旅行好多野準備呀~!

今日終於出完job返, 可以同蔡蔡玩msn (^_^), 成二日冇同佢傾計好鬼悶, 所以拿拿聲做完d野返. 唔講d開場白.

我哋傾下旅行要拿咩野去, 例如洗頭水, 沐浴露, 護髮素等, 雖然酒店都有, 但因為我哋唔鐘意用酒店的物品 , so就要另外拿去上海, 仲有唱人民幣, 同蔡蔡決定送d手信比邊個, 冇理由我哋二個都認識的fd 分開送, 好似好怪, 仲有未來上海天氣等等, 原本旅行勁多野準備, 難怪同屋企人去旅行時, 阿爸阿媽忙到死, 而家終於知原因, 希望今次我同朋友去旅行都準備充足

放工返屋企時在信和行左一陣, 睇下大塚愛隻新cd – 愛 am best 幾多錢, 嘩~~!! 成三百蚊, 拿我條命咩, 仲唔即刻放底左隻cd走咩, 只係買左本 vivi, 臨返屋企時, 我姑姐call 我 (佢今日出job, 去左大陸), 叫我同佢行街. 吓!? 本野好鬼重, 仲要行街, my god~~!! 但佢好少去荃灣, 這就算啦!

無聊閒談

我發覺最近我同蔡蔡買d衫都差唔多款, 只係顏色唔同, 而且仲個個星期去行街, 當然呢個星期也不例外, 所以今日我同佢msn 時談論呢個星期不如穿得差唔多, 比我哋另一個朋友驚喜 (希望唔係驚嚇多過喜), 我哋有二套衫差唔多一樣, 包括工人裙同連身裙 (連身裙仲要佢黑我白), 都傾左好耐穿咩, 但未有決定, 真係唔知講泥做咩.

但後來講講下就講左第二樣野, 就係一個人在毫不知情下用左假鈔會唔會犯法, 這當然要睇係咪有動機啦, 但佢公司個客居然唔知, 不是吧!? 這個都唔知? 咪嚇我! 這是 common sense ~!! 唉, 算啦, 原諒人啦, 自己都會有野唔識, 唔可以這樣話人..

漫畫閒談

星期日就最無聊, 係(屋企唔係聽歌, 打機, 就係睇漫畫, 今日就係睇我在星期六買的二本漫畫, 一本係蔡蔡介紹的漫畫 – 真島浩的 fairy tale, (即係聖石小子個作者), 講返呢本 fairy tale 先,佢都好多好笑野, 尤其係見返聖石小子內的普魯, 好正呀~~!! 我愛普魯, 佢好cute, 至於男主角就..我覺得樣衰, 女主角就ok, 全本漫畫都幾好睇.
另一本就係我睇開漫畫作者, 個本就麻麻, d內容咪離唔開愛情, 但d人畫得幾美. 至於個名就忘記了, sorry ~~!!

去旅行難買衫

今日同蔡蔡又去旺角 (又係!?唔悶咩), 同佢一起拿回鄉証去旅行, 但好在不用排長龍, 所以好快就可同佢行街買定去旅行的衫, 但想返起我阿爸話上海只有 8 –18 度!? 天啊, 香港都未試過8度啦, 怎去買衫呀? 加上香港賣的衫唔係短袖 tee, 迷你牛仔裙同褲, 就係夏天look 的連身裙, 怎會仲有冬天衫, 只好買d衫加外套.

我不嬲都會買d update 少少的衫, 加上而家興連身裙加上7分褲, 所以我一早鎖定目標, 買連身裙!!! 但有d裙太斯文, 跟本親唔到, 仲要心口有個大蝴蝶, oh my god ~~!!! 有d就碎花, 7老80咩? 所以都睇左好耐, 直到行去旺中時先見到一件連身裙 (佢心口有字, 下面係間條), 加上二本漫畫同二套bra, 可以話係大豐收, 後來我哋見行得累就各自返屋企

衰同事行開d啦!

我公司(係會計公司) 有一個同事, 佢都有四十幾歲, 但佢日日都學妹妹仔穿衣 (短牛仔褲, 短連身裙), 再加上佢日日濃妝, 至於個樣貌就..不願置評啦. 我想講的係, 本來衣著不足以令我恨佢, 我恨佢的是性格同態度.

佢學歷只有中五 (係好多年前), 之後再冇讀書, 但自持有多年工作經驗就自大起來. 當佢見到人哋入錯數時就會同個阿頭講: “都唔知人哋讀咩大學, 可以亂入數, 不如我都去個度讀”, 天啊, 你係有工作經驗, 但你自己有努力再進修嗎? 如果冇就唔好話人, 仲有讀書同工作唔同, 可能係人哋會計根基唔好, 但都唔可以這樣話人. 仲有其他事可見佢自以為是同自大的一面.

以前我有個 fd 又係叫 polly, 佢住係 tuen mun, 當個同事遲到時就同個阿頭講 : “公司開9:10 咩?” , 又係個句, 天啊, 人哋住得遠, 可能會塞車, 你呢? 你住紅磡, 但你都有遲, 為什麼你不先檢討自己先呢? 所以佢一直都冇直接同個同事講.

我有d朋友話用個blog 話公司同事壞話, 我起初都不認同, 但有d衰人自己也忍受不到, 用blog 寫佢d衰野或者係舒緩壓力的方法, 只要佢唔知我 blog 個網址咪得啦 ^_^

心情複雜的一天

雖然我在開頭講過唔講人壞話, 但今次例外. 我在第二間公司識左個fd -trix做埋星期五就走, 所以下午同佢食lunch, 係去飲茶, 佢先去搵位, 我, 姑姐同個同事遲d到. 到左茶樓坐下後, trix 就即刻講佢唔再在個間公司工作原因 : “我係個度做左都好多年, 但個老闆就對我極差, 就連我結婚的禮品同祝賀說話都冇” 佢飲左啖茶再道 : “仲有個新請返黎的同事, 只懂一味 show off 自己d英文有幾叻, 用d字唔係人人識, 但又怎樣? 都係冇工作能力” 佢講到呢度, 我都有所感嘆, 英文好係重要, 但我覺得工作能力更重要, 如果冇能力唔好話只加好少人工, 更加會被人 fired, 這咪仲衰! 食完後都係個句”遲d再約出黎食飯”完結

當我將放工時, 我其中個好友 veron (佢而家仲讀緊u, 常常都好忙) 在msn online, 一開始就同我講佢見過我like 個男仔, 仲話會同我去見佢. Thx, veron, 多謝你支持我的戀情, 又有一個fd 支持我啦, 好開心~~!! 我同佢傾左一個幾鐘, 最後成 7:20 到先從公司離開, 但都 happy, 因為好少同佢傾得耐!

禁斷的話題!?

哇~~!! 今朝一早如常msn, 怎料一開始有個男仔就問我關於一夜情的問題, 我當時嚇到呆左, 怎會有人一早同你講呢d野!? 可能我對性方面較保守, 所以我便答佢當然不可接受啦, 跟住佢又問我接唔接受sm, 天啊!你問我呢d做咩? 我只認識你二天, 就要人答佢呢d問題, 真受不了, 但交換意見就算啦, 我也答佢當然不能接受啦, 真的唔明白d人為什麼喜歡被人這樣做, 我覺得佢哋自己連自己都唔珍惜, 怎可期望他人愛你呢? 之後我也表示我對情侶的睇法, 雖然係二個人的事, 但在公眾場合的行為就唔好表現得太親密, 但都可拖手仔同kiss, 但性行為就…唔好la, 同時女仔都唔好同個bf去買內衣, 個男仔會唔好意思.

另外, 今日要去交埋去上海團費尾數, 我個fd 靜靜佢係做保險, 所以可用7折幫我同蔡蔡買旅遊保, 人人都可慳返$100, 好野! 靜靜, 多謝你(^_^)但睇下張單先….咩話!個茶會係3月26日的 3:15!? 不是吧? 星期一又怎可以去, 唯有算啦, 靜靜之前都去過一次上海, 只好靠佢啦! (汗)

上海之旅, let's go ~~!!!

之前同我有個fd –靜靜突然話復活節假去大陸旅行, 於是星期六咪同蔡蔡去睇小冊子, 本來想去雲南, 但因為太遲報名而有得去, 只可去上海. 但因為佢哋二個都好忙, so今日只有我一個去報名, 四月四日出發 (因為比四月五日出發貴成二千幾!?), 這麼遲報名都有位, lucky~~!! 報完名後, 就即刻話比蔡蔡同靜靜知, 可惜靜靜上緊course, 冇覆到我
報名後同一個好耐冇見的fd 去食晚飯, 剛好佢又去完上海返黎, 除左比相我睇外, 仲叫我千萬不要去東方明珠電視塔同名牌服裝店(lv一個袋都成萬元)都買野, 因為超貴~~!! 至於名牌在hk 都唔捨得買啦, 更唔會在上海買!! 多謝佢比意見我.
之後返到屋企, 阿媽幫我求左支簽, 仲要係下下簽, 至於我全家都比我仲好, my god ~~!!! 支簽類似話我要對人好d, 就唔會有敵人, 同埋工作上得個做字, 未必會有成就. 但我其實都唔係好信, 算啦, 我就認為人定勝天, 對嗎?

泥猛惡夢 >_<

我份人都好懶, 星期日唔願意周圍去, 所以多在屋企打機.
但我屋企人都鐘意同其他fd釣魚, 琴日(佢哋結婚二十多?周年)大豐收, 釣左7 –8 斤泥猛, 哇~! 怎食牙, 食得多會食死人的. Help ~~!! 我唔日日要泥猛粥, 果皮蒸泥猛呀~!!!

緊張!面對自己暗戀對象

最近我暗戀一個男仔, 佢係旺角某cd shop做sales. 佢有一把很長的金髮, 日日穿黑色衫同褲, 加上對黑色boot, 真係好型! 其實我已暗戀佢有三個星期, 但因為我怕醜冇同佢傾計, 只係日日放工去見佢, 同埋有一次走去偷影佢, 影完佢之後就即刻走左 (仲成塊面都好紅), 這時我先發覺自己已愛上了他, 但我估佢應該有女友, 自己冇謂做第三者.
剛好今日又同我好友蔡蔡, 嘉華, liz去旺角行街同食晚飯, 在晚飯時提及戀愛問題, 我就話鍾意個男仔件事給佢哋聽 (其實蔡蔡已從 msn知道, 但另外二個唔知)
之後liz 話利用幫我買mr. Children (日本幾紅樂隊) 的cd 為名去同個男仔傾計, 叫我丘係佢隔壁. 雖然個男仔也不知這個樂隊, 都好有禮貌pass 比另一個同事, 但另外個同事都唔知,以為係戲名, 於是我先講呢個係樂隊名, 但後來我就買左隻中島美嘉的 “yes” 走左
我之後心想, 我都有liz 這麼大膽同個男仔傾計就好了….

有自己一個blog, 好正~!

終於完成左自己個blog,好野~!都係全靠我個fd-蔡蔡,thx!個blog整左好耐先完成, 因為我部電腦用唔到個新blogger,加上自己又冇gmail,係佢用msn逐個step教我,如何開個gmail account,建立整個blog, 全部逐一教我(電腦白痴!?), 原本簡單step變得複雜,我真係"阿呆"(傻瓜)
為何會寫這個blog?可能係我個個fd都寫, 佢哋次次見面都會問:"你有冇blog?我哋想知道你天天發生的事,又可講公司d人是非!?" 吓?blog 寫人是非咩,不是吧? 但唔怕比你話個個人見到嗎? 我覺得同人分享自己的生活仲開心啦.
anyway,希望大家無論係好友,以前同學,甚至係唔認識的你哋,也支持下小女子的blog,thx~~!! (^_^)