首先要在個blog度祝姑姐生日快樂先, 就祝你青春常註, 一年比一年美, 仲有身體健康及生活開心^^
除此之外, 仲有祝各位哈囉喂快樂!!無論大家有冇節目, 去海洋公園, 迪士尼, 難桂芳; 又或者只在屋企休息一下都好, 呢一句都適合任何人用. 而我本來有人約我去難桂芳, 但最後我都冇去, 一來同那班人不太熟, 仲有我又怕同人迫, 所以我決定去花園街行一陣之後再返屋企算!不過希望有節目的老友或朋友仔開心d :
wade : 認識你唔太耐, 在msn度只傾過2次計, 多謝你邀請我去哈囉喂, 仲比埋手提號碼我, 但我哋唔係太熟, 去玩好似怪怪地, 都係遲d先啦!
edwin :知你和gf, 朋友去返你其中一位朋友屋企度打麻雀, 不過哈囉喂打麻雀會唔會好d怪?
蔡蔡 : 你在果日都冇野做, 返左屋企, 總之約埋你去行街啦!我都唔介意在公司等埋你, 我做功課, 在公司工作咪得^^
姑姐 : 你又同左人去食飯, 祝你食得開心d. 最衰你約左人, 唔係我哋二個去食住先, 自己又唔使這樣無聊, 自己一個行街, 返屋企啦! anyway, 至緊要你開心便可以^^
welcome to my world...
My beautiful life
My model life since Nov 09~
My sweet life w/ bf joejoe since Dec 09^^
My model life since Nov 09~
My sweet life w/ bf joejoe since Dec 09^^
今日在msn如常和朋友仔傾計, 突然fantasy佢在msn度hi我, 於是同佢講左幾句, 除左問人果d例牌野, 如在邊度工作等等. 佢原來同我工作地方都算近, 佢在深水步, 我在旺角. 於是我哋見順路咪約埋佢一齊返學, 其實呢次係我第一次同男仔返學, 有d緊張呢~(吓?有咩緊張? 又唔係特別關係!!!)
我約左佢在深水步車頭等, 但我因為最近我的入口在車尾, 所以轉左在車尾. 在我去坐車時, 見到有二個少少日本打扮的男仔在我身旁擦過, 仲講左個字[好美]添, 我四周圍望下, 發覺身邊都有d女仔, 所以我不以為然, 照去月台坐車. 當我企在度等車時, 又見到二個型仔, 仲企左在我斜後面...
之後上車時fantasy打比我, 問我去到邊度, 果陣仲在旺角, 要加緊步伐去先得, 坐車途中見到其中一個男仔, 啊! 唔記得左講佢外表, 佢一頭橙金髮, 斜長陰,我見佢時不時會望住我, 另一個就冇望我. 不過都只係得個睇字, 咪又係冇結果!
我到左深水步之後就落車搵fantasy, 剛好佢又見到我, 於是又上返二個型仔果一格(唔係掛?玩野咩!) 又再次見到個型仔, 而且今次加多個fantasy,真係比所有型仔圍住, 平時真係冇咩機會架, 而且有時又比人望下我哋, 真係好鬼死正!!如果之後都可認識d型仔朋友, 被佢哋這樣圍住就好^^
最後遲到左二十分鐘, 返去即刻考英文oral, 結果咪只有死路一條! 而家惟有希望呢一科都合格就好!
都唔知點樣形容今日呢個情況, 呢d係咪所謂的:[一啖砂糖一啖屎]?
p.s. 原來fantasy都有睇top model 架, 好野呀! 仲有原來佢認識化妝, 少少set 頭, 而且仲對時裝衣著有d講究, 香港好少男仔係這樣架!!
有個同學仔fantasy終於忍唔住打電話去問, 佢想集齊所有冇交學費同學姓名寫在紙上, 一次過問下負責我哋呢一科的阿sir, 於是佢打我手提問我, 知唔知其他冇交學費的同學仔姓名, 其實連我都唔記得左, 於是佢會在聽日上英文堂時, 先至一齊收集其他人姓名.
佢都幾得意呀, 我見到佢在msn都有上網, 點解要在工作時間打電話比我呢?又或者好似蔡蔡講, 有d人比較鍾意直接問對方, 即刻知個答案掛! 不過我係一懶得打電話比人的人, 所以多數會用msn, 故對於fantasy此行動咪有d奇怪. 不過呢個世界有好多唔同類型的人, 要嘗試接受其他人的處事手法!
仲有在放工時, 靜又打電話比我, 而我也同佢講左學費呢件事, 佢也覺得IVE職員工作有問題. 原來佢之前都在IVE讀書, 佢在報名問學費點交之類, 果度職員把呢個問題推來推去, 推到最後連個職員本身都唔太識用. 最後佢大聲話果度職員, 叫佢哋唔使幫佢, 等佢自己做返. 職員叫佢等一陣, 但佢因為要返學就走左
唉!!究竟IVE果度d員工係咪真係有工作能力, 佢哋內部管理, 係咪真係有好多問題呢? 呢d留返比各位思考....
其實琴日篇blog打漏左一件重要的事, 就係在攝影堂點名時, 阿sir同我哋全班講部分人冇交學費, 當中包括我及mandy. 我哋都百思不得其解, 明明我哋開學之前都有去東亞銀行交, 點解話我哋冇交呢?
後來在男同學fantasy口中得知, 我哋原來在報名填表時要選擇一個星期返幾多晚, 我和mandy應該都選左三晚, 但其實呢個課程有四科讀, 即係指定要返四晚啦, 這樣點解在開學時仲要我哋選擇? 加上所有科目都返左2個月, 點解而家先要我哋補回學費?
既然要補返交學費, 點解IVE又唔用e-mail, sms, 電話等等通知返我哋? 要在點名之中先比我哋知道. 總之真係唔知IVE果度d職員在果度做咩, 係咪只係返去白逗人工架. 除此之外, 我毎一次上堂都要去office度問職員在邊度上堂, 果d人拿個上堂時間表在枱上搵, 結果都係我搵到先, 之後再話比佢哋知. 唉!!我冇留意上堂地點我都有不對的地方, 但佢哋職員辦事能力真係令人質疑, 總之就係比d人激死左!!近排拿哂d錢去抽新股, 都係睇下銀包有冇錢比學費好過啦!
今日要又要上返CS及攝影堂, 又係講左CS堂先, 其實CS 第一份功課係全組約4-6人設計一個迷你遊戲. 經過2-3個星期的努力: 由大家各自思考設計, 統一大家意見, 互相討論及分工合作之後, 我哋的作品終於完成, 太好了! 而家可遂件ｓｈｏｗ比大家睇睇:
呢個係我哋個遊戲全圖. 首先要為呢隻遊戲介紹一下先, 佢個名係[極速瘦身大激鬥], 在遊戲開始,毎名玩家有總共三百磅的體重卡, 佢哋透過在棋盤上走動及抽卡去減到１００磅以下便勝出
呢ｄ係決定自己體重增加或減少的卡的背面, 類似係機會咭的東西, 當中有ｄ內容都幾好笑及得意, 當中有ｄ比較得意的句子:(1) 燒野食, 個個都鐘意食, 燒得這樣開心, 就送你二磅肥肉
(2)午夜夢迴, 遇上突發火警, 由２８樓走到落地下, 成功減去十磅肥豬肉....
仲有仲有好多幾好笑的句子, 在呢個ｂｌｏｇ度唔可以打哂!由其中二位女組員:winnie及阿ling構思, 之後再比大家組員過目及修改. 改好之後由阿ling 用printer 印出, 再拿去過膠. 至於ｄ磅數卡背面也係呢個圖案, 但顏色係粉紅色, 我唔記得左底......
呢個係決定玩家在棋盤上走動步數類似dice 的物體, 其實係一名男組員Ryan(壞人)用舊玩具改裝而成, 真係做得相當精緻呢~成個磅型也好切合主題!
呢個就係我哋呢隻遊戲個盒的封面. 其實個盒係組員自己整, 而且仲左好耐. 封面就由一個男同學叫阿光去設計, 佢畫公仔都幾美架! 而我係冇幫過手, 只在旁聽睇住. 有ｄ人可能會問我, 我在呢隻遊戲入面做過咩野? 其實我係負責去整棋子, 以下係本人及妹完成之傑作:
公仔設計及抄襲？都由我去負責, 而公仔上色由我妹負責. 呢次係我第一次叫我妹幫我做, 平時都係自己工作便自己做好. 豬仔就係我抄機會及磅數卡的公仔, 務求令到全個遊戲的公仔一致. 至於二隻企鵝係源於一隻PSP的遊戲, 因為呢次主題係動物, 加上佢哋太可愛, 所以就做左佢哋作為呢個遊戲的棋子.....
呢一本係我哋在制作呢隻遊戲時的製作花絮, 完全紀錄哂我哋的製作過程的所講過的句子及相片, 其實呢個係我哋毎組毎組必定要做的工作. 入面真係好鬼美架, 我都好鍾意, 睇返呢本野, 先知我哋原來經歷好多過程先可完成全個遊戲. 而我也幾鍾意合力創作呢個過程, 都幾開心^^
不過之後有一件唔係太開心的事, 就係要做設計的另一份功課 -Filp book, 其實呢樣係用拍紙簿畫個公仔, 最後揭開本簿時個公仔會走動. 講得簡單d, 即係創作動畫時的過程之一. 呢次miss唔準我哋用電腦畫圖, 全部都要人手畫. 因為miss 要知我哋畫功及構思, 換言之, 呢份功課好考各位同學之美術功力. 而且要自己一個做, 都有ｄ緊張呢~
上完堂之後就黎到攝影堂, 我也好緊張, 因為份攝影功課要present, 加上自己d相又影得唔太好, 意念又唔知會唔會太幼稚? 但唔理啦, present左先至算. 最後都唔知自己好唔好彩, 由於今次我冇燒碟, 所以放在阿sir部電腦入面, 而阿sir係抽碟逐一搵同學仔present, 呢次只搵左半班同學仔講, 仲未到我, 我要在二個星期之後先要present, 究竟呢件係好事定壞事?其實我都好想好似mandy, 一早講左就算數; 但自己又唔想把自己作品在各同學面前獻醜. 不過算啦, 馬死落地行,第時先至再算!
做完ＣＳ及攝影功課之後, 今日的數學測驗完全未溫過, 死啦! 呢次實死, 希望唔及格得黎有個譜, 唔好太低分就好......
所以我今日勁唔願意去上堂, 而且仲遲到左２０分鐘. 好在佢一開始就講書, 如果係測驗就真係死得! 佢又講ｄ好難明的數, 我也覺得自己開始唔係太跟得上, 但我都會努力! 教完書之後先生話會調個大少少的課室比我哋測驗－我哋毎個人都要隔位坐, 但比我哋睇住筆記測驗. 不過都死得啦, 對住筆記又唔識做咪又死!
測驗終於開始, 我一收到份試題, 我全個人都嚇呆左, 竟然要在一個鐘之內做哂7條數? 如果對課堂唔太熟咪真係死得? 結果我真係做唔哂, 欠左一條未做, 惟有希望之前果ｄ做得正確, 及全份試題合格就算. 先生收左試題之後, 我心想住:[我一直都冇溫過書，就算唔合格也應該！]黎安慰自己
之後ｄ同學仔好興同人對答案, 我也唔想聽啦! 其實對左都唔知自己對唔對, 仲對黎做咩鬼? 不過有個男同學講話驚自己拿唔到90分? 那時我真係有ｄ想打佢!不過算啦, 之後仲有第二次測驗,只要第時在第二次及期考努力返咪得. 呢科也令我想起讀audit時, 我測驗也只有30分, 不過最後都可以合格. 我本來自果件事之後, 都再冇機會再遇上, 點知呢一科都係這樣! 惟有而家再次努力, 好似audit這樣有奇蹟出現!
本來毎個星期六都有CS堂, 但上個星期取消左, 改左在今日補上返. 而我也被迫取消左去美容院做facial. 冇計啦, 都係上堂大哂, 間美容院點都會補返比我, 總之佢毎次都有美容記錄, 唔使自己憂心.
我都可以準時返到學校, 而且撞到mandy, 我哋一齊去搵課室, 因為今堂個課室和之前上堂的唔同. 但我哋二個搵左好耐都搵唔到, 直至見到miss, 我哋三個一齊入課室, 個miss仲講左句 : [上堂在果度訓教會好舒服?]我估我哋二個唔會掛, 這樣咪即係好唔尊重佢?
今日又係和另一組一齊上堂, 其實自己對佢哋印象麻麻. 之前同佢哋一齊上數學, 佢哋都已經好嘈, 令到我哋組同學仔聽唔到書, 當然呢次也是, 佢哋今次坐在最後面, 但講野聲浪已經大聲到前面都聽到, miss已經叫左佢哋安靜, 讓我哋組可以聽書, 但佢依然大聲, miss 及我哋組只好無奈接受. 我自己覺得, 佢哋唔聽書係佢哋的事, 點解要打擾我哋, 最後仲要默默忍受? 可能係我哋太過善良又好, 怕與人爭執都好.
但有一件事更加離譜, 真係好難令人忍受, 就係另一組有三個男同學在中途突然離去, 因為依照IVE的 rule, 同學在中途離去當做冇返學處理, 所以miss 一定要問佢哋姓名, 但佢哋都仲未答miss就走左, 令到miss勁嬲, 於是同第一組的同學講 : [如果佢哋班唔去問個三個同學叫咩名, 當全班同學冇返!]我都係第一次見到miss這樣惡, 令到全班靜哂, 之後另一班都即刻搵返果三個人, miss先再為第一班同學點名.
其實讀得夜校的, 我覺得應該比日校的同學年妃大, 以及出黎工作過, 無論思想, 態度等等應該比日校的人成熟. 但在呢件事件之中, 見到佢哋根本唔識點樣尊重人, 就有點兒那個吧~換轉佢哋教書, 見到同學毎個人都早走, 睇下佢哋有咩感覺? 我估佢哋除左讀呢個課程之外, 應該學下點樣去尊重人, 對返學及工作都好, 希望在下一年一齊上課, 佢哋待人態度會有明顯轉變!
今日放左工之後, 我就開始做份攝影功課, 再唔做就真係死得. 見唔到個同事, 唔知係咪太開心, 心情比較好, 而且仲即刻有idea添:
我想用在中環及九龍公園的相片串埋一個故事, 大約在講及一個天使, 佢不理會天堂的一個規定到凡間去睇下呢個世界, 佢又睇過世間的自然景色(九龍公園的花), 又去過最熱鬧的城市核心 -中環, 佢被一連串美麗景色吸引住, 最後唔願再返天堂的故事.
為左呢份功課, 我要上網找尋有關天使的畫作為背景及插圖, 有好多畫都好美, 真係花多眼亂, 唔知選擇邊張; 之後再post毎一張落去, 去串連呢個天使故事, 務求令個故事run得比較自然. 最後一頁係呢個故事的結局.
呢次係第一次個人做一份有關設計的功課, 由搵相, 把所有相片及故事串連真係好好玩, 全個功課可由自己決定, 唔使同其他組員決定, 真係好自由, 好開心. 即使其他人未必欣賞自己作品, 但自己會有一種好開心滿足的感覺. 係在讀會計時完全唔同 :只係一直努力求合格, 而且自己跟本冇興趣, 毎日都好痛苦, 但呢一科完全冇呢種感受, 而且仲好享受添!
話說我有一份攝影功課, 要在呢個星期六交, 但懶惰的我一點也冇做過, 甚至連相片都未影, 於是我請左二個半鐘頭假早走, 和mandy去中環影相, 仲有可以唔使見到個扮後生同事, yeah!!
我照我哋約定時間, 在4:00於中環地鐵站等mandy, 佢由於要去見工面試而遲左10分鐘, 唔緊要啦!我哋相討去邊個地方影相, 我哋先去A出口出發, 去左附近地方影相先~
都知道自己衰左, 要[某]在地下先至可影到全座大廈外表, 自己又穿左短裙, 差d走光添(>_<)
都知道自己衰左, 要[某]在地下先至可影到全座大廈外表, 自己又穿左短裙, 差d走光添(>_<)
自己唔知點解like用斜角去影, 可能特別d掛? 其實係同我份功課有關..
其實影IFC時係借左天橋的欄杆去影, 想影到好似在window望出去的感覺.有d名勝或者出名的地方當然唔少得, 一定要去影相. 首先係石板街, 加上就黎到[哈囉喂], 有好多萬勝節的頭飾及裝飾賣, 總之包羅萬有, 勁正!可惜我要做好份攝影功課, 唔得閒去問價和買返一件...
我哋由石版街一直行返出去, 去到episode, landmark...附近, 途中影左唔少相片, 我就算唔講在邊度影, 大家都會知道..
唔好彩地, 我部相機影完呢個景之後開始冇電, 自己又衰多樣野, 冇拿到後備電出黎, 所以最後用左mandy部機幫我影左幾張相, 之後佢應允我會用msn把相片send黎比我, 真係唔該哂! 後來影左中銀及滙豐, 那時已經係黃昏, 天色開始黑, 所以影出黎係好美, 我也幾滿意^^
影埋呢二個地方之後, 靜在附近工作, 加上在msn話佢知我要在中環影相, 所以想同我一齊去附近飲杯野, 我本來都想去, 但我仲要去難桂芳影相, 及靜要在8:00之前去keep fit, 所以最後都取消左.
我和mandy去到難桂芳, 呢次係第一次黎, 比我想像中唔係太美, 有好多酒吧, 鬼佬及鬼妹, 果度景物唔太美, 所以都冇影到相. 之後mandy約左bf在附近, 我也算叫做完成任務, 要為呢份功課[度橋]先!
唔知大家有冇想過自己四十歲會變成點?
(1)係個漂亮, 睇落去唔老的女強人
(2)或者已經成為人婦, 在屋企照顧小孩
(3)定係一個平易近人, 深受大家歡迎的普通女人
當然我就想做第一及第三類人, 至於家庭主婦便考慮下先. 但我公司有個老女人大家又點認為呢?
我哋公司有個四十幾的同事, 讀到中五程度, 之後冇再去進修, 所以毎當其他人夜校進修, 得到大學及大專程度時, 唔知佢係咪眼紅人哋, 加上佢有多年工作經驗, 見到人哋做錯左野便會話人讀[屎片]. 仲有我哋公司前同事, 已經讀完澳洲會計學位, 考多二張paper可在香港做執業做會計師, 佢又眼紅人哋話都唔知佢有冇料考到. 你唔好話人哋啦, 人哋半工讀, 由證書讀到上學位, 付出唔少努力先可完成, 你自己唔讀就唔好話人!
除此之外, 佢仲出左名自大, 唔理他人感受...所以平時我暫時只見到佢多數同屋企人食飯, 就算前同事去畢業典禮都冇叫佢, 又或者我姑姐佢哋有咩事都唔會話比佢知.
除左妒忌其他人學歷比佢高之外, 仲有佢妒忌而家所有妹妹仔都穿得比她潮及美麗, 所以佢又跟妹妹仔一樣穿衣 : 一件黑色低胸緊身衫, 仲要低到連胸都見埋, 加上一條短牛仔裙及啡色boot, 一係就黑色連身超短裙, 仲要有埋條銀色皮帶, 加埋條閃銀六分褲, 勁難頂!!??
Help~~!!!佢已經唔係後生及美女, 做咩事要穿成這樣? 真係視覺污染, 提早[哈囉喂]. 唉!!想到毎日要對住而家呢個佢, 真係勁慘及頂唔順!過我都佩服佢一件事 : 有重大勇氣穿住件衫扮後生比人笑, 哈哈~
今日終於到左畢業典禮啦, 朝早趕頭趕命, 又要梳洗, 打扮一下和食早餐之後, 要趕快去上環地鐵站搵我幾位同學仔 -jovy及amy and 其他完全唔熟的同學一齊坐的士去hku 採排.
終於採排完左, 阿爸,媽, 妹及姑姐終於黎到啦, 見到佢哋黎左都好開心, 仲有我其中一隻至愛公仔 -史迪仔, 真係好開心, 事不宜遲,一齊影左相先~
我和其中二位好同學, 成日幫我的Amy及Jovy. 但我好似遮住左amy隻公仔, sorry呀, amy(汗)
我和其中二位好同學, 成日幫我的Amy及Jovy. 但我好似遮住左amy隻公仔, sorry呀, amy(汗)
除左amy及jovy之外, 全部都唔認識架, 只係因為曾經同過一班, 又或者係jovy認識的同學仔先會一齊影相
左起 : 我阿爸, 媽, 中間那個樣衰的係我, 跟住我妹及姑姐. 只要有呢哋四個親人黎都已經好開心, 多謝哂黎我畢業典禮^^
哈哈~~姑姐, 比你過下隱先啦, 上次佢畢業典禮在文化中心舉行, 而且只有佢一個人畢業, 我哋仲未畢業, 係咪而定同朋友仔一齊畢業好開心呢?影完相冇幾耐, 畢業典禮正式開始, 首先我哋畢業生要入左會場先, 跟住先到畢業生各位親朋友入座, 我一直另轉個頭, 睇下爸媽入左黎未, 最後佢哋坐左在最後一行. 點知見到禮堂仲有上排比人坐, 總之你哋遲d黎啦(講笑)
只見到禮堂都令我好緊張, 加上地面都幾線下, 驚住自己會成個線底左, 所以都好緊張.
等全部畢業生, 各家長入哂禮堂之後, 便開始奏國歌, 全部人需要站立, 等各位學系教授, 博士進場之後, 就開始頒獎. 首先係我哋會計部, 大約有130名畢業生, 到我上台時都有d緊張, 好在最後冇[線]親, 而且藍帶個博士講恭喜, 呢一刻真係好開心, 覺得自己一直的努力冇白費到. 最後落台時我爸仲幫我影左張相添,但都企左好耐先至影到呢張出黎, 但真係幾美(自己覺得) 
在頒完所有獎之後, 個禮堂會開放三十分鐘比大家影相, 自己當然冇執輸, 一於同大家鬥搶, 搵d美的位置影左先算. 最後迫左好耐先至去到台上影相
我哋一定在禮堂影完之後, 爸媽要返工廠工作, 我妹又跟住返去. 姑姐好有義氣等埋我的朋友黎先至走, 真係好多謝你. 在等我朋友途中, 我姑姐見到隻kuromi畢業公仔, 佢尖叫左起黎. 放心啦, 等你之後畢業, 真正帶四方帽, 一定會送比你, 就算冇點都會搵比你^^之後蔡蔡打電話比我, 佢終於到左hku, 但hku真係太大, 我哋要睇座標, 先至搵到大家. 至於原定黎的mandy因為私事而唔黎得, 但唔緊要啦, 我反而擔心佢係咪真係好唔開心及唔開心的原因, 希望佢快d振作返, 開心d. 蔡蔡到左之後, 我的sony貓都到左, 你人又到, 心又到, 我點會唔開心呀?總之大家開心咪得, 一齊影返張相先~
之後veron, eva, 蕉都黎左, 我都有花, 跟住liz, 嘉華及寶妮都帶左我老公阿jack黎. 全部人及物件終於到齊, 事不宜遲, 大家快d一齊影相, 仲要影多d添, 首先在禮堂附近, 分別係通道, 噴水池旁及鐘樓附近影相:
在禮堂附近影完相之後, 跟住去左食下午茶, 大家多數飲杯野就ok, 因為佢哋多數食左野黎, 而寶妮及蔡蔡各叫左一個下午茶餐食, 我就...哈哈..我早上食左件蛋治之後都冇食過野, 所以我就叫左二個餐, 其中一杯飲品比左嘉華. 我見到佢哋全部人都望住我食二個餐, 鬼叫我肚餓咩, 冇計啦! 食完之後出發, 去何花池~當然又係去影相啦!
不過我哋做對中山先生石像做左樣極之不敬的事 :
其實係因為何花池附近冇位放物件, 惟有放在[佢]身上, 中山先生有紳士風度, 加上大人有大量, 應該會原諒我哋(同埋估佢夜晚訓教唔會搵我哋掛?)可能自己唔習慣穿高跟鞋, 隻鞋頂住d腳趾勁痛, 趁veron及蕉去左library睇展覽時, 我就換返自己一早帶黎的boot, 換左之後隻腳舒服返哂, 之後再去影相. 我哋選擇在library出面條樓梯度影相. 但有好多人上上落落, 幾經辛苦先至影到幾張相. 而最後都去左hku門口影相, 影完相之後便各散東西 : 蕉及eva去銅鑼灣行街, veron都約左人在金鐘等, 我和蔡蔡及多數人返屋企. 我拿住三個大袋返屋企, 真係滿載而歸, 但真係重到飛起, 不過唔緊要啦, 呢d係各位親人及朋友之心意, 多多都同你哋拿^^
返到屋企即刻替花換左個花瓶先, 以及為我所有親友送比我的物品影返張相先~
在這個blog除左多謝蔡蔡, eva, veron, 蕉, liz, 寶妮及嘉華比面出席之外, 希望呢日唔會悶親佢哋. 仲有多謝未能出席的酸梅及嘉華, 佢哋都勁有心, 打電話問候一下我, 問我開唔開心之類, 我知你哋都有原因唔可以出席, 但唔緊要啦, 你哋打個電話黎已經好開心, 尤其係酸梅, 佢在工作時間打電話比我, 真係好感動, 多謝埋你哋二位.仲有同學及朋友仔coco, 佢呢日原來上左大陸工作, 之後第二日都同我msn問候我及say sorry. 又係同上, 你打電話黎問候已經非常好, 多謝哂你, 期待你pass埋最後呢二科, 比我哋出席你的畢業典禮呢~
仲有仲有mandy, 佢原定呢日會黎, 但因為有事發生左而唔開心, 最後都冇黎到. 希望佢會開心及振作!
仲有仲有mandy, 佢原定呢日會黎, 但因為有事發生左而唔開心, 最後都冇黎到. 希望佢會開心及振作!
首先要同蔡蔡講句sorry先, 原定琴日去街買野的日子, 但因為做CS功課時, 有一位同學仔在今日唔得, 所以就改左星期六, 唔緊要, 總之最後完成任務就得啦(蔡買boot及短褲,我買黑色波波絲巾)
我哋首先去左花園街先, 睇蔡蔡二件目標物品先, 佢果然好快手, 在上次果間舖買左條黑色短褲, 跟住就試boot, 其實佢都睇中左幾對, 但由於價錢太貴, 竟然要成$180???這樣貴當然唔買啦!都係下次先算, 不過個款都幾美下, 其實都有d可惜....
至於我就去左旺中買我條絲巾, 我想買黑色好耐, 因為在其他店舖都見唔到有, 所以先至去旺中. 旺中的確係有, 但要成40元一條, 貴死人咩? 我見到其他店舖賣其他顏色都只係20元, 足足貴左成倍!!但鬼叫呢條係自己心頭好咩!惟有忍痛買左佢!
行到大約五時幾, 我同蔡蔡各自回家, 不過我今次唔係返深井, 而係返以前麻麻屋企 -慈雲山. 因為我姑姐會幫我剪陰, 搵定去畢業典禮的衫, 同埋會在當日化妝, 所以咪一定要返去一次. 姑姐煮左佢最拿手的烏冬做晚餐, 勁正!今次真係要多謝哂姑姐一直為我打點所有畢業典禮要用的物品, 你真係好錫我, 多謝哂
聽日係畢業典禮啦, 早d休息先, 同埋希望果日自己會比較美d~~
今日係重陽節公眾假期, 本來都幾好, 有得放多一日假, 唔使返工. 點知CS果份小組習作功課仲未做完, 於是約左全部組員 -winnie, susuki, ryan, 阿ling及阿光五個人去尖沙咀度做功課.真係衰, 又冇左一日假!!(笑)
我剛好準時到左原本約定地方 -尖沙咀地鐵站清真寺出口等, 但winnie有事要遲一點黎, 唔緊要啦, 我哋一定會等你~我哋去左一間樓上cafe -chococat度做功課. 呢次真係巧合, 呢間cafe係上次同eva, veron, 蕉...去過果一間, 由於佢lunch太貴, 所以叫左個士多啤梨的奶凍食..
個外表就好吸引, 但係真係好得淡. 仲要成20幾元, 真係唔叫好過叫~
呢個係susuki叫, 見佢那麼得意, 就影底佢先!見到個樣真係唔想食^^
呢個都食得嗎? 當然唔係啦~~其實佢係個candle座, 不過見到佢那般美先至去影底, 如果呢個座屬於自己就好^^我哋在果度傾左一陣功課之後, 由於果度冷氣太凍, 以及要去完成那個仲未完成的盒子, 所以去左九龍公園度做. 講真果句, 上次同liz佢哋影畢業相之後, 都好耐冇去過, 而且仲影左好少相..
九龍公園正門, 個設計都ok架~~
自己本身好鐘意花, 加上想訓練自己影相技巧, 所以就影左呢d花, 仲差d影到唔記得左做CS功課, 唔係掛?
最後CS功課大致完成, 我哋去左朗豪坊食飯, 最後在大家組員離去時, mandy,打電話比我, 話佢都同埋d同學仔去旺角睇相機, 所以都在旺角, 最後我哋和一名同學仔各自返屋企
因左呢個星期日的畢業典禮, 我在外表上都花費唔少. 不過又難怪, 除左本身因為女人貪美呢個天性之外, 在呢d重要日子當然要美.所以琴日無聊行左旺中, 但其實係有目的, 就係自己想駁髮, 因為上次走過有一間賣美髮用品的店舖, 見到d駁髮勁平, 令我有d心郁!
最後都在果度駁左同自己髮色及髮質相同的假髮, 毎一條假髮為$2.5, 總共駁左成60條. 當然唔係駁哂全個頭啦, 只係駁左部分, 如果全部駁哂驚自己唔識打理. 但個效果出黎都幾好, 完全唔似係駁.
至於第時要拆都唔使驚, 因為佢唔係用膠水駁, 而係用膠粒作連接位, 再用夾子夾住, 拆出黎應該唔會太難掛? 不過如果第時要拆返落黎, 本來要$4一條, 但個boss話可以毎條平一元, 算合理嗎?至於駁左係咩樣? 在星期日咪知
而今日的節目都係去美容院做facial, 在呢日先知原來我而家仲係做緊深層清潔, 未除臉上豆豆印? 唔怪之得而家仲有d印啦...!!!
唉!!工作就毎日都繁忙, 都冇咩好講啦, 我指的係msn上的繁忙, 又或者正確d講, 係工作+msn令我更繁忙!
首先的係edwin真係病左冇返工, 本來都有點悶, 但在lunch之後開始唔悶啦. 先列左我同咩人傾計及傾咩內容 :
蔡蔡: 都係講畢業典禮事項多, 佢已經幫我send左短訊問左嘉華及寶妮果日會唔會黎, 如果佢哋冇覆就假設應允先. 仲有講開佢近排見到好多日本打扮男仔, 唔制呀, 我都想見多d呀, 又唔見我見到. 不過今日都好運d, 比我在今朝返工在地鐵入面見到, 仲要企在我前面, 我因為掛住玩psp, 後來先見到. 我哋互望對方一陣, 之後我落車就見唔到佢. 不過佢挨住在坐位塊玻璃上, 總算叫做可望多幾眼啦^^(如果可以認識佢就好, 不過我走左之後冇望過我, 難道自己吸引力唔夠嗎~~???)
eva : 都係講開畢業典禮之事, 佢話果日veron未必會去!?唔制呀!!有三個人已經冇去, 不過大家各有各忙, 冇計啦....等我放工再博下, 睇下veron及蕉去唔去先, 如果蕉唔去就冇花架啦(>_<)
靜靜 :都係傾下閒計, 大約只係講下在街上睇男仔之類, 同埋都知佢行街係唔睇男仔, 因佢只睇男仔人品及修養. 其實佢呢個心態係極之正確, 同我多數睇男仔表好大差別, 睇黎要跟佢學習一下
阿ling : 佢係IVE 的同學仔, 今次因為做CS功課先至hi我, 而且我哋都係第一次傾計. 起初只係傾功課, 後來傾自己學語言, 原來佢而家除左IVE之外, 仲讀緊普通話, 仲有考完maths 之後會考校內普通話試!!??佢真係好勁呀, 可以同時處理好多野, 要向佢多多學習先得
winnie ; 又係IVE同學, 原本講做CS功課, 講講下就變左講佢自己工作經歷, 原來佢之前在醫院, 青年中心做過社工, 尤其係青年中心入面, 主要接觸的係一d被社會人標明的壞青年, winnie指佢哋跟本唔壞, 只係佢哋未了解自己及缺乏自信心, 先會去做壞事. 而且佢也接觸過街邊的青少年, 佢哋原來有好多比一般人更加有理想, 總之佢就講左好多社工感想....實在太多字啦. 當中有個自己覺得幾有興趣, 不妨大家可以睇下~
人在人格有分三個種類 : 發展性、教育性、補救性.
教育性則係，如︰一個青年人唔知或對性既知識不深，在不安全的情況下做性行為。咁我地就要教他如何用安全套等，提升他們這方面既知識，減低或預防整出人命或染上性病等。
補救性則係，當某重事情發生後，除了要處理事情外，亦要做一些工作，去減少同樣事情再次發生。
或者教育性可以咁講︰ 事情可能係未發生，所以要向服務對象講翻或教番相關既知識比佢知道。避免或減低事情既發生。
至於發展性就係好似我係中心做既小組咁。發掘服務對象，讓他們知道自己長處之類咁，之後，可以持續或延續咁繼續發揮。或增加個人既素質。
大家唔使知道自己係邊一種架, 只係純粹得個知字, 又唔使去背, 因為背黎都冇用, 只係八掛睇下都得!
p.s. 原先今日要去hku space 在金鐘分校取畢業衫, 好在姑姐幫我去拿先至有得在放工打blog, 個boss仲以為我好勤力, 哈哈~~比佢知我打blog添(汗)
今日又係上英文堂, 真係勁唔想上堂, 究竟幾時上完架!不過始終都係要上, 快d返學吧啦~
由於自己在6:00先在公司走, 所以返學一定會遲到, 不過可少上二個字呢~返到課室之後, 我竟然要坐在最前, 真係慘呀~!!仲使問, 我當然狂[放蚊]啦, 呢世人至怕上英文堂. 之後終於有得放break, 我真係好想而家就走左去, 但仲未點名, 加上仲未知下堂的英文oral同邊個一組, 都係返入課室先....
之後miss就公怖oral partner, 唔知近排係咪同edwin呢個名特別有緣, 今次的partner都係叫edwin, 唉~~!!人哋想同mandy一齊考oral的說(>_<)
p.s. 今日msn個edwin病左, 放工唔係約左佳人, 而係約左醫生, 係去睇感冒呢, 仲話聽日未必返到工~你休息多d, 希望你快d好返及返到工, 等住在msn同你傾計
之前在msn成日講自己唔知係係咪鍾意edwin, d關係又有d怪, 仲有見到佢在msn 上冇上網又成日胡亂想野, 如佢會唔會唔避我, 唔再鍾意同我傾計...所以話女仔成日鍾意胡思亂想, 自尋煩惱, 其實有時都幾討厭自己係女仔呢
直至佢今日又再在msn上hi我, 我突然有一個想法:[我哋做唔到情人都唔緊要, 難得搵到一個男仔好傾, 應該要更加珍惜. 就算真係做到情人, 或者會比做朋友唔開心]. 千萬唔好問我為什麼有呢個想法, 其實連自己都唔知, 總之而家同佢keep住做普通朋友就ok.
p.s. 靜在星期日去唔到我個畢業典禮, 因為要在屋企等人黎安裝冷氣, 同埋去做gym. 唔緊要啦, 最多之後個畢業典禮黎返便ok. 始終做自己事緊要d!
今日約左蔡蔡及靜靜二位好友在白田的新生會canteen食下午茶, 當然包括埋傾下心事. 果日好在我都唔算遲到, 本來一心想去食翅麵, 但唔好彩地果度星期日唔開!????唔係掛! 食翅麵係我黎白田其中一個原因, 既然而家冇得
食都冇計啦, 惟有之後睇下就唔就到時間黎食(哭)
之後見靜靜都未黎, 於是打個電話比佢, 佢話坐緊地鐵過黎, 我哋只好先去新生canteen叫住野食先. 由於我在10點幾同屋企人飲茶之後都冇食野, 所以叫個比較多野食的下午茶餐 -餐肉麵及一杯可, 而蔡就叫左西多+凍荔枝椰果. 直至我哋食完哂個tea, 靜先至黎到. 多數咪又係講我在msn之中我e先生, johnny及另外男仔d野, 總之一切都係麻煩~!!
靜話在我哋睇相時, 見到新生d侍應[企定定]睇住我哋d相, 佢就唔係太like, 於是決定轉移地方, 在城大附近聽靜的情史, 估唔到佢同我有一個共通點 -就係好在意個男仔在msn度有冇上網, 見唔到佢時會有種期待, 希望可以見到佢, 又成日心掛掛果隻...但靜比我好d, 起碼個男仔有d在意佢, 冇上網會留offline message 比佢, 而且個男仔係冇女友; 而我呢~個男仔對我好冷淡, 咩都唔話我知, 毎次都係我問佢先至講, 而且答案有時不太合理, 同埋佢係有女友, 令我不再對佢存有任何希望, 也許我同佢做普通朋友仲好.
在果度傾左一陣, 我又被蚊咬啦(>_<), 於是轉移目標, 去左又一城行, 靜話想去log-on, 蔡就行hk record, 我就想行[玩具反斗城?], 當然佢哋二個唔會同我顛,去玩具反斗城, 最後只去左頭二個地方. 而在hk record聽左大塚愛的 [love piece], 勁鍾意第一首歌[未來計程車]外, 其他都係....麻麻地啦, 又或者自己一早dl左落黎聽. 最後走時仲見到藝人李思捷及佢女友一齊買野, 都唔知好彩定唔好彩? 係都比我見到型仔啦~~
最後行完又一城之後各自回家. 返屋企時都仲可以坐到最後一架村巴, 真係勁好彩^^
今朝我遲左起身, 整到成十時幾先至去到旺角食早餐, 如果毎日的返工時間都係 這樣自由就好了, 可惜係冇可能的...食完早餐之後, 我同姑姐去惠康買公司的飲品. 講開買飲品, 以前我公司個衰同事都會同我哋一齊去買及拿返去公司. 但之後唔知佢做咩鬼, 次次都唔去, 要我哋訂夠四百元送貨. 不過呢d小事算啦, 人哋鍾意玩[獨家村]咪算, 至緊要我唔使見到佢, 開心咪得.
唔鬼講佢, 今日去買飲品先至知, 原來而家要購滿五百元先至送貨!?講真, 我估好少家庭會買到五百元, 估唔到惠康而家好鬼cheap! 所以連平時勁少買的物品, 如成二十幾元一pack的鮮奶都買埋, 比我哋平時一家唔會買啦, 不過係公司錢就算^^(oh no~~!!!真係唔要得)
跟住又去左中南文具買個file及活頁紙, 準備maths堂用, 選擇左都幾耐下, 因為都要成二十至三十元, 我當然唔捨得啦, 但最後無奈地買左個三十幾元的file.....好在活頁紙我姑姐比, 這樣都好d~
最後的係去美簽社買護膚品, 點解會無端端去呢? 首先當然係自己貪美, 試問有邊個女士唔愛美? 其實係去美容院做針對豆豆的facial, 而佢所有護膚品比較乾性, 加上自己又係乾性肌膚, 所以會脫皮及有裂紋, 所以要買返d有保濕成份的用品; 但我而家都係冇咩錢, 又點會有錢買? 其實我姑姐係呢間公司的會員, 而且佢呢個月生日, 買護膚品會有半價優惠及有其他優惠套裝, 而且我姑姐比我分開三個月比一百元佢, 所以我最後都買左三樣野, 係regene的蜜糖cream, mask 及精華素, 冬天用蜜糖勁正架^^
去完shopping之後都成十二點幾, 跟住返公司同蔡蔡msn, 傾左幾句之後, 我就返學. 今日上lecture係悶左d, 差d睡著呢~上完堂之後就傾左一陣project, 直至7點幾先至走得. 在返屋企途中, johnny又打電話比我, 問我幾時一齊去食飯, 我已經講左我之後又有畢業典禮, 又要交功課及測驗時, 佢都仲希望我可同佢食餐飯, 於是我無聊問佢有幾多人去, 佢講得好唔sure, 一時又話計埋我只有2-3人, 一係就講應該有多d人去, 總之令我放心唔落. 不過算啦, 第時有時間先至算啦, 或者我第時未必得閒呢~不過我又唔想次次推佢, 令佢失望, 又或者應該比一次機會佢掛(笑)
最後返到屋企, 咩都唔想再思考, 只想趁而家打埋個blog, 偷下懶打下機, 至於d咩愛情煩惱, 功課, 測驗等等, 總之暫時拋之腦後先啦~~!!
今日edwin又冇在msn上網啦, 我哋可能係因為我哋含糊不清, 似戀人非戀人, 但仍然係好友的關係而煩惱. 於是趁大家在msn有上網便問下佢哋對呢件事的想法..在此先多謝蔡蔡. eva及mandy聽我講心事及比意見或提議我, 在此安沖心感激^^
首先係蔡蔡, 佢一早知道我同edwin呢件事, 以佢之前同kevin的經驗得知, 男仔避談戀愛話題, 即係一講到愛情就即刻轉移話題, 遲遲又未覆自己; 以及佢忽冷忽熱的態度得知, 原來edwin或者對我也有意思. 聽完呢句之後, 我都唔知開唔開心, 因為我自己都對佢有d意思, 或者可講話鍾意, 所以我應該開心, 但另一方面, 又唔知佢點樣面對佢自己拍左拖六年的女友, 我也為佢而擔心及難過, 如果真係鍾意我, 佢會夾在二個女人之間, 一定會好痛苦....但蔡蔡話呢d係個男仔本身的問題, 話我不應該顧慮, 不過自己始終有d擔心佢!
跟住知呢件事的人係mandy, 佢從我個blog之中大約知道整件事的來龍去脈, 佢話而家個男仔在心理及情緒上都爭扎緊, 唔知應該點做. 於是令我有個想法, 會唔會大家認識對方係一個錯誤? 如果冇我出現, 佢會同自己個gf一直sweet落去. 但佢的一番說話也令我反思, 當佢問我係咪真正鍾意佢, 會接受佢所有的優點及缺點時, 我都想左一陣仔, 究竟我真係鍾意佢嗎? 結果我的答案都講[yes], 但要考慮的答案, 係咪真正的答案呢? 都要用時間去證明......仲有mandy後來先同我講之後或會有一份part-time, 已經面左試, 希望最後間公司請佢, 唔使再為學費的事而煩惱!
最後的係eva, 佢其實唔太清楚成件事, 但由於時間的關係(當時係返工時間), 加上佢又成日被佢個衰同事點去做野, 只係大約講左呢件事佢聽, 佢也驚我感情上比人扼, 叫我小心一點, 但我同佢講edwin有個六年的女友, 佢也講出鍾意一個人都冇辦法, 不過最好等個男仔飛左佢現任女友先至講, 仲叫我而家咪同個男仔一齊住, 費時做第三者! 多謝你在忙碌時間都提醒我, 我一定唔會做第三者, 請放心! 遲d出黎食飯見面一定會把全件事話比你, 蕉及veron知, 總之你哋呢班好友一定知!
至於大家未知呢件事的好友請放心, 我一定會把全件事話比你哋知, 我都想聽多d朋友客觀的意見, 只要你哋唔好厭我煩就得~~
今日美容院果邊終於冇推遲我個appointment, 如常7:00做facial, 個美容師見到我面部皮膚都幾滿意, 話我豆豆冇哂, 只有豆豆印在度. 當然啦, 比成幾千元做facial, 都仲唔好就死啦! 於是我有一個用電棒電死豆豆細菌果個的step可以唔使做, 唔使做都好, 可以唔使痛, 但又覺得唔抵, 因為呢個step都成半個鐘(>_<)
做完facial之後, 我有興趣問左美容師關於駁眼捷毛之事, 佢話其實用膠水把簽維駁在真的眼捷毛上, 原理同駁髮一樣. 仲話最耐可持續半年, 同埋盛惠港幣三百元~哈!都係考慮一下先啦, 佢雖然聲稱會用日本膠水痴眼捷毛, 唔會發炎. 但美容院為求做生意, 咩野都話好; 就算真係好, 都要勁貴啦, 總之要慎重考慮, 唔係又要大破慳郎!
做完facial 都只係個半鐘, 比之前幾次的二個鐘時間少, 見仲有時間, 就行左陣街. 都係買左對耳環及一件吊帶衫, 之後就返左屋企
毎個人近排都好忙, 連msn都少左, 惟有努力工作吧! 點知Edwin突然hi我, 我都以為自己睇錯左, 點知真係佢. 佢話公司個msn壞左成日星期, 所以冇得上網, 當中講起在大家冇在msn傾計時都會毎日掛住對方, edwin仲問我夜晚會唔會寂寞添!?死啦~~~開始超出普通友誼犯圍, 好危險的關係?
講真果句, 其實我見到佢上網我好開心, 於是同左蔡蔡講, 佢話我因為一個人而情緒好大波動, 話我鍾意左佢. 唔係掛? 佢已經有gf, 如果自己仲[鐘]個頭埋去又好似唔係太好, 但蔡蔡講左句 : [感情冇分錯或對]. 冇錯, 我都覺得呢句好正確, 但自己內心始終有少少不太好. 感情呢d野都係由個天去決定...自己又唔可以做d咩野....
跟住蔡蔡講佢好似同個bf鬧左交, 唔想同佢講野.....因為個bf 好似咩事都唔願意同佢分享, 成日因為小事而吵架. 呢件事我就這樣想, 二人拍拖不只係拖手仔, kiss...這樣簡單, 而係二個不同世界的人互相學習相處, 體諒大家不同的性格, 生活習慣等等, 真係唔係易事, 因為很多想法, 觀點不同, 所以也會成日吵架, 但都唔好因為呢d事而放棄一段美好情緣, 令自己留下壞的回憶. 這樣就真係唔值得, 所以希望佢快d同bf好返!!
仲有一件壞消息, 就係今日要返學, 冇得聽蔡蔡傾心事之外, 仲有英文堂個miss 今日先至講要在網上做功課, 全部都係選擇題, 要在10月12日交, 但我一返屋企即刻做功課, 呢個問題不大. 至大問題係有我在第五堂有我至討厭的英文會話, 仲要作為評核成績表最後分數的45%, 仲有partner為random, 在下一堂知. 唔好啦掛? 我一定會緊張死, 而家惟有見步行步....
在呢個朝早, 無端端有個女仔在msn度add左我, 佢叫natalie, 直至下午佢先至hi我, 我哋只係講左好普通的問題, 例如住在邊度, 鍾意去邊度行街...原來大家都係同道中人, 都係喜歡行大家都會去的地方, 如旺角, 銅鑼灣等等. 講講下先至講自己個名及年齡, 個女仔好後生, 只係二十歲, 我都好想返去呢個年齡呢~~
跟住個女仔問左我一個私人問題, 我m到時會唔會好痛? 跟住就比左一個男仔的blog 網址和佢自己電話號碼我之後就拿拿聲offline? 究竟咩事呀?完全唔知完全發生咩事, 點解而家d人奇奇怪怪? 其實有幾點自己覺得奇怪~
第一點係個女仔似乎好似唔係真心認識對方, 一開始又冇自我介紹, 直至我提出自我介紹時先講佢個名, 跟住傾左冇幾句就比個電話號碼人就offline.跟據以往紀錄, 一般人在最初認識對方都會先介紹自己一下, 又或者問可唔可以做朋友之類....我把電話號碼寫在紙上, 跟住在公司留msg時用左果張紙比姑姐, 而我姑姐試過打去二三次都冇人聽, 仲要有call台問邊位搵機主,呢樣先至離奇, 真係完全唔知發生咩事?
第二點係佢個名果句野都幾恐怖, 就係[一個男仔名 + 欠本人二萬元正!]我問佢咩事, 佢都完全冇答我, 令我有d害怕添. 可能係呢句野太過恐怖!
最後的係時間問題, natalie 出現的時間係在我delete左edwin及在打完星期一果篇blog之後, 我曾經想過會唔會只係巧合, 但時間夾得太準, 難免令人懷疑....
不過無論佢係隨意add, 或者係咪同edwin有關, 我都冇所謂啦! 反正我哋跟本唔係好友, 而且又冇任何關係, 何必想得太多而自尋煩惱? 要放底的始終要放底.....佢都唔鍾意你, 唔好[鐘]個頭埋去!同埋呢件事真係好古怪, 都係唔好再理佢好d....
總之都係太恐怖啦, 都係封鎖再加delete先(>_<)
今日Edwin 佢冇在msn上網一個星期了, 本來已經開始忘記佢, 而且我仲未見佢覆我e-mail而緊緊於懷. 係真係鍾意佢又好, 又或者係真正好朋友都好, 佢都而家都對我冷淡, 係時候要放棄...
其實佢係我第一個的男性好朋友, 我極之信任佢, 無論係日常生活, 或者自己的私事全都告訴佢, 其實我都唔知點解, 同佢一齊有種好熟悉同開心的感覺, 甚至有時仲同佢講sex, 大家都完全唔介意. 可惜我覺得佢總係好似成日有事瞞住我, 其實我只知得佢好少野, 甚至到最後都從未見過佢一張相, 未聽過佢把聲, 令我一直懷疑佢究竟有冇當我係真正朋友. 雖然佢口口聲聲當我係朋友, 但咩都唔話我知, 我哋仲算係好友嗎?
除此之外, 我覺得佢係個睇外表同身材的人, 佢成日同我講自己鍾意睇和認識美女, 令我會聯想到佢其實一開始只因為我可能有少少美而認識我. 由之前的熱情直至到而家冷淡, 可能係因為佢已經搵到第二個目標, 見到仲未把我得到手而唔再理我. 就算係咩原因唔理我都好, 起碼同我講聲, 唔好突然對我冷淡, 這會令我好難受!
既然開心的時間已經完結, 我再留佢在自己msn表上也冇用, 於是我今日鼓起勇氣, 把佢的名字在msn表上刪除. 在呢件事發生之後, 我不再相信任何一個男仔, 也冇打算同佢哋做好友! 對於今日又有另一個男仔在msn上hi我, 我只好不斷去串佢, 令佢知難而退, 但佢個死款似串極都唔走, 唉~!又係一個msn賤男, 至鬼憎!!!我估可能要真係我個真命天子先會可改變我的想法, 但對於感情路上坎坷的自己似乎冇可能....
又係呢句 :如果個男仔真係對你好, 又或者係真心喜歡你的, 即使佢在個女仔msn表上已被刪除, 佢一定會想盡辦法去搵個女仔, 同佢道歉, 好好珍惜佢. 呢d情節在小說, 漫畫睇得多, 真實情況又點會有? 明知冇呢個可能, 倒不如放棄仲好!
再見了, 我的好友Edwin.....
今日雖然唔係eva畢業典禮正日, 但佢之前已經請我哋成班朋友出席, 我哋當然會去~~但我在後來先知原來elaine, fanny, stella和管運雨都去, 鬼叫呢次係eva盛事, 一定會比面, 同埋可以見返阿蕉和veron都好開心~
今次我約左蔡蔡先在九龍塘KTR月台等, 可惜我因為屋企架村巴而令我遲左少少, 我哋只好趕快衝去poly和eva佢哋會面, 見到veron時仲高興到握住佢隻手, 蔡蔡講笑話當佢冇到, 放心, 我哋唔會唔理你~~所有人差唔多到齊之後,我哋一齊去影相!
其實呢一刻未黎齊人, 不如就我哋五個人連主角eva影返張先~~
呢張相隻sony貓加埋eva全個look好得意呀~!!不過點解我好似肚痛的樣子? 
Elaine 係尾二黎到, 仲欠管運雨, 我哋先影相先~~
呢張係全部相之中最難影的一張, 因為要就到頂畢業帽飛上空中的時間, 影左好多次先至影到..
最後管運雨都黎左, 影左好多相, 但我選擇左d美相比大家睇下, 唔係有排post(真係好懶), 哈哈~~最後因為蔡蔡同佢阿爸慶祝今日生日, 我又要走去mk拿少少野, 最後同唔到eva佢哋食飯, 先講句sorry先, 同埋祝蔡蔡爸生日快樂先~~
仲有仲有最重要的一句 : Eva, 恭喜哂你畢業先, 你穿起畢業衫好好睇, 好美女(>_<)