約定買psp同nds啦

日日返工好鬼悶, 咪同蔡蔡玩msn, 怎知佢問我聽日有冇約人, 我咪話冇, 跟住佢就話聽日買psp. 吓!? 這麼快就買, 我本來想五月尾買, 但佢買開我冇理由唔買, 最後只好答應佢買.

之後再用msn 話比eva(佢本來想買nds)知, 問佢同唔同我哋去買, 佢話先考慮一陣, 今晚先覆我. 最後佢都去啊! 勁開心, 仲有問veron 去唔去, 但佢要同男朋友拍拖就冇同我哋去. 唔緊要啦, 我哋三個去買都一樣, 真期待聽日~~!!!

阿妹終於搵到工!?

今晚先聽佢講, 青年見習就業計劃有份工介紹比佢, 之前已去interview, 最後仲請左佢. 其實呢份本來話係做文員, 但請左我阿妹之後先知係....速遞員, 我哋全家都有d驚嚇! 勞工處係咪cheat 人, 係速遞就速遞, 講咩文員! 簡直離譜!

之後我妹仲話間公司好old, 我指係裝修同設備, 而且仲要員工穿制服, 好鬼慘. 但冇辦法, 所謂馬死落地行, 都要頂硬上, 惟有希望佢做好呢份工, 過左試用期先算. 同埋佢搵清目標, 睇下自己想讀書定工作, 自己的路佢自己行. 但佢而家仲細, 未搵清楚自己出路, 但唔緊要, 最重要係自己清楚自己做咩, 唔好choose 左一條令自己後悔同痛苦的路. 最後希望佢早日搵到一條自己的路...

今日係cmt 開放日, 超happy~!

"終於等到呢日, 希望可見到多d好耐冇見的朋友."心入面雖然這樣想, 但我因為打機加上我屋企個鐘慢左三分鐘, 所以miss左架村巴(我屋企距離荃灣地鐵站都幾遠, 而村巴就成為我出入之方式), 我就死死地氣坐小巴出地鐵站.

之後怎樣?當然係非常趕, 一直跑呀跑, 終於到左學校門口, 出面完全不同, 而蔡蔡就係校務處等我, 而我也只係遲左一個字, sorry~~!!我哋在校務處坐一陣後就開始影相同搵返d朋友..

我行到口乾想買野飲, 怎知見到我以前曾經鍾意過的蕭宇樺, oh my god!好黑仔.本來我想扮見唔到佢, 怎知佢見到我即刻話認得我, 我想好耐都冇見, 咪同佢and 佢d 朋友影相, 怎知最後只有我同佢影, 不過想起來, 我從來都冇同佢影過一張相, 又見到佢好似好開心叫佢d fd 幫我哋影, 這就算啦!

同佢影完相後, 就去搵蔡蔡二個熟fd -ada 同percy, 上到一樓就見到佢哋, 跟就見我惟一一個喜歡的miss 黎, 我一見到佢就問佢認唔認得我, 佢先想起阿蕉同eva, 然後先記返起我, 仲話我係個好靜的學生. 吓!?我以前好靜咩, 我都唔記得lu, 但唔緊要, 佢對我有印象已經好好. 之後仲問我近況同影左相, 好開心~~!!(^_^)

在見完miss 黎之後冇耐, 就有我其中我至愛節目 -舞龍醒獅, 正呀!先睇左舞龍, 但唔係太吸引, 直至表現醒獅時先係全場高潮, 好多人紛紛影相, 最後更放禮泡, 全場人譁然起來. 呢幕都算係其中一個難忘的片段

睇完精彩的舞龍醒獅後, 陸陸續續見到好多fd -eva, 阿蕉, 阿花, elaine, 嘉華, 酸梅, liz..仲見到第一年中五的fd -polly, 大家好耐冇見, 當然係傾近況同影相, 而且仲一同參觀新校舍, 真係好大好美, 而且仲有lift 坐, 唔係會行死!? 期間我仲開心到留左三次相機, 好在最後都可搵返, 真係一額汗.
我之前誤會左蔡蔡會同我一同食cmt 的晚餐, 原來佢約左其他fd, 我只好要求阿花cancel 左佢個位, 但佢話一早己買票, 一定要比錢, 後來好在阿蕉有個fd 頂上蔡蔡個位.仲有一件事surprise 的係本來話唔黎的veron 最後都同bf 來, 太好了, 在入去食飯時veron 仲問我借nds 比佢同bf 對打, 睇黎佢哋二個都like打機, 但晚餐開始前佢哋都走左.

好在veron 同蔡蔡都冇食buffet, 因為d食物真係好少, d人食完都冇refill, 食左二轉就冇哂. 但食野其間見到joanne 同daisy, 佢哋走過黎同我打招呼, 之後仲同佢哋影相, 交換msn, 期間有個抽獎, 頭獎係HSBC 一千元coupon, 但我哋全張枱得酸梅一個中, 而且只係$20老麥coupon, 我同全部人都冇中, 總之慘! 但算啦, 最重要可見到好多FD 咪得(^_^)

今日都係出job(II)

今日如常出job, 在心一直想快d做完工作的心情下, 食完lunch後都即刻工作, 最後在差不多做完時個邊有個同事問我下午茶食咩. 吓!? 又有下午茶食? 太好了, 唔通個老闆在公司我就有得食? 仲要唔駛錢, 正呀, 原來呢個世界真的有free "tea", 唔係lunch, sorry!! 我本來想食全個面, 不過又好似太誇, so 最後只要件西多同杯野飲算.

仲有我做完工作都要e-mail 返d工作比我姑姐, then 再打電話比佢confirm 收唔收到, 跟住佢同我講我抽中左隻中信銀行. 太好啦!我終於都抽中左一隻, 係半年來的第一隻股, 哈哈~~!!之前我勁黑仔, 入表抽左7-8多隻都冇隻中, 只是收退票, 今次終於唔駛, yeah!!希望佢到時升多d!!!(^_^)

今日又要出job, 好悶(I)

一出親job 就冇咩寫, 在個度只有工作, 邊得閒傾計! 不如快d做完d野同fd 在msn 傾咪仲好, 起碼msn 的fd 熟d~!!

一返到去見唔到個度一個男同事, 佢係光頭, 多數穿粉紅色衫(我就係唔多like 男人穿粉紅色), 而且走過佢個位, 見到佢用泳衣女仔日曆!!! 原來佢已經走左, 變左個肥女人, 仲要穿牛仔短裙, 但我冇同佢傾過計, 我估係代替個男仔掛, 不過算啦, 我做野都唔會接觸到佢, 唔理佢啦, 快做完d野走人仲好(>_<)

open day 穿咩衫去好呢?

我同蔡蔡平時去街多數都會穿到成對twins 出場, 難得星期六見面, 當然要互相討論下穿咩衫. 加上我哋近排冇一同買衫, 就要傾得仔細d啦!

"不如星期六穿吊腳牛仔褲(即係到小腿個d褲, 我唔知叫咩, 是但啦), 而家興!"我用msn 同佢講. "我阿媽都比左二條我啦!" 蔡蔡即刻講. 吓!? 以前都已經興過咩? 我都唔知! 但上身衫就唔知穿咩, 我就話恤衫, 跟住蔡蔡話要高先穿得好睇, 而我又覺得自己不太高, 唉~!! 算啦! 我都係連身泡泡衫算, 唔駛煩. 但蔡蔡仲未決定, 仲懶secret, 惟有希望第時都可做twins!!

CMT 開放日, 必去~!

其實上星期五阿蕉同eva已話我知呢個星期六有開放日, 但我個陣時十五十六, 唔知去唔去. 因為我心目中只有一個miss 我想探, 就係黎老太. 但驚佢唔認得我, 而其他miss同sir 就隨緣. 加上只有佢哋二個去, 那麼少人去, 就有d唔想去的想法.

今日eva 同我msn, 佢話阿花, elaine 同管運雨都會去(其實同佢哋不太熟, 但都叫做朋友), 我就有少少心郁想去, 我本來想考慮下, 怎知佢話要即刻覆阿花, 於是我就答應去.之後我問蔡蔡同liz 去唔去, liz 就話唔去, 但蔡蔡話去, 好開心~~! 有多個熟fd去, 我約左蔡蔡三時在cmt門口等, 然後再join 返eva佢哋. 各位!總之今個星期六見!

遠離msn賤男人...

星期六個死人ipb 冇來到, 我當然會問佢原因, so 我即刻同佢msn, 佢就話 :"我星期六發燒未退, 唔記得打比我, 仲話12:15去左覆診, 見唔到我"天啊! 你唔認識打電話比個女仔, 叫佢唔好來咩!? 而家d男仔真冇責任感, 仲要用埋呢d理由, 簡直離哂大譜, 當我白痴架? 我怎會相信呀?

之後佢除左不停講sorry外, 仲話請我食返sushi補數. 你呢條友呀, 以為食野可以補償咩?你比錢我都唔去, 死人頭! 仲有我冇錢食咩, 駛你請呀, 我咪即刻同佢講:"你真係出黎先算, 我以後都唔會出黎." 真係想加多一句, 你自己食自己! 我同你講句野都費時, 問完佢原因後, 我就冇同佢講過野.

除此之外, 仲有一條友叫edwin 又係賤, 起初就成日hi你, 第二日就同你講sex同要我做佢紅顏知已. 好心你啦, 呢d野同你自己女友講, 關我鬼事!? 仲有咩紅顏知已, 想我做佢sex fd, 去死啦! 放完復活假後就冇哂影, 有時同我say hi 後就突然off 9, 你而家好得閒咩? 我已send e-mail 鬧鬼佢, if 再係這樣, 我見佢on9一次, 就鬧佢一次, 咪以為我好蝦!!? (怒)

美國超模又返黎啦(^_^)

相信有人夜晚8:30睇明珠台的話, maybe會睇過美國超模(american next top model), 我個人就好鍾意睇, 但上一特輯影完後, 就影左粉紅救兵一排, 我又唔係太睇, so我多數打機.

今晚我姑姐打來, 話今晚有得睇, 我仲唔立刻熄機同開電視睇咩!今日係第一集, 多數都會由三十來自美國不同州的女仔奪取十三個入圍之位, 可能我比較黑心d, 想睇d人怎樣勾心鬥角, 用盡方法去奪取入圍之位. 最令人驚訝的係竟然有二個大碼model 入圍(即係比較肥d的女仔), 係之前從未試過, 真係好想一直睇埋落去, 睇下佢哋最後可唔可以打破model 一定瘦的定律, 成為新一代的model~~!!

無聊的星期六

今日下午12:00約左IPB在紅磡火車站等, 認識我的朋友都知我唔喜歡人遲到, so 我早左五分鐘去到, 等左十分鐘都唔見人, 但又冇佢電話號瑪, 咪再等多十五分鐘, 怎知都唔見他, 最後只好走了.

其實我平時好少單獨同男仔出街, 但在對話中都知佢不太差, 加上我又想探下佢, 這樣我咪去. 怎知道他唔來!? (激死我~~!!) 佢有我電話號瑪都唔打來, 仲要個女仔等你那麼耐, 真係冇責任感! 就算你不能來, 至少都打個電話來, 唔駛我成個傻婆在那裡等.

最後我坐kcr 到旺角行左一陣街, 但比ipb 激親, 都冇心機行, 最後只好返屋企打機聽歌算了>_<

玩得很夜呀! 差d冇車返屋企

今晚7:00約左veron, eva 同蕉在mk等, 又可以一同食飯, 傾計, 最重要係比我同蔡蔡在上海買的手信 to veron 和蕉, 想起都開心~~!!

大家都幾準時到, 但eva 遲左少少(因為佢要ot, 仲要在新蒲崗趕來, 就算啦~!), 在等eva 期間, 我同veron, 蕉講起星期六約ipb 一事, veron 都叫我小心d, 仲同我講日日都會睇我個blog, 多謝你~! 至於蕉就冇我blog 的網址, 我之後會e-mail 比你.

eva 終於到, 佢一開始同我哋講佢公司買左電腦, 放在佢枱上, 這樣佢咪以為係自己, 怎知係其他同事, 真係一場歡喜一場空!!(佢其實之前己同我在msn講左, 話佢電腦個mon好old, 但老闆都唔換), 好心部腦咪放係佢張枱..

之後就到左一間日本餐廳食飯, 我同veron 當然叫刺身飯, eva叫拉面, 蕉食泡菜飯, 在食完飯後veron 同eva 用nds 對打玩mario賽車, 見到佢哋個樣有d好笑, 但因為有好多人在餐廳外等位, 我便叫佢哋唔好玩, sorry呀!then 我哋行左一陣街, eva 和veron 睇中同一件衫, 最後veron 割愛比eva.行完街後便去左一間shop飲野, 好似係仙跡岩! 唔記得左, 是但啦, 之後又玩nds 對打, 直到大約12:00, 我阿爸打電話比我先知原來已經好夜! 最後veron 同我去坐小巴返屋企

但係mario 賽車真係好好玩, eva 快d買部nds 同我哋對打啦~~!!! (^_^)

星期六探IPB, 有D驚>_<

之前講到佢在大陸弄傷腳, 作為朋友的我應該去探佢一次, 同佢商量後, 決定在今個星期六見佢. 我哋約好正午12:00 約在poly u 等(其實佢係住宿舍), 之後可能食日本野. 但佢又話討厭行街~!! 真激死(>_< )唉, 都係個日先算..或者會睇戲, 但我總覺得我哋一男一女, 又唔係情侶, 好似怪怪地....., 又唔想比人誤會. so 我同ipb 這樣講, 原來佢之前都試過有女仔約佢睇戲( d女仔都幾主動!!)但我一定唔會主動約佢.

其實我都好少單獨同一個男仔出街, 因為佢哋多數唔喜歡行街(除左情侶外), 而且佢哋食野較快, 好難可以傾到計. 但同女仔去街就冇呢d問題, so 我較喜同女仔行街. 加上我從未見過佢真人, 我會好緊張....希望個日唔駛悶到同佢食完飯後走...

公司好鬼多野做, 痴線~~!!

今日在公司食完早餐後, 我姑姐(=我個阿head)即刻比d數我入(即係把客人公司之交易數據全部入去account 軟件內, 有成2-3間, 跟住我咪入數, 怎知道後來又有一間就快結業公司要做 audit, 仲有打員工報稅表, 真係忙死, 我一日只去得三次toliet, 真係冇陰公...

蔡蔡, eva, liz...sorry, 今日唔可以同你哋盡情傾計, 原諒我, 最多我哋下次出街盡情傾計, 至於工作就..之後會有好多好多, 未必可以好快完成所有, 但我會盡力做完, 仲有下個星期六起都要返工, 又冇ot 錢, 好慘~~!! 鬼叫自己係打工仔咩, 冇計.

對唔住呀~! 網友IPB

今日公司真係好多野做, 但我都唔會close 左msn, 方便d朋友隨時搵我! 怎料一早有個好耐冇見on 9的msn 朋友 -IPB 竟主動同我say hi (因為之前都係我主動同佢hi), 而家先介紹一下佢先:

咪又係普通男仔一個, 二十四歲. 但係學歷就一d都唔普通, 佢係英國讀完碩士, 而家讀緊博士, 仲話自己現在港大做助教! 我初時真係比佢學歷嚇一嚇, 當然啦, 我d朋友最多係讀完degree, 佢係最高學歷的一個. 不但如此, 同佢傾計仲要多用英文, 或者佢用簡體字(佢係來自大陸)

可能佢太過被動, 好少主動同我傾計, 一係話太忙冇辦法傾, 所以我開始想埋一邊, 以為佢討厭我, 唔再理我, so 我就在msn打 : 我覺得你無視我, 如果你唔同我傾就以後唔好傾, 之後仲delete 左佢.

但佢今日竟主動同我 say hi, 而且向我解釋佢之前返左大陸, 玩籃球時整傷隻腳, 近來先返香港, 仲要定期去醫院覆診. 我真的非常後悔同佢講那過份說話, 仲覺得自己衰在衝動同唔細心, 除左不停同佢道歉外, 還希望可以去探下佢(當係道歉又好, 關心朋友也好啦), 而家惟有希望佢快d好返~~!!

滿係nds話題

今日見到veron上msn, 而且在msn個名隔離打左句:沉迷nds中, 先知佢一早買左部白色nds, 加上好耐冇同佢傾計咪同佢傾, 當係傾下打機心得又好, 或者係好朋友傾又好, 是但啦~~!!

我一開始問佢係邊度可download nds 的game, 佢比左二個網址我(非常多謝), 後來先知佢同我一樣鐘意玩煮飯, 果然係同道中人, 但除左呢隻game外, 其他就唔同我一樣, 佢like 玩 mario, 考腦力的game, 對於較愚蠢的我就唔會玩後者(^_^;

之後又同eva傾計, 佢話見到有d朋友都有nds, 自己又想買, 可惜不太夠錢, 只好遲d買, so 而家先問我意見同價錢. 佢仲考慮緊買咩色, 想見我同veron 個部再決定.我希望佢可以快d買到啦, 可以對打麻~~!!

至於蔡蔡都想買, 但佢而家要買ticket同阿哥,細佬睇演唱會, so 而家未有錢買住同好少錢出街. 但唔緊要啦, 有錢先買. 不過先同你講sorry, 我先買左冇等你, (希望你唔好嬲^_^), 仲有我幫你哂左相啦, 下個星期見到liz 佢哋先比你

試玩nds 啦~~!!

琴日買左部NDS 後, 梗係勁玩啦! 入面已有好多隻game, 真係唔知玩邊隻, 只有一樣可惜的係冇RPG game..但都有d 二隻game 幾好玩

第一隻介紹的係隻煮飯 game, 有好多送要煮, 而且仲有分數 :
60 - 70 係銅牌, 80-99 係銀牌, 只有100分先係金牌, 對於唔認識煮飯的我當然係銅牌多..(真係醜怪, 之後惟有跟媽咪同姑姐學)

第二隻係應援, 一聽個名都知係幫人, 有三個男仔會為有需要的人打氣, 玩家就要為那三個男仔打節拍(有d似以前跳舞機), 令到有需要的人有個happy ending

玩左一陣就食左包櫻花味薯片, d味怪怪地, 似普通薯片多, 搵笨~~!!

今日係黑色星期五!?

吓!今日係黑色星期五, 仲要我聽收音機先知(因為我哋公司可聽收音機, D客來我哋公司先熄機).

其實我以前屋企真係在十三樓, 但也不覺特別邪, 直至五年前搬左去新屋深井先唔係, 因為新式樓宇冇十三同四字尾的層數麻, 至於舊屋就成為我弟同女友的屋企

我其實有d羨慕佢哋, 不但搵到另一半, 而且日日都過住sweet 的生活, 相比起連男友都冇的我, 真係好好多. 但我的份工好過佢, 我弟只是個普通廚師, 而我在會計師樓做會計文員, 可能呢d就係公平, 人人都有一樣好野. 而家只可做, 就係做好d呢份工, 至於姻緣就順其自然, 急都急唔黎.

另外, 我在放工後買左部粉紅色的NDS, 連埋套同NDS筆(另外買)都唔駛$1,600, 幾抵, 同時我又問PSP 價錢 -一部機連4GB 咭要二千幾!? oh no~~!! 太貴啦, 惟有下個月先買..

同屋企人去拜山

今日請左半日假去拜我爺同三叔山, 一個在將軍澳, 一個和合石, 真係差得太遠(^_^;), 但都冇所謂, 最重要係有考心去拜

一早去麥當勞食早餐, 勁正! 之後就去買雞, 燒肉, 生果去拜我阿爺先, 即係將軍澳先, 之後去拜三叔(和合石), 在途中我弟同佢女友講關於NDS 同PSP, 整到我都想立即買.其實我一早想買, 但因為之前要讀書就冇買, 費時分心, 但而家終於可以買!!

拜到十二時已拜完, 便由黃大仙地鐵站(順便去附近商場睇髮夾)然後坐車返旺角, 都已經係lunch time, 但我哋冇食野, 竟走去行花園街, 但最後都係冇買野, 當然啦! 要買NDS 同PSP麻~~!!我今日好想放工買, 但我姑姐話一日只可取一萬元現金(因為今日已比九千元家用阿媽), 天啊, 惟有聽日去拿錢買...

無端端比人搭訕

唉~! 唔知為什麼我由細都大都吸引變態佬 (大多數係壞男人), 激死!! 今次也唔例外

今日如常坐地鐵返工, 我只顧睇地鐵報紙, 咪坐多左一個站, 但我因為想慳返少少錢, 所以咪返去我原本返工個站, 怎料有個西裝友企在我隔離對我吹口哨, 我心想都係下個站就到, 所以冇理佢. 原本以為可以放下心頭大石, 怎知佢突然出現係我面前, 仲比左張咭片我, 然後講 : 美女, 放工之後打電話比我. 天啊, 我都唔識你, 做咩要打比你?係都打比我的熟朋友, 你當我係咩, 之後我即刻扔掉張咭返工

好鬼多地方去的第二日

撞鬼喔? 今朝6:45 morning call, 要一早起身, 仲衰過返工, 不過唔緊要, 最緊要好玩. 今日去的地方好多, 先去寒山寺, 絲綢廠, 古運河, 砂茶壺專賣店..哇, 真係好鬼死多地方去, 想行死人咩!? (講笑) 第一個去的地方係寒山寺, 距離我哋所住的酒店不太遠, 只有幾個字車程, 那處全係寺廟同花草樹木, 都幾大自然feel, 當地導遊向我哋講解寒山寺由來和歷史, 但我哋三人都不感興趣, 所以到處影相算了 第二處去的係絲綢廠, 在這處除了可睇絲綿被的製作過程外, 也有各個時裝展, 各個model 穿上所有用絲綢造的衣服, 都幾好睇, 不過那裡的衣服就...都係睇下算數, 我只買了個小童版的枕頭.

第三處係古運河, 係當地新景觀, 主要係坐船遊覽二旁景色, 睇下古代富有特色房子及建築物, 船中間有道門, 可供人影相. 而且船內有人推銷當地景色的postcard及其他物件, 甚至連vcd 都有, 有d得人驚!?

最後一站係砂茶壺專賣店, 只有門外及一樓可以影相, 二樓係介紹砂的開採過程同製作方式, 及各個出名製作家之作品, 其中有個製作家叫楊連(係女人, 不, 應該係阿婆), 佢有好多成名作, 其中有個作品叫"一片清心" 更打破一般茶壺的定律, 係冇壺嘴, 不過最值得我欣賞的係 -她更把賣出自己作品的百分之70捐去幫助貧困兒童.
去完這四個地方, 又係晚飯時候, 食完飯又再休息, 準備第三日的行程

上海之旅首日

今日終於到旅行呢日, 非常開心同緊張, 好在我爸一早車我同二個fd 去機場, 唔駛同人坐公共交通工具. 先由我屋企深井出發, 再到白田join 番我二個fd, 到達機場後, 我爸還幫我們推行李同搵導遊, 搵到導遊之後我爸就走, 我哋三個去買早餐同雜誌, 再到登機場度等, 怎料班機遲延幾個字先起飛 (激死人,人哋好鬼心急), 加上上機後有好多班機排隊等起飛, 比原定時間足足遲左一個鐘先起飛.

大約坐了一個多鐘頭機後, 終於到上海的新天地, 那處的建築物雖較古色古鄉, 但其實差唔多全條街都係酒吧, 而且仲好美, 可惜只是逗留不足三十分鐘就要去食飯, 可能各個地方的飲食習慣不同, 那裡的食物較多油, 同香港所追求的健康食法 (少油多菜) 完全不同, 對於初次來上海的我一定唔慣那裡的食物, 但總比冇得食的好, 食完晚飯後, 便返酒店休息, 準備第二天的旅程.

加人工! 同時也要反省啊!

今日如常工作, 怎料老闆一回到公司後, 便逐個staff召見入佢房, 我心想 : “死啦, 係咪我平時入錯數, 召我入房罵個夠本!?”, 沒多久, 老闆終於召我入去, 我入房後, 老闆第一句就問 : “你在這裡做左幾耐? 你覺得自己有進步嗎?” 我心想 : “死啦, 竟然這樣問我, 難道我真的做得太差?” 我便小心地答佢都有少少進步, 之後佢都認為係, 而且同我講會計這個行業幾好, 希望我努力做好d工作, 同時也話我有好多進步空間和有個勁好的阿head (佢真係毫不保留去教人), 但我冇心學, 所以進步不太多.

之後佢就同我講, 會加我人工(都有幾百元). 吓!? 我做得這樣差都加我人工, 那時, 我都有d 慚愧, “為什麼我在這年內不努力工作, 只顧玩msn, 上網, 其實我要學的東西還有好多…” 我在出老闆房後不停地想, 同時我也要定下目標, 希望我老闆同阿head 都知我在進步!!