提早放工!?

終於到08年最後一日啦, 也係大除夕, 大家顯然都冇咩心機工作, 只係一直等放工. 都到左三點, 老闆娘都仲未叫走既!? 睇黎今日都係冇咩希望早走, 都係繼續工作吧!! 真係好想快d返屋企啊~

直至四點, mooji係食飯時間前同老闆娘買個成三千幾元既手提, 我都好想出雙糧, 好想買其他野~只怪自己之前唔爭氣! 不過原來candy係上年剛入職時同我一樣, 都係按比例去出雙糧, 睇黎我真係不用灰心, 但都要努力. 講返正題先, 點解會講到mooji買電話呢? 因為佢四點要去拿返個手提, 老闆娘也係呢段時間放工, 我哋三人仍然呆呆係公司, 直至到mooji拿個電話上黎, 都已經成四點幾, 佢先同我哋講話老闆娘比我哋五點半放工!? 吓!? 咪即係只提早半個鐘頭走.....真係有d掃興呢....

老闆娘之前買既吸塵機會係今日送到公司, 結果成五點半都未送黎, 我哋要一直等, 直到五點五十分先送到黎!最後我哋只可以提早兩個字走人, 真係可憐呢....

夜晚十二點前係fb同哂所有好友講新年快樂, 估唔到要同好多人講, 包括所有同學仔, 好友, fb度認識既朋友及係英國居住既親人, 成三十人到, 本來想寫埋老闆娘及同事落去, 最後都係覺得唔好呢. 大家都係早d訓, 迎接呢日既黎臨吧!

不是雙糧的雙糧

終於要返工呢, 好唔捨得果幾日假期, 又要返去作戰! 一開始返到公司先開左人工票. 我哋係開人工支票前, 會先開左張紙比老闆娘睇先, 老闆娘同我講要改野, 唔通我計錯數!? 原來係今個月出人工, 見到毎個人都真係有雙糧, 點知睇到我自己時, 自己竟然得九個月糧!? 點會咁架, 差咁多都有. 差唔多同一時間入職既mooji都有雙糧, 只有我冇, 好鬼傷心, 但又唔可以表現出黎, 只好一直低頭工作.

好在今日有好多地方要去, 先去美孚永亨銀行, 之後又去旺角及尖沙咀, 都可以去成個幾兩個鐘既, 真係唔想留係公司度....都叫可以輕鬆一下, 真係唔想返公司, 就咁樣周圍行下, 唔知之後有冇呢個機會呢?

我心內都不停安慰自己, 鬼叫自己之前唔比心機做野, 成日比老闆娘和同事鬧, 甚至老闆娘話炒我, 和同事講話佢哋有花紅, 自己就從來冇聽過, 到而家有九個月花紅, 都係一大進步吧!? 唔係佢哋比機會自己, 我都唔會有花紅, 加上又可以解決到學費問題, 自己應該開心先係. 但我拿住張票, 一點開心既感覺也冇, 唔足一個月既糧, 固然係唔開心. 仲有另一件唔開心既事係, 聽candy講, 個同事mooji竟然同老闆娘講話我之前成日做錯野都有雙糧!? 有冇搞錯呀, 我都係對你d野你先冇錯, 平時你打單都有錯啦, 竟然咁樣話我!! 呢個人都係口是心非, candy同我講話以後唔好同呢個人講太多野, 除左呢件事外; candy同左個幾月糧, mooji係一日之內問左佢三次幾個月糧, 自己得到份雙糧咪算, 做咩走去八人哋出左幾多, 跟本都唔關佢事, 呢兩件事令我越來越對mooji冇咩好感外, 自己也怕左佢. 睇黎以後都有排煩, 我覺得唔理佢好似係最好的.....

candy也同 我講, 老闆娘都同佢講過話如果我比心機做同埋少d出錯既話, 會補返之前既錢比我, 到底係加人工, 定係補返雙糧比我, 我就唔知道. 不過我都聽左老闆娘話加人工比我, 而我都比心機做野, 咪又係冇加, 都係得個聽字就算. 自己等個市一好就即刻走人, 即使未讀完個會計學位, 只要有機會我一定會走, 而家等既係一個機會, 希望呢日快d黎臨~

再去shopping~

琴日同完tracy去shopping之後, 今日同姑姐去, 都係去旺角啦.....點解最近成日都去架!? 同完蕃薯又同tracy, 之後又同姑姐, 短短呢五日之中有三日去旺角, 會唔會密左少少呢? 不過同自己朋友及親戚去, 都好過和同事去, 呵呵~

去到先食左個lunch先, 姑姐問食咩, 當然係日本野, 而日本野唔少得既當然係~三文魚炒烏冬^^諗起都漏口水呢, 仲有今日送三文魚壽司, 全部都係三文魚, 簡直一流~

有點可惜既係....d烏冬唔夠多, 同埋我唔記得左影壽司....><

食完野之後當然去運動下, 當然係shopping啦!! 首先行左旺中先, 見到好多舖頭, 都冇咩岩心水既款式, 睇黎姑姐都係冇咩心水, 行左全個中心都冇野買....於是走左去花園街行下先~果然冇去錯地方, 果度d野都係平靚正, 姑姐買左兩件連身裙, 我就買左一條灰色既緊身褲, 睇黎我著上身都係肥啦, 但見到個公仔著出黎咁靚, 自己都係買左=.="

行完街之後就去報名, 當然係報我之後讀果個會計啦~目的地係HKU space係美孚既學校, 自己竟然唔記得帶筆都有=.="好在學校有筆, 又要拿拿聲拿張身分證出黎影印, 不知幾狼狽, 好在最後都可順利報到名, 唔知幾時先知收唔收我呢? 聽我姑姐佢哋讀過hku既hi dip, 果間學校一定會收, 因個hi dip係可以直升既, 咁都好d^^

報完名之後都係返屋企休息一下, 好累呢.....

返去又玩下fb既pet先~今次有埋個lolita頭飾, 好貴啊!!要成二千元><

睇你都係同我一樣咁懶啦!! 買張床比你訓夠佢><

充實, 開心

成日係屋企覺得好鬼悶, 於是早上同左父母, 同埋姪仔出左去食早餐及開埋飯, 起初都唔知食咩好, 一時話去飲茶, 一時又話食西餐, 一時又話上海野, 究竟食邊樣架? 最後都係決定左食上海野, 好耐冇食過啦~正! 快d去食囉~

唉呀.....影唔哂全個名添!? 呢間野食野唔係太貴, 都幾抵食既~

好鍾意店舖內呢粒星星, 因星星代表我的[成], 而且覺得佢好得意~~o~

我哋毎人叫左一個飯及麵, 媽媽叫左炸豬排炒菜飯; 爸爸叫左個水餃麵; 至於我呢....叫左個炸豬排雞翼麵, 同時叫我既至愛紅油炒手, 呵呵~

先黎左紅油炒手先~竟然有肉鬆既? 味道麻麻地啦, 汁好似唔係好夠spicy...

我叫左果個麵, 其實我都幾失敗, 食到一半時先記得影相.....

食完飯之後同爸媽一齊去買送, 準備返屋企既同時tracy打電話黎, 大家約好左行街既地點及時間, 係葵涌廣場門口等, 兩點三見面, 不見不散囉~大家見面後即刻去買及睇衫, tracy好耐冇買過衫, 睇黎佢好多心水呢, 而且行完葵涌都仲未夠, 我哋先去左平時同學仔食開既上海餐廳後, 再去旺角行衙街. 大家邊行邊傾, 最後大家都買左好多野返屋企, 由於tracy不願把自己及唔想比人知佢買左幾多野, 我唔post佢既相啦, 睇下我既戰利品囉~

好貴既一本vivi啊!! 求下日本yen唔好咁貴啦, 我猶豫左好耐先買!! 見有倖田來未做封面先買!!唔想捱貴書><

買比自己既一件衫, 見而家興返間條, 加上只係三十元, 連埋belt及頸錬架!! 咁抵, 買件黎著下先~

買比個妹既連身裙~佢又like波波及雪花花紋, 就買件比佢啦^^

我恨左好耐既毛毛boot, 終於比我買到啦!! 最貴竟然要成二百元, 咁當然咁貴我唔會買, 呢對只係百幾元^^

買左唔係太多野, 但已經好開心~好想好似tracy咁狂買野, 可惜我冇錢, 仲要交會計degree既學費, 冇多餘錢買衫, 好慘....聽日同姑姐行街及報名讀會計degree, 又係大出血的日子=.="

悠閒的一天

今日依然留係屋企休息, 係度玩下fb之類啦! 我聖誕節咁無聊, 好在我妹介紹我玩隻pet society, 我整到pet好得意, 我鍾意兔仔, 又鍾意lolita, 呢隻game就可以滿足我呢個願望!

我儲左好耐錢先可買到既lolita! 佢真係懶呢, 訓鬼左....毎天都寫下佢既日記先 (睇黎我真係玩得short左, 死得=.=")

隻寵物名叫做kuMIMI, 係蕃薯成日叫我既花名黎, 我自己又覺得幾得意, 於是就用左呢個名. 本來我都想叫龍龍, 之唔係又係蕃薯幫我改埋既騎呢名, 因我叫暴龍, 唔知點解叫左我龍龍...真係幫我改得多花名, 不過都係叫kuMIMI可愛d^^本來呢隻pet想叫fantasy, 但都係唔好, 費時又比佢d朋友或同學仔誤會就唔好啦><

同埋係fb度見到菜菜成日病呢....要小心保重身體啊!! 你近排好辛苦呢, 等你好返之後我哋同mandy去食飯行街先~

對方的心意...是互相喜歡對方嗎?

自己幾唔願意都好, 始終都要返工. 一返工比保安截停, 要求比身份證登記. 第一次返工要比人查身分證, 感覺上有點怪怪地....街上一個人都冇, 我哋工作果層只有我哋公司d人返工, 所以特別寧靜, 我愛上呢種寧靜既感覺; 最後得知阿珍因食飯問題同佢老公吵架, 最後各自回家, 早知我都同阿珍去玩啦, 起碼自己唔會咁寂寞, 也可能唔會同蕃薯吵架, 一想起佢我個心就痛....有人話愛既反面就係恨, 我而家咁恨佢, 其實自己仲恨佢嗎?

我send 左sms比蕃薯, 叫佢同tracy一組, 我係一月十日唔會返學, 蕃薯問我做咩果日唔返, 但我都冇答佢, 一個小時後, 佢再send多次短訊問我做咩, 我都冇理佢, 直至放工, 我哋之間連一個sms都冇. 後來我同tracy講話唔會同蕃薯一組, 佢都覺得好驚訝, 佢話點都好, 做埋最後一份功課都好, 即使我唔識電腦, 佢都願意同我一組, 多謝你^^之後蕃薯打左幾次電話比我, 我都冇聽電話, 直至我一返到屋企msn上網時, 蕃薯即刻叫我聽電話, 我聽到電話佢問我到底想點, 睇黎佢好嬲及好激動...講講下都已經混亂, 我聽到蕃薯佢哭, 我識左佢成一年幾, 第一次聽到佢哭, 有幾句話令我印象都幾深刻:

[我唔係唔鍾意你, 而係我覺得我哋根本溝通不足, 我講左A, 你又講左B; 仲有最怕你胡思亂想, 令我覺得好怕. 你的確係好好, 你對男友(蕃薯)好我係知, 如果你走左之後, 我相信已經搵唔到個好似你咁好既女友, 我其實都想當你係我女友咁看待, 但我又驚傷害左你. 我之所以唔同你拍拖, 但我唔想你辛苦, 因我好有異性緣, 好易同女仔熟, 就算只係同普通朋友傾計, 人哋都會誤會同d女仔有野, 我也因為咁先會同之前既女友吵架及分手.]

聽完之後, 我覺得好感動及慚愧, 原來你咁為我設想^^也令我明白自己聖誕既行為係幾咁無知及幼稚, 我唔想蕃薯再哭再傷心, 我只想佢可以開心, 於是我同佢道歉, 話佢唔係我角度諗野, 我又何嘗唔係, 我同佢溝通不足係因為我既表達及理解能力差, 同埋起初我係介意你同d女仔會太熟, 令我好驚, 但我相信你唔係一個隨便既人, 如果你係講大話, 你唔會傷心到躲在toliet內哭, 因我知你好重視你媽媽, 唔會比佢知你傷心難過, 要佢擔心, 我唔想再令你以後都係咁, 於是我決定親自黎搵你, 本來同媽媽去食飯既你轉左地方, 仲要同我一齊~一去就去到旺角咁遠, 你話想去散下心, 我哋兩個加埋你媽媽行啦! 目的地係旺角!

估唔到我咁早到過我, 仲打電話問我係邊. 你都係去睇相機先啦, 佢又想買過支燈啦=.="你d玩具好貴啊!!旺角分店冇哂貨啦, 只有油麻地先有, 但佢真係好想買, 不過又唔識路, 都係我帶你去買吧! 最後好在你都買到, 我哋三個終於有飯食^^

本來提議去澳州牛奶公司食快餐, 但你哋兩母子要搵個坐得舒服既地方食飯, 最後去左女人街, 果然有好多野食, 但你地最後選擇左去食西餐. 我又同蕃薯都睇中左同一個飯, 又叫左同一個飯, 近呢幾次我地都食同一樣野, 唔係口味真係咁岩吧? 你媽媽就食得清淡d~

我哋叫既奄列雞排石頭窩飯~都唔係奄列黎既, 只係普通蛋. 雞排都幾滑. 整體上全個飯係幾好味, 可惜個飯太多油及太漏, 我食剩左雞排=.="
\我叫果杯咕咕力, 個樣幾high~蕃薯及蕃薯媽都以為要加錢, 點知都係同佢哋奶茶及檸茶同價, 勁抵!

食得真係太飽, 我哋行多一陣先搭車返屋企. 我買左個海嫘型既包, 你就話佢係裸女包, 我抵死問佢食邊度先, 佢竟然話食個胸先!? 你咁咸濕架!!抵打! 返到屋企我哋又好似以前咁msn, 仲要傾到一點幾, 問我訓啦, 我係乖孩子會早訓, 而家簡直遲啦~你話自己有好多歌黎引我, 整到我兩點幾接近三點先訓, 好眼訓呢....

傷心的聖誕....

人哋話希望越大,失望越大,果然係冇錯.過左個我人生之中最慘既聖誕節....我好奇問下佢聖誕節有冇節目, 佢話自己約左人影相. 我聽完之後唔知點解咁嬲, 於是又再同佢講左我哋關係, 點解佢唔同我一齊及拍拖, 但又有情侶之間既行為, 其實呢個問題都傾左好耐, 最後佢比我既答案都係怕拍拖, 話我成日胡思亂想及亂發脾氣. 係佢覺得唔可以一齊既原因. 不過最嬲果句係佢話我而家唔需要女朋友. 吓!? 咁我呢年係佢心目中到底係咩? 我話之後唔會再見佢, 唔知點面對佢, 佢整左個哭既公仔, 之後我就offline, 因我係同佢係msn度鬧交.....而且佢仲叫我唔好丟底佢, 那時我真係好傷心, 唔知以後點面對佢, 因佢話因我成日胡思亂想, 增加佢既煩惱, 所以佢再send sms黎我都冇再理佢

姑姐叫我去街, 我已經冇心情, 自己邊度都唔願去, 因我見到街上既情侶會諗起上年既我哋開心既日子, 同一個節日竟然有相反既結果, 自己覺得好傷心, 我一直係被內哭, 想一直打機忘記呢件事, 打機的確有用既, 但打完機之後又再想起蕃薯, 自己始終都唔可以忘記佢嗎?

忘記那個自私的人吧! 唔好再理佢及同佢講任何一句說話, 咁樣或者會比較好過少少, 於是我諗到唔再同佢一組做埋最後果份maya, 甚至連最後一堂都唔再返, 總之可以避開唔見的都要避開, 免得見到佢會傷心

究竟佢有冇鍾意過我? 佢對我的感覺如何呢? 自己都唔知想唔想知. 或許唔知會比較好吧! 都係早點休息吧! 聽日要返工呢...

唔好做電燈謄!?

難得一年一度既平安夜, 已經冇拖拍既我今日冇節目, 同事阿珍都冇節目, 同事佢哋提議我哋兩個今日去行下, 我都應承左個同事, 聽完老闆娘及其他同事講, 阿珍好似識路, 加上自己內心有d唔想去, 但又冇理由咁衰仔推人哋架. 於是只好唔出聲.

直到食飯時, 阿珍同佢老公傾電話, 先知道佢老公原來毎逄星期三放假, 但阿珍都冇離棄我, 仲叫埋我去. 不過我就覺得怪怪地, 好似阻住人哋兩公婆去拍拖, 自己見住佢哋行, 而且又同佢哋兩個人唔熟, 感覺好奇怪及岸居居, 同埋覺得好似做左人哋電燈膽, 不如搵個藉口唔好去吧! 我搵到文迪幫我手做左場戲, 就係我用sms叫佢send個短訊黎叫我去唱k, 我另一邊和同事講話d同學仔係玩即興, 係正日先會約人, 最後文迪都幫左我, 叫我六點去尖東唱k, 如果係真既就好呢~最後都成功推左阿珍, 佢同老公去玩得開心d吧!

放左工之後返屋企休息下, 姑姐都黎左屋企, 仲帶左盒咕咕力黎, 果盒野真係好鬼靚, 而且仲好貴><一於影左相先至算^^ 個盒面都幾靚既, 冇節目有盒咕咕力都唔錯既~

只係得八粒. 我哋全家要慢慢品嚐下先囉~

我仲係度期待, 蕃薯唔知會唔會約我呢? 好懷念上年聖誕節同佢一齊開心過既日子, 雖然冇去咩名貴餐廳, 也冇咩貴重禮物, 但只要可以同佢一齊過便可以....係呢日, 蕃薯都只係同佢媽媽食飯, 之後返左屋企, 我哋各自係屋企, 佢都冇約到我, 睇黎呢個聖誕佢都唔會約我, 我哋只係msn度傾左一整晚, 但也係一件不幸既事....

公司食大餐~

早上去左間運輸公司交支票及拿回收據, 見到人哋商業大廈既佈置勁靚, 於是我手痕痕拿部相機出黎影下相先, 我估人哋都以為我痴線既=.="

真係好靚既我先影架! 我公司樓下d裝飾又俗又唔靚, 我先冇影呢!

老闆娘琴日叫我哋今日唔好帶飯, 佢話想同我哋食返餐好既. 老闆娘咁講得, 一定有好野食啦! 好期待呢餐飯^^最後決定去附近間百佳度買刺身及壽司, 老闆娘, candy及我三人去百佳, 剩下mooji及阿珍兩人係公司. 我既責任比較大d囉, 我要拿住個壽司拚盆, 好重啊, 又唔可以整爛@@仲有我至愛之一既海謄及大量既三文魚壽司^^

返到公司開餐囉~!!唔知d野食係咪太吸引, 我一直食呀食, 竟然唔記得左影相, 好哂啊!! 食左好多海謄, 出奇地又唔太腥, 認真好味! 加埋個肥美既三文魚, 簡直係一流! 食完之後仲有老闆娘個爸爸拿黎既紅豆榚及沙拉, 我仲可以食到沙拉, 認真好好味~最後食剩既我哋全部人猜拳, 竟然係猜輸左唔使食, 我就次次猜輸, 都唔知話我係勁定係弱, 呵呵~

不過之後聽到一個唔好既消息, 就係26日果日要返工!!? 因為要就返日本人放假時間, 佢哋二十九號放假, 我哋係呢日先有個補假....嗚嗚....

心如鹿撞!?

今日同事講開琴日做冬,我先知道琴日竟然係做冬!?唔係掛!唔係星期六咩?我突然覺得好慚愧,星期六做冬,我冇返到屋企食飯,去左陪蕃薯之餘,星期日竟然同蕃薯一齊做冬.我覺得自己好不孝!!自己點可以咁架,蕃薯佢地極其量只係好朋友,親人當然比好友重要得多,唔係話好友唔重要,但兩者比較既話係親人重要d麻!!同埋蕃薯都唔鍾意我,我又要離開佢,自己都係放手吧!

再加上d同事話做冬大過年,蕃薯都同你過,即係當你屋企人啦,可能當埋你係老婆囉~等住做蕃薯太.吓!?唔係掛,一齊食飯o者,點會做左蕃薯太!?自己唔太討厭呢個稱呼,但我竟然覺得越來越驚,點解呢?自己都唔知道.我第時仲要自己一個人周圍旅行,點可以結婚架? 結婚咁多野要顧慮,又冇哂自由,自己先唔要.放工之後,我同蕃薯傾過, 我同佢講話琴日係冬至,我冇同屋企人過, 所以咪問你冬至係咪同屋企人食囉, 點知佢同我講話叫我當佢哋係屋企人,仲要整個笑logo...哇~講笑都有個限度呀,咁好易令人誤會,死啦,我知佢會同媽媽做冬,呢次應該只係意外吧?咁岩做完功課去食飯o者,平時都有架啦,只係今次時間係巧合左d.相信只有呢次,之後都見唔到佢,應該唔會掛!?

我自己無聊睇左冬至既解釋, 睇到自己都O左咀....
冬至: 作為一年之結，必須一家團聚吃晚飯，飯前或飯後吃湯圓，代表一家團圓。
聽網上d人講, 話個媳婦多數會去奶奶屋企做冬. <---吓!? 唔係掛, 唔怪之得d同事咁話我啦, 佢地真係冇呃我?

drama之前發生左件小事, 話說我要印返我份英文劇本, 蕃薯及tracy冇同我去影. 去到library, 我唔知點樣印, 好耐都冇去搵返佢哋, 我最後都冇印到就落返去搵佢地, 剛見到蕃薯想打比我, 甚至走出去搵我, 但我因佢地唔陪我去影印而發脾氣, 蕃薯捉住我隻手, 叫我出去同佢傾計, 我見到佢同tracy都問我咩事, 我唔想見到佢地唔開心, 於是就唔再發脾氣, 兩手攬住佢地兩個, 準備一陣既drama. 途中我好緊張, 捉住蕃薯隻手, 原本行黎行去既佢都企定定比我捉住....自己覺得安心好多^^

好在個英文drama都ok,我哋冇口窒窒,可以順利完成,都講左七分鐘囉!!由於我哋係最後果組,我哋講完drama之後,有d同學留左係度同miss影相,d影完之後再到聖誕樹度影,相仲係波特度,希望佢快d比返d相我啦!!

又打邊爐!?

今日仍然去蕃薯屋企練drama, 睇黎我哋今日比較認真, 不但準備埋道具, 而且仲計埋時間, 希望唔好超時. 我哋反覆練左幾次, 間中睇下西片咁啦~!我哋都可以背到對白, 仲講得好流暢, 你哋兩個做得好啊, good job!!

練完drama之後, 蕃薯要還野比個朋友, 佢個朋友住係觀塘, 而tracy咁岩架巴士又係觀塘落, 竟然叫tracy幫佢還野!? 聽佢講好似可以係深水步還比佢朋友麻, 做咩要tracy去架? 佢叫我先送佢去車站, 佢一陣會打電話搵返我? 我呆了一呆, 覺得好似有d騎呢, 於是同tracy出門口, 但tracy發覺佢唔記得拿件外套, 於是要中途返去蕃薯屋企. 最後呢, 就係我哋全部人一齊去同tracy等巴士....tracy走左後, 時間仲早, 原本以為返屋企休息下, 點知蕃薯問我同佢媽媽去邊度食飯, 最後我哋一齊去左大家樂度食飯. 見到蕃薯選擇果個牛肉火鍋都好似幾正, 於是叫左個同佢一樣, 甚至連飲品都係同佢一樣, 因為十元兩杯, 勁抵~我照以往咁, 先由蕃薯出左錢先, 我之後會比返佢, 而佢又會收返錢. 但今日佢竟然一反常態, 竟然唔使我比錢? 咁好?

叫完食物後, 佢媽媽叫左個鐵板燒, 入面有個湯或沙拉, 佢媽媽叫左個湯, 都想要個沙拉, 於是蕃薯即刻拿埋張單, 叫職員加多個沙拉. 我一直望住佢, 覺得佢為左個沙拉而周圍走既樣, 唔知點解覺得吸引呢? 可能係佢真係好孝順, 同埋我鍾意佢努力做一件事個樣>3<

蕃薯媽叫既燒春雞鐵板燒~個沙拉真係好好味啊!!蛋黃醬萬歲!!(吓)

我同蕃薯叫既牛肉火鍋~唔好誤會, 我同佢係一人一個既! 我起初以為只係咁少送....點知仲欠一個送未黎...

個送終於黎啦, 仔細睇下個煲隔離多左碟送. 我呢個全沙爹湯底都幾正~蕃薯果個係半沙爹, 半清湯

食完野之後, 我本來係返屋企, 但蕃薯話不如上去佢屋企, 幫我save套西片落SD卡度, 於是又係佢屋企坐左陣. 點知佢趁佢媽媽沖涼時話佢講英文咁叻, 有咩獎勵, 之後又kiss左我, 果然我哋係唔可以二人單獨共處><休息左一陣之後, 十點幾就搭車走, 佢竟然唔送我到車站, 激氣!!

失而復得?

今朝早唔知做咩, 竟然倒瀉左成碗麵, 我只係食左好少.....我當時真係好嬲, 發哂脾氣. 咁當然屋企冇人先會發顛啦. 我好唔開心, 好想哭, 自己煮得咁辛苦比自己食, 點知不但冇得食, 而且仲要抺地, 洗碗(呢個係必需吧!?), 於是我就冇食野, 去左蕃薯屋企同tracy及蕃薯練drama.

我早過tracy去到蕃薯屋企, 蕃薯媽剛準備煮麵, 佢問我食唔食, 我冇理由把頭先倒瀉碗麵件事同佢哋講, 加上我又唔可以咁唔客氣既, 於是我就話唔使, 點知佢媽媽叫我唔好客氣, 煮一碗麵比左我食, 好感動啊~估唔到麵都有失而復得!!?哈哈~蕃薯媽仲問我食唔食鴨胸, 真係多謝你啊, 無論係咩我都會食架><

係鴨胸伊麵啊~都幾好味架, 至於隔離杯choco呢, 當然唔係我, 只係覺得佢哋好襯先至一齊影埋^^

我食緊麵時, tracy已經黎到, 蕃薯執緊佢琴日同波特, 阿聯及其他跳舞既女仔去影既相, 我哋都拖左好耐, 終於都開始啦~但係...我哋似乎都冇咩心情去練, 於是決定返學校溫, 不過都係先黎個tea set先, 我哋的確係學校係比心機溫書既, 但只係溫左半個鐘就要上堂.

放左學之後, 原定我係返屋企做冬, 本來已經跟埋文迪佢哋上小巴去地鐵站, 點知原本同阿聯及波特一齊既蕃薯突然打電話比我, 問我係邊度, 叫我唔好上車住. 佢今日係等到十點去佢有個姣婆朋友的xmas party, 但而家仲未夠鐘, 於是我咪決定陪佢, 之後先趕住返去做冬, 點知佢哋話會十點走!? 我咪即係趕唔到返去, 結果我最後同蕃薯行左陣街先返屋企, 途中蕃薯話要毎人帶件xmas既物件去party, 蕃薯佢冇, 於是見到條聖誕老人咁既短裙, 手套及帽, 佢見我著住佢去party?講笑都有個譜啦, 穿果件咁sexy引人犯罪咩!?覺得自己好衰啊, 自己竟然為左陪佢而放棄左屋企人!? 不過我同蕃薯相聚既時間越來越少, 就讓自己任性一次吧....

會計課程

今日姑姐比左份野我,係我黎緊呢個三月會讀既degree章程,我終於知道自己讀咩科啦~唔該哂姑姐啊>3<

睇下有咩科讀先~都係有三年既科要讀!我讀果個係[Bachelor of Commerce (Accounting and Accounting Technologies],其實我仲未sure讀呢個,因我又想讀finance,因我唔想讀太多電腦,但finance又有好多試要考,所以都係要考慮下,不過我都係呢兩個course考慮,唔會返去讀返IVE轉頭,放心~Fianace未有資料,只係有technology果邊既科:

year 1 :Accounting (Finanacial)
Accounting (Technology)
Law (Corporation)
Accounting System
year 2: Accounting (external reporting)
Accounting (statement analysis)
Accounting (Computer package)
Accounting (Managerial control)
year 3: Accounting (Decision making)
Accounting (auditing)
Business capstone
Taxation
Accounting (financial modeling)

睇黎有d科目都幾難頂, 尤其係law及audit,我讀hi dip果陣都係剛好合格,呢兩科簡直係惡夢.不過為左自己既理想,點都要項硬上!!睇黎做女強人都幾辛苦呢, 為左未來可以自由去旅行及養屋企, 加油~

點解會咁樣~~~???

話說蕃薯琴日約左我, 今日去佢屋企度練英文drama, 我見佢英文唔係太叻, 驚有d英文字唔識讀或唔識解, 於是我就應承佢今日去佢屋企度同佢溫書. 好開心呀~終於可以見到你^^

放左工之後, 我即刻走到去巴士站搭車去佢屋企, 點知佢打電話比我, 叫我唔使咁趕, 仲話我哋今晚會打邊爐, 仲要話自己係黃大仙!!?吓? 搞咩呀? 唔係溫書咩?你去到咁遠把鬼呀? 快d返屋企溫書啦唔該!仲話唔趕, 星期一就考drama啦, 仲唔溫!!(怒)

結果我又真係聽佢點都有, 坐住架巴士左兜右兜, 差唔多成粒鐘先到tm. 我上到你屋企, 點知你屋企冇人既???唔係掛!? 我再打電話比你, 你竟然話自己仲係黃大仙, 話你媽媽係度, 點知上去一個人影都冇.....!!??覺得有d比人玩囉, 不過都知你冇心, 加上你即刻打電話比你媽媽叫佢返屋企都好d, 不過就要本小姐係你屋企等你咁耐食西北風, 我有股衝動想殺左佢^^點解要個客人係出面等架>< 你媽媽終於黎到, 佢竟然唔知我會黎既? 你哋有冇溝通架><之後你終於返黎, 我同你媽媽都餓死, 點知你仲同我哋講話買左隻咩火牛, 仲要睇你砌機!?我夠啦, 真係好餓囉, 信唔信我呅埋你!!

其實呢部係蕃薯部電腦黎架, 唔知點解張相會變成咁樣...

可能係我未見過電腦入面啦, 覺得都幾得意, 不過見到佢d線太多覺得好亂, 同埋我真係好餓, 我睇睇下都冇咩心機睇. 我同佢講溫書, 佢話呢個時候都冇咩心機溫書, 咁我今日到底黎做咩呢? 終於可以去食野, 如佢之前所講, 我哋兩個同蕃薯媽一齊去打邊爐~估唔到我呢年第一次打邊爐係同佢哋食, 竟然唔係同自己屋企人食添!!

呢間打邊爐好鬼平, 自助形式食野都係四十九元, 勁抵. 呢間野平時好難搵位, 但好彩地今日終於有位, 呢間野既裝修都幾靚, 唔似係食平打邊爐既地方~

一開始已經比呢個地方吸引住我, 真係好靚啊~

你再唔叫野食就真係咬你囉~你個樣呆呆地, 好得意, 等我影下你先^^

呢度自助打邊爐既食品種類唔太多, 而且都唔係太好味, 食物質素都ok既, 加上同自己鍾意既蕃薯及蕃薯媽食, 真係幾開心架! 途中蕃薯媽夾野我食, 我同蕃薯爭住食肥牛, 一齊等住個煲等食物熟, 都真係幾開心^^我以為我哋可以食好多野, 點知只係食左三大碟野咁大把, 而且仲唔係叫咩有咩, 有d野食都冇既><

毎碟都好似呢碟野咁多到啦, 估唔到我哋, 唔係, 係蕃薯先岩, 佢真係擦得!

食完野之後都只係十點幾, 佢同佢媽媽送埋我去搭巴士, 估唔到呢餐都食到咁飽, 蕃薯食飽哂, 個肚好似人哋有BB咁, 我都係叫佢快d返屋企休息下啦, 操身大細, 哈哈~佢仲話有間日本任食sushi, 五元一碟, 希望係聖誕之前開, 做咩o者, 又唔係同我去食, 講黎都哂氣囉~

努力工作~

我之前返工的確係冇用心去做既, 抱住得過且過的心態去打工. 要知道出面打工係辛苦啦, 只係以前旺角返工比較自由, 同埋一直有姑姐睇住我. 佢係知我缺點及提我, 但我總係唔聽佢話, 或者而家係教訓啦, 如果我一早聽佢話, 就唔使比同事話我及老闆娘想我走. 其實真係有d介意老闆娘既說話, 不過諗深一層, 都係自己錯在先, 唔怪得人既, 睇黎自己之後要比心機做野, 令到老闆娘對我改觀.

我承認自己係一條野草, 即使只有自己一條, 遇上任何風吹雨打, 仍然可以生活落去. 工作上我遇上挫折, 不受重用, 人工冇加過, 但我唔會放棄, 要盡力做好呢份工, 無論有冇糧加都好, 重要既係唔可以放棄自己, 願意努力工作及學習, 對自己黎講都會有所得益. 過去發生太多事, 令我一直消沉, 曾經想放棄, 哭過, 抱怨過, 但我也唔會選擇結束自己生命, 因我相信總有一日我會可以振作, 得到自己應得既回報及未來, 而家只係既一部分o者^^

愛情上, 我或者唔可以同自己所愛既蕃薯一齊, 不過見到我既朋友得到幸福, 如菜菜所講, 我應該鄧佢哋高興, 佢呢句說話令我明白到呢個道理, 開心唔單止係自己開心, 如果身邊重要既人開心既話, 自己都會開心, 呢d先係真正的快樂. 所以我沖心祝福我兩位朋友: 菜菜及文迪可以同自己所愛永遠幸福及白頭到老^^我為左理想而離開佢, 呢個的確係我一個痛苦既決定, 但我都同蕃薯講過, 我又唔係去移民或死左, 之後總會再見, 咁當然大家同學都係, 所以我唔會哭哭啼啼離開, 我希望大家都可以開開心心咁效我離開, 完成呢個course.

希望我呢次係真正的學會放開, 我呢年好開心, 所有開心, 痛苦, 傷心, 驚喜, 搵到自己理想及目標, 令我思想及性格改變, 我真係好鍾意呢年, 覺得自己開始成長~

出色的cosplay~

估唔到除左男仔之外, 都有幾多女仔鍾意cosplay, 我係fb度識既兩位好友stacey及yumi都同我一樣鍾意cosplay, 終於遇上同道中人啦, 我仲以為自己鍾意cosplay會好怪, 好在唔係^^咁當然平時扮到好核突果d就一定唔鍾意, 我哋鍾意既都係扮cosplay好專業既人. 咩係專業呢? 除左衣著, 髮型及化妝似等等, 最重要既係佢扮唔扮到角色既神韻及性格. stacey今日比左個網我睇, 見到有個女仔叫kipi既扮得真係好pro及好靚~加上stacey講左句, 如果我哋化妝加好既攝影技術既話, 一定可以做到索女, 我都係做唔到架啦, 都係比你做啦. 我係kipi個fans club度拿左幾張我覺得靚既相^^


佢扮死亡筆記內既妮海砂最似, 都幾似真人啊~

妮海砂no.2及NO.3~真係好靚啊~

除左扮妮海砂外, 佢扮好多角色都好似. 鍾意動漫既大家, 唔知估唔估到佢扮緊邊個呢? 不過就算估中哂都係無獎既, 呵呵~


玉面兔mina~唔知係邊個? 即係電車男出現果個卡通女仔啊><

呢個呢....只要你有睇少女漫畫既實知係邊個, 就係[吸血鬼騎士]既yuki優姬^^



chobits內既阿芝, 我之前好鬼鍾意睇呢套漫畫架~

愛麗斯夢遊仙境~

我個人最鍾意就係呢張~可惜既係我竟然唔知佢扮邊個=.="

仲有你竟然兩點幾send左個sms比我, 仲叫我kuMIMI~好耐都冇聽你咁叫我啦, 好開心啊, 哈哈~

事實之真相...

今日起一連幾日老闆娘出左trip, 公司共剩下我和兩個同事. 佢哋兩個突然講開我哋老闆娘既衰野, 話佢唔易信人, 甚至係同事面前講其他同事壞話, 令到同事之間互相猜忌, 分化我哋. 唔好理同事講既野係咪百分百岩. 覺得個老闆娘係我心中已經唔太好, 點解佢要咁做呢?

仲以為佢笑住對我, 又比d衫及其他野我, 佢真係對我咁好. 原來係幾個月前, 因我工作表現唔太好, 想炒左我, 多得另一位同事話我讀緊書, 剛交左學費, 佢先至冇炒我, 甚至佢仲叫另一個同事做我個位, 代替我個位,..... 聽到之後覺得驚嚇, 點解佢可以咁口不對心, 本來我好尊敬佢, 原來佢係咁對我, 令我內心有d動搖. 我最近呢個月先至努力, 盡量做岩野唔比佢鬧, 希望佢加我人工, 但....而家我努力黎仲有咩意義? 以為一直對我好既人, 原來係傷害我既人, 真係令我對佢已經失去信心. 就算佢之前讚我做得ok, 話有我睇住盤數, 可以令佢唔使煩, 令我已經唔再相信佢, 呢個也係大話嗎? 老實講, 我好討厭人講大話, 我聽到真係好唔開心, 好想走, 但我走左既話我既家用及學費點算好? 於是我同自己講, 一定要忍, 忌到經濟好返既話我即刻走. 咁自己而家要比心機讀好個degree, 學好人際關係及溝通技巧, 令自己更加成熟及圓滑.

不但係老闆娘, 睇黎連同事也要小心. 又係辦公室政治. 不過冇計啦, 無論係邊度打工都會有, 最好既係一直做野, 咩都唔講就最好, 起碼可以保護下自己....唉, 人事既野真係複雜, 也係我怕去大公司工作既原因...

享受那種自由自在

距離我離開IVE既日子唔太遠, 自己會唔會有d唔捨得呢? 當然一定有, 我最唔捨得自己所愛蕃薯, 雖然只係短短一年, 但係佢身上我學習不少, 尤其係點樣去愛一個人. 我知我即使離開, 我都一定會想見佢, 好掛住佢. 只係今日冇見, 點解會咁想見? 之後一定會少左好多時間, 一定要習慣下啦~!

無聊起黎執下自己間房, 尤其係個衣櫃, 簡直係亂到飛起, 好似幾世冇執過咁既樣. d衫亂到死, 我用左成個鐘先至執返好, 可想然知我個櫃係幾亂....

登登~執完之後四正好多啦, 上面個膠櫃係擺褲褲, 下面果個係擺裙, 旁邊掛住d褸, 睇黎我都幾多褸, 可以唔使再買. 仲有褸果度掛左個袋, 個袋擺哂我d頸巾. 有成七條咁多, 多數都係人送比我=.='

有機會再怖置下我間房, 好難得有自己既一間房, 最好整到好似架妹咁既房就最好. 個會計degree成3月1 日先開學, 有兩個月放肆, 得閒自己休息下, 又或者搵下朋友及同學仔食飯都唔錯呢~

執完櫃之後, 我又寫下份英文劇本, 又download下nds既遊戲玩, 我終於成功upgrade到最新版本, 可以玩新game, 好耐冇打過機, 都係琴日玩完阿光果部nds後, 自己舖打機隱又返黎, 不過都好既, 可以唔使再諗煩人的愛情, 自己都幾enjoy那份自由自在的說^^

開心的一晚

好難得地,放左學都可以成大班同學去食飯,對上一次好似已經好耐,好開心.其實係自己覺得和同學相處既時間越來越少,於是今日無啦啦發溫問佢哋食唔食飯,好在有多位同學,排名不分先後既,分別有蕃薯,文迪,berry,阿聯,波特,阿光同阿駿都話去食飯,多謝你哋啊^^

阿sir曾經同我哋講過, 如有人中途唔讀既話要係二月拿返張cert, 波特以為冇人走時,我就講出我讀埋呢個sem就唔讀既消息, 佢竟然問我係咪講真, 我都有d意外, 我都冇同佢講過話走,點解佢會講呢句呢? 唔通係蕃薯有野會同佢講? 似乎佢都同意我唔讀呢科呢....我哋幾個等左好耐都冇巴士, 於是我哋又再次影起相黎~

是但影既一張相, 不過真係好樣衰, 我偷影架, 蕃薯擰個頭過黎做咩=.="

多得阿光既nds, 我可以玩返ff12, 好開心. 就連蕃薯見到我對絲襪花左, 再督下我隻腳, 我都冇咩理佢, 一於遊戲機大哂^^我哋去深水步睇電腦書, 也係我哋呢班同學仔既習慣, 不過冇所謂, 最緊要就係開心~似乎佢哋要搵maya既書用黎做project, 好在佢哋最後都可以買到^^

終於到左食飯環節, 係我最開心既時候, 又可以食餐正既~食飯途中講到大家既未來, 希望係佢哋畢業時, 我可以毎人都送樣野比佢哋, 不過只限你哋及比較熟既人, 但都已經大出血, 呵呵~佢哋最擔心既係係2010年係將軍澳上堂時唔知點算, 加上學費問題, 真係問題一大堆. 我雖然唔讀呢個course, 但都唔好得好多, 我仲要為我既學費而煩, 要交澳幣咪仲死....都係唔好太擔心住, 食左野先啦~

我叫既餐啊~有餃子煲, 烏冬及凍choco!! 其實我點解唔叫牛肉架!! 不過餃子都ok既...

去換新學生證~

對於我黎講, 換唔換新學生證都冇所謂, 因我都唔會再讀落去. 但我竟然擔心蕃薯有冇換新證, 於是我問蕃薯換左未, 果然不出我所料,佢真係冇換, 本來我唔想理佢, 點解我後來會關心佢架? 自己都就黎走囉, 況且蕃薯又唔係我男友, 我理佢咁多把鬼咩! 但我最後都應承左佢, 代替佢去拿學生證, 因佢話呢幾晚冇時間去啊=.="於是我決定換埋自己果張證算數...

阿駿都好好人, 知道我去換學生證時, 佢都話同我去換. 我哋約好左七點係學校等, 但之前我先要去搵蕃薯先, 因佢要寫授權書比我, 我連呢封野都幫你作埋, 仲有你sms度話自己冇帶比你個soft copy, 好在我有帶, 幫你印埋出黎, 加上拿埋去你公司樓下比你簽, 同埋要拿埋你個舊學生證及身份證影印本, 我真係唔話得, 哈哈~

我一放工即刻去搵你, 但又唔敢打擾你工作, 於是只好send sms比你, 但等左你半個鐘都未覆我, 於是我先同佢講話約左阿駿要早d返去, 佢就打電話比我, 仲話我傻瓜做咩唔打電話比佢><比左授權書佢簽名, 同埋拿左佢張分左體既學生證(前後分開左=.-")及身份證copy之後即刻去搵阿駿. 係sms同佢道歉先, 因為我遲到, 佢話唔緊要, 仲話係小巴站等我, 我叫佢唔好等, 先去校務處.

去到校務處時, 見到佢企係出面等我黎, 我突然諗起呢兩張舊學生證會收左, 於是幫佢哋影返張遺照先~

估唔到佢張學生證個樣都ok呀, 我果張就差左d=.="係時候同呢兩張證講再見....

去到counter有好多人, 等左咁耐終於到我~當我幫蕃薯換證時, 果個人竟然記得我係午飯時打過電話黎問野, 原來佢係同一個人黎架!?好快就換完證, 我同阿駿先搭小巴去地鐵站, 仲驚會同佢坐, 因我只係想, 又或者係習慣吧, 只係同蕃薯坐, 唔習慣同男仔坐吧! 唔知個天係咪故意安排, 全架車d雙人位全部full哂, 只剩下單人位, 我同佢分開坐, 好野! 落車後佢送我去到小巴站, 因我覺得搭小巴返屋企方便d...

終於換左新證啦~15日deaadline先去換, 次次我做野都係咁炆=.="

返到屋企黎個大教訓, 之後收到蕃薯個sms及msn上多謝我, 但佢有d代價既, 就係幫我做maya份功課, 當然我都會自己做. 我做左一部分之後, 佢就幫我完成埋其餘部分~佢自己仲貪得意幫個helmet整埋個身, 真係服左佢....我哋邊傾計, 佢就邊玩maya, 我就上網睇周慧敏同倪震分手單case, 果然女人係八掛既, 我仲買埋忽周黎睇, 同時也令我反思, 到底愛情係咩?

屋企大堂的靚裝飾

今日仍然都係唔使返學, 我一早返屋企休息一下仲好, 其實我都想有個男友, 我哋一齊去食飯. 都係唔好發夢啦....見到屋企大堂既裝飾好靚, 我自己都停住腳步去欣賞外, 仲走去影相. 有我最鍾意既聖誕樹添~

我都係覺得冇咩裝飾既聖誕樹比較靚d, 可清楚睇到毎塊樹葉, 咁當然有怖置既話我都鍾意啦!

等我都影返張先~不過我拿太多野, 加上我塊面真係好肥, 張相好核突啊=.="

件衫係我返學之前買, 近排真係好興民族服裝, 既可著得比較女仔d, 又可以型. 加埋件兔毛背心, 連angelababy都鍾意著, 加上流穌boot及裝飾物, 簡直係冬天必備item~

我而家又身痕想入貨, 去買多d先~不過要顧住我之後讀書d學費呀><

難得既斯文look

話說上星期老闆娘送左一條burberry既裙比我,佢話自己已經肥左好多著唔落,加上佢就黎要搬屋, 聽講佢間屋有成千呎,但想清左d舊野,於是佢除左比條裙我之外,仲比左一條頸巾及一頂帽比我~真係多謝佢,令我可以慳返d錢,又有靚野係身,我突然覺得自己好鬼cheap=.="

我最鍾意就係頂帽, 帶左落去好似有隻貓耳. 條裙都好靚, 講真我連條斯文裙都冇, 呢條就正啦!

老闆娘琴日問我, 做咩唔著條burberry裙返工, 可能佢好想睇下我點著及著得好唔好睇, 於是我琴晚努力搵下有冇上身衫襯, 一打開個衣櫃,見到全部都係去街衫, 真係連一件像樣子既衫都冇, 搵左好耐, 終於比我搵到一件, 終於可以著成套斯文衫去返工

出門口之前影下相先~講真我除左見工之外, 第一次著到咁斯文...

一返到公司都預左會起哄啦, mooji即刻拿個電話出黎幫我影返張相, candy就話我今日好索, 好似OL, 可以參加亞姐, 港姐就未到我=.="阿珍及老闆娘都讚我著得幾好睇. 不過我就好唔習慣, 成日覺得條裙好長, 好似做毎樣野都要斯文, 仲有對鞋成三吋高, 平時既話我會除左呢對鞋換返對拖鞋, 但今日呢個斯文look, 著住對拖鞋周圍走會好怪,於是我全日都著住呢對鞋, 真係痛死我! 睇黎都係今日著成咁就好, 之後著返causal就算^^

終於交video功課~

各同學最近都辛苦哂, 終於到左交功課日~大家都好比心機交左自己既心血, 由編劇, 搵角色, 排練, 真正拍攝, 剪片至後期製作, 大家都盡自己努力去做, 而且我仲有份幫人拍戲, 雖然辛苦, 但好開心. 我覺得呢科簡直係最好玩既一科~

唔知係咪好多人仲未完成, 到左七點幾都唔係太多人返到, 阿光, galen佢地組剪緊片, 文迪果組仲未見人既? 今日問佢哋剪左片未, 佢哋仲未覆呢....最後呢個首映禮係大約七點半到開始, 起初都冇人願意開始, 好在galen佢地自動請櫻, 首映正式開始~

阿sir整既今日首映禮既present~

galen及ryan佢哋果組既present, 個劇名叫做終極綁架, 講一個有錢人比人綁架, 三個警察去help人既故事, 全套都好好笑, 尤其個結局, 個差人竟然以為個炸彈冇野, 點知一扔在地下就即刻爆炸, 結果全部人都死哂, 最後係其他電影內拿哂死後既片段, 超正~完全冇咩缺點, 甚至我覺得套戲比蕃薯更好, 當然唔會係蕃薯面前講啦...

第二組終於到我哋, 主角果然係波特及tracy, 都預左啦, 其實全套戲都係集中影佢地, 我只係帶過個故事, 連阿sir都唔知我係劇中個角色係咩....連佢哋後期整個盒及片尾都係用tracy做封面, 不過算啦, 自己已經預左, 最後一次拍片, 冇所謂啦!

第三組係阿賢及阿昌果組, 佢哋部戲個名係友共情, 我好鍾意呢首歌, 覺得好有意思~故事講一個有才能既男仔, 佢身邊有個朋友, 佢朋友偷用左佢個idea, 得到老闆賞識, 不過最後個朋友都有同有天份既男仔講出真相, 仲介紹佢比老闆, 最後大家同埋一齊慶祝聖誕. 故事都ok既, 但唔夾咀型><

阿賢負責present, 佢叫我唔好只係影佢哋, 仲有另一邊既同學!

哈哈~阿賢又係度既? 真係冇左darren就真=.="

第四組係阿光及阿駿佢哋, 由於組員仍為呢段片而努力, 所以只有阿駿一個present. 由於我有幫手拍, 所以都知道劇情既. 係講有兩姐妹一齊入大學, 妹妹遇上自己所愛, 而且仲同佢拍拖, 可惜既係個男仔係花心, 佢一早有女友, 同妹妹只係玩玩下, 姐姐唔忍心見到妹妹咁, 於是聽左一個神秘人既話, 用學校流傳既傳說, 係廣場上圍一個圈, 再許下願望就得, 但當然有代價, 就係用姐姐自己既幸福同妹妹換轉....個故事本身都幾正, 拍攝手法都幾好, 我最like文迪及阿駿拍拖果段, 盡在不言中, 不知幾sweet, 如果我可以同自己所愛都係咁就好~

只有阿駿一個present又真係可憐d啊><

最後一組係文迪, 佢哋果組要過片, miss哂全部同學既present, 我見佢哋咁耐都未到, 蕃薯叫我打比文迪, 其實我都想打, 竟然比佢開口講左先, 哼! 之前其實已經見到berry係學校, 但佢叫我唔好講比人知佢返黎先, 於是我就話佢哋黎緊. 好在佢哋三個最後都到左, 可以present, 但段片未得, 仲未有得睇呢><唔知幾時可以睇返呢?

佢哋呢組終於present啦, 好在都趕得切~

文迪佢地果組既盒及choco, 仲有故事資料....相當之靚~