mind map 阿sir睇, 阿sir都話冇咩問題, 太好了! 後來都幾多口的阿銘話同我一組, 睇黎以後從此多事.....都係順其自然吧!?

唔知點解, 近排覺得蕃薯對我唔係太熱情, 除左佢冇同我講肉麻說話外, 我哋之間冇咩親密我情侶動作, 就好似琴晚這樣, 佢在巴士車站, 又冇攬攬錫錫...我開始又胡思亂想, 係咪佢唔再鍾意我, 又或者有第二個女友呢? 雖然佢有同我過情人節, 但總係覺得冇左情侶的感覺, 唉....點講呢, 可能係自己想多左吧!? 自從拍拖之後, 覺得自己成日胡思亂想, 而且情緒又成日比佢左右, 覺得自己好冇用.....明明自己之前想做個女強人, 但而且家卻成為個小女人, 成日左擔心右擔心, 不過始終都覺得開心及幸福, 如果比我再選擇, 我都會選擇而家呢種生活, 總算有多個人錫自己麻^^

呢個煩惱一直纏繞住我, 一直唔可以訓教, 直至半夜點幾到, berry及mandy突然打電話比我, 我同佢哋講左呢件事, 佢哋一致都話蕃薯唔係唔鍾意我, 只係可能佢覺得呢段關係已經穩定左, 唔需要擔心太多, 而家佢努力搵錢養媽媽及我. 可能我可能對自己唔太大信心, 驚自己唔會再鍾意佢, 覺得關係仲未完全穩, 希望自己可一直努力經營落去, 也希望如塔羅所講, 我哋二個有機會結婚就好! 嗯, 多謝你哋兩位, 我已經多返少少信心!!

又見蕃薯!? 又做英文功課?

讀左呢個courses 之後, 我成日都要做功課, 今日又要煩英文個mind map. 首先講下係咩黎先, 阿sir要我哋設計一份問卷, 之後做訪問, 做報告及演講. 呢次我哋先做mind map, 類似係設計題目之類, 但我哋仲未做, 蕃薯問我點算好. 唔知我哋係咪返學毎日都見, 今日唔使返學, 冇得見面, 好想見佢呢, 於是我提議我哋及波特搵個地方傾, 最後決定去蕃薯屋企. 不過就要九點, 冇所謂啦, 最緊要可見到你^^

放工之後, 我先返屋企食飯, 之後即刻去搵佢, 我先到蕃薯屋企附近, 波特仲未黎, 本來可同蕃薯二人世界, 點知靜打電話黎, 最後傾到波特黎左, 不過算啦! 我哋三人一齊去佢屋企傾mind map, 一開始我已經比佢哋二個迫我做呢組隊長!? 由我決定題目, 我都費時去想, 最後比左佢哋二個男仔去傾, 最後決定做相機. 先用中文整好設問範圍,內容, 返問卷目的, 之後留返比我及蕃薯媽比呢d野譯成英文. 蕃薯寫個問卷目的實在太正, 如咩[留下生活點滴], [攝影之門檻]等等, 可惜.....勁難翻譯英文, 最後我同蕃薯媽合作, 互相研究英文生字, 甚至仲要上網查埋字典, 勉強都叫完成, 睇黎我同蕃薯媽合作得都唔錯~

當中做功課時發生左件小事: 就係我突然發覺自己唔見左其中一隻耳環, 於是我在蕃薯屋企周圍去搵, 佢媽媽見到我也幫我搵埋一份, 後來蕃薯見到我哋搵野, 佢又搵埋一份, 三個勞師動眾搵埋一份, 我又唔係佢哋d咩人, 唔好意思叫佢哋一齊搵, 於是我以做英文功課為理由, 叫佢哋唔好搵. 但多謝你哋兩個幫我去搵, 即使搵唔到, 但我已經好開心^^

網上稀客!? 背後之真相...

而家公司冇咩做, 我都唔知想左幾耐啦! 今朝又係msn, 點知竟然比我見到.....tracy!? 我一直冇見到佢上網, 今次都係第一次, 而且仲係佢主動hi我!? 佢同我講左好多電腦知識, 原來我地而家學個html 唔係太重要, 只係比我有個基本概念, 而且仲有dreamweaver可以做到, 學左呢樣只係有時方便自己改寫部分程式; 仲解釋左好多電腦terms及知識, 令我學到好多, 真係多謝你^^

仲知道佢原來係某間學校電腦部的職員, 平時在學校做得好辛苦, 聽佢講話上層已經有好多人走左, 仲有教職員有咩漏左帶都由佢黎提醒, 佢真係好叻呢~但佢同我哋後生仔女一樣, 都係比人點去做野果隻, 總之大家努力啦! 後來佢要幫教師手, 去整電腦設備, 我哋就冇傾....

背後之真相(1):

之後同左靜傾計, 講返佢成個情人節約會之經過, 而且仲得到佢同意, 比左佢d相我在呢度post, 而家比大家睇下先~

靜就係穿呢件衫去見佢啦, 不但衫靚, 連人都好靚呀~!!!真係幾高貴啊!!

靜同埋佢個化妝師~

雖然靜悉心打扮, 自己以最佳狀態去見階級, 但最後個結果令佢好失望, 而且仲令佢好唔開心, 隻死人階級在果日食完飯之後, 返到屋企冇打電話比佢, 而且之後仲冇搵過靜.....我都係唔可以講太多, 總之一切令人太傷感....點解好似靜呢類好女仔, 都冇男仔懂得欣賞? 我都知道你不斷為佢附出, 但換黎呢個結果, 一定好唔開心, 而且你仲係深愛佢, 無時無刻想起佢, 影響日常生活, 但你都要重新振作, 無論你為個賤人付出幾多, 佢也見唔到, 感受唔到, 不如盡量忘記佢, 積極搵工啦! 記住牙, 你要活得比佢更精彩!!!

背後之真相 (2):

除左tracy及靜外, 我都有同文迪傾計, 原來文迪一直都好唔開心, 事緣話那人在情人節之後, 對佢態度完全唔同哂, 似乎係同那人做朋友果隻, 其實呢個情況已經持續左五日, 佢話見到我而家好幸福及開心, 所以冇同我講到.....你唔講自己唔開心野我聽, 我都真係唔開心啦!!!

見到你可以重新振作, 你唔想令佢唔開心而在佢面前開心起黎, 顧人感受係好, 但你自己感受呢? 在你blog上見到你曾為佢傷心, 哭過冇數次, 冇可能一下子忘掉, 唔開心就講出黎, 唔好再收埋在個心度..... 不過我覺得你已經比之前更進步, 多左對人表達內心感受, 尤其係對berry講得好多, 好妒忌berry呀~~

似有傳染病!?好在有你幫忙^^

今日又係我最討厭的web technology堂!? 想起琴日做果份功課真係想死, 我都係第一次有一種挫敗感, 面對住呢科, 我簡直係茫然, 成日唔知自己做緊咩, 對住個電腦可以一直發呆....

一入到課室, miss 叫我哋全班同學唔好坐太後, 於是我咪搵左個兩人坐位囉, 點知就出事啦....呢日我自己一個返學, 某d多口的同學仔(我唔講邊個, 果d人心照)話做咩唔係二個人一齊返學, 之後返學的朋友仔, 好友mandy及berry都唔同我坐, 跟住有人話我係咪有傳染病, 冇人同我坐!? 據我話呢, 話我果個先至有病, 你哋只係想留個位比我同蕃薯坐之麻!! 最後蕃薯終於返到學校, 見到蕃薯四周望望, 連miss都笑我, 話蕃薯再唔同我坐就好無奈.....不過冇所謂, 大家開心就得^^

又要交堂課比miss, 要用返上一次功課的program內容, 不過我冇帶, 好在mandy佢把自己份soft copy我, 真係唔該哂你~

但係, 我都係呢句, 對住部腦咩都唔認識, 蕃薯見到我好迷網, 於是問我係咪唔認識, 佢就開始教我, 而且仲捉住我隻手果隻!? 雖然唔係太耐, 但已經好開心^^唉呀~呢個唔係重點, 而係佢最後幫左我好快完成呢份堂課, 仲可以即堂交, 好野!! 而且我自己仲冇[手指]. 佢仲幫我save左自己習作....不過真係唔知save黎做咩!? 自己份功課都交左啦, 真係痴線!不過同時心想, 如果我係咪一直都唔識, 蕃薯可以這樣教我呢? 其實自己唔應該這樣想, 要努力學習呀!!!

都係靠自己!!

有傳今日在網上交web technlogy功課, 係寫一個叫做hmtl的物體, 總之係類似寫program去改變字體及顏色之類......我呢個電腦白痴, 即使上堂學左都唔認識, 於是打算請求朋友幫手, 第一個咪叫蕃薯囉, 點知佢竟然同我講琴日份素描功課, 仲比左以下呢張相我 :

真係好靚呀.....張相!!唔係呀! 我而家做緊份功課, 唔係睇呢d野的時候! 到最後佢都冇幫我, 其實我都有d嬲佢, 點解佢在我呢個重要時刻竟然幫唔到我忙架!? 老實講我真係有點失望, 而且仲好唔開心, 但唔開心都要做功課, 於是在msn我請求berry及mandy, 但過左好耐, 都冇人應我, 於是我一怒之下唔再在msn上網, 自己上網搵方法做好過!我又上網搵如何寫網頁方法, 顏色編號等等, 總之又多又複雜, 好在唔使我去記住, 但基本steps要記下!

當我差唔多做完功課時, berry突然打電話比我, 問我係咪有野唔識, 叫我即刻上返msn, 最後佢都可解決到我問題, 終於做哂份功課, 但....用左四個鐘......總之berry你真係我的恩人, 多謝你^^

好開心的唱k^^

我又遲左出門口啦, 冇約到蕃薯, 佢比我早門口, 本來以為我哋冇得見, 點知我哋竟然在葵芳地鐵站撞到, 佢今日個mk look好型, 本來好想影相, 點知撞到tracy, 結果計畫暫時取消. 返到ive時又見到berry, 我哋一行四人去返學....

今日上第一堂visual art, 學畫靜物素描. 先知自己畫畫其實唔係太叻, 就係畫極都唔係靚. 而且仲成日問阿sir點畫, 可能自己畫野真係冇天份. 我哋今日畫我係呢堆生果(除左燈光唔係之外, 但可以幫到我畫素描^^

上完堂之後, 我即刻影蕃薯, 佢唔願意比人影, 成日走黎走去, 我好難影到佢, 唔係走黎走去!!! 好似震左添.....應該係直頭係震左, 而且佢個樣仲好傻仔, 哈哈~同佢本來個型仔look好唔襯!!

由於太早放學, 我哋行左一陣街, 本來想買對鞋, 但見到好多同學企在度等我, 我覺得唔好意思, 所以最後都係冇睇到.....本來話約左朋友去旺角的蕃薯突然黎左我哋行的葵涌廣場!? 原來係winnie打電話比佢, 佢先知我哋在邊, 其後我問佢做咩在度, 佢話未到約朋友時間, 話同我哋一陣, 可以見到係實在太開心啦^^

直至晚飯時間, 蕃薯終於走左, 我哋開始去唱k, 但可以見多你一陣, 都好過冇得見....起初唱k時, 我只顧住去食自助-buffet, 總共食左三個round:

第一round, 勁貪心, 咩鬼熟食, 湯, 壽司及dessert都拿哂. 最好食係壽司, 至難食係個湯....其他就不過不失, 唔知係好食定難食!??

第二round, 有少少飽啦, 食返d唔太heavy的食品. 當中有件好笑事, 就係我錄牛肉時, 整壽司果位先生話我知肥牛只要錄一錄便可以, 多得佢的提議, 我d肥牛先錄得剛剛好, 真係多謝佢^^

最後一個round仲唔飽咩, 只係拿左dessert, 不過全部都好難食, 尤其係白色果件, 有我討厭的mint!

我完野之後就去唱k, 唱左好多高音歌, 真係自己囉黎衰, 勁辛苦~而且仲比佢哋笑我唱2月14的約會,睇黎以後選擇歌曲時都要小心d. 同埋仲有一句, 都係要聽返多d中文歌, 因我見到好多歌都唔認識唱, 真係弊!!

我哋由七點幾唱到十一點, 大家似乎都高興地走了, 而我也好彩地坐到小巴返屋企, 因為最後一班係在11:45開, 如果坐唔到要返荃灣坐車. 在車上問蕃薯情況, 佢十二點幾仲在旺角, 點幾先至返屋企, 我都係放心唔落佢, 在屋企打陣blog, 直到二點幾先訓....仲有我聽日要努力搵工及做好web tech及素描份功課!!

又係巧合嗎? 蕃薯的選擇!?

今日放工前, 我曾經sms過比蕃薯, 問佢係咪一齊返學, 點知佢一直冇覆我, 我只好自己一個返學....點知我架車去到太子站時, 佢突然send個sms比我, 佢話[我就到]....於是我哋已經心內有左共識, 知道一定又在深水步等, 於是我一早落車等埋佢

我哋又可一齊坐地鐵及小巴返學. 當中佢講到自己同攝影堂個阿sir用msn傾計, 話個阿sir個朋友唔知係咪睇過佢攝影final project的作品, 想請佢做全職攝影師, 佢就可以實現佢的夢想, 而且出名的話, 毎接一份工都有差唔多十萬; 但佢又覺得而家佢公司個老闆對佢好好, 佢返學事事就佢, 如果佢唔做又覺得好似對佢唔住. 所以佢好煩惱. 起初我都同佢一樣覺得好煩, 但我最後比佢一個建議, 機會唔係成日有, 而且仲要係佢的夢想, 比我一定會選擇, 至於佢而家呢份工, 佢可以用其他方法去彌補佢老闆的人情, 例如得閒一齊出黎玩下, 又或者去幫襯佢老闆間公司(買賣攝影用品)都可以順路探佢, 因為人情債跟本冇得還. 唔知我呢個決定係正確定係錯, 呢個都只係我的想法....

傾呢件事途中, 我以為佢在而家呢間公司做左六年, 佢同我講原來佢在呢間公司做左只有二年, 佢在畢業之後, 有個親戚介紹佢去佢間公司做包裝之類, 佢一直做得唔開心, 除左因工種之外, 也唔滿意果度d人的做事態度.吓!!!!???點解佢同我過去完全一樣架!?我先同佢講, 其實我一直同佢講過的阿頭就係我姑姐, 我都係畢業之後黎呢度做. 之前我冇直接同佢講我同我姑姐一齊工作. 係唔想比人知我只靠關係先至可以黎做, 而係靠自己努力!估唔到竟然會有呢個巧合, 難道都係天意嗎?

p.s. 唔係[i love you], 而係我在車上話比蕃薯知我見個男仔整傷時, 我去探佢, 佢語氣似乎有d重, 問我去睇佢做咩? 即使我話佢整傷左, 我作為朋友去探佢, 佢都唔係太開心, 我都係唔好在佢面前再提我同其他男仔之事啦.....加上在情人節我提及有男仔話掛住我之後, 佢即刻問我係邊個, 睇黎佢都同我一樣, 幾易呷操(佢會呷操嗎?), 所以以後都唔好提吧...

突然的慶祝? 各位老友情人節快樂^^

直至今日, 佢都仲未約我, 我都已經打定輸數, 覺得佢唔會再約我, 於是我問下mandy佢哋有冇節目, 可以預埋我份. 這時也令我覺得, 我其實係咪真係有男友呢?點解我而家有男友等如冇男友, 佢唔同我慶祝呢? 難道真係如我姑姐所講, 佢真係冇當我係佢女友嗎? 我越來越灰, 唔想再去想....當中有好多朋友知道我唔開心, 都好關心我, 分別有至好三位朋友, 蔡蔡, 文迪及edwin, 仲有 eva, 阿光, 靜靜, 好多謝你哋~

突然之慶祝 :

點知蕃薯突然send左個短訊黎, 佢話[不如我地今晚搵個唔使錢既地方去下]. 吓!???這...這即係約會嗎?我哋不停sms, 問對方在邊度等, 去邊度等等, 最後決定左去黃金海岸, 等佢放工之後我哋一齊從深水步出發!佢仲叫我化個靚妝黎見佢, 會有d咩大事嗎? 總之我在呢刻真係開心到唔知點形容, 心情簡直就係谷底反彈!

由於八點時先可見到佢, 於是我陪姑姐先去金鐘交佢而家讀緊澳洲呢個program之學費, 但其實我只係在地鐵站內等佢, 其間veron比左個短訊我, 祝我情人節快樂, 同埋祝我同f先生開開心心, 唔好對佢忽冷忽熱....多謝你牙, veron! 你一直都好開心我哋的事, 我又問佢同男友點慶祝, 佢話同男友去奧海城, 你都要開心d呀^^

我早到左深水步. 於是我到左西九龍中心個廁所度化妝先, 之後再去我哋平時集合地點等佢, 結果佢又遲到....我哋先去大家食度食左個蕃茄牛肉飯, 我細食的我比左一半飯佢食. 途中蕃薯見到我穿得好少, 驚我去到黃金海岸會凍親, 我當然冇問題啦, 因為我哋好耐冇見, 一定要見多d. 我兩個冇問題之後就一齊等巴士去黃金海岸, 除左佢成日撞我個頭之外, 仲應承左我2d繪圖時同我一組, 佢仲話我做幕後, 我做執行添!? 想做死我咩(笑)

終於去到黃金海岸, 我哋遲左個站落車, 行個半死....!? 在門口見到個月租屋個價錢牌, 寫住毎月$8888!? 本來我話如果毎月租, 一定要個人可earn二萬幾先得, 跟住蕃薯話二公婆一齊供咪得, 水電, 管理及差鋿費都已經好貴, 尤其係電費, 而我竟然問佢會唔會用暖氣!?吓!!!!我在度做咩牙!?做咩問佢呢d野架!?我哋真係結婚咩, 痴線!!估唔到佢之後仲答我唔用??行到海旁, 我哋先去影相先~

我都係第一次黎黃金海岸, 真係失敗. 但見到其他情侶多數手拖手, 好少拿花, 我哋都唔太異相...見到周圍餐廳都好靚, 影底做留念:

其間影得唔係太多相, 總之我都用我部相機影下啦....之後我哋去沙灘度,果度好黑媽媽, 我哋坐在沙上, 佢竟然話一齊玩psp!? 我哋玩完太鼓之後, 我哋坐埋一齊, 佢攬住我, 我又挨住佢傾下計, 可惜聽日要返工及驚冇車返我自己屋企, 我哋只係相處三個鐘就各自回家!

各位老友情人節快樂 :

我即刻把蕃薯約我去街呢件事話比好多朋友知, 佢哋都鄧我高興, 尤其係文迪, 佢仲話一聽到我呢個消息之後開心到彈起, 仲話我如果真係在佢身邊, 佢一定會攬住我, 我一直要你擔心, 你又成日聽我講費話, 我真係好多謝你, 除左多謝之外我都唔知講咩好^^除此之外, 我都有毎句說話比朋友:

文迪: 雖然ryan冇約到你, 但可能只係暫時吧! 唔好唔開心及放棄, 下年佢會約你啦! 睇黎你同berry, 阿光及阿聯唱k應該開心吧!?

蔡蔡: 你就好啦, 和男友在船上過情人節, 仲要一齊食choco, 只要你哋開心就好~惟一唔好的就係你暈船浪....可能係太耐冇坐船之關係, 而家好返d未?

edwin: 你都同女友開開心心, 唔好成日講埋d衰野激我, 知道冇!? 唔好成日都話掛住我, 唔係蕃薯會打你架!!(講笑）

berry: 你個復活節及情人節掉轉左!? 希望你三月去美國探你男友時開心點吧! 唔好為個占卜而困擾, 享受你同男友開心之日子吧! (記住買手信呀...笑)

eva: 冇情人過都唔係太慘, 我好多年都係, 個天會對你唔太差, 一定會比你遇到個男友....不過我覺得你應該努力搵份好工先, 話唔埋會有新情緣..

veron: 多謝你仲記得我, send 個短訊比我, 你同男友去奧海城都唔差, 仲有盒勁靚的agnes b. choco,真係好鬼羨慕你, 你玩得一定好開心吧!?

靜靜: 你終於見階級男, 本來開心先係, 佢因在電話及出黎見面時態度唔同, 唔再係情侶而唔開心, 點知個階級見完你之後竟然冇再搵你, 一於飛起呢d賤男啦, 天涯何處冇好仔, 加油再搵!

tiff, 酸梅: 唔記得問你呢日過得好唔好添!? 下次再聽你講過....

蕉, liz, 寶妮, 嘉華: 同eva一樣 ,希望你早日搵到如意郎君!

阿光: 又係其中一個鍾意激我的同學仔, 好心你唔好成日話我同蕃薯!!不如你努力搵返個女友好過咪仲實際!!

winnie: 我都有同你講過我會同蕃薯約會, 我相信你唔係口蔬, 一定唔會講比同學知吧!?多謝你句情人節快樂先~

突如其來的sms, 都係失望嗎?

最近我個手提唔知係咪壞壞地, 成日都收唔到蕃薯個sms, 一係我打電話比佢就打唔到. 算啦, 我個電話都成三年壽命, 差唔多要換啦....最近睇中左一部motorola的手提, 唔係....應該係佢隻色, 係淺purple!!!但個型真係好核突, 真係浪費左隻色!??

sorry, 其實我唔係想講電話, 而係我同蕃薯之間的事. 琴日我咪唔開心, 今日也係如此, 由於我受我姑姐影響, 佢話蕃薯未真正承認我係佢女友; 又或者edwin話佢一腳踏兩船, 出面可能有第二個, 更令我心神不安.....而且佢平時放工都會send短訊比我, 但今晚等左好耐, 一個都冇, 我唔開心地一早訓左

直至深夜點幾, 蕃薯突然send個短訊比我, 問我[在嗎?], 我最近的騎呢習慣又黎啦 -就係我唔知點解半夜成日去toliet時會醒左, 就即刻收到蕃薯之sms, 而且仲要成日都係這樣....好似心靈相通的, 我哋就會互相傾一陣, 咪話唔邪!? 我之後覆左佢, 佢話佢原來九點幾sms比我, 但又冇人應?內容大約話佢有朋友生日同佢食飯. 我即刻鬆一口氣, 而且講左我驚佢同第二個女仔約會!

之後佢打電話比我(又係夜晚!?), 佢又話我傻瓜, 仲同我解釋話有十五個人食飯, 係九女六男, 而且只有部分人認識, 食到成點先至走! 好多謝你同我講真話, 而且覺得自己跟本係自尋煩惱, 當佢問我做咩唔sms及打電話比佢時, 先令我覺悟, 點解我一直要求佢做主動, 但自己又唔去主動呢? 感情係人都知雙方面, 唔可能只要個男仔做哂所有野....

我哋一直傾埋d無聊野, 但覺得好快樂, 仲笑左出黎添! 但係佢一係就話今日唔係情人節, 自己訓醒先係第二日, 一係未講句重要說話 -情人節約我出黎, 送禮物比我之類....我應該係高興定失望呢?

混亂迷失 + 補返同學及朋友比的相

其實我今日同好多朋友講起自己情人節冇節目一事, 我成日為呢件事, 以及佢新年寧願同朋友去影相, 同媽媽食飯, 在屋企大覺訓, 都唔同我傾電話及行街, 所以我而家感覺好心淡, 懷疑佢跟本有冇當我係女友....點解佢可以唔緊張我?想到呢度, 我冇心機再整繪本, 因我無論花幾多時間及心機在佢度, 佢一點也不領情, 唔會關心及理會我, 於是我最後決定放棄, 自己去打機好過...

有好多朋友在msn度想盡方法去安慰我, 希望我唔好胡思亂想, 排名不分先後, 有好友蔡蔡及mandy, 仲有阿光(但願佢唔好口多把呢d事講出去), 靜靜, eva....仲有我唔記得左添!? 總之多謝哂你哋, 可惜自己實在太固執, 心情未能完全平伏, 自己真係唔爭氣!!!為左個男仔令自己變成這樣!?

仲有由阿聯比我城門水塘的相, 在今年1月19日影, 比大家睇下先 :

自己好似好落幕, 好多野想住及迷網, 唔知道感情前路, 所以用左呢張相做msn圖片.... 同阿駿一齊飲豆漿先, 佢飲黑豆漿, 我飲普通豆漿^^

仲有仲有, 就係上次同蔡蔡, 文迪在12月到??去樓上cafe影的相, 本來想叫蔡send比我, 但佢都唔得閒, 惟有在佢個blog度拿吧!

mandy及蔡蔡, 尤其係蔡蔡, 好耐冇見^^

我的藍莓及choco多士~

我的choco奶茶, 蔡之桂花茶及文迪之rose 花茶~

我又掛住睇漫畫, 一套七期, 我一定要睇完, 少左同你哋二個傾計, sorry~

再一次去占卜

上星期六到, 我為蕃薯係咪真心愛自己而煩惱, 可能因近排佢寧願同朋友去影相和忽略我而令我唔開心, 覺得我全程為佢, 但佢好似一點也冇理會我而心淡, 甚至開始放棄整繪本, 於是我同mandy講, 我想去神婆團占卜, 睇下我及蕃薯之心意, 佢也好好人地應承左我, 於是決定在今晚去睇.

我早左十分鐘去到, 但自己唔記得條路點行.....我打電話問左mandy幾次, 終於黎到神婆團樓下, 而且仲為左我去廁所一事而令兩位麻煩....我哋終於開始占卜, 首先係我占卜先, 問的係我和蕃薯之關係:

占卜師話蕃薯對我好專一, 什麼事也同我講果隻, 做事比較認真, 老實, 對金錢睇得好重, 佢好重母親, 即使結左婚都會同佢媽媽住, 即使唔係同佢媽媽住, 都係住在佢媽媽附近; 相反地我比較花心, 而且仲有異性緣, 懂得同男仔social, 對出面男仔只係玩玩下, 始終都係鍾意蕃薯!? 講到性格呢度, 我都有d驚嚇, 因為非常準確!!!!而且也講中一件事, 我有時會因為蕃薯對我之冷漠會令我有想搵另一男人之想法, 我自己太過dirty啦>_<"唔可以這樣的!!!

之後講我哋兩人關係, 占卜師話我和蕃薯會因居住問題, 如自置物業, 同佢媽媽住而吵架, 但只要克服呢兩個問題, 應該可以結婚. 而且在拍拖三年之中, 在第一及三年會講分手, 但應該都係分唔成果隻吧!? 第一年係蕃薯主動提出, 但佢之後又會搵返我; 第三年我哋二者都存在問題而分手.....之前同mandy及蔡去過占卜, 占卜師都話我老公性格方面比較老實及顧家, 剛好蕃薯都係; 而且時間又吻合, 之前占卜話我會拍左三年拖之後結婚, 剛好而家佢又話我和蕃薯在第一及三年吵架. 如果我哋捱到呢兩次吵架, 難道會成為夫妻嗎?????這樣就付合佢之前話第四年結婚?哈哈~估唔到自己一直找尋, 蕃薯竟然係我老公!? 雖然未能確定, 但已經令我好開心^^

不過唔可以只有我開心, 因為之後mandy及berry占卜, 但佢哋結果唔太好, berry問佢十年戀情及同現任男友感情, 占卜師話佢在暑假時會認識到一名男仔, 而且比佢現任個男友仲夾, 或會同現任男友分手!!??不過好在佢都有選擇權, 唔算太差. 但婚姻方面唔係太好. 於是佢就搖搖頭, 話佢唔會在那段時間轉工住, 而且佢仲愛現任男友, 點會選擇第二個呢?

至於mandy仲可憐, 佢在呢年頭, 佢, ryan及另一名男士都處於混亂時期中, 唔知道大家心內的對方是邊個, 直至知道對方心意時, 又成日吵架及唔太長久, 大家冇結果. 我唔敢打兩位的事太多, 驚佢哋唔鍾意.....

我哋三人占卜完之後, 一齊到海旁傾下自己心事, 仲落住毛毛細雨, 這是佢哋呢刻之心情嗎? 我哋傾計時, 有一隻專係比人食野的[張保仔] 駛到我哋面前!!!我哋真係榮幸, 可惜我又唔記得拿相機, mandy影底左, 我只好在msn度上網問佢拿相吧!

p.s. (1)當我哋去占卜前直至到占卜, 蕃薯已同我sms, 佢不停問我在邊度, 係咪仲在尖沙咀....尤其在占卜之後, 佢不停同我sms, 個手機響個不停, 問我[走未呀], [最衰你在太遠地方, 唔係我可以去搵你]之類, 又令我想起占卜師話佢對我專一呢句說話, 真係應景!?

(2)我占卜完之後, 唔知痴咩鬼線, 竟問占卜師塔羅之知識, 先知道最古老的塔羅共有九十六隻牌, 而且係蓋有印章, 唔可以隨意買賣, 後來演變成七十八隻, 五十二隻, 甚至係最簡單的二十二隻!? 而在街上多數會學二十二, 因好快會學識; 神婆團有些深造班, 會學五十二隻, 我都想學呢~可能我覺得佢占得太準, 而且之前也有研究開, 所以有點興趣吧!? 但副牌一定好貴呢(自己覺得), 仲要比多二千元, 睇黎自己未必願意呢.....

其實塔羅比人感覺好塊麗, 我也比佢哋外表吸引, like 左塔羅好耐呢...甚至連clamp的作品也成為塔羅題材!?

努力完成繪本

距離情人節唔太遠, 只剩下四天吧!? 我那繪本仲未完成, 有點苦惱吧! 可能因為近排天氣比較凍的關係, 連續幾日都只係九至十一二度, 畫左一陣又返去床上訓一陣, 或多或少會影響進度. 所以完成得唔太多, 而且比大家睇下自己部分完成作品先......

11月14 : 第一日返數學堂, 果日你係遲到, 可能因為如此先開始留意到你......

11月7 : 開始習慣一齊返學, 有日我哋冇約到一齊返學, 我企在蕃薯後面, 佢就打電話問我在邊度, 我哋先可以一齊返學^^

11月13 : 呢日蕃薯買左彩虹糖, 仲倒左好多在我手上, 我驚住彩虹糖融在手上, 於是全部倒在口內, 所以呢張畫我咪講[so sweet]囉....

11月17 (i) : 其實我呢日又冇約蕃薯一齊返學, 我同自己做個打賭, 話在小巴站撞到佢的話, 會問佢有冇女友, 結果...咪比我撞到佢, 但佢一直傾電話, 直至落左車之後先至問佢, 嚇到我呀.....

11月17 (ii) : 又係講同一日, 我哋成班同學約埋一齊食飯, 蕃薯成日蝦我, 要我一直追打佢, 於是我決定影佢張相打小人, 但我點會真係打佢, 其實我只係想要佢一張獨照^^

11月22 : 呢日係星期四, 話說星期六唔使返cs堂(2:00 - 5:00), 呢次係佢第一次主動約我去街, 而且冇其他同學仔, 咪即係約.....約會!?

11月23 : 最後你話自己隻腳整親, 叫我去你屋企度!? 我都係第一次去男仔屋企度, 當然有d驚嚇啦, 不過你話好多朋友都去過, 這樣都好點....

11月24(i) : 呢日第一次去你屋企, 多得你幫我上網搵資料及你悉心在電話教我黎, 最後終於黎到. 你仲要在車站接我一齊去你屋企, 感動>_<

11月24(ii) : 續同一日, 多謝你幫我化妝及影第一張影樓相, 真係好開心呢~而且仲叫左你媽媽幫我哋二個影左張合照^^

11月24 (iii) : 果日我哋一齊坐車返學, 你訓左我大脾....個袋上, 雖然唔係太耐, 但也令我難忘...

11月26 : 我哋開始sms通訊, 多數在早上10:45 - 11:20到, 而且已經成為毎日習慣, 直至而家都係!

其實仲有少少我覺得唔係太靚, 想再修下先post上黎.....我只係完成左十三張到, 距離目標七十張仲差好遠, 睇黎我只好盡量努力!!我覺得一定唔會在情人節之前完成囉, 或者會在佢生日時, 連埋一本新繪本比佢. 至於情人節送咩??我都仲未知, 仲苦惱中.....

和同學仔唱k! 可惜...

今日同berry, winnie, 阿駿, 阿光及阿聯去銅鑼灣CEO neway去唱k. 我, 阿聯及阿駿在十點幾到達銅鑼灣, 於是一早去搵位. 好在有k lunch自助餐食, 太好了! 而且仲唔係太貴, 毎人只係70元, 這因為阿駿有會員咭之優惠吧!?

k房內的座位, 好大張梳化, 好舒服^^

好like佢個大電視! 如果我屋企個電視好似佢這樣大就好.....

我哋入到k房之後, 當然即刻唱歌, 其後winnie及berry黎埋, 我哋邊唱歌, 邊出去搵野食, 都幾開心架! 可惜果度唔係太多野食及食野時間仲好短, 我哋食得唔係太多. 雖然佢比我哋由十一點唱到四點, 但只有一杯飲品, 未免有點過份吧!? 不過算啦, 呢個價錢就係這樣, 我哋可唱好多歌咪得! 其後k lunch過左, 阿光先至黎到, 我哋一於照唱, 當中winnie點左好多好笑的歌, 有春田花花幼稚園好多歌, 如[一二三四五六多勞多得], [豬腩肉]......其中有首好好笑的[斎老味], 好似粗口添!? 但足以令我哋笑到碌地.

不過最抵死都係阿光及阿聯唱首歌叫[my melody], 佢哋把佢改左[my fantasy], 仲要話係我唱=_="簡直離譜....仲有我見佢哋點左首有林嘉欣的歌, 跟住我又唔知痴咩線, 竟然點左[二月十四的約會], 實比人話到飛起啦, 聽阿聯講唔知係咪真係錄左音, 如果真係, 加上比蕃薯聽埋就死啦!!??睇黎自己呢次真係大意左!睇黎真係要小心d.

我哋臨走時影左個全照, 比大家睇睇先^^

本來以為蕃薯會黎, 但佢在約兩點幾先至同我sms, 話佢琴晚整好佢屋企部電腦整到成五點幾, 而且我仲同佢一直用sms傾計, 自己也五點幾訓覺; 而佢在六點先至訓, 點知比佢媽媽叫佢八點幾拿野去比佢在旺角居住的阿婆度, 呢個時候佢先至返屋企訓覺. 你果然今日都唔黎嗎? 不過我其實已經知道, 佢一定會為左訓覺而唔出街....我又冇得見佢啦, 唔知係咪真係要下星期五返學先可見到你? 想到呢度不期然灰心起黎....

點知我返到屋企時, 見到佢msn有上網, 仲主動hi我. 我問左佢拿返琴日同波特, 佢朋友在廢工場影的相我睇, 蕃薯話佢個似阿rain的朋友, 但睇相完全唔似的!? 於是我就話[阿rain型d, 但小美更加型!], 仲比左小美張相佢睇, 佢竟然話一點都唔型......嘩!!!???竟然話我偶像!? 不過我最後話佢型d, 尤其係佢有信心時個樣, 佢只係哈哈大笑之後便冇野講....係我講得太直嗎?

去逗利是囉!

琴晚二叔打電話比所有屋企人, 約好今日一齊去飲茶. 我哋大約十點幾先去酒樓飲茶及拜年, 首先各位親戚如二叔, 弟婦先派利是比我先^^

我弟婦第一年派的利是, 值得紀念的說~唔知我有冇派利是比人之機會呢?

我覺得呢d利是封靚d, 係舅母佢哋比, 最衰唔齊十二生肖....我果兩封係狗及雞. 其實我見雞係我至愛的purple先至拿, 之後先去拿狗果封. 蕃薯大我一年, 佢係屬雞, 我屬狗, 連利是封都係一對嗎?

今日蕃薯同波特, 以及佢哋朋友去影一個外表及身型好似阿rain的人, 係去廢工場影的, 最衰要爬黎爬去, 女仔走去果度影相好唔方便, 我都想去呢~只好期待睇佢新相吧!?

新年快樂!? 仲有對唔住呀, 蕃薯!

今日係年初一, 先同大家講句恭喜發財, 新年快樂!! 同埋我想摘錄winnie一句說話先: 有老襯的年生貴子, 三年抱兩, 白頭到老; 未有老襯的希望在呢一年搵到另一半. 但係...有情人但未做老襯果d呢? 惟有希望佢哋和情人sweet及快d拉埋吧! 應該包括埋我自己吧!?

好啦, 講返我哋屋企怖置先, 其實老實講係冇咩怖置, 最多只有個糖果盆 :

仲有在星期二放學之後行左花市, 買左圖花, 而家開左少少花 + 媽媽買的康乃興:
今日早上先同父母拜年, 之後要去我姑姐屋企幫佢寫一篇audit report, 所以再冇去其他地方拜年. 我去到姑姐屋企時, 佢準備左好多食物我食, 午飯食佢出名煮的烏冬, 晚飯食煲仔飯及洋怱雞肉, 仲有個蒸得滑滑的燉蛋做甜品~我覺得呢日似食野多過似寫報告.所以最後咪唔可以寫哂成篇報告....

當中我都有同蕃薯sms, 佢只知我去人哋屋企寫報告, 仲問我做成點, 而家做緊咩野, 本來一切都好正常; 點知我自己無聊定貪玩, 便惹左個禍黎, 我本來開玩笑同蕃薯講話在某人屋企, 其實佢唔知我係幫姑姐手, 佢好似好擔心, 佢成日問我在邊度, 又問我好夜都未走及我係咪在人哋度過夜....對唔住呀, 要你為我白擔心, 而且我知你應該唔開心吧!? 因你在sms內毎句說話的語氣都好認真, 平時你總會有個哈哈笑圖及成日[哈哈哈..]的, 但你幾句說話都冇....除左對唔住外, 我唔知道講咩野...

我已經立即同你解釋左真係去姑姐屋企幫佢做功課, 講笑話氹你, 你又冇覆我; 你唔覆我係應該的, 我唔應該講呢d野出黎令你唔開心, 我好擔心你, 期待你的短訊, 加上自己又咳, 令我成晚訓唔到, 滿腦子都係你, 而家先發覺你對我的重要......但其實sms呢件事仲有下文, 就係其實佢有覆我sms, 只你因為我個電話冇電, 又開又關, 所以到聽日下午先收返哂佢比我短訊, 原來佢冇嬲到我, 太好了^^我以後唔會再開玩笑來激你, 我都係呢句 :[ 對唔住呀, 蕃薯!]